CÜMHURİYYƏT
QURUCULARI
452
Bir müddət sonra üçrəngli bayrağın həsrətini çəkən Ə.Cavad bu misraları yazdı:
Çoxdandır ayrı düşdüm
Üç boyalı bayraqdan.
A dostlar, mən yoruldum,
Bu gizli ağlamaqdan
11
.
Ə.Cavad 1920-1922-ci illərdə Qubada Xuluq kəndində müəllimlik etdi, Xalq
Maarifi şöbəsində çalışdı. O, 1927-ci ildən Pambıqçılıq İnstitutunda (sonradan
Gəncə Kənd Təsərrüfatı İnstitutu adlandı – red.) müəllim, dosent, kafedra müdiri
işlədi. 1930-cu ildən institut Gəncəyə köçürüləndə o da Bakıdan getdi. Ə.Cavad
həmin institutda türk və rus dillərini tədris edirdi.
Ə.Cavadı ilk dəfə 1923-cü ildə həbs etdilər. Onu müsavatçı M.B.Məmməd-
zadənin Azərbaycandan qaçmasına şərait yaratmaqda təqsirləndirdilər. Onun
həbsdən azad olunmasında keçmiş müəllim yoldaşı Mir Cəfər Bağırov və
H.Musayev önəmli rol oynadı.
Ə.Cavadın əleyhinə sovet mətbuatında vaxtaşırı yazılar çap edilirdi. O, sərt şə-
kildə tənqid olunurdu. Sovet tənqidçiləri yazırdılar: “Bir az da əski şairlərdən bəhs
edək. Biz güman etmirik ki, Cavad Axundov və Hüseyn Cavid kimi şairlərdə bu
yaxın zamanlarda lazımi bir dönüş əmələ gələcəkdir... Mündəricə etibarı ilə bu şa-
irlərin yazıları yeni cəmiyyətin və yeni Azərbaycan mədəniyyətinin əleyhinədir”
12
.
Ə.Cavadın 1930-cu ilin aprelində yazdığı
“Kür” əsəri də sovet tənqidçilərini
narahat etdi. Əsərdə səslənən “Əyil Kürüm, əyil, keç! Meydan sənin deyil, keç!”
misralarına siyasi xarakter verdilər.
Ə.Cavadın 1925-ci ildə yazdığı “Göygöl” şeirindəki bir bənd ona daha bö-
yük problem yaratdı:
Sənin gözəlliyin gəlməz ki, saya,
Qoynunda yer vardır yıldıza, aya.
Oldun sən onlara mehriban daya,
Fələk büsatını quralı, Göygöl!
13
.
Şeirdə işlədilən “ulduz”, “ay”, “yaşıl” sözlərinə görə onu ittiham etdilər. Onu
ötən günləri, üçrəngli bayrağı və Müsavatı yada salmaqda günahlandırdılar.
11
N.Yaqublu. Müsavat Partiyasının tarixi. B., 2012, s. 154.
12
N. Yaqublu. Ağrılı ömürlər. B., 1990, s. 238.
13
Ə. Cavad. Seçilmiş əsərləri. I c. B., 1992, s. 230.
ƏHMƏD CAVAD
453
M.Ə.Rəsulzadə çağ-
Ə.Cavad həbsxanada.
daş Azərbaycan ədəbiy-
yatı ilə bağlı məqaləsin-
də Ə.Cavad haqqında ya-
zırdı: “Milli cərəyanın di-
gər nümayəndəsi Cavad
Axundzadənin işi bolşe-
vik dövründə qətiyyən
gətirmir. Əski bir müsa-
vatçı olduğuna görə onu
həbs edirlər. Mətbuat sə-
hifələrində, ədəbiyyat
qurultaylarında hər yerdən uzaqlaşdırılır və qovulur”
14
.
Ə.Cavadı 1937-ci ilin iyunun 4-də həbsə aldılar. Onunla bağlı istintaq prosesi
1937-ci ilin sentyabrın 25-də başa çatmışdır.
