29
BP Azərbaycanda Davamlı inkişaf haqqında hesabat 2014
Cəmiyyət
2014-cü ildə Azərbaycanda tərəfdaşlarımızla birlikdə
100-dən çox yerli şirkətlə dəyəri təxminən 2,15
milyard dollar olan yeni uzunmüddətli müqavilələr
imzaladıq. Şahdəniz Mərhələ 2 (ŞD 2) və digər
layihələr irəlilədikcə biz yerli təchizatlar üçün imkanlar
yaratmaq öhdəliyimizə sadiq qalırıq. ŞD2 üçün tələb
olunan standartlara uyğun materiallar istehsal etmək
üçün yerli potensialı qiymətləndirdik. Bir neçə yerli
şirkət layihə üçün həm ayrılıqda, həm də beynəlxalq
təchizatçılarla alyans halında potensial tədarükçülər
kimi seçildi. Biz iki yerli şirkətə əməliyyat qurğularının
və keyfiyyət sistemlərinin əsaslı yenidən qurulması
ilə iki illik inkişaf proqramı keçməsinə kömək etdik.
Bunun nəticəsi olaraq 2014-cü ildə ŞD2 üzrə iki iri
müqavilə yerli istehsalçılar və alyanslarla imzalandı.
Tərəfdaşlarımızla birlikdə 2014-cü ildə 311 yerli şirkət
və fiziki şəxslə iş gördük ki, bunların 266-sı (86%)
kiçik və orta müəssisələrdir. 2014-cü ildə
Azərbaycandakı birgə əməliyyatlarımıza və
layihələrimizə ümumilikdə 2,71 milyard dollar
xərclədik ki, bu da 2013-cü illə müqayisədə 37%
artımdır. Bunun bir hissəsi kimi yerli şirkətlərlə ölkə
daxilindəki xərclərimiz təxminən 1,79 milyard dollara
qədər artdı. Bu, 2013-cü ilə nisbətən 12% artımdır,
sahibkarlığın inkişafı səylərmiz ilə tələbləri
planlaşdırmağımız arasında əlaqəni əks etdirir.
Sahibkarlığın inkişafı və təlim proqramı
2007-ci ildən etibarən həyata keçirdiyimiz
“Sahibkarlığın inkişafı və təlim proqramı” (SİTP)
Azərbaycanda yerli bazarın inkişafına dəstək
göstərmək üçün uzunmüddətli səylərimizin təməlini
təşkil edir. Uzunmüddətli perspektivdə SİTP
regionda sənayenin məhsul və xidmətlərin tədarükü
üçün müraciət edə biləcəyi uyğun yerli şirkətlərin
sayını artırmaq, bununla da yerli iqtisadiyyatın
inkişafına töhfə vermək üçün nəzərdə tutulub.
2014-cü ilin sonuna qədər SİTP yerli şirkətlərə dəyəri
542,7 milyon dollardan çox olan müqavilələri
saxlamaqda kömək etdi ki, bunun da təxminən
348,4 milyon dollardan çoxu Azərbaycanda BP ilə
bağlanıb.
İl ərzində proqramı 28 şirkət uğurla başa vurub və
bununla proqramı tamamlayan şirkətlərin sayı 177-yə
çatıb. Bu dövr ərzində daha 245 şirkətin SİTP
tərəfindən ilkin qiymətləndirməsi aparıldı. Proqram
fəaliyyətə başladığı gündən bəri ümumilikdə 1 618
şirkəti qiymətləndirib.
c
2014-cü ildə BP və tərəfdaşları SİTP-də əvvəllər
iştirak etmiş 27 şirkətlə təxminən 72,5 milyon dollar
dəyərində müqavilələr imzaladı. SİTP iştirakçısı
olmuş on yeddi şirkət digər beynəlxalq şirkətlərlə
təxminən 9,9 milyon dollar dəyərində, 14 şirkət isə
yerli şirkətlərlə 7,5 milyon dollar dəyərində
müqavilələr bağladı. 2014-cü ildə yerli iştirakçı
şirkətlər yeni əsaslı avadanlığa təxminən 3,8 milyon
dollar sərmayə qoydular, 246 nəfəri işə götürdülər.
