CəlaləDDİn suyutiNİn təSNİFİNDƏn həDİSLƏr axirzaman mehdiSİNİN
Yüklə 499,13 Kb. Pdf görüntüsü
|
gecədə bu ordu çölə gedərkən, bir çoban fərqinə vararaq "Vay Məkkənin başına gələnə" deyərkən, ordunun birdən gözünün qarşısından itdiyini görüncə "sübhanAllah, qısa zamanda necə də yox oldular" deyərək onların batdığı yerə gəlib və yarısı yerin altında, yarısı yerin üstündə qalmış bir atlını yaxalayaraq çıxarmağa çalışır. Lakin çıxara bilməz və o zaman ordunun torpağa batdığını anlayar. Məkkə rəisinə bunu müjdələmək üçün gedər və bunu eşidən Məkkə rəisi "Əlhəmdülillah, bizə ondan xəbər verilən əlamət məhz bu idi" deyər.
• Batan ordudan yalnız iki adamın xilas olacağı 4.70--- Keza (N. ibn Hammad) Əbu Kubeyldən təxric etdi. O dedi ki: Batan ordudan biri müjdələyici, digəri isə qorxuducu iki adam sağ qalar. Müjdələyici Mehdiyə, qorxuducu isə Süfyaniyə xəbər verər. Bunların ikisi də Kelpdəndir.
• Beydada ordunun batışının hz. Mehdinin çıxış əlaməti olduğu 4.50--- Nəim Amr ibn Asidən təxric etdi. O belə dedi: “Beydada ordunun yerə batırılması Mehdinin çıxış əlamətidir.”
• Kəbəyə qarşı gələn ordunun Beydada yerə batacağı 4.80--- Nəsəi, Əbu Hureyrədən təxric etdi. O dedi: Bu Beytə bir ordu gələr, ancaq Beydada yerə batar. 4.79--- İmam Əhməd, Muslim, Nəsəi, ibn Macə hz. Hafsadan təxric etdilər. O dedi: Bu Beytə qarşı bir ordu göndərilər, ancaq Beydaya girdiyində bu ordunun əvvəl ortası batar və başdakılar sondakılara qışqırarkən hamısı birdən batar. Onlardan bir neçə xəbərçi xaricində kimsə sağ qalmaz. 4.81--- Nəsəi və Hakim, Əbu Hureyrədən təxric etdilər. O dedi ki, insanlar, Beydada bir ordu batana qədər Beytin fəthindən imtina etməyəcəklər.
• Beydada yerə batanların qiyamətdə niyyətlərinə görə diriləcəyi 4.77--- Buxari və ibn Macə, hz. Aişədən təxric etdilər; o dedi ki: Kəbəyə hücum etmək üçün göndərilən bir ordu Beydada yerə batar. Qiyamət günü isə hər kəs niyyətinə görə dirilər. 4.75
--- Əhməd ibn Hənbəl, Tirmizi, ibni Macə və Əbu Davud, hz. Safiyədən təxric etdilər. O dedi ki, insanlar bu Beytin fəthindən imtina etməzlər. Bir ordu döyüş üçün gələr, səhraya girdiyində baş və sonundakılar batar, ortadakılar da xilas olmaz. Deyildi ki: "İstəməyərək o orduya qatılıb batanların vəziyyəti nə olar?". Buyurdu: "Allah onları niyyətlərinə görə dirildər." 4.76--- Əhməd ibn Hənbəl və Müslim, Ümmü Sələmədən təxric etdilər: O dedi ki: Mehdi Beytə sığındığında, üzərinə hər tərəfdən ordular göndərilər. Ancaq bunlar Beydada batarlar. Peyğəmbər (s.ə.v)-dən "İstəməyərək gedənlərin vəziyyətinin nə olacağı" soruşulduğunda, buyurdu ki: "Qiyamət günü hər kəs niyyətinə görə diriləcək."
• Süfyani ordusunun Kəbədəki bir şəxsi (Mehdini) axtarışa gəlməsi 4.78--- Tarabani, Ümmü Sələmədən təxric etdi. O dedi ki: Ümmətimdən bir qrup Məkkədəki bir adama qarşı göndərilər. Ancaq Beydada yerə batarlar. Onların batdığı yer eyni, ancaq niyyətləri ayrıdır. 4.47--- Tarabani, Evsadda Ümmü Həbibədən təxric etdi. O dedi, Rəsulullah (s.ə.v)-dən belə buyururduğunu eşitdim: “Şərq tərəfindən bir qisim insanlar Beytdəki bir şəxsi axtarmaq üçün yola çıxarlar. Beyda deyilən yerə gəldiklərində yerə batırılarlar. Musannif deyir ki, Şeyx ibn Həcəri Mekki (Heytəmi) də Əl Kavlul Müxtəsər fi əlamətil Mehdiyyil Muntazarda bu mövzuda belə nəql edir: İraq tərəfindən bir ordu, Mədinəli bir şəxsi axtarmaq üçün yola çıxar. Bu şəxs Mehdidir. Ancaq cənabı Haqq onlara mane olar və Zülhuleyfə yaxınında Beydada yerə batırılarlar. Belə ki, altda qalan üstdəkini, üstə qalan altdakını qiyamətə qədər görə bilməz. Bu ordunun İraq tərəfindən gələcəyi rəvayəti ilə şərqdən gələcəyi rəvayəti arasında bir ziddlik olmadığı kimi, bir çox nəqldən aydın olacağı kimi onlar Şam əhlindən olacaq.
