32
BP Azərbaycanda Davamlı inkişaf haqqında hesabat 2014
Təhsil təşəbbüsləri
Geniş çeşidli müxtəlif təhsil təşəbbüslərində
iştirakımızda məqsəd Azərbaycanda neft-qaz
sənayesinə dəstək vermək üçün yerli potensialın
yaradılmasıdır.
Azərbaycan neft və qaz təqaüd proqramı
BP və tərəfdaşlarının maliyyələşdirdiyi bu
təqaüd proqramı azərbaycanlı tələbələrə Türkiyə
və Azərbaycan universitetlərində mühəndislik
və yerşünaslıq elmləri sahəsində bakalavr və
magistr təhsili almaq imkanı yaradır. 2014-cü
ildə təqaüdün məbləği 692 000 dollara yaxın
oldu ki, buraya yeni təqaüdçülər üçün ayrılmış
153 000 dollar da daxil idi.
2014-cü ildə Türkiyə universitetlərində magistr
təhsili alan 4 və bakalavr təhsili alan 12 tələbə
təqaüd almağa başladı. 12 belə tələbə məzunu işə
götürdük, digər altı tələbə isə yay təcrübəsi
proqramımıza qəbul edildi.
Layihələri İdarəetmə Məktəbi
BP və tərəfdaşlarının 2010-cu ildə təsis etdikləri
Layihələri İdarəetmə Məktəbi (LİM) Azərbaycanın
həm özəl, həm də dövlət sektorunda işləyən
mütəxəssisləri üçün qlobal səviyyədə tanınan
müfəssəl bir proqram üzrə təhsil almaq imkanı
yaratmaqda davam edir. 2014-cü ilin sonunadək
LİM-də 100-dən artıq özəl və dövlət təşkilatından
təxminən 300 nəfər iştirak etmişdi.
Noyabrda proqramın üçüncü buraxılışını keçirdik.
Corc Vaşinqton Universitetinin dinləyici sertifikatını
almış ümumilikdə 256 məzundan 176 nəfəri həm
də magistr sertifikatına layiq görüldü.
LİM layihənin idarə olunması üzrə qlobal təlim
təşkilatı olan “ESI International” tərəfindən
Xəzər Universiteti ilə əməkdaşlıqda həyata
keçirilir. Bütövlükdə LİM üzrə BP və
tərəfdaşlarının maliyyə sərmayəsi 2 milyon
dollardan artıqdır ki, bunun 100 000 dolları
2014-cü ildə xərclənib.
İcmalar üçün peşə təlimi
2014-cü ilin sentyabr ayında BP öz tərəfdaşları
adından yerli işçi qüvvəsinin təlim keçməsinə
yardım etmək üçün Azərbaycan Respublikası
Dövlət Neft Şirkəti (SOCAR) ilə saziş imzaladı.
Bu saziş çərçivəsində biz öz tərəfdaşlarımızla
birlikdə Qaradağ rayonunun Səngəçal
terminalına qonşu yaşayış məntəqələrindən
seçilmiş 87 nəfər gəncə peşə təlimi keçirik.
İxtisaslı texnik kimi yetişmələri üçün onlara
təlim SOCAR-ın Qobustan Regional Təlim
Mərkəzində verilir. Layihənin ümumi büdcəsi
624 000 dollardan artıqdır.
Qafqaz Universiteti layihəsi
Azərbaycanda yerli mütəxəssislərin inkişafına
dəstək üçün Qafqaz Universitetindəki
layihəmizi davam etdirdik. Bu layihə 2009-cu
ildə başlanandan bəri BP iki kafedra və 16
laboratoriyanın yaradılması üçün 2,5 milyon
dollardan artıq sərmayə qoyub. 2014-cü ilin
mayında yeni yaradılmış kimya mühəndisliyi
proqramı üzrə 23 tələbə öz bakalavr təhsilini
başa vurdu. Bu əməkdaşlıq çərçivəsində
universitet mexanika, kimya və mülki
mühəndislik proqramlarının hər biri üzrə 30 yeni
tələbə qəbul edib.
