Coğrafiya
və təbii resurslar, №1, 2015
68 AMEA akad. H.Ə.Əliyev adına Coğrafiya İnstitutu, Azərbaycan Coğrafiya
Cəmiyyəti
İQTİSADİ VƏ SOSİAL COĞRAFİYA
©
Z.N.Eminov
AZƏRBAYCANDA KƏND ƏHALİSİNİN TƏBİİ ARTIMININ İNKİŞAF MEYİLLƏRİ VƏ
NİZAMLANMASI İSTİQAMƏTLƏRİ
Z.N.Eminov
AMEA akad. H.Ə. Əliyev adına Coğrafiya İnstitutu
AZ 1143, Bakı, H. Cavid pr., 115
Uzun illər ərzində respublikada əhalinin sayının əsas artım mənbəyi kəndlərdə təbii artımın
yüksək səviyyəsi olmuşdur. XX əsrin 60-cı illərində onun kəmiyyətinin yüksək olması kənd
əhalisinin sayının yüksək templə artımını təmin etməklə yanaşı, şəhərlərə də miqrasiya axını çox
olmuş, onların işçi qüvvəsi ilə təminatı həll edilmişdir.
Sonrakı dövrlərdə, xüsusilə müstəqillik illərində əhalinin maddi vəziyyətinin ağırlaşması təbii
artımın kəskin şəkildə aşağı düşməsinə gətirib çıxartdı. Buna görə şəhərlər əhalinin əsas artım
mənbəyindən məhrum olmaqla yanaşı, kəndlərdə də əhalinin sayı zəif templə artır.
Eyni zamanda, doğumun cins tərkibinin pozulması ümumi əhalinin cins tərkibinin də pozul-
masına gətirib çıxarır. Ona görə kəndlərdə demoqrafik vəziyyətin nizamlanmasına ehtiyac vardır.
Mövzunun aktuallığı. Azərbaycanda kənd
yaşayış məskənləri ölkənin bütün ərazilərində ya-
yılmışdır. Kəndlər əhalinin məskunlaşmasında,
ərazilərin mənimsənilməsi və istifadə edilməsin-
də, kənd təsərrüfatı məhsullarının istehsalında
əhəmiyyətli rol oynayır. Onlar, eyni zamanda, öl-
kənin demoqrafik potensialının cəmləndiyi əsas
mərkəzlərdir və əhalinin sayının əsas artım mən-
bəyini təşkil edir. 2014-cü ilin əvvəlində ölkənin
9477,1 min nəfər əhalisinin 4431,7 min nəfəri və
ya 46,8%-i kəndlərdə məskunlaşmışdı. 2013-cü
ildə respublikada 4589 yaşayış məntəqəsi mövcud
olmuşdur. Onlardan cəmi 78-i şəhər, 261-i qəsə-
bələrdir. Azərbaycanda kənd əhalisi 4250 kənd
yaşayış məntəqəsində məskunlaşır. Bu kəndlərin
idarə edilməsi üçün 1727 kənd ərazi dairəsi, 1718
bələdiyyə fəaliyyət göstərir. Kəndlər respublikada
olan yaşayış məntəqələrinin 92,6%-ni təşkil edir
[Azərbaycanın əhalisi, 2014].
Müstəqilliyin ilk illərindən başlanan
iqtisadi çətinliklər, əhalinin məşğulluq səviyyə-
sinin aşağı düşməsi onun demoqrafik vəziyyətinə
də öz mənfi təsirini göstərmişdir. Buna görə təbii
artım xeyli azalmış, miqrasiya intensivliyi art-
mışdır. Yaranmış vəziyyət kəndlərdə əhalinin
sayının artımına mənfi təsir göstərir və onun tem-
pi getdikcə azalır. Eyni zamanda, aparılan iqtisadi
islahatlar kəndlərin iqtisadi bazasının formalaş-
masına mənfi təsir göstərmişdir. Yaradılan fermer
təsərrüfatları iqtisadi baza funksiyasını yerinə
yetirə bilmir, kənd əhalisinin məşğulluqla bağlı
problemləri hələ də qalmaqdadır. Ona görə kənd-
lərin sosial-iqtisadi və demoqrafik inkişafının tə-
min edilməsi üçün mövcud problemlərin elmi
təhlilinin aparılması, daha ciddi tədbirlərin həyata
keçirilməsi zəruridir.
Mövzunun öyrənilməsi səviyyəsi. Respub-
lika əhalisinin təbii və mexaniki artımı, məskun-
laşması, onun formalaşmasına təsir göstərən amil-
lər və nizamlanması istiqamətləri XX əsrin 60-cı
illərindən sonra öyrənilmişdir. Bu sahədə Ş.Y.
