Çapdan sonrakı proseslər və avadanlıqlar 5s müh, 15s məş, 15s lab. Muhazirə Çapdan sonrakı proseslər haqqında ümumi məlumat

Muhazirə 6

Yıgma əməliyyatları və maşınlar

Çapdan sonrakı növbəti əməliyyatlar hazır dəftərlərdən blokların yıgılması və komplektləşdirilməsidir. Nəşrin növündən,həcmindən və formatından asılı olaraq bloku təşkil edən dəftərlər üst-üstə və ya iç-içə yıgılır. Nəşrlər layihələndiriləndə bu üsullardan biri seçilir.

Nəşrləri iç-içə yığmaqla komplektləşdirmə. Blokların kom­plekt­ləşdirilməsi – onların ayrı-ayrı dəftərlərdən yığıl­ma­sı­dır. Bu zaman bütün nəşrin səhifə ardıcıllığı ilə nömrələnməsi tə­min olunur. Ümumiyyətlə komplektləşdirmənin iki üsulu: iç-içə və üst-üstə yığma üsulları mövcuddur. Nəşrin konstruksiyası və çap formalarının texnologiyası layihələndirilən zaman bu üsul­lardan biri seçilir.

İç-içə yığmada (şəkil 8,a) dəftərlər bir-birinin içinə və cildə qoyulur, yəni komplektləşdirilir. Komplektləşdirilmənin bu üsulu kiçikhəcmli, konstruksiyasına görə sadə, kiçik istis­mar müddətli, kağızın kütləsindən asılı olaraq 64-80 səhifəlik kitab-jurnal nəşrlərin hazırlanmasında geniş istifadə olunur. Bu üsul nəşrlərin hazırlanmasında az əməliyyatlılığı və sadəliyi təmin edir. Dəftərlər çox olduqda nəşrin kötük hissəsi qalınlaşır və o qeyri-kompakt görünüş alır.

Orta, böyük və kütləvi tirajlarda blokların iç-içə komplekt­ləş­dirilməsi mexanikləşdirilmiş və avtomatlaşdırılmış avadan­lıq­da yerinə yetirilir. Bu avadanlıq komplektləşdirmədən başqa digər əməliyyatları da yerinə yetirir.

İç-içə yıgma üsulu adətən broşür tipli nəşrlərin, o cümlədən, jurnalların və kiçik həcmli broşürlərin hazırlanmasında istifadə edilir. Adətən iç-içə yıgma üsulundan həcmi 128 səhifəyə qədər olan nəşrlərin hazırlanmasında istifadə edilir. Səhifələrin sayı artdiqca bu üsulla yıgılmış nəşrlərin kötük hissəsi qalınlaşır və nəşrin açılıb baglanması pisləşir.