36
IKINCI HISSƏ
təlimatçılardan biri isə mənim sonrakı dostum, əfsanəvi pilot, təcrübəli
podpolkovnik Bolek Zon. Rezin kanatlarla da çoxsaylı startları yerinə
yetirmişdim. Ətrafdakı peyzaj təkrarolunmaz və romantik idi. Aşağı
enmə meydançasında oturandan sonra planerlər kanat yolu ilə zirvəyə
göndərilmişdi. Pilot onunla birgə gedirdi. Onda bir dəfə də ətrafda olan
təpələrin payız mənzərəsinə baxıb, bitmiş uçuş barədə fikirləşə bilərdin.
Orada Jar dağında tam uçuş xoşbəxtliyi hisslərini yaşadım.
Sənədlərimi tanınmış və çox arzuladığım Demblin Şahinlər Məktəbinə
(Szkoła Orląt) verdim. Xüsusi sağlamlıq tələblərini bildiyimə görə, Hərbi
Aviasiya Tibb İnstitutuna həyəcan içində gedirdim. Voluvdan öncə
Vrotslavdakı Baş Aerotibbi Tədqiqatlar Mərkəzində iki dəfə məğlubiyyət
yaşamışdım. İki il müddətində planeri idarə etməyə yararlı deyildim.
İnadla idmanla məşğul olmağa başladım. 80 namizəddən səkkizi sağlamlıq
sertifikatını ala bildi. Onların arasında mən də var idim. Demblindəki
nəzəriyyə imtahanlarını yaxşı verdim, bədən tərbiyəsi testlərini isə çox
yaxşı. Stadionda 1500 metr məsafəni idman ayaqqabısı ala bilmədiyimə
görə ayaqyalın qaçmağıma baxmayaraq daha yaxşı qət edə bildim.
Oğlanları yüz metr ötüb keçmişdim. Seçki komissiyasının qabağında
durmuşdum. Farağat durmadığıma görə məni danladılar. Ayaqlarımın
qanlı izlərini gördükdə isə təəccüblənmişdilər. Hələ iki həftə ərzində
yaralı ayaqlarımın altından pasaların
22
hissələrini çıxardırdım. Ən böyük
nöqsanım az çəkili olmağım idi, qısa olaraq belə rəy bildirdilər – kökəldərik.
Sözlərini tutdular. Əvvəl LPW-2 adlandırılan Qrucondzın
23
yanında
yerləşən Lişe Kontı (Tülkü Küncü) hava limanına bilet aldım. Orada
planerlə uçuşlardan həzz alırdım. Təlimatçım, sonradan TU 154 A rabitə
təyyarələrinin pilotu, tələbkar, lakin hər zaman nəzakətli Yejı Kondraçuk
təcrübəsində olan ən yaxşılarını, əsasən də çətin pilotaj fiqurlarını mənə
öyrətdi. Diqqətli və fəaliyyətdə dəqiq olan hazırlıq rəhbərim səlahiyyətim
olmadan (yəni bacarıqlarım) buludlu səmaya uçduğuma, orada çox vaxt
keçirdiyimə fikir verdi. Nəticədə üç gün uçuşlara icazə verilmirdi, anqarda
işləməli idim – ən azından ibrət dərsi almaq üçün və “təyyarəçilərin qanı
ilə yazılmış“ uçuş qaydalarından imtahan verməli idim – bu, hörmət
etdiyimiz və ələ salmadığımız cənab Valentı Hardtın qərarı idi.
