Coğrafiya
və təbii resurslar, №1, 2015
AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
91
© R.N.Kərimov
LƏNKƏRAN-ASTARA İQTİSADİ-COĞRAFİ RAYONUNDA KƏND MƏSKUNLAŞMASI VƏ
ONUN DAVAMLI İNKİŞAFI PROBLEMLƏRİ
R.N.Kərimov
AMEA akad. H.Ə.Əliyev adına Coğrafiya İnstitutu
Az1143, Bakı, H.Cavid prosp., 115
Lənkəran-Astara iqtisadi-coğrafi rayonunun demoqrafik inkişafında kənd məskunlaşması
mühüm rol oynayır. İqtisadi rayonda kənd əhalisinin sıxlığı nisbətən yüksək və eyni zamanda,
qeyri-bərabərdir. Azərbaycanın xarici ölkə ilə həmsərhəd olan regionu kimi Lənkəran-Astarada
kənd yaşayış məntəqələrinin demoqrafik potensialının saxlanması və gücləndirilməsi zəruri mə-
sələlərdən biridir. Məqalə kənd əhalisinin və kənd yaşayış məntəqələrinin ərazi üzrə səmərəli
məskunlaşdırılmasına, kənd məskunlaşmasının regional davamlı inkişaf problemərinə həsr
olunmuşdur. Müəllif kəndlərin perspektiv inkişafı ilə bağlı müvafiq təkliflərini irəli sürür.
Azərbaycanda əhalinin məskunlaşma siste-
mində kənd yaşayış məntəqələrinin mühüm rolu
vardır. Kənd əhalisi Azərbaycanın inzibati rayon
mərkəzlərinin demoqrafik inkişafını təmin edən
resurs mənbəyidir. Əhalinin təbii təkrar istehsalı,
insan resursları ilə təminatın və demoqrafik poten-
sialın güclənməsi baxımından kənd rayonlarının
sosial-iqtisadi və demoqrafik inkişafı ölkə üçün
böyük əhəmiyyətə malikdir (Геокчайский, 1986).
Kənd əhalisi doğum, təbii artım, fertillik əmsalı
göstəricilərinə görə şəhər əhalisindən üstün olur.
Ekoloji cəhətdən təmiz ərazilərdə inkişaf edən
kənd yaşayış məntəqələri sağlam gənc nəslin
formalaşmasında mühüm rol oynayır. Eyni za-
manda, kəndlərin inkişafı dağlıq ərazilərin mə-
nimsənilməsinə, dağlıq rayonların davamlı de-
moqrafik inkişafına zəmin yaradır (Karimov,
2013).
Azərbaycanın kənd məskunlaşması siste-
mində Lənkəran-Astara iqtisadi rayonu mühüm
rol oynayır. Bu region kənd əhalisinin sayına görə
(2013-cü ildə 644,8 min nəfər) Azərbaycanın iqti-
sadi rayonları arasında üçüncü yeri tutur. Ölkənin
kənd əhalisinin 15%-i bu iqtisadi rayonun sakin-
ləridir. Kənd əhalisinin sıxlığına görə isə (1 kv.
km-də 106 nəfər) Lənkəran-Astara ölkənin regi-
onları arasında birinci yerdədir.
Rütubətli subtropik və mülayim-isti iqlimin
yayıldığı, məhsuldar, münbit torpaqların geniş in-
kişaf etdiyi, məskunlaşma üçün əlverişli düzən,
dağətəyi və dağlıq sahələrin mövcud olduğu Lən-
kəran-Astara iqtisadi-coğrafi rayonu ötən əsrin
ikinci yarısından etibarən bir sıra kənd təsərrüfatı
məhsullarının istehsalı üzrə ixtisaslaşsa da, regi-
onda sənayeləşmə və urbanizasiya prosesləri nis-
bətən ləng getmişdir. Nəticədə ümumi əhali ara-
sında kənd sakinləri xeyli üstün olmuşlar. Kənd
əhalisi sürətlə artsa da, kənd sakinlərinin bir
hissəsi uzun müddət sakin olduqları ərazini tərk
edərək paytaxt Bakıya və hətta xarici ölkələrə
miqrasiya etmişlər. Uzun müddət ərzində iqtisadi
rayonda kənd əhalisinin xüsusi çəkisi, demək olar
ki, dəyişməmiş, 1989-cu ildə 74,2% idisə, 2009-
cu ildə 75,0% təşkil etmişdir.
Lənkəran-Astara iqtisadi-coğrafi rayonunda
iri kənd yaşayış məntəqələrinə (əhalisi 5-8 min
nəfər və daha çox) geniş rast gəlinsə də, son si-
yahıyaalma materialları əsasında apardığımız mü-
qayisəli araşdırma göstərir ki, kəndlərin orta bö-
yüklüyünə görə bu region ölkənin digər regionları
arasında beşinci yeri tutur.
