229
məhkəmə sisteminə ümumi və apellyasiya məhkəmələri ilə
yanaşı ixtisaslaşdırılmış məhkəmələr də daxildir.
385
Adətən, məhkəmələr yalnız qanunda müəyyənləşdirilən bü-
tün inzibati instansiyalardan keçmiş işləri icraata qəbul edirlər.
Yalnız, inzibati orqanın açıq-aşkar öz səlahiyyətlərini aşaraq
fəaliyyət göstərdiyi hallarda iş bütün inzibati instansiyalardan
keçməmiş olsa da, icraata qəbul edilir. Ölkədə ilkin inzibati
yurisdiksiya doktrinası qüvvədədir. Bu doktrinaya görə inzibati
orqan öz fəaliyyət dairəsinə aid olan məsələlərə dair çıxarılan
qərarların düzgünlüyünün yoxlanılmasında məhkəməyə nisbə-
tən üstünlük hüququna malikdir. Qeyd edək ki, hələ 1922-ci ildə
Ali Məhkəmənin baxdığı iş (Great Nothera Ry. v. Merchants
Elevator Co.) üzrə çıxardığı qərarla mübahisənin birbaşa
məhkəmə baxışına verilməsinin məqsədəuyğun olmadığı müəy-
yən olunmuşdu. Müstəsna olaraq, hüquqa aid məsələlər üzrə
ilkin yurisdiksiya hüququ məhkəmələrə məxsusdur. Yəni,
inzibati orqanların hüquq normasını düzgün tətbiq edib-etmə-
diklərini məhkəmələr müəyyənləşdirirlər.
İnzibati məhkəməyə yalnız mübahisələndirilən inzibati
hərəkətin nəticəsində bilavasitə marağı olan şəxslər müraciət
edə bilərlər. Məhkəmə baxışının obyektini ilk növbədə, norma-
tiv və ya fərdi aktlarda ifadə olunan inzibati hərəkətlər, həm-
çinin, kütləvi informasiya vasitələri üçün məlumatlar, konsul-
tativ qərarlar, müəssisədaxili direktivlər və s. kimi çoxsaylı
inzibati aktlar təşkil edir.
XX əsrin birinci yarısından fəaliyyətə başlayan inzibati
tribunallara vergi məhkəməsi, pretenziya məhkəməsi və digər
385
Шумилов М.В. Правовая система США. М.: Международные отношения,
2006, c. 90
230
kvaziməhkəmə səlahiyyətlərinə malik qurumlar aiddir.
Tribunallarda işlərə aşkarlıq şəraitində, şifahi formada baxılır. İş
üzrə çıxarılan qərardan narazı qalan tərəf konkret inzibati
qurumun sistemində fəaliyyət göstərən apellyasiya müəsissə-
sinə, sonra isə ümumi məhkəməyə müraciət edə bilər.
Qeyd edək ki, anqlo-sakson modelinə malik ölkələrdə
inzibati mübahisələrə həm kvaziməhkəmə inzibati təsisatları,
həm də ümumi yurisdiksiya məhkəmələri baxa bilər. Lakin,
ölkədə kvaziməhkəmə səlahiyyətlərinə malik olan inzibati
tribunalların fəaliyyət göstərməsi özlüyündə heç nəyi dəyişmir.
İnzibati tribunallar məhkəmə hakimiyyətinin müstəqil qolunu
təşkil etmir, sadəcə ümumi məhkəmələr arasında mövcud olan
ixtisaslaşdırılmış məhkəmələr qismində çıxış edirlər. Bu
tribunalların yuxarı instansiya məhkəməsi olmadığı üçün onların
çıxardıqları qərarlardan verilən şikayətlərə ümumi məhkəmə
sisteminə aid olan yuxarı məhkəmələr baxırlar
386
. Kvaziməh-
kəmələrin inzibati hakimləri dövlət qulluqçusu hesab olunur və
yüksək statusa malik olurlar. ABŞ-da inzibati təsisatlar kvazi-
məhkəmə funksiyası ilə yanaşı, kvaziqanunvericilik funksi-
yalarına da malikdirlər. Onlar ədalət mühakiməsi funksiyasını
həyata keçirməklə yanaşı, prosessual qaydalar da müəyyənləş-
dirirlər.
ABŞ-da inzibati ədliyyə sisteminə aşağıdakı orqanlar və
vəzifəli şəxslər daxildirlər:
- tabeçiliyində olan orqanlarda yaranan mübahisələrə baxan
icra hakimiyyəti orqanlarının rəhbərləri;
386
De Smith S.A., Brazier R. Constitutional and administrative Law. VI edition.
London: Penguin Books, 1989, p. 535, 541
231
- müxtəlif mübahisələrə baxan icra hakimiyyəti orqan-
larının struktur bölmələri qismində çıxış edən ixtisaslaşdırılmış
komissiyalar;
- icra hakimiyyətinin strukturunda yaradılan ixtisaslaş-
dırılmış inzibati ədliyyə orqanları;
- inzibati ədliyyə funksiyalarını həyata keçirən məhkəmə
orqanları (məsələn, federal vergi məhkəməsi, beynəlxalq ticarət
məsələləri üzrə federal məhkəmə və s.)
Beləliklə, anqlo-sakson modelinin fəaliyyət göstərdiyi
ABŞ-da da ixtisaslaşdırılmış inzibati məhkəmələr tərəfindən
həyata keçirilən, vahid prosessual qaydalarla tənzimlənən xüsusi
inzibati məhkəmə icraatı mövcud deyildir. Bununla yanaşı,
idarəetmə orqanlarından təcrid olunmuş şəkildə fəaliyyət
göstərən və prioritet təşkil edən ümumi məhkəmələrdən başqa,
patent məhkəmələri, vergi məhkəmələri və inzibati hakimlər də
idarəetmə sahəsində yaranan mübahisələrə baxırlar. İnzibati
ədliyyənin ixtisaslaşdırılmış orqanlarının formalaşdırılması
qaydası çoxsaylı normativ aktlarla müəyyən olunur.
Ölkədə mövcud inzibati məhkəmə icraatı modelini təhlil
etdikdə belə qənaətə gəlmək olur ki, inzibati orqanların səlahiy-
yətlərinin kifayət qədər genişliyi onların mühakimə funksiyasına
nəinki təsir etməsinə, hətta bu funksiyanı da öz əllərində
saxlamasına səbəb olmuşdur. Həm icra hakimiyyəti orqanlarının
rəhbərlərinin, həm də həmin orqanların tərkib hissələri qismində
çıxış edən ixtisaslaşdırılmış komissiyaların inzibati ədliyyə
sisteminə daxil olması burada inzibati rejimin təzahürü kimi
çıxış edir. M.S.Aslanov haqlı olaraq qeyd edir ki, həm ingilis,
həm amerikan hüququnda inzibati ədliyyə orqanlarının fəa-
liyyəti öz xarakteri baxımından ədalət mühakiməsi deyil,
Dostları ilə paylaş: |