Termiklərdə
24
bir ay uçduqdan sonra, yəni planerlərdə azad uçduqdan
sonra başında pilot papağı olan və üzündən “zəhrimar yağan“ əsl “pilot”a
dönmüşdüm (Y.Meissner
25
belə yazırdı). Tam görünüş üçün təkcə bahalı
22
Pasa –
filizdən metal əridildikdən, həmçinin daş kömür yandıqdan sonra qalan qalıq
23
Qrucondz –
Polşada şəhər
24
Termik (termik axın) – planer pilotları isti hava axınlarını belə adlandırırlar
25
Yanuş Meissner (1901-1978) – Polyak
Ordusunun kapitan pilotu, yazıçı
və jurnalist
37
PLANERDƏN
REAKTIV TƏYYARƏYƏ QƏDƏR
26
Travers – gəminin getdiyi yola
perpendikulyar istiqamət
saatım çatmırdı. Təəssüflər olsun ki, heç adi saatım belə yox idi. Qrucondz
hava limanında motorlu pilotaj kursunu öyrənməyə başladım. Köhnə
tanış - PO-2 “kukuruznik”inin sükanı arxasına Qonduv hava limanında
əyləşdim. Əlbəttə ki, tək deyil, yeni təlimatçım, aviasiya mayoru, qırıcı
təyyarə pilotu, qoşundan Aerokluba ezam edilmiş Henrık Qotliblə birgə
idim. Podpolkovnik pilot Adamçukun başçılıq etdiyi qeyri-formal mülki-
hərbi aviasiya məktəb eskadrasını təşkil edirdik.
Uçuşun yeni başlanğıc sferasına daxil olmuşdum. Mühərrik, propeller,
yanacaq, yağ, elektrik qurğusu, yeni aparatlar – tamamilə hər şey yeni
idi. Təyyarəmdən başqa. O çox köhnə idi. Lakin hələ 1927-ci ildə SSRİ
zamanı konstruktor Polikarpov tərəfindən bərpa olunduqdan sonra
məktəb, təsərrüfat, sanitar, rabitə və gecə şığıyıcı təyyarə kimi, planerlə
müqayisədə, irəliyə addım sayıla bilərdi. Bu, klassik biplan idi, 125
kM gücündə hava ilə soyudulan 5-silindrli radial mühərriki var idi,
maksimal sürəti 150 km/saat, kreyser sürəti 120 km/saat, enmə sürəti
72 km/saat. Təyyarənin çəkisi 770 kq, uçuş zamanı isə 1100 kq təşkil
edirdi. Ekipajın iki üzvü üçün nəzərdə tutulan kabinələr açıq idi.
Təyyarənin konstruksiyası üstü parça və fanerlə örtülmüş taxtadandı,
şassi
isə daimi, bağlanmayan idi.
Tezliklə ilk uçuşdan böyük marağıma səbəb olan naviqasiya və
pilotaj uçuşlarının sirlərinə yiyələndim. Səmadan Tuxol Meşələrinin
payız rənglərinə, Vislanın unudulmaz gözəlliyinə və səmanın
maviliyinə heyranlıqla baxırdım.
Mayor Qotlib məni müstəqil uçuşa yaxşı hazırlayırdı. İmtahan
uçuşunu eskadranın başçısı podpolkovnik pilot Adamçukla birgə
icra edirdim. Uçuşa düzgün başladım, doğru dairəni “yaratdım“,
aerodromun traversində
26
olanda isə təlimatçı dəstəyi dartdı. Motor
sakitləşdi. Dövrü çoxaltmaq üçün cəhd göstərirdim, lakin dəstək
elə bil pərçimlənmişdi. Təyyarəni yerə tərəf istiqamətləndirdim.
“Mühərrik xarab olub, enirik“, – aviafonda eşitdim (təlimatçı qulağıma
borucuqla birləşdirilən qulaqcıqla danışırdı). Anladığımı bildirmək
üçün başımı endirdim və sükanı tərpətdim. Aşağıda meşə var idi.
Şlemin altında tüklərimin biz-biz durduğunu hiss etdim. Sağ tərəfdən
talanı gördüm, tam ortasında isə lazımi dərəcədə düz yer var idi.
Təyyarəni o tərəfə yönləndirdim. Lakin çox yüksəkdə idik. Təyyarəni
dərin sol qanada tərəf çevirdim. Hava axını üzümə vurdu. İnstinktiv
olaraq eynəyi taxdım. Hündürlük get-gedə azalır, havanın sürəti
qanadların dirəklərində qorxulu melodiya çalırdı. Düz yerin üstündə