8
International Alert
ETA-nın seçdiyi strategiya, – siyasi xadimlərə sui-qəsd etməklə mümkün qədər çox iztirab yaşatmaq,
– nəticədə onun özünü məhv etdi. Hakimiyyət tərəfindən Siyasi partiyalar haqda Qanun şəklində gələn
reaksiya sonuc olaraq sol radikal-millətçi partiyasının axırına çıxdı. Rəsmi Madrid Batasuna Partiyasını
qanundankənar elan etdi və göstərdi ki, növbəti mərhələ məhbəslər olacaq.
Barışığa və birgə yaşama gedən yol
“Barışıq” və “birgə yaşam” terminləri Basklar ölkəsində ciddi mübahisələr doğurur. Amma şübhəsizdir
ki, ETA zorakılığa son verəndən sonra bask cəmiyyəti əsas məqsədi yaraların sağaldılması, qurbanların
tanınması, yaddaşın qorunması, plüralizm və fərqliliklərə qarşı hörmətin tərbiyə edilməsi, barışığın
möhkəmləndirilməsi və gələcəkdə yeni iztirab və münaqişələrin təkrarlanmasının qarşısını alacaq
mədəniyyətin formalalaşdırılması olan sosial transformasiya yaşayır.
Bu məsələnin həllində bask cəmiyyəti münaqişə vəziyyətində olan digər cəmiyyətlərlə müqayisədə bir
sıra üstünlüklərə malikdir. Münaqişənin ən ağır illərində məhz ictimai təşkilatlar sülhün əldə edilməsinə
çalışırdılar və əsas təsiredici qüvvələrə - hakimiyyət orqanlarına və siyasi partiyalara mövcud durumla
barışmağa imkan vermirdilər. Əvvəlcə zorakılığa qarşı susqun mitinqlər keçirən “Sülh Naminə Hərəkat”,
sonra dialoq və qarşılıqlı anlaşmanı müdafiə edən “Elkarri” sülhün əldə edilməsi istiqamətində fəaliyyət
göstərən nəhəng sosial şəbəkənin yaranmasına töhfə verdi.
Bu, bask cəmiyyətində ciddi parçalanmanın qarşısını alıb, əlaqələrin qorunub saxlanmasına kömək edən
həlledici amil oldu. Kiçik yaşayış məntəqələrində ayrı-ayrı icmalar daxilində mühüm ziddiyyətlərin ortaya
çıxmasına baxmayaraq, ümumilikdə bask cəmiyyəti daxili birliyini qoruya bildi ki, bu da ona bu günə qədər
mövcud olan çətinliklərə rəğmən barışığı daha tez əldə etməyə imkan verdi.
Sülhün bərqərar olmasına mane olan əsas amillər aşağıdakılardır:
• Baş verənlərin rəsmi versiyası uğrunda mübarizə. Tarixi yaddaşın yaradılması prosesində bir çox
cəhətdən uzlaşmayan müxtəlif versiyalar rəqabət aparır: 1) hər şeyin günahkarı ETA, sol radikal-millətçilər
və milliyyətçilikdir; 2) zorakılıq – Basklar Ölkəsi və İspaniya arasındakı münaqişənin nəticəsidir; 3)
ETA çoxsaylı zorakılıq aktları həyata keçirib, amma dövlət də insan haqlarının pozulmasında öz rolunu
etiraf etməlidir.
• Qurbanların tanınması. Dövlət ancaq ETA-nın silahlı fəaliyyətinin qurbanlarını tanıyır və müdafiə edir.
Amma Basklar Ölkəsində də xalq drujinaları və təhlükəsizlik qüvvələrinin qurbanları vardı. Hər halda
Bask hökuməti artıq işgəncə qurbanlarının tanınması istiqamətində işə başlayıb.
• Keçmişin etik və tənqidi dəyərləndirilməsi. Siyasi partiyaların çoxu sol radikal-
millətçiləri öz əvvəlki əməlləri, silahlı zorakılığı müdafiə etmələri ilə bağlı
tənqid
səsləndirməyə
çağırır,
amma
hazırda
onlar
bundan
imtina
edirlər.
Elə bu arada mövcud kontekstdə barışığa töhfə verməyə çalışan müxtəlif təşəbbüslər ortaya çıxır. Bask
hökuməti iddialı sülh planını həyata keçirməyə başlayıb. Bu plan məhbusların reabilitasiyası, yaddaşın
formalaşdırılması, qurbanların tanınması, dinc birgə yasamda vətəndaşların iştirakı və sülh mədəniyyətinin
tərbiyə olunması kimi məsələlərin tənzimlənməsini nəzərdə tutur. Bundan başqa, qurbanlar və canilərin
görüşlərinin, qurbanların və müqavimət iştirakçılarının, və ya yerli səviyyədə dinc birgə yaşam ideyasını
təbliğ edənlərin toplantılarının təşkil olunmasına dair ictimai təşəbbüslər həyata keçirilir.
eta-nın keçmişi
1977-ci ildə ETA-nın şöbələrindən biri ləğv olunmaq haqda qərar verdi. Həmin dövrdə İspaniyada sağ-
mərkəzçi partiyaların koalisiyasından ibarət olan Demokratik Mərkəz İttifaqı (Union of the Democratic
Centre, UCD) hakimiyyətdə idi. Bu hakimiyyət ölkəni hər gün törədilən qətllərin çoxluğundan “qurğuşun
illər” adlandırılmış bir dönəmdə idarə edirdi.
