DAŞ YUXULAR
106
Bax elә bu kabinetdә on il әvvәl Rәhbәrin qabağında
Mopoşun necә yaltaqlanıb dörd qat büküldüyünü xatırlayır
vә yağlı ana söyüşü söymәkdәn özünü güclә saxlayırdı. O,
konyakı birnәfәsә başına çәkib qәdәhi stolun üstünә
qoydu.
- Dayan, dayan , vicdanın olsun! - O, qışqırdı. - Bunu
mәnә sәn deyirsәn? -
Artist belәcә qәfil qızışanda yekә-yekә danışan
Mopassan özünü yığışdırıb, quzu balasına döndü.
- Yaxşı, indi bәs mәn neylәyim, dәrdimi sәndәn
başqa kimә deyim? - O, gileyli-gileyli dedi. - Bәlkә yalan
deyirәm. Әgәr bu әclafların biri olun adamı olsaydı, yanına
gedib baş çәkәrdi. Hanı, bir köpәk oğlu qapısını açmır.
Odu ey, oturub bağ evindә yalquzaq kimi ulayır.
- Әlbәttә ulayar, sәn dә baş çәkmәmisәn? - Artist
yerindәn durub otaqda gәzişmәyә başladı. - Dünәn onun
üzünә tüpürdüyü adamlar üzünün tüpürcәyi qurumamış
yeni Rәhbәrin qapısında növbәyә durublar. İndi buna nә
ad verirsәn, nәdәndi bu, sevgidәn, yoxsa qorxudan?
Mopassanın sarsıntısı hәlә dә ötüb keçmәmişidi,
bununla belә cavab vermәk üçün özünü әlә almağa
çalışırdı.
- Bәli, belәdi. Sәn tam haqlısan. Biz belәyik dә, mәn
dә, Babaş Ziyadov da. Amma, qardaş, bu onun yetirib
bitirdiyidi dә! Kim elәyib? O elәyib dә, Rәhbәr olduğu on
üç il әrzindә bütün ölkәni qula çevirib. Zibil elәyib
hәyatımızı. İndi yeni rәhbәr neylәsin, iki ilin içindә nәyisә
dәyişә bilәrmi? - Mopassan hәyacandan qızarmışdı, -
tәlәsmәk lazım deyi, görәcәksәn hәr şey tәdricәn
düzәlәcәk.
DAŞ YUXULAR
107
- Yox, heç nә düzәlmәyәcәk. - Saday Sadıqlı tәlaş
içindә dedi. - Siz xalqın arasında böyük nüfuzunu qoruyub
saxlayan Rәhbәri bundan sonra daha bәrkdәn söysәniz
belә, yenә ona heç nә elәyә bilmәyәcәksiniz. İndi siz
birlәşib onun bütün günahlarını, özünün yetişdirdiyi
itaәtkar kölәlәrin çiyninә yüklәmәk istәyirsiniz ki, yenә dә
bu zibili tәmizә çıxarasınız. İki daşın arasında qırğın
salmaq istәyirsiniz, deyirsiniz heç bir enerji, ağıl sәrf
etmәdәn her şey sizin olsun. O isә ayağının altındakı
yüsәkliyә ağıl hesabına qalxıb. Anadangәlmә hakimiyyәt
hәrisliyindәn enerji alıb. Qulların himnini o düzüb-qoşub,
siz isә onu xorla oxumusunuz. İndi adamlarda bir damcı
vicdanın, hәyanın qalamdığı, hamının nifrәt vә zalımlıqla
nәfәs aldığı, yalanın ayaq tutub yeridiyi çaşqın bir vaxtda,
lәnәtә gәlmiş bu alverxanada siz cәsarәtlәnmisiniz,
gözdәn düşmüş Xozeyini üzә çıxartmaq istәyirsiniz. -
Sinәsini boşaldıb bir qәdәr susdu, sonra isә әvvәlki
qaydada sәrt vә qәtiyyәtlә danışmağa davam etdi. - Zora
arxalansa da onun aydın mәqsәdi var. Lap pis halda elә
buna görә hörmәtә laiqdir. Dәrin ağılı, ayıq başı var,
inanılmaz dәrәcәdә fәrasәtlidir. Bu adam ona nә lazım
olduğunu dәqiq bilir. Şeytan onun әlinә su tökmәyә
yaramaz. - Artist ucadan danışırdı vә hirsi sovuşub
getmişdi, hәtta kefi kökәlmişdi.
Mopassan Mirәlәmov dinib-tәrpәnmirdi. Artisti
çoxdan vә dәrindәn tanıyan bir adam kimi çox güman, elә
indidәn ona aydın idi ki, Saday Sadıqlı gözdәn düşmüş
köhnә Rәhbәrin әlehinә getmәyәcәk, ona düşmәn kәsilәn
yeni rәhbәrliyin xoruna da qoşulmayacaq . Artistin tәbiәti
DAŞ YUXULAR
108
belәydi. Onun söylәdiklәri direktoru әmәlli-başlı tәlaşa
salırdı.
