imkanlarımızı əhəmiyyətli dərəcədə genişləndirdi.
“İndevə” və “Saporter” Rusiyanın
kanal sistemi ilə BP
üçün Azərbaycana gətirilən ən iri gəmilərdir.
İşlər artdığına görə əlavə işçi heyətinin yerləşdirilməsi
üçün bir yük gəmisi müvəqqəti olaraq yaşayış
gəmisinə çevrildi. Bu gəmi Çıraqda geniş istifadə
olundu. Biz Qərbi Çıraqda boru çəkilməsi zamanı
işçi heyətinin daşınması və lövbərsalma gəmiləri ilə
qlobal layihələr təşkilatını da dəstəklədik.
Fövqəladə hallarda cavab tədbirləri
2011-ci ildə böhran halları və davamlılığın idarə
olunması, eləcə də BP AGT-də fövqəladə hallara
cavab tədbirlərimizə baxış keçirdik. Buraya hasilat
əməliyyatları üçün biznes təsirlərinin təhlili daxil idi.
Bu baxışdan sonra bərpa üçün vaxt profilini təyin
etdik, eləcə də əhəmiyyətli kəsintidən sonra hasilatı
işlək vəziyyətə qaytarmaq üçün bir plan hazırladıq.
2012-ci ildə bərpa üçün vaxt profilini və hasilat
əməliyyatları üçün biznesin davamlılığı strategiyasını
təzələdik, həmçinin sualtı əməliyyatların davamlılığı
üzrə strateji sənədləri əlavə etdik, biznes təsirlərinin
təhlili ilə bağlı məlumatları ətraflı şəkildə yoxladıq.
May ayında Azərbaycanda həm “məsafədən
işləmək” imkanlarımız, həm də BP qrupunun
Londondakı baş qərargahı ilə birgə yüksək vəzifəli
regional rəhbərlik səviyyəsində böhran hallarına
cavab tədbirləri real vaxt rejimində sınaqdan keçirildi.
2012-ci ilin dekabrında BP AGT-nin yüksək vəzifəli
rəhbərliyinə BP qrupunun baş qərargahı ilə birlikdə
mülki böhran zamanı cavab tədbirlərini təcrübədən
keçirmək imkanı verildi.
BP qrup səviyyəsində müəyyənləşdirilmiş iki
prosedura – böhranın və davamlılığın idarə edilməsi,
həmçinin neft dağılmalarına hazırlıq və cavab
tədbirləri üçün qlobal miqyasda yeni standartlar
təqdim etdi. Yeni tələblər hər hansı fövqəladə hadisə
baş verdikdə cavab tədbiri görmək bacarığımızı
davamlı olaraq təkmilləşdirməkdən əlavə, fövqəladə
hallarda cavab tədbiri görməyə və fövqəladə halların
idarə olunmasının təşkilinə kömək üçün hazırlanıb.
Bu tələbləri yerinə yetirməklə böhran və davamlılığın
idarə edilməsi və planlaşdırılmasının bütün aspektləri
üçün daha dəqiq və daha ardıcıl cavabdehliklər təyin
olunacaq və ümid edilir ki, risklər azaldılacaq.
2012-ci ildə əməliyyatlar və quyular şöbəsi neft
dağılmalarına qarşı hazırlıq və cavab tədbirləri
standartı üzrə qiymətləndirmələrini başa
çatdırdı. Daha sonra çoxfunksiyalı bir komanda
qiymətləndirməni tamamlamaq üçün ön xətlə birgə
işlədi. Nəticədə, tələb olunan fəaliyyətlər 2013-cü
ildə həyata keçiriləcək ki, ilin sonuna qədər uyğunluq
təmin edilsin. Neft dağılmalarına qarşı hazırlıq və
cavab tədbirləri standartına tam uyğunluq 2014-cü
ildə əldə olunacaq.
Bu işlərlə birlikdə dəniz əməliyyatları və quyular
üzrə sağlamlıq, əməyin təhlükəsizliyi və fövqəladə
hallarda cavab tədbiri simulyatoru üzrə mütəxəssis
31
Fövqəladə hallara hazırlıq
səviyyəmizi yüksəldirik
2012-ci ilin oktyabrında Azəri platformalarının
yaxınlığında üçüncü tərəfə aid bir yük gəmisi ilə
bağlı qəza hadisəsi, heyətin təxliyə olunması və
neft dağılmasına qarşı tədbirlərin görülməsini
BP-nin fövqəladə hallarda cavab tədbiri və
xilasetmə gəmisi cəlb olunmaqla simulyasiya
edən Xəzər 3 komanda-qərargah təlimini
keçirdik. Təlimin məqsədi BP-nin müxtəlif
departamentlərinin güclü stress altında və
ciddiləşən böhran şəraitində birgə işləmək
qabiliyyətini sınaqdan keçirmək idi.
Midstrim sektorunda sağlamlıq və əməyin
təhlükəsizliyi üzrə direktor Oleq Resçikov
xüsusi olaraq iki şeyi vurğulayır: “Birincisi,
Taktiki Əməkdaşlığın İdarə olunması Sisteminə
(TƏİS) aid proqram təminatı və təchizat uğurla
sınaqdan keçirildi. TƏİS Ağır Qəzalarla bağlı Risk
proqramının bir hissəsidir və canlı təsvirləri real
vaxt formatında dənizdən İnsidentlərin İdarə
Olunması Mərkəzinə ötürməyə imkan yaradır.