“Alıcı ilə tanış ol” sərgisi
BP və tərəfdaşları 2014-cü ilin iyununda üçüncü
“Alıcı ilə tanış ol” sərgisini keçirdi. Bu tədbir 21-ci
Beynəlxalq Xəzər Neft-Qaz Sərgisinin bir hissəsi
olaraq Bakı Ekspo Mərkəzində təşkil olundu. Tədbir
SİTP-də iştirak etmiş 70-dən artıq şirkətə imkan
yaratdı ki, öz məhsul və xidmətlərini potensial
müştərilərə nümayiş etdirsin. SİTP iştirakçıları
potensial alıcılarla təxminən 730 məlumat
mübadiləsi apardıqlarını və sərgidəki digər
iştirakçı şirkətlərlə 520 biznes əlaqəsi qurduqlarını
bildirdilər.
İnkişaf təşəbbüslərində xüsusi uğur qazanmış
şirkətlərin qiymətləndirilməsi üçün SİTP-ni başa
vurmuş dörd yerli şirkətə “İlin şirkəti”, “Sağlamlıq,
əməyin təhlükəsizliyi və ətraf mühit üzrə ən yaxşı
göstərici”, “Ən yaxşı işəgötürən” və “Texnologiyadan
ən innovativ istifadə” nominasiyaları üzrə yeni
“Sahibkarlığın inkişafı mükafatları” təqdim olundu.
Tərəfdaşlarımızla birlikdə biz həmçinin neft-qaz üzrə
ixtisaslaşmış yerli aparıcı universitetlərin “Alıcı ilə
tanış ol” sərgisində iştirakına yardım etdik. Bu,
universitetlərin sənaye, sahibkarlıq və potensialın
yaradılması zəncirində mühüm bir bənd kimi
irəliləmək üçün yaxşı bir fürsət idi.
Biz Azərbaycanın biznes sektorunda lazımlı bacarıqların inkişafını
dəstəkləyərək Xəzər regionu üçün davamlı yerli təchizat sisteminin
yaradılmasına kömək edirik.
Sahibkarlığın inkişafı
Azərbaycan kapitalı olan birgə müəssisələr
Kiçik və orta müəssisələr
a
Dövlət şirkətləri
400
800
1 200
1 600
2 000
2 400
2010
2011
2012
2013
2014
365,5
147,0
27,7
378,0
281,4
37,2
490,1
481,4
532,9
83,3
660,2
284,2
1 232,7
759,4
51,0
Azərbaycanda BP və tərəfdaşlarının birbaşa
əməliyyat və layihə xərcləri
($ milyon)
a
Bu məbləğə fiziki şəxslər vasitəsilə çəkilən xərclər də daxildir.
b
2013-cü ildə öz tərəfdaşlarımızla birlikdə 147 yerli şirkət və
təşkilatla 1 milyard dollardan artıq dəyərdə yeni müqavilələr
imzaladıq.
c
2013-cü ilin sonuna keçən il göstərilmiş 1 316 əvəzinə
1 374 idi.
Üçüncü “Alıcı ilə tanış ol” tədbiri yerli şirkətlərə
öz məhsullarını potensial müştərilərə nümayiş
etdirmək üçün daha bir imkan yaratdı.
2,71
milyard
dollar tərəfdaşlarımızla
birgə Azərbaycandakı
əməliyyat və layihələrə
xərclədiyimiz məbləğdir.
26
müqavilə Sahibkarlığın
inkişafı və təlim
proqramını bitirmiş yerli
şirkətlərlə 2014-cü ildə
bağlandı.