42
H
ÜCEYRƏSİZ ORQANİZMLƏR. VİRUSLAR
Viruslar (lat. “
virus” – zəhər) kiçik ölçülərə malik hüceyrəsiz həyat formalarıdır.
Onlar irsi məlumatları daşıyan
irsi materialdan (DNT vә ya RNT) və
qoruyucu zülal
örtükdәn –
kapsiddәn təşkil olunmuşlar. Viruslar üzvi maddə
yaradan xüsusi struk-
tura malik deyil. Bu səbəbdən çoxalmaq üçün sahibin hüceyrə resurslarından istifadə
edir. Virusun əsas xüsusiyyəti yalnız canlı orqanizmlərin hüceyrələrində çoxala
bilməsidir. Onların çoxalması hüceyrənin məhvi ilə nəticələnir. Hüceyrəyə düşmüş
virusun irsi materialı sahib orqanizmin irsi materialına daxil olaraq onu dəyişir. Canlı
orqanizmlər bir neçə virus növləri ilə yoluxa bilər.
İnsanın virus xәstәliklәri ilә yoluxma yolları. Viruslar insanda müxtəlif xəstə-
liklər əmələ gətirirlər. Onlar bir neçə yolla sahib orqanizminin bədəninə düşə bilir.
Bu yollardan biri virusların çirklənmiş qida vasitəsi ilə sahib orqanizminə düşmə-
sidir. Məsələn, hepatit A virusu bu yolla orqanizmə daxil olur. Virusların bir qismi
qanla, steril olmayan tibbi alətlərlə, anadan plasenta vasitəsilə dölə keçir.
10
–
Hansı virus xəstəliklərini tanıyırsınız?
–
İnsan virus xəstəliklərinə necə yoluxa bilər?
Fәaliyyәt
– Hansı əlamətlərinə görə viruslar canlı hesab olunur?
Bakteriya və yosun hüceyrələrinin
quruluşunu
tütün mozaikası virusunun
quruluşu ilə
müqayisə edin. Onlarda rast gəlinən strukturları “
+
” işarəsi ilə qeyd edin.
Strukturlar
Bakteriya
hüceyrəsi
Yosun
hüceyrəsi
Tütün mozaikası
virusu
Hüceyrə qılafı
Sitoplazma
Nüvə
İrsi material (DNT və ya RNT)
Qamçılar
Xromatofor
Bakteriya
hüceyrəsi
Yosun hüceyrəsi
Tütün mozaikası virusu
LAYİHƏ
ı
43
• II fəsil •
Hüceyrə canlının quruluş və inkişaf vahididir
•
Hepatit B, quduzluq, immunçatışmazlığı və s.
viruslar qan vasitəsilə bir insandan digərinə keçir.
Bir çox viruslar insanın tənəffüs yollarına
nəfəs aldığı havadan, bəzən isə xəstə insanın
tənəffüsü zamanı hava-damcı yolu ilə keçir. Belə
viruslar uzaq məsafələrə aparılaraq epidemiyalar
yarada bildiyi üçün təhlükəli hesab olunur. Bu
yolla qrip, çiçək və s. xəstəliklər keçə bilir.
Qrip xəstəliyinin törədicisi
qrip virusudur. Bu
virus, əsasən, tənəffüs yollarını zədələyir. Xəstəlik
xəstə insanın tənəffüsü zamanı hava-damcı yolu ilə
digər insanlara kecir. İnsan hava-damcı yolu ilə
həm də
çiçәk virusu ilə yoluxur. Çiçəklə yoluxma
zamanı əvvəl tənəffüs yolları, sonra dəri zədələnir.
Qızılca xәstәliyi damcı infeksiyasıdır. Bu xəstəliyi törədən virusla yoluxma za-
manı insanda əvvəl ağız boşluğundan bronxlara qədər bütün tənəffüs yolları, daha
sonra dəri və bağırsağın zədələnməsi müşahidə edilir.