- Demәli belә. - O çaşqın halda deyindi. - Sözün
düzü, mәn dә bu fikirdәydim. Bilirdim ki, axına qarşı
durmaq mümkün deyil. - Mopassan hәlim, dostyana
danışır, özünü necә lazımdı elә aparmağa çalışırdı. - Sәn
ondan çox pislik görmüsәn, amma yamanlığa yamanlıq
elәmәk istәmirsәn. Әslindә işin qәnbәrqulusu sәnin
vicdanlı olmağındı. Әgәr söhbәt adi adamdan getsәydi,
dilxor olmağa dәymәzdi. Biz dövlәt xadimi barәsindә
danışırıq. Ona görә dә şübhәlәnirәm, hislәrin sәni aldatmır
ki? Axı sәn hәftәdә bir dәfә teatra gәlib-gedәndә, iki-üç
ay bundan qabaqkı görüşlәrimizdә belә düşünmürdün.
- Saday Sadıqlı dәrd çәkәn, qızarmış gözünü qıyıb
cavab verdi.
- Hә, iki-üç ay әvvәl görüşәndә... o iki-üç ay mәnә
artıqlaması ilә bәs elәdi ki, bu yenidәnqurma deyib
hürüşәnlәrin, siyasi qışqırıqçıların ölkәni uçuruma
sürüyürlәrin mәqsәdindәn xәbәrdar olum. Әmin oldum ki,
yalnız nadan adamlar olkәni belә biabırçı şәkildә dağıda
bilәrlәr. Yәni sәn görmürsәn ki, bunların heç bir
hәrәkәtindә aydın fikir yoxdu? Yenidәnqurma hakimiyyәtә
can atanların әlindә bir növ yeni silahdır. Xalq tәlaş
içindәdir. Heç kim bilmir ki, sabah başına nә gәlәcәk. Hәr
şey çat verir, dağılır. Ölkә üfunәt iyi verәn bataqlığa
dönüb. Aradan nә qәdәr sular axmalıdır ki, bu acgöz
çәrәnçilәr heç olmasa bir-birlәrini dinlәmәyә hәvәs
göztәrsinlәr.
Artist ehtirasla danışırdı. Elә bil sәhnәdәydi vә sözünü
әn axır sırada oturan tamaşaçıya çatdırmaq istәyirdi.
DAŞ YUXULAR
109
- Sәnin yeni Rәhbәrin vә onun gәnclik vaxtından
komsomolda dostluq elәdiyi şәxslәr cәmiyyәtdә nәlәrin
baş verdiyini yaxşı bilir, dәrk edirlәr. Amma bununla belә
keçmiş Rәhbәrin caynağına hәr hansı bir bayağı, mәnasız
bәhanә vermirlәr. Çünki onlar o Rәhbәrin vaxtında
hakimiyyәtin quyruğunda әsir olublar, üstәlik dövlәti onun
әlindәn qәbul ediblәr. - Artist yenә qәzәblәndi, hәyacan
hirs yığıldı. - Hә, o, әtrafına yaltaqları yığmışdı vә
camaatın gözü qabağında hәmәn yaltaqları әlә salıb
dolayırdı. Anlayırdı ki, hәr yaltaqın içindә gәlәcәyin bir
tiranı yatır vә hәmin o balaca tiranlarda özünün kәdәrli
oxşarını görürdü. Bunlar dünәndә qalıb. Guya bu gün
vәziyyәt yaxşıdı, hәr şey bitib? Ölkә nәhәng dәlixanaya
dönüb. Hәtta Kreml gәrәksiz kontor kimi nәzarәtsizdi,
әldәqayırma siyasәt vunderkindlәri öz xeyirlәri üçün ölkәni
dalana dirәyiblәr. Xalqa yalançı yenidәnqurma möcüzәsi
vәd ediblәr, amma әsl hәqiqәt başqadır. Hamı vәhşilәşib,
yabanı olub insanlar. Alәm od tutub yanır, bu yandan da
bir topa pisniyyәt gәdәlәr mәhsulyyәtsizcәsinә adamları
daha fәal olmağa çağrışırlar. Belә siyasәtbazlarla
müqayisәdә keçmiş Rәhbәrin adını dahilәrin cәrgәsinә
qoymağa hazıram.
Saday Sadıqlı sәhnәdә sürәkli alqışlara bürünәn
onlarla monoloqu әzbәr bilirdi, Mopassan Mirәlәmov isә
vaxtında tәcrübәli teatr adamı olaraq bu monoloqlara
heyrәt içindә qulaq asmışdı. O, әvvәlәr dә bilirdi ki, Saday
Sadıqlı çoxdan artisliyin fövqündәdir. İndi isә içini qorxu
bürüdü. Sadaya etiraz elәmәk fikri yox idi, amma elә bil
birdәn onu arı sancdı. Qәzәblә әlini ovuşdurub, aktyorun
sözünü kәsdi:
Dostları ilə paylaş: |