Qırmızı Əmək Bayrağı ordeni və ZSFSR Qırmızı Əmək Bayrağı
ordeni və s. mükafatlandırılmışdır.
D.Bünyadzadə repressiyaya məruz qalmış və 1938-ci ildə
həbs edilib güllələnmişdir.
* * *
- Azərbaycan Kommunist Partiyası tarixinin oçerkləri.
C.1. Bakı, 1986.
- «Azərbaycan gəncləri» qəz., №42, 1968, 9 aprel.
- Azərbaycan Respublikası Siyasi Partiyalar və İctimai
Hərəkatlar Dövlət Arxivi, f.1, siy.74, iş 239; siy.122, iş 139a;
siy.85, iş 785.
- Azərbaycanda Sovet hakimiyyəti uğrunda fəal
mübarizlər. Bakı, 1958.
- Azərbaycan Sovet Ensiklopediyası. C.II. Bakı, 1978.
- Borğba za pobedu Sovetskoy vlasti v Azerbaydjane
1918-1920. Dokumentı i materialı. Baku, 1967.
- İbrahimov Z. V.İ.Lenin və Azərbaycanda sosialist in-
qilabının qələbəsi. Bakı, 1970.
- Rezolöüii i postanovleniə scezdov Sovetov Azerbaydjan-
skoy SSR (1921-1937 qq.). Baku, 1961.
59
MİRCƏFƏR ABBAS OĞLU BAĞIROV
oktyabr 1932 – dekabr 1933
aprel-iyul 1953
Mircəfər Abbas oğlu Bağırov 1896-cı
il sentyabrın 17-də Quba şəhərində
zəhmətkeş ailədə anadan olmuşdur.
İlk təhsilini mollaxanada almış
Mircəfər 1907-ci ildə Quba şəhərindəki
ibtidai məktəbə daxil olur. Məktəbi
müvəffəqiyyətlə bitirən Mircəfər təhsilini
Quba Ali ibtidai məktəbində davam etdirir.
1913-cü ildə məktəbi bitirib Petrovski (Ma-
haçqala) şəhərinə gedərək Petrovsk 2 illik pedaqoji kursuna
daxil olmuşdur. 1915-ci ildə kursu bitirən M.Bağırov əmək
fəaliyyətinə gənc müəllim kimi Xudat stansiyasında başlamışdır.
1915-1917-ci illərdə M.Bağırov Nəcəfkənd, Quba şəhər
məktəblərində müəllimlik etmiş və məktəbə uşaqların cəlb
olunması, böyüklər üçün axşam kursunun açılması və savad-
sızlığın ləğvi sahəsində xeyli iş görmüşdür. O, müəllimliklə
yanaşı zəhmətkeşlər arasında fəal maarifçilik və çarizm əleyhinə
gizli inqilabi təbliğat işi aparırdı. Kəndlilərə və onların övlad-
larına savad öyrətməklə, azərbaycanlı qızları məktəbə cəlb
etməklə yanaşı, kəndlilərə yoxsulluqlarının və hüquqsuzlu-
qlarının səbəbini izah edir, onları zülmkarlara və istismarçılara
qarşı mübarizə aparmağa çağırırdı.
1917-ci il Fevral inqilabı dövründə M.Bağırov açıq və
gərgin inqilabi fəaliyyətə başlamış, Qubada əsgər və kəndli
deputatları sovetinin yaradılması, fəhlə və kəndli ittifaqının
möhkəmlənməsi, xan və bəy torpaqlarının yoxsul kəndlər tərə-
findən zəbt olunması uğrunda mübarizə aparmışdır.
M.Bağırovun və b. inqilabçıların rəhbərliyi altında
əksəriyyəti yoxsul kəndlilərdən və əsgərlərdən ibarət olan İn-
qilabi Şura Qubada hakimiyyəti ələ alır, döyüş drujinası yaradır
60
və mülkədar mülklərini ələ keçirir. Qubada İnqilab Komitəsinin
hakimiyyəti elan edilir və Quba qəza İcraiyyə Komitəsi
yaradılır. M.Bağırov İcraiyyə Komitəsinin sədr müavini seçilir.
1918-ci ilin mart-may aylarında M.Bağırovun və b. in-
qilabçıların Quba qəzasında fəhlə, kəndli və əsgər sovetləri
yaratmaq, milli qırğının qarşısını almaq uğrunda apardıqları
mübarizəyə baxmayaraq fəaliyyətləri uğursuz olur. M.Bağırov
gizli fəaliyyətə keçir. Sonra isə gizli yolla Bakıya gəlir. O, ilk
gündən döyüş drujinasının tərkibinə daxil olur və Bakının
müdafiəsində iştirak edir. Bakıda sovet hakimiyyət 1918-ci ildə
yıxıldı. M.Bağırov bu zaman Petrovun dəstəsinin qalıqları ilə
birlikdə Həştərxana gedir.