BP-nin təqaüd proqramı
Azərbaycanda neft-qaz ixtisasları ilə əlaqədar
təhsil alan universitet tələbələrinə 2007-ci ildən
təqaüd veririk. Bu, tələbələrə BP-nin
maliyyələşdirdiyi 10-aylıq təlim kursu vasitəsilə
texniki sahə üzrə ingilis dili vərdişlərini
təkmilləşdirməyə imkan verir. 2014-cü ildə
əvvəlki il universitetə qəbul olunarkən yüksək
nəticə göstərmiş 60 təqaüdçü üçün kursu bir il
artırmağı təklif etdik. 2014-cü ildə təqaüdlərin
ümumi məbləği təxminən 59 000 dollar oldu.
BP-nin tələbələr üçün geologiya üzrə yay
təcrübə kursu
2007-ci ildən BP Azərbaycanda tələbə və
məzunların sedimentologiya və struktur
geologiya üzrə yay çöl-səhra təcrübəsinə
sponsorluq edir. Təxminən 190 iddiaçı arasından
biliklərin qiymətləndirilməsi əsasında 28
universitet tələbəsi seçildi. Kurs zamanı
tələbələr Abşeron və Xızı rayonlarına sahə
səfərində nəzəri biliklər və praktiki təcrübə
əldə etdilər. Kursu Azərbaycan Milli Elmlər
Akademiyasının və Miçiqan Universitetinin
(ABŞ) nümayəndələri apardılar.
İcma inkişafı təşəbbüslərimizdən əlavə, təhsilə və səriştələrin
yaradılmasına, mədəniyyətə və idmana yönəldilmiş çoxlu proqramları
dəstəkləyirik.
Tələbələr BP-nin geologiya üzrə yay təcrübə
kursunda praktik təcrübə qazanırlar.
16
tələbə 2014-cü ildə BP
və onun tərəfdaşlarının
təsis etdiyi təqaüdlərdən
faydalandı.
Təhsilin, mədəniyyətin və idmanın dəstəklənməsi
“Təbrizin sehrli nağılları”
Azərbaycanın mədəni irsinin təbliğ olunması
öhdəliyinin bir hissəsi kimi Mədəniyyət və
Turizm Nazirliyi və “PAŞA Həyat Sığorta” ASC
ilə birlikdə Azərbaycanın Orta əsrlər miniatür
rəssamlığına həsr olunmuş “Təbrizin sehrli
nağılları” kitabının nəşrinə sponsorluq etdik.
Biz həmçinin kitabın ictimaiyyət üçün
təqdimatını da keçirdik. Tədbirdə BP və SOCAR
təmsilçiləri, hökumət rəsmiləri, səfirliklərin,
qeyri-hökumət təşkilatlarının, beynəlxalq
qurumların və kütləvi informasiya vasitələrinin
nümayəndələri iştirak etdilər.
33
BP Azərbaycanda Davamlı inkişaf haqqında hesabat 2014
Cəmiyyət
Azərbaycan Biznes Keys Müsabiqəsi
Aparıcı universitetlərinin yuxarı kurs tələbələri
arasında hər il keçirilən bu müsabiqəyə dəstək
veririk. Bir-birləri ilə yarışan komandalar maliyyə
və marketinqdən tutmuş mühasibat və
menecmentə qədər sahələri əhatə edən
biznes fənləri üzrə biliklərindən istifadə edərək
real həyatdan götürülmüş biznes məsələlərini
həll etməyə çalışırlar. Onlar öz həllərini
Azərbaycandakı iri biznes təmsilçilərindən ibarət
münsiflər heyətinə təqdim edirlər.
2014-cü ildə müsabiqə BP və digər sponsor
sənaye təşkilatlarının dəstəyi ilə Azərbaycan
Diplomatiya Akademiyasında (ADA) keçirildi.
Müsabiqədə iştirak etmək üçün Azərbaycan və
Gürcüstandan 45-dən artıq komanda müraciət
etmişdi, onlardan finalçı kimi altı komanda
seçildi. Müsabiqəyə hazırlaşmaq üçün tələbələr
biznes keys təhlili və strategiya hazırlamaq
barədə dörd həftəlik məşqlər və praktiki
təlimlərdən keçdilər.
