Азярбайъан республикасы дахили ишляр назирлийи

Tərbiyəvi-ideoloji (mənəvi-psixoloji təminat) işin təşkili və həyata keçirilməsi zamanı aşağıda qeyd olunan məsələlər mütləq nəzərə alınmalıdır:
- mənəvi-psixoloji təminatın əməliyyat-xidməti vəzifələrin uğurla yerinə yetirilməsinə təsiri;
- şəxsi heyətin mənəvi-psixoloji durumunun, xidməti intizama və qanunçuluğa riayət edilməsinin, xidməti kollektivdə sosial-psixoloji mühitin vəziyyəti;
- mənəvi-psixoloji təminat tədbirlərinə dair planların icrasının keyfiyyəti;
- rəhbər heyətin mənəvi-psixoloji təminat tədbirlərində iştirakının, habelə metodiki və peşə hazırlığının səviyyəsi;
DİO-da həyata keçirilən tərbiyəvi-ideoloji işin həyata keçirilməsində əsas məqsəd:

• 
  əməkdaşlarda vətəninə - Azərbaycan Respublikasına, Andına, peşə borcuna sadiqliyin formalaşdırılmasına;
  
• 
  əməkdaşların Azərbaycan Respublikası Konstitutsiyasının, qanunlarının, Azərbaycan Respublikası Prezidentinin fərman və sərəncamlarının, DİN-in normativ-hüquqi aktlarının, Etik Davranış Kodeksinin norma və tələblərinin dönməz icrası ruhunda tərbiyə edilməsinə;
  
• 
  əməkdaşların əməliyyat-xidməti vəzifələri effektiv yerinə yetirilməsi, o cümlədən insan və vətəndaş hüquq və azadlıqlarına, xidməti intizam qaydalarına, qanunçuluğa və peşə etikasına ciddi riayət etməsi əsasında əhalinin daxili işlər orqanlarına inamının davamlı şəkildə möhkəmləndirilməsinə və polisin nüfuzunun yüksəldilməsinə;
  
• 
  əməkdaşlarda vətənpərvərlik, vətəndaşlıq, peşəkarlıq kimi kompleks mənəvi-psixoloji keyfiyyətlərin, yüksək hüquqi təfəkkürünün, davranış mədəniyyətinin formalaşmasına və inkişaf etdirilməsinə;
  
• 
  xidməti kollektivlərdə yüksək bilik və həmrəylik səviyyəsinin, əməkdaşların mənəvi-psixoloji cəhətdən insanların həyatını, sağlamlığını, hüquq və azadlıqlarını, dövlətin, cəmiyyətin, fiziki və hüquqi şəxslərin qanuni manafelərini və mülkiyyətini hüquqazidd əməllərdən qorumağa tam hazır olmalarının təmin edilməsinə;
  
• 
  əməkdaşlarda xüsusi bilikləri, bacarıq və təcrübəni artırmağa, peşə ustalığını, o cümlədən tabel silahı, xüsusi texniki və vasitələrlə davranma və düzgün tətbiq etmə bacarığını təkmilləşdirməyə marağın formalaşdırılmasına ;
  
• 
  əməkdaşlarda xidmət zamanı və xidmətdənkənar vaxtlarda vətəndaşlar ilə peşəkarlıq baxımından savadlı ünsiyyət qurmaq bacarığının və praktiki vərdişlərin inkişaf etdirilməsinə.