münasibətlər dedikdə suveren dövlətlər arasında yaranan əlaqələr başa düşülür. Belə
münasibətlər həm də, eyni zamanda, dövlətlərin təsis etdikləri hökumətlərarası
(dövlətlərarası) beynəlxalq təşkilatların iştirakı ilə əmələ gələ bilər. Bu kimi
təşkilatlar arasında yaranan əlaqələrin də nə üçün dövlətlərarası münasibətlər
olmasının səbəbini biz, bundan əvvəlki fəsildə izah etmişik. Buna görə də həmin
məsələyə yenidən qayıtmağa lazım bilmirik. Bir daha təkrar edərək göstəririk ki,
hökumətlərarası (dövlətlərarası) beynəlxalq təşkilatların üzvləri yalnız dövlətlərdən
ibarətdir; təbii ki, belə təşkilatlar arasında münasibətlər də dövlətlərarası
münasibətlər hesab edilir.
Dövlətlərarası beynəlxalq münasibətlərdə isə subyekt qismində ancaq dövlətlər
və hökumətlərarası beynəlxalq təşkilatlar iştirak edə bilərlər. Buna görə də
beynəlxalq hüququn subyektləri onlardan ibarətdir; çünki yalnız dövlətlərin və
hökumətlərarası beynəlxalq təşkilatların beynəlxalq hüquq subyektliyi vardır.
Bunlardan əlavə, öz müstəqilliyi uğrunda mübarizə aparan millətlər (məsələn,
Fələstin Azadlıq Təşkilatı), habelə dövlətəbənzər qurumlar da (məsələn, Vatikan)
beynəlxalq hüququn subyekti hesab olunur. Beynəlxalq hüquq elmində, ənənəvi
olaraq, beynəlxalq hüququn subyekti kimi dövlət və hökumətlərarası beynəlxalq
təşkilatlar tanınır. Buna uyğun olaraq, həmin subyektlər də beynəlxalq iqtisadi
hüququn subyekti hesab edilir. Odur ki, beynəlxalq iqtisadi hüququn subyektləri
dövlət və beynəlxalq hökumətlərarası təşkilatlardan ibarətdir. Qeyri-dövlət
təsisatlarına (fiziki şəxslərə, təsərrüfat subyektlərinə, hüquqi şəxslərə, transmilli
korporasiyalara, beynəlxalq qeyri-hökumət təşkilatlarına və s.) gəldikdə, qeyd
etməliyik ki, onlar beynəlxalq hüququn nizamasalma predmetinə daxil olan
dövlətlərarası beynəlxalq münasibətlərin iştirakçısı ola bilməzlər. Beynəlxalq hüquq
subyektliyinə malik olmadıqlarına görə, onların belə münasibətlərdə subyekt rolunda
iştirak etmələri qeyri- mümkündür. Bu səbəbdən də onlar beynəlxalq hüququn, o
cümlədən BİH-in subyekti kimi tanına bilməzlər; həm də ona görə ki, müvafiq
dövlətinhakimiyyəti və yurisdiksiyası altında olduqları üçün qeyri-dövlət təsisatları
müstəqil statusa (hüquqi vəziyyətə) malik deyillər.
4.2 Dövlətin beynəlxalq iqtisadi hüquq subyektliyinin
xüsusiyyəti
Hər bir dövlət ümumi, xüsusi və fərdi beynəlxalq hüquqi statusa malik olmaqla
özünün beynəlxalq subyektliyini realizə edir. Ümumi beynəlxalq hüquqi status
beynəlxalq hüququn bütün dövlətlərə verdiyi hüquq və vəzifələrin məcmuudur.
Xüsusi beynəlxalq hüquqi status isə beynəlxalq hüququn xüsusi normaları ilə bu və
ya digər dövlətə və ya dövlətlərə verilir. Dövlətin iqtisadi hüquq və vəzifələri onun
yurisdiksiyasında ifadə olunan suverenliyindən doğur. Fəaliyyət sferasına görə
dövlətin ərazi və ərazidənkənar (məsələn, xaricdə olan dövlət orqanlarına, dövlət
əmlakına, dövlətinözünün fiziki və hüquqi şəxslərin münasibətdə) yurisdiksiyası
fərqləndirilir. Beynəlxalq iqtisadi hüquqda ərazidənkənar yurisdiksiya milli şəxslərin
fəaliyyətinə nəzarətdə ifadə edilir. Ümumi qayda ondan ibarətdir ki, dövlət xüsusi
şəxslərin ( sahibkarların) iqtisadi fəaliyyətinə görə məsuliyyət daşımır. Lakin, bəzi
hallarda transmilli korporasiyaların hüquqazidd fəaliyyəti mənsubiyyət (qeydiyyat)
dövlətinin ərazisilə bağlı olur və həmin dövlətdə istehsalı və ixracı qadağan olunan
əmtəələr digər dövlətə keçirilir ki, bu da mənsubiyyət dövləti üçün də məsuliyyət
yaradır. Digər halda tanınmayan ərazilərdə iqtisadi fəaliyyətlə məşğul olmaq istəyən
şirkətlər mənsubiyyət dövləti tərəfindən həmin fəaliyyətdən çəkindirməlidirlər.