1918-1920-ci illərdə M.Bağırov Həştərxanda dəmir
polkun partiya kollektivinin katibi, Birinci müsəlman polkunun
hərbi komissarı, XI Ordunun Hərbi İnqilab Şurasının mühüm
tapşırıqlarını yerinə yetirən işçi, xüsusi təyinatlı dəstənin hərbi
komissarı, Qafqazda sovet hakimiyyəti qurulması üzrə Qafqaz
bürosunun əməkdaşı, Qafqaz korpusu hərbi inqilabi şurasının
müvəkkili vəzifələrində çalışmışdır. Onun başçılıq etdiyi dəstə
Həştərxanda əksinqilabi mart qiyamının yatırılmasında, Ural,
Voronej, Volqaqrad ətrafında ağ qvardiyaçılara qarşı
döyüşlərdə, Cənubi Dağıstanın və Quba qəzasının əksinqilabi
qüvvələrinin təmizlənməsində vuruşmuş, özünü bacarıqlı bir
komandir və zəhmətkeşlərin azadlığı uğrunda mübariz bir əsgər
kimi göstərmişdir. M.Bağırov göstərdiyi igidlik və mərdliyə
görə 1920-ci ilin əvvəllərində RSFSR MİK tərəfindən Qırmızı
bayraq ordeni ilə mükafatlandırılmışdır.
Azərbaycanda sovet hakimiyyəti qurulduqdan sonra
M.Bağırov Azərbaycan Müvəqqəti İnqilab Komitəsi tərəfindən
Dağlıq Qarabağa göndərilir. O, Dağlıq Qarabağ vilayət inqilab
komitəsi sədrinin müavini və XI ordunun Hərbi inqilabi şurası-
nın müvəkkili kimi fəaliyyət göstərmiş və burada Azərbaycan
ordusu hissələrinin tərkibində, Qarabağ qiyamının yatırıl-
61
masında, erməni-daşnak və əksinqilabi qüvvələrin darmadağın
olunmasında xeyli əmək sərf etmişdir.
1920-1921-ci illərdə XI ordunun Hərbi İnqilabi Şurasının
sərəncamında olan M.Bağırov II briqadanın komandiri, I atıcı
diviziyanın hərbi tribunalının, XI ordu Hərbi tribunalının səyyar
sessiyasının sədri, Azərbaycan diviziyasının hərbi komissarı
vəzifələrində çalışmışdır. O, bu məsul hərbi vəzifələrdə
Azərbaycan ordusunun yaradılmasında, onlara azərbaycanlıların
cəlb edilməsində,
əsgərlərin nizam-intizamının
möhkəmləndirilməsində, yeni silahlarla silahlanmalarında,
döyüş qabiliyyətinin yüksəldilməsində xeyli iş görmüşdür.
1921-ci il fevralın 25-də Azərbaycan Kommunist Partiyası
Mərkəzi Komitəsi siyasi bürosunun iclasında iştirak edən
M.Bağırova Azərbaycanda ali idarəedici orqan olacaq
Azərbaycan Fövqəladə Komissiyasının (AzFK-AzÇK) təşkil
edilməsi tapşırılır. O, martın 28-də siyasi büroda AzFK-AzÇK
haqqında çıxış edir və aprelin 2-də isə əlavələrlə məruzə edir. O,
bu çıxış və məruzəsində Azərbaycanda Fövqəladə Komissiyanın
– AzÇK-nın yaranmasının əhəmiyyəti, təşkili və quruluşu
haqqında məlumat verir. M.Bağırov 1921-ci il aprelin 2-də
AzFK sədri təsdiq edilir. Bu qərar 1921-ci il mayın 6-19-da
keçirilmiş I Ümumazərbaycan sovetlər qurultayı tərəfindən
bəyənilmiş və M.Bağırov N.Nərimanov başda olmaqla təşkil
edilmiş Azərbaycan SSR Xalq Komissarları Sovetinin tərkibinə
seçilmişdir. O, bu vəzifədə 1927-ci ilin sentyabrın ortalarına
kimi çalışmışdır. Bağırov eyni zamanda bu illərdə AzFK sədri
olmaqla yanaşı, Azərbaycan Xalq Daxili İşlər Komissarı və
Azərbaycan SSR XKS sədrinin müavini vəzifələrini də daşımış-
dır. N.Nərimanovun təklifi ilə M.Bağırov RK(b)RMK siyasi
bürosunun 1921-ci il oktyabrın 15-də keçirilən iclasında Qaf-
büronun tərkibinə tövsiyə edilmişdir. M.Bağırov ağır və çətin
olan bu vəzifələrdə ilk gündən antisovet qüvvələrə qarşı amansız
mübarizə aparmış, üsyanları qəddarlıqla yatırmış, Azərbaycanda
kəşfiyyat işinin təşkilində və möhkəmlənməsində, bu sistemə
azərbaycanlıların cəlbi sahəsində xeyli iş görmüşdür. M.Bağırov
62
Dostları ilə paylaş: |