• Süfyaninin həlakı 4.68--- İbni Asakir, Xalid ibn Miğdandan təxric etdi. O dedi ki, Süfyaninin həlakı bir camaatı iki dəfə hüsrana uğratdıqdan sonra olar. Mehdi də Qota bölgəsində Haresta adı verilən bir kənd batmadan çıxmaz. 4.67--- Nəim Hakim ibn Nafidən təxric etdi. Dedi ki, Süfyani türklərlə döyüşdükdən sonra onun yox edilməsi vəzifəsi Mehdinin əlində olar. Mehdi ilk qurduğu ordunu da Türkə ( tərəfindən düşmənlərə) göndərər.
HZ. MEHDİNİN ZÜHURU
• Hacılar Mina və Ərafatda olarkən eşidiləcək səslər 1.30--- Keza (N. ibn Hammad) Hakim ibn Nafidən təxric etdi. Buyurdu ki, qəbilələr arasındakı döyüşlərdən sonra, insanlar Mina və Ərafatda olarkən münadi: "Əmiriniz filankəsdir"-deyə səslənər və arxasınca ikinci bir nida gələr.
"Agah olun, bu münadi qətiliklə doğru söylədi" deyər. Beləcə, insanlar salehlərini qoruyarlar, şiddətlə vuruşarlar. Məhz o zaman səmadan özünü müəyyən edən bir əl görünər və döyüş isə şiddətlənər. Haqq köməkçilərinin sayları Bədr döyüşçülərinin sayı qədər qalana kimi bu şiddət davam edər və onlar sahiblərinə (Mehdiyə) beyət etmək üçün tabe olarlar.
• Məkkədə günahsız insanlar öldürüldüyündə eşidiləcək səs 1.11--- Keza (N. ibn Hammad) Ammar ibn Yasirdən təxric etdi. Buyurdu ki: Məkkədə heçdən günahsız insanlar öldürüldüyündə, səmadan "Əmriniz filankəsdir, məhz bu Mehdidir ki, yer üzünü ədalət və bolluqla dolduracaq" şəklində bir səs eşidilər. İkdıddurər adlı kitabda da deyilir: "Bu səs yer üzünü bürüyər və hər dilin əhli onu öz dilində eşidər".
• Məhərrəmdə zühuru əsnasında eşidiləcək səslər 1.10--- Keza (N. ibn Hammad) Şehr ibn Havşəbdən təxric etdi. Rəsullulah (s.ə.v) buyurdu: Məhərrəm ayında bir münadi səmadan "Agah olun Allahın seçdiyi adam filankəsdir, onu dinləyin və itaət edin" deyəcək və bu çox şiddətli döyüşlərin və fitnələrin olduğu bir zaman olacaq. 1.2--- Əbu Nəim, ibn Ömərdən təxric etdi. (aldı) O dedi ki, Rəsullulah (s.ə.v) belə buyurdu: Hz. Mehdi başı üzərində bir bulud olduğu halda çıxacaq, o buludda bir münadi: "Bu Allah xəlifəsi Mehdidir, ona zabi
olun"-deyə səslənəcək. 1.3--- Əbu Nəim və Hatib, Telhisül-Mütəşabihə adlı əsərində, ibn Ömərdən təxric etdilər. Resullulah (s.ə.v) belə buyurdu: Mehdi (ə.s) başı üzərində "Bu Mehdidir ona tabe olun"-deyə səslənən bir mələk olduğu halda çıxacaq. 1.4--- İbni Əbu Şeybə, Asam ibn Ömər Becəlidən təxric etdi. Peyğəmbər (s.ə.v) buyurdu: Bir adam səmadan adıyla mütləq çağırılacaq və sübut onu inkar etməyəcək, alçaqlar ona mane olmayacaq.
2-ZÜHUR ŞƏKLİ
• Yeddi alimin hz. Mehdini axtarıb tapması və beyət almağı məcbur etməsi 6.5--- Nəim ibn Hammad, ibn Məsuddan təxric etdi. O belə dedi: Ticarət və yolların kəsildiyi və fitnələrin çoxaldığı zaman, müxtəlif diyarlardan yeddi alim hər birinin bərabərində üç yüz on adam olduğu halda, bir-birlərindən xəbərsiz şəkildə Məkkədə bir araya gələrlər. Biri digərindən "burada nə axtarırsan?"- deyə soruşar. Ona belə deyərlər: "Biz o şəxsi axtarmaq üçün gəldik ki, fitnələr onun əliylə sönə bilər. Konstantinopol onunla fəth edilər. Biz onu adı ilə və anasının, atasının adıyla və ordusu ilə tanıyarıq, Məkkədə olduğunu da bilərik". Yüklə 499,13 Kb. Dostları ilə paylaş:
|