AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
25
mayın 26-da onun barəsində 3 aylıq həbs qətimkan tədbiri seçib (2017-ci ilin
avqustunda bu müddət daha 2 aylıq uzadılıb).
Vəkil Bayramlının çantasında tapıldığı iddia edilən pulların və onların qablaşdırıldığı
bağlamaların üzərindən əl-barmaq izlərinin götürülməsi, onların kimə məxsus
olmasını müəyyənləşdirmək üçün ekspertizanın keçirilməsi ilə bağlı vəsatət qaldırıb.
Digər vəsatət mayın 25-də Bayramlının keçdiyi sərhəd-keçid məntəqəsində kamera
görüntülərinin alınması ilə əlaqədar olub. Həbs qərarı bu vəsatətlər təmin edilmədən
və işin obyektiv qiymətləndirilməsi üçün zəruri olan məqamlar araşdırılmadan verilib.
G.Bayramlı təcridxanaya köçürüldükdən sonra davamlı təzyiqlərə məruz
qalmaqdadır, səhhətində problemlərin yaranmasına baxmayaraq ona reseptləri və
dərmanları verilmir. Yaxınları ilə görüşü və telefon danışıqları məhdudlaşdırılıb.
15.
Fuad Əli oğlu
QƏHRƏMANLI
Sa
xlanma tarixi: 8 dekabr 2015-ci il
İttiham: CM-in 220.2
(hakimiyyət nümayəndəsinin qanuni tələblərinə fəal şəkildə
tabe olmamağa və kütləvi iğtişaşlara, habelə vətəndaşlara qarşı zorakılıq etməyə
çağırış etmə), 281.2
(hakimiyyətin zorla ələ keçirilməsinə, zorla saxlanılmasına və ya
ölkənin konstitusiya quruluşunun zorla dəyişdirilməsinə və ya ərazi bütövlüyünün
parçalanmasına yönələn açıq çağırışlar etmə, habelə bu cür məzmunlu materialları
yayma) və 283.2.1-ci
(milli, irqi, sosial və ya dini nifrət və düşmənçiliyin salınmasına,
milli ləyaqətin alçaldılmasına, habelə milli, irqi və ya dini mənsubiyyətindən asılı
olaraq vətəndaşların hüquqlarının məhdudlaşdırılmasına və ya üstünlüklərinin
müəyyən edilməsinə yönələn hərəkətlər, zor tətbiq etməklə və ya zor tətbiq etmə
hədəsi ilə törədildikdə) maddələri
Saxlanıldığı yer: 10 saylı
Cəzaçəkmə Müəssisəsi
İş üzrə qısa arayış:
Fuad Qəhrəmanlı hakimiyyəti və onun apardığı siyasəti kəskin
tənqid edən Azərbaycan Xalq Cəbhəsi Partiyası (AXCP) Sədrinin müavinidir. Uzun
müddətdir siyasətlə məşğul olur, bir sıra etiraz aksiyalarının təşkilatçısı olub,
razılaşdırılmamış, lakin dinc etiraz aksiyalarında dəfələrlə inzibati qaydada saxlanılıb,
fiziki təzyiqlərə məruz qalıb. Mətbuatda və sosial şəbəkələrdə davamlı tənqidi
yazılarla çıxış edib.
2015-ci il noyabrın 26-da Bakının Nardaran qəsəbəsində dindar fəal Tale Bağırzadə
və tərəfdarları ilə polis arasında ikisi polis, beşi sakin olmaqla 7 nəfərin ölümü ilə
nəticələnən münaqişə baş verir. Nəticədə T.Bağırzadə də daxil olmaqla onlarla dindar
fəal həbs edilib və onlara qarşı çoxsayda ağır maddələr üzrə ittihamlar irəli sürülüb.
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
26
F.Qəhrəmanlı bu hadisələrlə bağlı Facebook-da statuslar yazaraq fikirklərini bölüşüb.
Tutulan dindarların, əslində, təqsirsiz olduğunu, onların hakimiyyətin
siyasətini tənqid
etdikləri üçün saxlandıqlarını və dindar kəsimə xitabən Nardaran qəsəbəsində baş
verən hadisələrə reaksiya verilmədiyini, T.Bağırzadənin meydanda tək qoyulduğunu
vurğulayıb.
Bu cür yazılarından sonra həm F.Qəhrəmanlıya, həm də təmsil etdiyi partiyaya qarşı
“cinayətkarlara dəstək verirlər” tezisi ilə hakimiyyətyönlü mətbuat orqanlarında
qarayaxma kampaniyası başlanıb.
F.Qəhrəmanlı bu hadisələrlə bağlı istintaqı aparan Baş Prokurorluğun Ağır
Cinayətlərə dair İşlər üzrə İstintaq İdarəsinə Nardaran hadisələrindən 10 gün sonra
telefon vasitəsilə dəvət edilib. O, hansı statusla istintaqa çağırıldığını və rəsmi
bildirişin olub-olmamasını soruşub, lakin suallarına cavab ala bilmədiyindən istintaqa
getməyib. Bundan az sonra uşaqlarını məktəbdən evə gətirərkən polis əməkdaşları
F.Qəhrəmanlını yaşadığı həyətdə saxlayaraq məcburi şəkildə İstintaq İdarəsinə
aparıblar.
F.Qəhrəmanlıya qarşı rəsmi olaraq Facebook səhifəsində yazdığı
fikirlərə görə ittiham
irəli sürülüb və onun barəsində həbs qətimkan tədbiri seçilib. Məhkəmədə olduğu
zaman onun evində axtarış aparılıb və axtarış nəticəsində kompüteri götürülüb.
Həbsindən 5 ay sonra - 2016-cı ilin mayında ona daha bir maddə, CM-in 220.2-ci
maddəsi üzrə ittiham irəli sürülüb.
F.Qəhrəmanlının Nardaran hadisələri ilə bağlı yazdığı statusları analiz edərkən
asanlıqla görmək mümkündür ki, bu qeydlər onun siyasi yanaşmasını əks etdirir, ona
qarşı irəli sürülmüş ittihamların tərkibini yarada biləcək fikirlər söyləməyib,
qeydlərdə zorakılığa və ya ayrı-seçkiliyə açıq çağırışlar yoxdur.
F.Qəhrəmanlı Bakı Ağır Cinayətlər Məhkəməsinin (sədrlik edən hakim Əlövsət
Abbasov) 25 yanvar 2017-ci il tarixli hökmü ilə 10 il müddətinə azadlqıdan məhrum
edilib. Bakı Apellyasiya Məhkəməsi (sədrlik edən hakim Əmir Bayramov) bu
hökmü 20 iyul 2017-ci il tarixli qərarı ilə dəyişdirmədən qüvvədə saxlayıb.
Amnesty International Fuad Qəhrəmanlını vicdan məhbusu kimi tanıyıb
25
.
25
http://bit.ly/29JyV26