Ə.Cavada həbsxanada işgəncə verirdilər. Onun həyat yoldaşı Şükriyyə xanı-
ma tanışı Mariya Sergeyevna belə məlumat çatdırmışdı ki, Ə.Cavadı Bayıl həb-
sxanasının səyyar xəstəxanasına başı tənzifl ə sarınmış halda, 40 dərəcə tempe-
raturda gətiriblər.
Ə.Cavadın 1937-ci ilin oktyabrın 12-də qapalı keçirilən məhkəməsi 15
dəqiqə davam etmişdi.
1937-ci ilin oktyabrın 12-dən 13-nə keçən gecə Ə.Cavadı güllələdilər.
1938-ci ilin fevralında onun həyat yoldaşı Şükriyyə xanımı da həbs edib, sək-
kiz il müddətinə Qazaxıstana sürgünə göndərdilər.
Bu hadisədən sonra qorxudan qaçıb gizlənən Ə.Cavadın böyük oğlu 20
yaşlı Niyazi də axtarılıb tapıldı və üç ay yarım həbsdə saxlanıldı. Ə.Cavadın 16
yaşlı oğlu Aydın Keşlə həbsxanasına aparıldı, 14 yaşlı oğlu Tuqay Volqa-Nikolayev
şəhərindəki çətin tərbiyə olunan uşaq yetimxanasına göndərildi. Ə.Cavadın bir
yaş yarımlıq kiçik oğlu Yılması isə Volodarsk fabriki nəzdindəki körpələr evinə
apardılar.
Ə.Cavadın həyat yoldaşı Şükriyyə xanım səkkizillik sürgün həyatından sonra
1946-cı ildə Bakıya qayıtsa da, ona Bakıda yaşamağa icazə verilmədi. O, Şəmkirə
getməyə məcbur oldu.
14
M.Ə.Rəsulzadə. Əsrimizin Səyavuşu. Çağdaş Azərbaycan ədəbiyyatı. Çağdaş Azərbaycan tarixi.
B., 1991, s. 68.
CÜMHURİYYƏT QURUCULARI
454
AZƏRBAYCANIN SÜLH NÜMAYƏNDƏ
HEYƏTİNİN ÜZVLƏRİ
MİR YAQUB
MEHDİYEV
(1891 – 1949)
M
ir Yaqub Mehdiyev 1891-ci ildə
anadan olub. İttihad Partiyası-
nın rəhbərlərindəndir. Peter-
burq Politexnik İnstitutunda və Almani-
yada təhsil alıb. İqtisadçıdır. Zaqafqaziya
Seyminin üzvü idi. 1918-ci ilin fevral-mar-
tında Zaqafqaziya nümayəndəliyinin
üzvü kimi Trapezund Sülh Konfransına
göndərilib.
M.Y.Mehdiyev Azərbaycan Parla-
mentinin də üzvü idi. 1918-ci ilin 7 de-
kabrındakı 1-ci iclasda o da komissiya
təşkilinə “hər partiyadan bir nümayən-
də, əyalət, şəhər nümayəndələrindən
isə bir nəfər üzv” təklifi ilə çıxış edib
1
.
1919-cu ilin yanvarında məsləhətçi
olaraq Paris Sülh Konfransına göndərilən Azərbaycan Nümayəndə heyətinin
tərkibinə daxil edilib.
1920-ci ildən mühacirətdə yaşayıb. Prometey hərəkatında yaxından iştirak
edib. Onun Polşada – Varşavada türk və rus dillərində nəşr edilən “Şimali Kaf-
kasiya” – “Severnıy Kavkaz” jurnalında 6-ya qədər məqaləsi və digər mətbuat
orqanlarında da yazıları çap olunub. 1994-cü ildə Bakıda “Beynəlmiləl siyasətdə
petrol” kitabı da nəşr edilib.
1
Azərbaycan Xalq Cümhuriyyəti Parlament (Stenoqrafik hesabatlar). I c. B., 1998, s. 45