70
İmam
Əbu Hənifə
olmağa başladılar. Ancaq onların sayı çox az idi. Ona görə
ki, özündən hədis nəql olunan şəxslər içərisində zəif ravilər
demək olar ki, yox idi. Çünki, o dövrdəki ravilərin çoxu adil
idi. Səhabələr xaricində özlərindən hədis nəql edilənlərə
gəlincə, onların çoxu da siqa ravi idi. İlk əsrdə, səhabə ilə
− bir neçəsi istisna olmaqla − tabeunun böyüklərindən zəif
qəbul edilən şəxs demək olar ki, yoxdur. Məsələn, Haris əl-
Avər, Muxtar əl-Kəzzab və s.
Hicri ikinci əsrin əvvəllərində, tabeunun orta yaş
qrupundan bir qrup zəif ravi ortaya çıxdı. Bunlar hədisləri
nəql və zəbt etməkdəki qüsurlarından dolayı zəif sayılırdılar.
Həmin ravilərin mövquf
121
hədisi mərfu
122
olaraq nəql
elədiyini, aradakı ravini qeyd etməyərək birbaşa Hz.
Peyğəmbərdən (s. ə. s) hədis rəvayət etdiyini və müəyyən
səhvlərinin olduğunu da görə bilərsiniz. Əbu Harun əl-Ab-
di bunlardan biridir.
Tabeun dövrünün sonlarında (hicri 150-ci ilə doğru) bəzi
imamlar ravilərin etibarlı və ya zəif olduqları mövzusunda
araşdırmalar aparmağa başladılar. Məsələn, həmin imamlardan
biri olan Əbu Hənifə belə demişdir: “Cabir əl- Cufidən daha
yalançı birini görmədim”. Aməş isə bir qrup ravinin zəif ol-
duğu qənaətinə gəlmiş, digər qrupun isə etibarlı olduğunu
söy ləmişdir. Şöbə də raviləri araşdırır və ehtiyatlı davranaraq
de mək olar ki, siqa olmayan heç bir ravidən hədis rəvayət et-
mirdi. Malik də onun kimi idi”.
123
121. Mövquf kəlməsi lüğətdə durmaq, dikəlmək deməkdir. adətən ravi
hədisin nəql edən səhabədən sonrakı isnad silsiləsini qeyd etmir. termin olaraq
isə, səhabəyə nisbət edilən söz, fel, təqrir və davranışlarına aid − istər müttəsil
istərsə də münqəti olsun − xəbərlərə mövquf hədis deyilir.
122. Hz. peyğəmbərə aid edilən kəlam, hərəkət, təqrir, əxlaqi vəsflər, (istər
sənədi münqəti (natamam) və ya müttəsil (tam) olsun) bilvasitə və ya bilavasitə
Hz. peyğəmbər nisbət edilən hədislərə nəbəvi və yaxud Mərfu hədis deyilir.
123. əs-Səxavi, “Fəthul-muğis bi şərhi əlfiyyətil-hədis”, s. 479, Hindistan/
ləknəv-ənvər Muhəmmədi nəşri.
71
İslam alimlərinin gözü ilə hədis elmində
Əbdülqadir Qurəşinin fikirləri:
İmam, alim, hafiz Əbdülqadir əl-Qurəşi «
əl-Cəvahirul-mu-
diy yə fi təbəqatil-hənəfiyyə” adlı əsərində bunları yazır:
“İmam Əbu Hənifənin cərh və tədildəki təsbitlərinə
etibar etmək olar. Bu elmin alimləri onun bu sahədəki
qənaətlərinə − eynilə İmam Əhməd, Buxari, İbn Məin, İbnul-
Mədini və digər bu işin ustadı olan şəxslərin fikirlərinə önəm
verdikləri kimi – müraciət etmişlər. Bu isə Əbu Hənifənin
böyüklüyünü, elminin dərinliyini və ustadlığını göstərir.
Tirmizinin”
əl-Cəmiul-kəbir” əsərində Əbu Hənifədən nəql
etdiyi rəvayət də bunu təsdiq edir:
“Cabir əl-Cufidən daha yalançı, Atadan daha fəzilətli
birini görmədim”.
Hafiz Beyhəqinin “
əl-Mədxal li mərifəti dəlailin-nübüvvə”
adlı əsərində Əbdülhəmid əl-Himmənidən nəql etdiyi
rəvayət bunu təsdiqləyir:
“Əbu Sad əs-Sağani nəql edir:
Mən Əbu Hənifəyə:
− Sufyan əs-Sevridən hədis nəql etmək olarmı?, − deyə
soruşdum. O da bu cavabı verdi:
− Ondan hədis nəql edə bilərsən. Çünki o siqa ravidir.
Ancaq, İbn İshaqın Harisdən nəql etdikləri ilə Cabir əl-
Cufinin hədislərini nəql etmə”.
Əbu Hənifənin belə dediyi də nəql edilmişdir: “Talq ibn
Həbib, qədəriliyi
124
qəbul etmişdi. Zeyd ibn Əyyəş zəif ravi
idi”.
Sufyan ibn Uyeynə də belə demişdir: “Mənim hədis
rəvayətinə başlamağıma Əbu Hənifə səbəb olmuşdur.
124. Hicri ıı əsrdə Vasil ibn ata tərəfindən qurulan və “Bəndə öz fellərini
özü yaradır”, − deyərək qədəri, yəni işlərin allah-təala tərəfindən təqdir edildi-
yini inkar edən cərəyan. Bu cərəyan çox vaxt Mötəzilə adı ilə də tanınmışdır.