Göyçaylı (1964), M.M.Allahverdiyev (1966),
Ş.Q.Dəmirqayayev (1971), M.O.Sadıqov (1983),
N.H.Əyyubov
və
E.Q.Mehrəliyev
(1988),
Ş.M.Muradov (2004), V.Ə.Əfəndiyev (2013),
Z.N.Eminov (1997, 2005, 2012, 2013) və başqala-
rı tədqiqat işləri aparmışlar [Azərbaycan Respub-
likasının coğrafiyası, 2013].
Mövzunun izahı. Əhalinin təbii artımına
onun mütləq sayı, şəhər və kənd əhalisinin nisbəti,
qadınların cəmiyyətdə mövqeyi, təhsil səviyyəsi
və təsərrüfat sahələrində məşğulluğu, dinin
cəmiyyətdə rolu və s. amillər təsir göstərir. XX
əsrin 60-cı illəri Azərbaycanın kənd əhalisi
arasında hər 1000 nəfərə görə doğum və təbii ar-
tım əmsallarının azalma meyilləri ilə fərqlənir,
ölüm əmsalları isə onillik ərzində sabit qalmışdır.
Kənd əhalisi arasında çoxuşaqlılıq yayıldığına
görə 60-cı illərdə doğum əmsalı əvvəlki dövrlərə
nisbətən yüksək səviyyədə olaraq qalmışdır.
Bununla yanaşı, 40-cı illərdə təbii artımın aşağı
səviyyədə olduğu vaxtlarda doğulmuş uşaqlar
artıq nikah yaşına çatdığına görə fertil yaşlı
qadınların sayı da az olmuşdur. Bu dövrdə yeni
evlənənlərin sayı da xeyli azalmışdır.
Kənd əhalisi
arasında 1963-1970-ci illərdə nikah əmsalı 10,8-
dən 5,6-ya enmiş və ya 2,0 dəfədən çox azalmış-
dır [Azərbaycan
demoqrafik göstəriciləri, 2012].
1961-ci ildə respublikanın ümumi əhalisi
arasında doğum əmsalı 42,1, təbii artım əmsalı
35,4 səviyyəsində olmuşdur. 1970-ci ildə ölüm
əmsalının (hər 1000 nəfərə görə 6,7) sabit qaldığı
Coğrafiya və təbii resurslar, №1, 2015
AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
69
şəraitdə doğum əmsalı 29,2-yə, təbii artım əmsalı
22,5-ə enmişdir. On il ərzində doğum əmsalı
30,6%, təbii artım əmsalı 36,4% azalmışdır.
Kəndlərdə təbii artımın ənənəvi yüksək
göstəriciləri 60-cı illərdə də özünü göstərir. Bu
mənada respublikanın kənd əhalisi arasında 1961-
ci ildə doğum əmsalı 49,4, təbii artım əmsalı 42,8
olmuşdur. Bu dövrdən sonrakı on il ərzində
(1960-1970) bu göstəricilər doğum əmsalı üzrə
34,1-ə, təbii artım üzrə 27,2-yə enmişdir. Təhlil
aparılan dövrdə doğum səviyyəsi 31,0%, təbii
artım səviyyəsi 36,5% azalmışdır. Qeyd etmək la-
zımdır ki, ümumi və kənd əhalisi arasında təbii
artım göstəriciləri eyni səviyyədə azalmışdır.
60-cı illərin birinci yarısı kənd əhalisi ara-
sında qeydə alınan ən yüksək doğum göstəriciləri
ilə fərqlənir. Bu dövrdə (1961-1966) kəndlərdə
100,0 min nəfərdən çox uşaq doğulmuşdur. Onil-
liyin ikinci yarısında doğumun azalmasına ailə-
lərdə uşaqların sayının azalması ilə yanaşı,
müharibədən sonrakı illərdə doğumun aşağı səviy-
yəsi də təsir göstərmişdir. Bir neçə il ərzində
doğulan uşaqların sayı 100,6 min nəfərdən 87,7
min nəfərə qədər azalmışdır. 1961-ci ildə res-
publikada doğulan uşaqların 59,8%-i, 1970-ci ildə
58,1%-i kənd əhalisinin payına düşmüşdür [Azər-
baycanın demoqrafik göstəriciləri, 2013].
Əvvəlki onillikdən fərqli olaraq 60-cı illər-
də kəndlərdə ölənlərin sayı az da olsa artmışdır.
Belə ki, 1961-1970-ci illərdə kənd əhalisi arasında
bu göstərici 13521 nəfərdən 17690 nəfərə
yüksəlmiş və ya 30,8% artmışdır. Belə vəziyyətdə
kəndlərdə təbii artım göstəricilərinin azalması
sonrakı illərdə də davam etmişdir. Belə ki, 1961-
ci ildə kəndlərdə əhalinin sayı 88496 nəfər, 1970-
ci ildə 70001 nəfər artmışdır. On ildə təbii artım
18495 nəfər və ya 20,9% aşağı enmişdir. Əhalinin
təbii artımında kənd əhalisinin payı 61,8%, 1970-
ci ildə 60,1% olmuşdur [Mehrəliyev, 2003].