İqtisadi rayon ərazisində kəndlər qeyri-bə-
rabər paylanmışdır və kənd əhalisinin sıxlığı müx-
təlifdir (Əziziov, 2009). Apardığımız araşdırmalar
göstərir ki, regionda daha böyük kəndlər Bakı-
Astara magistral yolunun və eyniadlı dəmir yolu
xəttinin əsasən sağ tərəfində, dəniz sahilindən 20-
30 km məsafədə yerləşir. İqtisadi rayonun qərb və
cənub-qərbinə doğru getdikcə, o cümlədən Hirkan
meşəsindən qərb istiqamətində düzənlik yaşayış
məskənləri dağ kəndləri ilə əvəz olunur. Alçaq
dağlığa doğru onların sayı azalmır və ya kəskin
dəyişmir, lakin böyüklüyü nəzərəçarpacaq dərəcə-
də kiçilir. Lerik ərazisində rayon mərkəzinə yaxın
yerləşən kəndlər digər kəndlərə nisbətən daha
böyük olmaları ilə seçilirlər. Oxşar vəziyyət Yar-
dımlı rayonunda da müşahidə edilir. Qızılağac
körfəzi sahilləri bataqlıqlardan və qamışlıqlardan
ibarət olmaqla, məskunlaşma prosesinin olduqca
zəif getməsi ilə səciyyələnir. Dağlıq ərazilərdə
kənd əhalisinin sıxlığı aşağıdır. Yardımlı şəhərin-
dən qərbdə kənd əhalisinin sıxlığının yenidən cüzi
artması müşahidə olunur. Regionun Masallı rayo-
nu hissəsində kənd əhalisinin sıxlığı maksimuma
çatır (2013-cü ildə 1 kv. km-də 244 nəfər). Astara
rayonu da kənd əhalisinin nisbətən sıx olması (1
kv.km-də 112 nəfər) və həm də kənd əhalisinin
digər rayonlarla müqayisədə ərazi üzrə nisbətən
bərabər paylanması ilə fərqlənir. Kənd əhalisinin
sıxlığı ən az Yardımlıda (82 nəfər/km
2
) və Lerik-
Coğrafiya və təbii resurslar, №1, 2015
92 AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti
də (65 nəfər/km
2
) müşahidə olunur. Bu iki rayon
ərazisi daxilində kənd əhalisinin sıxlığı təxminən
eynidir, əhalinin sayına görə kəndlər arasındakı
fərqlər də azdır. Lənkəran rayonunda (85 nə-
fər/km
2
) Qızılağac körfəzinin sahilləri də nəzərə
alınmaqla, əhalinin sıxlığı nisbətən aşağıdır, əhali
ərazi üzrə olduqca qeyri-bərabər paylanmışdır. İn-
zibati rayonun qərb hissəsində sıxlıq şərqə nis-
bətən xeyli aşağıdır.
Lənkəran-Astara iqtisadi rayonunun kənd
yaşayış məntəqələrinin sayı son 40 ildə artmışdır.
1970-ci ildə kəndlərin sayı 605 idisə, 1999-cu ildə
638, 2009-cu ildə isə 643 olmuşdur. Son siyahıya-
alma materiallarına əsasən, Lerik rayonu ən çox –
161 sayda kənd yaşayış məntəqəsinin
olduğu ərazi
vahididir. Sonrakı yerləri 117 kəndlə Cəlilabad və
105 kəndlə Masallı rayonları tutur. Astara rayo-
nunda 89 kənd, Yardımlı rayonunda 87 kənd,
Lənkəranda isə 83 kənd mövcuddur. 1970-2009-
cu illərdə kəndlərin sayı Lerikdə 155-dən 161-ə,
Lənkəranda 78-dən 83-ə yüksəldiyi halda,
Cəlilabad rayonunda 122-dən 117-yə enmişdir.
Son siyahıyaalma materiallarına əsasən,
Lənkəran-Astarada kəndlərin orta böyüklüyü 962
nəfərdir. Region kəndlərin orta böyüklüyünə görə
yalnız Aran, Naxçıvan, Gəncə-Qazax və Şəki-Za-
qatala iqtisadi rayonlarından geri qalır. Kəndlərin
orta böyüklük göstəricisi Masallıda 1583 nəfər,
Lənkəranda isə 1481 nəfər olmaqla, bu iki ra-
yonda daha çoxdur. Müvafiq göstərici Cəlilabad
rayonunda 1166, Astarada 824, Yardımlıda 592,
Lerikdə isə ən az – 418 nəfər təşkil edir.
Son onilliklər üzrə olan statistik mate-
riallarının müqayisəli təhlili göstərir ki, iqtisadi
rayonda əhalisi 200 nəfərə qədər olan kəndlərin
sayının azalması prosesi müşahidə edilir. Son
illərdə isə bu proses daha da sürətlənmişdir. Buna
əsas səbəb həmin qrupa aid olan kəndlərin
böyüməsidir. Bununla bərabər, dağlıq ərazilərdə
kəndlərin yox olması təhlükəsi də vardır. Əhalisi
200 nəfərdən az olan belə kəndlər daha çox qonşu
dövlətlə həmsərhəd Lerik və Astara rayonların-
dadır. Ümumiyyətlə, iqtisadi rayonda 200 nəfərə-
dək sakini olan kəndlərin sayı 130-a yaxındır.