Uşaqlarda
poliomielit (
uşaq iflici) adlanan virus xəstəliyinə daha tez-tez rast
gəlinir. Poliomielit zamanı udlaq və bağırsaq, bəzən onurğanın hərəki neyronları
zədələnir. Poliomielit hava-damcı yolu ilə su və ərzaq məhsullarıyla, çirklənmiş
əşyalarla, xəstə insanın nəcisindən milçəklər vasitəsilə digər insana keçə bilir.
Viruslar insandan başqa, bakteriyalarda, göbələklərdə, bitkilərdə, heyvanlarda da
xəstəlik törədirlər.
–
İnsan özünü virus xəstəliklərindən necə qoruya bilər?
Müzakirә üçün
Virus xəstəliklərinin profilaktikası
Vaksinləşdirmə.
Bu zaman bir virusdan digərlərinə qarşı
mübarizədə
istifadə edilir. 1885-ci ildə fransız alimi Lui Paster quduzluq virusuna qarşı
vaksin kəşf etdi. Bu virusu orqanizmə daxil etdikdə xəstəlik törətmir, lakin
xəstəliktörədən virusa qarşı fəal immunitet yaradır.
Kimyəvi terapiya.
Bu üsul kimyəvi preparatların viruslara təsirinə əsas-
lanır. Çətinlik ondadır ki, viruslar hüceyrə daxilində onun strukturlarından
istifadə edərək çoxalır və virusa bu üsulla təsir etdikdə hüceyrədə də
maddələr mübadiləsi pozulur.
İnterferon.
Hüceyrə tərəfindən virusun təsirinə qarşı sintez olunan qoru-
yucu zülaldır. Bu zülal hüceyrəyə daxil olan virusun çoxalmasının qar-
şısını alır. Müşahidələr göstərir ki, orqanizmdə interferon nə qədər az
əmələ gələrsə, virus xəstəliyi də bir o qədər ağır keçər.
Hepatit
virusu
•
virus
•
poliomielit
•
hepatit
A ç a r s ö z l ә r
LAYİHƏ
44
1. Uyğunluğu müәyyәn edin:
Yoluxma yolları
Xәstәlik
A. Çirklәnmiş qida ilә
B. Qan vasitәsi ilә
C. Hava-damcı yolu ilә
1. hepatit A
2. hepatit B
3. immunçatışmazlığı
4. qrip
5. çiçək
2. Bakteriya vә virusları müqayisә edin. Hәr bir ifadәnin bakteriyalara, viruslara vә ya
hәr ikisinә uyğun olmasını müәyyәn edin. Cavabları cәdvәldә yazın.
1. İnfeksion xəstəliklər
və epidemiyalar
törədirlər.
2. Hüceyrəsiz həyat formasıdır.
3. Bəziləri avtotrofdur.
4. Qamçıların köməyi ilə hərəkət edirlər.
5. Hüceyrə daxilində çoxalırlar.
6. Nuklein turşularında genetik
məlumatları saxlayırlar.
7. Hüceyrə divarına malikdirlər.
8. Zülal örtüklə örtülür.
9. Sahibin irsi materialına qoşula bilir.
10. Formalaşmış nüvəsi olmur.
11. Bölünmə yolu ilə çoxalır.
3. Әlavә mәnbәlәrdәn istifadә edәrәk virus xәstәliklәri barәdә mәlumat hazırlayın.
Mәlumatları cәdvәldә qeyd edin:
İnsan xəstəlikləri
Heyvan xəstəlikləri
Bitki xəstəlikləri
4. Suallara cavab verin:
Bəzi viruslar insan orqanizminə bədənin selikli qişası ilə daxil olur. Buna əsaslanaraq
virusların insan orqanizminə gözlərin selikli qişası ilə
daxil ola bilməsini demək
olarmı?
Kompüterlərin normal işini pozan zərərli proqramları nəyə görə “virus” adlandırırlar?
Yalnız
viruslara
aiddir
Yalnız
bakteriyalara
aiddir
Hər iki
qrupa aiddir
ÖYRƏNDİKLƏRİNİZİ TƏTBİQ EDİN VƏ YOXLAYIN
LAYİHƏ