Hakimiyyətin həcminə görə - tam və məhdud (məsələn, xaricdə yerləşən
vətəndaşlara münasibətdə), həmçinin hakimiyyətin xarakterinə görə - qanunvericilik,
icra və məhkəmə yurisdiksiyası fərqləndirilir. Bir dövlətin hakimiyyəti digər dövlətin
hakimiyyəti ilə məhdudlaşır. Bu məhdudlaşmanı isə dövlət immuniteti prinsipi
əsaslandırır.
Qeyd etdiyimiz kimi, dövlətin suveren bərabərliyinə baxmayaraq, onların
beynəlxalq iqtisadi hüquq subyektliyinin həcmi müxtəlifdir. Bu müxtəlifliyi
şərtləndirən faktor kimi iqtisadi münasibətlərdəki fərqli inkişaf tendensiyaları çıxış
edir.
İqtisadi inkişaf səviyyəsinə görə dövlətlərin fərqləndirilməsi beynəlxalq iqtisadi
hüquq çərçivəsində YBİQ-yə uyğun olaraq leqallaşdırılsa da, əksinə, bazar
iqtisadiyyatına uyğun inkişaf modeli isə formalaşma prosesindədir.
Dövlətlərin iqtisadi inkişaf səviyyəsinə görə fərqləndirilməsi formal (suveren)
bərabərlikdən geri çəkilmə ilə, preferensiya sistemilə təmin edilir. İnkişafda olan
dövlətlər üçün preferensiya institutunun təsisi BMT-nin Ticarət və İnkişaf Konfransı
(UNCTAD) çərçivəsində 1964-cü il «Prinsiplərilə» preferensiyaların ümumi sistemin
qəbuluna təsadüf edir.Daha sonra, 1966-cı ildə Tariflər və ticarət üzrə baş Sazişdə
(GATT – 1947), Dövlətlərin iqtisadi hüquq və vəzifələri Xartiyasında (1974), Yeni
beynəlxalq iqtisadi qayda haqqında Bəyannamə və Proqramda (1974), Ticarət
preferensiyalarının qlobal sistemi haqqında Belqrad Müqaviləsində (1988) Dünya
Ticarət Təşkilatı sazişlərində və s. möhkəmləndirilmişdir. Preferensiyaların daha
ciddi sistemi Loma konvensiyalarında təsbit edilir.
İnkişafda olan dövlətlərə preferensiya nəzərdə tutan ilk Loma (Toqo)
Konvensiyası Avropa Birliyi və Afrikanı, Karib dənizi, Sakit Okean hövzəsindən 46
dövlətlə 1975-ci ildə bağlanmışdır. IV Loma Konvensiyası (1989) bağlanarkən
dövlətlərin
sayı
68
olmuşdur.
Loma
Konvensiyalarının
sabitləşdirmə
mexanizmlərinin əsasında kənd təsərrüfatı məhsullarına tətbiq olunan (Stabeks) və
qeyd olunan ölkələrə maliyyə dəstəyi və mineral-xammal potensialının rəqabət
qabiliyyətinin təmininə yönələn (Sismin) proqramları dayanır.
1971-1978-ci illərdə əksər qabaqcıl ölkələrdə preferensiaların sxemləri elan
olunur və xüsusi milli preferensia sistemi olan hər bir dövlət inkişafda olan dövlətlərə
preferensiya sistemindən təzyiq göstərmə aləti kimi istifadə etməyə başlayırlar.
İnkişafda olan dövlətlərin qeyri-müəyyən statusu, həmçinin keçid iqtisadiyyatlı
dövlətlərə münasibətdə birtərəflilik, həmin dövlətlərə qarşı əksər halda
diskriminasion siyasət üçün əsas verir. Dünya Ticarət Təşkilatının bütün sazişlərində
inkişafda olan dövlətlər üçün davamlı uyğunlaşma, preferensiya mərhələlri hüququ
Dostları ilə paylaş: |