BP-nin sponsorluq töhfəsi 6 000 dollardan çox
oldu, şirkətin əməkdaşları müsabiqəyə təlimçi,
məşqçi və münsif kimi öz töhfələrini verdilər.
Orta məktəblərdə mühəndis ixtisasının
təşviqi
Şagirdlərin öz gələcək karyera yolunu
seçmələrinə kömək məqsədilə noyabrda bir
silsilə seminarlar keçirildi. Bu təşəbbüs Bakıdakı
orta məktəblərdən texniki ixtisaslara marağı
olan, ilkin ərizə və yoxlama prosesi vasitəsilə
seçilmiş 200-ə yaxın məktəblini bir araya
gətirdi. Təşəbbüs Təhsil Nazirliyi tərəfindən tam
dəstəkləndi və “Gənc mühəndislərin inkişafı”
ictimai birliyi tərəfindən həyata keçirildi. İctimai
birliyin üzvlüyünə BP-nin Azərbaycandakı çoxlu
sayda peşəkar mühəndisləri də daxildir.
İdmanın inkişafına dəstəyimiz
2016-cı il Rio de Janeyroda keçiriləcək Yay
Olimpiya Oyunları istiqamətində Milli Olimpiya
və Paralimpiya Komitələri ilə rəsmi tərəfdaş
kimi işləməyi davam etdirdik. Buraya
Azərbaycan Milli Olimpiya və Paralimpiya
komandalarına və bizim səfirlərimiz kimi
seçiləcək atletlər qrupuna sponsorluq daxil idi.
2014-cü ildə Bakıda keçirilən yeniyetmələr
arasında atletika üzrə Avropa təsnifat turnirinə
dəstəyimiz çərçivəsində gənc könüllülərin
hazırlanması proqramına sponsorluq etdik.
Otuz universitet tələbəsi gənc komanda lideri
kimi seçildi və onlara təlim verildi. Onlar turnirin
müxtəlif komandalarından 1 000 nəfərə yaxın
könüllüyə təlim keçdilər.
Bu turnirdə Avropanın təxminən 40 ölkəsindən
700-ə yaxın atlet bir araya gəldi. Turnir 2014-cü
ilin avqust ayında Çinin Nanjinq şəhərində
keçirilən Yeniyetmələrin Yay Olimpiya oyunlarına
lisenziya almağa imkan yaratdı.
Bakı 2015 Oyunlarına dəstək
Bakı 2015 Avropa Oyunları 2014-cü il iyunun
4-də BP-ni rəsmi tərəfdaş elan etdi. BP şirkəti
oyunların neft və qaz tərəfdaşına çevrildi,
həmçinin razılaşmaya əsasən Azərbaycanda
yüksək səviyyəli idmançıların yetişdirilməsinə
dəstək oldu.
BP həmçinin 2014-cü ilin dekabrında
ictimaiyyətə təqdim edilmiş Bakı 2015 Oyunlar
Akademiyası təşəbbüsünün eksklüziv rəsmi
tərəfdaşı oldu. Bu innovativ təlim proqramı Bakı
2015 Oyunları üçün peşəkar bacarıqların davamlı
irsinin yaradılmasını dəstəklədi. Proqram
universitet məzunları daxil olmaqla yerli heyət
üzvlərinin inkişaf etdirilməsi, çoxsaylı idman
növlərini əhatə edən mötəbər tədbirlərin
səmərəli şəkildə keçirilməsi, eləcə də gələcək
karyeralarında onlara kömək edəcək səriştələri
inkişaf etdirmək məqsədi daşıyırdı.
Ümumilikdə Azərbaycan və Avropadan olan 188
yüksək potensiallı universitet məzunu 2014-cü
ilin iyul ayında bu proqrama cəlb olunub. Altı
təlim modulu vasitəsilə 162 Azərbaycan və 26
beynəlxalq məzun bu il ilk Avropa Oyunlarının
uğurla həyata keçirilməsinə yardım etmiş faydalı
səriştə və biliklərə yiyələndilər.
İdmana dəstəyimiz çərçivəsində tədbirlərin idarə
olunması üzrə səriştələrin inkişaf etdirilməsi və elit
idmançılar üçün təlimlərin keçirilməsinə kömək
etdik.