Sülh Proseslərində İctimai İştirak və Çoxkanallı
Diplomatiya Mexanizmləri
9
O dövrdə hökumət və məhkəmə hakimiyyəti dustaqlarla, məhbuslarla və ETA-dan qovulanlarla çox comərd
davranırdı, baxmayaraq ki, təşkilat silahdan istifadəyə davam edirdi və əvəzində siyasi güzəştlərlə bağlı heç
bir danışıq aparmırdı. 1982-ci ildə ETA məhbusları reabilitasiya edildi, halbuki münaqişə qurbanları qeyri-
mütəşəkkil qalmaqda idi, hakimiyyət onları unutmuşdu və onların səsi eşidilmirdi.
nəticə
ETA həmişə qətlləri müəyyən siyasi çıxarlar üçün törədirdi. Radikal-millətçilər mütəmadi olaraq bask
reallığını ardı-arası kəsilməyən toqquşmalar silsiləsi kimi təqdim edirdilər. ETA İspaniya və Basklar ölkəsi
arasında əsrlər boyu çözülməyən siyasi münaqişəyə istinad edərək zorakılığa sığınırdı.
Hər halda zorakılıqdan, demək olar ki, həmişə ideoloji alibi kimi istifadə olunur. Basklar Ölkəsində ultra-
solçuların tarixi öncədən görülən məğlubiyyətin xronikası idi.
Çox mürəkkəb sxemlərə baş vurmadan qeyd etmək lazımdır ki, ETA-nın fəaliyyətinin sonunun əsası daha
az siyasiləşmiş və daha çox polis aktivliyi, ictimai reaksiya, siyasi vəhdət və beynəlxalq yardım dövründə
qoyulmuşdu. Bütün bu amillər önəmlidir, amma onlar artıq neçə il əvvəldən, ETA terror yolunu davam
etdirdiyi vaxtlardan mövcud idi.
Hazırda başqa amil vacibdir – sol radikal-millətçilərin şəxsi marağı və müəyyən qərarları. Silahlı fəaliyyətin
faydasızlığının və əks-məhsuldarlığının dərk edilməsi öz baxışlarını kəskin şəkildə dəyişən insanların
aparıcı fiqurlara çevrilməsinə gətirib çıxardı.
Məhz buna görə zorakılıq vasitələrindən istifadə edən və önəmli siyasi dəstəyə sahib olan qruplarla əlaqə
saxlamaq çox vacib və labüddür. Conatan Pauellin fikrincə, ETA nümunəsi bu həqiqətin daha bir təsdiqidir.
“Əgər hardasa çatlaq varsa, dağıntının qarşısını almaq üçün təması itirməmək vacibdir”
1
– Conatan Pauell
bildirir. 2007-ci ildə Xose Luis Rodriges Sapateronun hakimiyyətinin təşəbbüsü ilə başlanan uğursuz
danışıqlardan sonra məlum oldu ki, Batasuna “ETA-nın yeni yanaşma hasil etməsi üçün ona tədricən təzyiq
göstərirdi”, “çünki o vaxt iştirak edən vasitəçilər hələ də fəaliyyətdə idilər və yenidən işə başlamağa qadir
idilər”, - Conatan Pauell belə deyir.
2006-cı ildə danışıqlarda tənəzzül yaranandan sonra sülh prosesinin bərpası Ayetdə baş tutan Konfrans
və Conatan Pauellin dediyi kimi, “Avropadakı son silahlı münaqişədə rol almaq naminə riskə hazır olan
beynəlxalq xadimlərin ETA-ya müraciəti” sayəsində mümkün oldu. Məhz bunlardan sonra qrup fəaliyyətini
dayandırdığını bəyan etdi.
Bask münaqişəsinin həll edilməsi istiqamətində səylər 1976-cı ildə Cenevrədə (İsveçrə) baş tutan
danışıqlarla başladı, 1989-cu ildə Əlcəzairdə, 1998-ci ildə Sürixdə davam etdi və 2006-cı ildə Oslo və
Cenevrə danışıqları ilə bitdi. Bütün bu danışıqlar uğursuzluqla yekunlaşmışdı, eynilə aylar uzunu əlaqələr
yaratmaq istiqamətindəki heç bir dialoqa gətirib çıxarmayan çoxsaylı cəhdlərdə olduğu kimi.
“Bask münaqişəsinin hələ də bitmədiyinə baxmayaraq, onun tarixi uğura doğru yolda uğursuzluqların bir-
birini izlədiyinə dair bir misaldır”. Conatan Pauell.
1
“El mediador Jonathan Powell afirma que es un proceso de paz el que ha llevado a ETA a su final”,
Buradan baxmaq olar: http://
paralalibertad. org/el-mediador-jonathan-powell-afirma-que-es-un-proceso-de-paz-el-que-ha-llevado-a-eta-a-su-final/