İqtisadi rayonda əhalisi 200-500 və 500-
1000 nəfər olan kəndlər üstünlük təşkil edir.
Ümumilikdə kəndlərin 50%-dən artığı bu qrupdan
olan kəndlərin payına düşür. Xüsusən Cəlilabad
və Yardımlı rayonlarında kəndlərin böyük əksə-
riyyətinin əhalisi 200-1000 nəfər arasındadır.
Xəzərsahili ərazidə və ya ona yaxın yerlə-
şən kənd yaşayış məntəqələri bir-birilərinə çox
yaxın yerləşirlər və kənd aqlomerasiyalarını for-
malaşdırırlar. İri kənd qrupları yaradan çoxlu say-
da kəndlərin əhalisi 3-5 min nəfərdən 6-8 min
nəfər (Ərçivan, Boladı, Kolatan, Separadi, Ma-
musta, Girdəni, Vilvan, Şağlaser və s.) arasında
dəyişir. Eyni zamanda, alçaq dənizsahili düzən-
liklərdə əvvəllər kənd olmuş bir neçə yaşayış
məntəqəsi qəsəbəyə çevrilmişlər.
Regionun kənd yaşayış məntəqələrinin inki-
şafında, əhalisinin sayının artmasında kənd sakin-
lərinin məşğul olduğu bitkiçilik və heyvandarlıq
sahələrinin, bəzən isə kiçik emal və xidmət müəs-
sisələrinin mühüm rolu vardır.
İqtisadi rayonun yaşayış üçün daha əlverişli
sayılan düzən əraziləri məhdud olsa da, sürətlə
artan kənd əhalisinin ehtiyaclarının ödənilməsi
üçün yeni ərazilər mənimsənilməkdədir. Masallı,
Lənkəran, Astara kimi rayonlarda kənd əhalisinin
mühüm gəlir mənbəyi olan bitkiçiliyin müxtəlif
sahələri inkişaf etdirilir. İqtisadi rayonun kənd
yaşayış məntəqələri tərəvəzçilik, subtropik
meyvəçilik, çayçılıq, kartofçuluq, üzümçülük və s.
sahələr üzrə ixtisaslaşmışlar. Dağlıq rayonlarda
(Lerik və Yardımlı) əsas təsərrüfat sahəsi hey-
vandarlıq olan kəndlər yayılmışdır. Sahilyanı
kəndlərdə balıqçılıq inkişaf edir. Nisbətən böyük
kəndlərdə şitilliklər, quşçuluq təsərrüfatları inkişaf
etdirilir.
Region üçün nisbətən məhdud və yığcam
həyətyanı sahəsi olan kəndlərin yayılması da sə-
ciyyəvidir. Bu kəndlər əsasən tərəvəzçilik, bağ-
çılıq kimi sahələr üzrə ixtisaslaşmışlar. Lənkəran,
Astara və Masallı rayonlarında və rayon mərkəz-
lərinin ətrafında əhalisi əsasən tərəvəzçiliklə məş-
ğul olan, nisbətən böyük, morfoloji cəhətdən digər
yaşayış məntəqələrindən fərqlənən kəndlər daha
çoxdur.
Lənkəran-Astaranın
kənd əhalisinin dinami-
kasının təhlili artım tempinin azaldığını göstərir
(cədvəl 1).
1999-2009-cu illər ərzində kənd əhalisi
9,8% artmışdır. Bu artım əvvəlki onilliyin (1989-
1999-cu illər) müvafiq göstəricisi (25,7%) ilə mü-
qayisədə xeyli aşağıdır. Kənd əhalisinin artımı da-
ha çox Lerik (18,6%) və Yardımlı (13,4%)
rayonlarında qeydə alınmışdır.
İqtisadi rayonun kənd sakinlərinin Azərbay-
canın kənd əhalisi arasındakı xüsusi çəkisi cüzi
artmışdır. Əgər 1979-cu ildə Lənkəran-Astaranın
kənd əhalisinin sayı ölkənin kənd əhalisinin
13,2%-i qədər idisə, müvafiq göstəricilər 1989-cu
ildə 13,9%, 1999-cu ildə 14,5%, 2009-cu ildə isə
14,8% olmuşdur. Kənd əhalisinin rayonun ümumi
əhalisi arasındakı xüsusi çəkisi şəhər və qəsəbə-
lərin nisbətən çox olduğu Lənkəran rayonunda
daha aşağı – 59,7%-dir, Cəlilabadda 70,9%, Asta-
rada 77,0%, Masallıda 84,3% olduğu halda, Yar-