32
Çayda maksimal sərflər yüksək dağlıq zonalarında qar əriməsindən və intensiv yaz-yay
yağışlarından sonra formalaşır.
Kü
r çayının sağ qollarından Ağstafaçayın orta çoxillik sərfi -8,54; Tovuzçayın -050; Zəyəmçayın
-
5,05;Şəmkirçayın -8,38; Gəncəçayın -4,06 m
3
/s təşkil edir. Bu çayların suyu, düzənlik ərazilərdə
suvarmaya istifadə olunur.
1.3.3.2 Ərazinin qısa geoloji xarakteriktikası
Gəncə-Qazax dağətəyi düzənliyin geoloji quruluşunda Yura, Təbaşir, Paleogen, Neogen və
Dördüncü dövr yaşlı çöküntülər iştirak edir. Mezozoy yaşlı süxürlar Kiçik Qafqaz dağ sistemində
yayılaraq dağətəyi ərazidə bəzi lokal sahələrdə yer səthinə çıxır və düzənliyin əsas hissəsində yer
səthindən 1000-1250m dərinlikdə rast gəlinir. Düzənliyin cənubi-şərq hissəsində yer səthinə
Paleogen və Neogen yaşlı süxurların çıxışları var. Bütün bu süxurlar düzənlik boyu daha cavan
Dördüncü dövr yaşlı süxurlarla örtülmüşdür.
Yura sistemi
tədqiqat sahəsində orta Yura ilə təmsil olunur və bu yaşlı süxurların litoloji tərkibi
vulkanik porfirit, onların tufları, tufobrekçiyaları, tuflu qum daşları, kvarslı porfiritlər və onların
tuflarından ibarətdir. Yura çöküntülərinin qalınlığı 1500-2000 m-ə çatır.
Təbaşir sistemi alt və üst şöbələri ilə təmsil olunaraq əsasən Kiçik Qafqazın dağətəyi zonasında
geniş yayılmışdır. Alt Təbaşirin bat və bayos yaşlı süxurları boz qumdaşlı əhəngdaşlarından təşkil
olunmuşdur. Üst Təbaşir Senoman, Turan, Konyak, Santon, Kampan və Maastrixt mərtəbələri ilə
təmsil olunur. Süxurların litoloji tərkibi, qumdaşları, əhəngdaşları, tuflar, tuflu brekçiyalar,
porfiritlər, tufoqravellitlər, tufoalevrotitlər, konglamerat, merqeller və s. ibarətdir. Süxurlar müxtəlif
dərəcəli çatlılığa malikdir. Dərinliyə getdikcə çatlılığ dərəcəsi azalır.
Paleogen sistemi
eosen və olivgesen-alt miosen şöbələri ilə təmsil olunur.
Orta eosen çöküntülərinin litoloji tərkibi əhəngdaşlı qumdaşlarından və gillərdən ibarət olaraq
qalınlığları 150 metrdir. Gəncə şəhəri və Şəmkir rayonunun Könüllü kəndi yaxınlığında quyu
vasitəsi ilə 275 m qalınlığında Eosen süxurları açılmışdır. Ağstafaçayın dərəsində aşkar edilmiş
eosen çöküntüləri litolji tərkibcə porfirit, tuf, tuflu brekçiya və tuflu qumdaşlarından ibarətdir.
Oligosen-
alt Miosenin (Maykop Svitasi) yer səthinə çıxışı qeydə alınmamışdır. Neft quyuları
vasitəsi ilə Gəncəçayın qərbində 155-520m dərinlikdə açılmış oligasen-alt Miosen çöküntüləri
əsasən qara-boz rəngli gil, qumdaşı laycıqları və mergellərdən ibarətdir.
Neogen sistemi
Ağcagil və Abşeron mərtəbələri ilə təmsil olunur. Gəncə-Qazax düzənliyində
demək olarki, bütün ərazi boyunca yayılan Ağcagil çöküntüləri 100m-dən çox qalınlığa malik bazalt
konglomerat, qumdaşları, gil, çaqıl və çınqıllardan ibarətdir. Ərazidə dəniz və kontinental mənşəli
Ağcagil çöküntülərinə rast gəlinir.
Abşeron mərtəbəsinin süxurlarına Ağcagil mərtəbəsinin süxurları yayılan ərazilərdə rast gəlinir.
Abşeron mərtəbəsinin süxurları da dəniz və kontinental mənşəlidir. Nisbətən zəif sululuğu ilə
səciyyələnən Abşeron mərtəbəsinin çöküntülərinin litoloji tərkibi, əhəngdaşları, boz və boz-yaşımtıl
gil və qum laycıqlarından ibarətdir.
33
Dördüncü dövr yaşlı çöküntüləri Gəncə-Qazax düzənliyində bütün ərazi boyunca yayılaraq
allüvial, allüvial-
prolüvial və allüvial-prolüvial-delüvial mənşəli kontinental çöküntülərdən ibarətdir.
Ərazidən axan çayların gətirmə konuslarının yuxarı hissələrində araları qumla və çay daşları ilə
dolmuş çağıllar, orta hissələrdə iri dənəli süxurların nisbəti azalır, gilli təbəqələr əmələ gəlir və
vahid sulu horizont kompleksini grunt və dörd təzyiqli sulu horizontlara ayırırlar.
Tektonik
cəhətdən Gəncə-Qazax dağətəyi düzənliyi Kür meqasinklinoruyasinin tərkib hissəsidir.
Kür meqasinklinorıyası öz növbəsində Böyük və Kiçik Qafqaz meqaantiklinoriyaları arası ərazidə
yerləşir. Düzənlik Kür meqasinklinoriyasının şimali-qərb hissəsində yerləşir. Bu vilayət Somxit-
Qarabağ antiklinoriy sisteminə daxil olur və çoxsaylı antiklinal və sinklinal qırışıqlardan təşkil
olunmuşdur
Bu qırışıqların səciyyəvi xüsusiyyətləri onların kifayət qədər (100 km-ə qədər) uzanmasıdır.
Belə uzanma onların çox hissəsində lokal qalxımların əmələ gəlməsinə səbəb olur. Belə
qırışıqlardan Bozdağ və Duzdağ antiklinal qalximları əmələ gəlir.
Şəkil 1.6 Qazax- Gəncə regionunun geoloji xəritəsi (legenda Cədvəl 1.12-də verilir)
Cədvəl 1.12
Qazax-
Gəncə regionunun geoloji xəritəsnin legendası
(Şəkil 1.6)
1
Müassir Dövr
Alluvium
2
Yuxarı Rüb
Diluvium, Proluvium
3
Xvalin Dövrü
Kürün Terrası
4
Xvalin, Xəzər Mərhələsi
Diluvium-Proluvium- Alluvium
5
Xəzər Mərhələsi
Kürün Terrası
6
Qorqan Horizonu
Diluvium, Proluvium, Alluvium
7
Qorqan Horizonu
Göl Çöküntüləri
8
Qorqan Horizonu
Qeyri Sabit Kontinental-
Dəniz Çöküntüləri