İkincisi, BP qrupunun Britaniyadakı böhran və
davamlılığın idarə olunması komandası ilk dəfə
olaraq BP AGT prezidenti ilə rabitə əlaqəsi
vasitəsilə təlimdə iştirak edirdi.”
Təlimdə bir sıra dövlət orqanları, o cümlədən
Fövqəladə Hallar Nazirliyi (FHN), Azərbaycan
Dövlət Dəniz Administrasiyası (ADDA), Hərbi
Dəniz Qüvvələri və Sərhəd Qoşunlarını təmsil
edən hökumət müşahidəçiləri də iştirak
etdilər. “BP-nin fövqəladə hallara qarşı cavab
tədbirləri üçün mövcud mexanizmi bizi heyran
etdi,” ADDA-nın direktor müavini Arif Mazanov
deyir. “Komandadakı hər kəs nə etdiyini bilir və
əlaqələndirmə qüsursuzdur.”
FHN-nin İnfrastrukturun inkişafı departamentinin
baş məsləhətçisi İlqar Həsənovun dediyinə
görə, təlim BP ilə müxtəlif dövlət qurumları
arasında birgə fəaliyyətdəki təkmilləşdirilməli
olan sahələri də göstərdi. “Təlimin ən gözəl
cəhəti odur ki, o, hamımıza kömək etdi ki, real
şəraitdə hansı xətaların baş verə biləcəyini və
gələcəkdə bu cür hallara yol verməmək üçün
bu gün nə etməli olduğumuzu görək.”
fövqəladə hallarda cavab tədbiri hadisələrinin
modellərini yaratmaq üçün 2012-ci ildə əməyin
təhlükəsizliyinə aid kompleks nəzarət sistemindən
istifadə etdi. Bunlar platforma işçi heyəti tərəfindən
cavab tədbirləri görmək səriştəsini təkmilləşdirmək
üçün istifadə oluna bilər. Mərkəzi Azəri, Qərbi
Azəri, Şərqi Azəri, Dərinsulu Günəşli və Şahdəniz
platformaları üçün texnoloji proseslərə nəzarət
və avtomatlaşdırılmış təhlükəsizlik sistemlərini
əks etdirən proqram modelləri hazırlandı. Bu
modellər digər sahələrə, o cümlədən obyektlərdə
insidentlərin idarə olunması komandası üçün
keçirilən həftəlik dəniz təlimləri, yeni obyektə alışmaq
üçün texniklərə keçilən təlimlərə tətbiq edilə bilər.
Bu yolla ixtisaslaşdırılmış mühüm əməliyyatların
simulyasiyasındakı boşluqlar daha səmərəli şəkildə
aradan qaldırıla, bilik/təlim sahəsində hər hansı
uyğunsuzluqları düzəltmək üçün planlar hazırlana
bilər.
Tərəfdaşlar və podratçılarla işimiz
Podratçıların idarə edilməsi proqramımız BP-nin
bütün qrupu əhatə edən əməliyyatların idarə
edilməsi sistemi ilə sıx bağlıdır. Həm tədarük
və təchizatın idarə edilməsi, həm də əməyin
təhlükəsizliyi və əməliyyat riskləri üzrə regional
funksional bölümlər burada məsuliyyət daşıyır və BP
qrupunun rəhbərlik komandası tərəfindən dəstəklənir.
Podratçıların idarə edilməsinin ilk mərhələlərindən
onun inkişafı davamlı təkmilləşdirməyə xüsusi diqqət
yetirir.
İl ərzində podratçıların idarə edilməsi çərçivəsində
işləyərək boşluqların qiymətləndirilməsi aparıldı.
Sonra alınmış müfəssəl nəticələr nəzərdən
keçirilmək üçün təşkilat daxilində regional rəhbərlik
komandasına çatdırıldı. Nəticələr insanlar, proseslər,
məmulat və sistemlər üzrə qruplaşdırıldı və
çatışmazlıqlar ciddilik dərəcəsinə görə sıralandı. İşin
icrası zamanı insanlar və proseslər üzrə sistem
və məmulatlar kateqoriyasına nisbətən daha
ciddi çatışmazlıqların olduğu aşkar edildi. Daha
az əhəmiyyətli çatışmazlıqlara sağlamlıq, əməyin
təhlükəsizliyi, təhlükəsizlik və ətraf mühit üzrə formal
yoxlamalar, əsas sənədlərin mərkəzləşdirilmiş
saxlanmaması, podratçıların idarə edilməsində
qəbul olunmuş köməkçi vasitələrin davamlı istifadə
edilməməsi aid idi.
İl boyu BP qrupunun “Bir komanda” idarəetmə
konsepsiyasına uyğun olaraq regional komandalar
üçün podratçıların idarə edilməsi üzrə təlimlər
keçirildi. Həmçinin podratçılara aid sağlamlıq,
əməyin təhlükəsizliyi və ətraf mühitin (SƏTƏM)
idarə edilməsi sisteminin audit siyahısı hazırlandı və
tətbiq edildi. Podratçıların 16 SƏTƏM auditi həyata
keçirildi, podratçılar üçün əməyin təhlükəsizliyinin
yaxşılaşdırılması planı üzrə təlimat hazırlanaraq
qüvvəyə mindi.
Əməyin təhlükəsizliyi və sağlamlıq
BP Azərbaycanda. Davamlı inkişaf haqqında hesabat 2012