Artıq 80-ci illərdə şəhərlərin iqtisadi və so-
sial inkişaf sürəti zəifləmiş, bu bazanın kənd əha-
lisini qəbul etmək potensialı azaldığına görə
respublikadan kənara miqrasiya axını güclən-
mişdir. Məhz bu da respublikada şəhər əhalisinin
artımını ləngitmiş, urbanizasiya prosesləri zəif
templə getmiş, onun səviyyəsi uzun illər dəyişməz
olaraq qalmışdır. Belə vəziyyət bu gün də davam
edir. Abşerondan kənar regionlarda şəhərlərin zəif
sosial-iqtisadi bazası nəinki ətraf məntəqələrdən
əhalini qəbul edə bilmir, hətta özünün təbii yol ilə
artan əhalisini yerlərdə saxlamaq, onları iş yerləri
və mənzillərlərlə təmin etmək potensialına da ma-
lik deyildir.
50-60-cı illərdə respublikanın kənd əhalisi
arasında müşahidə olunan yüksək təbii artım ilkin
dövrlərdə kənd əhalisinin artımını təmin etməklə
yanaşı, sonrakı dövrlərdə şəhər əhalisinin sayının
da artmasına və intensiv miqrasiyaların başlan-
masına səbəb olmuşdur. 1970-1990-cı illərdə orta
hesabla hər il miqrasiya hesabına kəndlərdə əha-
linin sayı 25-30 min nəfər azalmışdır. Kənd əha-
lisinin miqrasiyası hesabına şəhər məntəqələrində
əhalinin sayı 70-ci illərdə orta hesabla ildə 15-25
min nəfər artmış, qalan əhali respublikanı tərk
etmişdir [Azərbaycanın demoqrafik göstəriciləri,
2013].
XX əsrin 70-ci illərinin birinci yarısında öl-
kənin ümumi əhalisi, o cümlədən kənd əhalisi ara-
sında hər 1000 nəfərə görə doğum və təbii artım
əmsallarında azalma meyilləri müşahidə edilsə də,
onilliyin ikinci yarısını bu göstəricilərin dina-
mikasında sabitlik dövrü kimi qəbul etmək olar.
1971-ci ildə ümumi əhali üzrə doğum
əmsalı 27,7, təbii artım əmsalı 21,2, 1976-1980-ci
illərdə doğum əmsalı 25,2 - 25,5, təbii artım əm-
salı 18,1 - 18,2 arasında dəyişmişdir. Kəndlərdə
əhalinin təbii artım göstəriciləri bu dövrdə nis-
bətən yüksək səviyyəsi ilə fərqlənmişdir. 1971-ci
ildə kəndlərdə hər 1000 nəfərə görə doğum əmsalı
31,9, təbii artım əmsalı 25,2 səviyyəsində qeydə
alınmışdır. Onilliyin ikinci yarısında ölüm əmsa-
lının müəyyən qədər artması baş vermişdir, yəni
1976-1980-ci illərdə bu əmsal 6,8-dən 7,3-ə yük-
səlmişdir. Lakin doğum və təbii artım əmsal-
larında nisbi sabit dinamika müşahidə edilir. Bu
illərdə təbii artım əmsalı hər 1000 nəfərə görə
20,0 - 21,0 arasında dəyişmişdir.
1970-ci illərdə kənd əhalisi arasında doğu-
lan uşaqların sayında, ölənlər və təbii artım gös-
təricilərində əsaslı dəyişikliklər olmamışdır. Bu
dövrdə doğulan uşaqların sayı 75,0 - 80,0 min nə-
fər arasında, təbii artım 57,0 - 59,0 min nəfər
arasında dəyişmişdir. Eyni sözləri ölənlərin sayı
haqqında da demək olar.
1971-ci ildə respublikada doğulan uşaqların
57,0%-i, təbii artımın 58,7%-i, 1980-ci ildə
müvafiq olaraq doğulan uşaqların 51,2%-i, təbii
artımın 52,1%-i kənd əhalisinin payına düş-
müşdür. Rəqəmlər göstərir ki, təhlil aparılan müd-
dətdə şəhərlərdə doğulan uşaqların sayı və nə-
ticədə onların əhalinin sayının artımında rolu yük-
səlmişdir. Çünki 60-cı illərdə müşahidə olunan
yüksək təbii artım, yuxarıda qeyd edildiyi kimi,
şəhərlərə miqrasiyanın intensivləşməsinə səbəb
olmuşdur. Bu dövrdə şəhərlərdə cavan yaşlı əhali-
nin sayının artması nikah yaşlı insanların sayının
artmasına və doğumun yüksəlməsinə gətirib çıxar-
mışdır.
1970-1979-cu illərdə şəhər yerlərində 15-19
yaşlı əhalinin sayı 260,2 min nəfərdən 408,6 min