TƏFSİR ÜSULU VƏ TARİXİ
64
sağlığında Quranı əzbərləməsi və “ərzeyi-axirə”də iştirak etməsi ilə
izah olunur.
2. Zeydin cəm etdiyi Qurani-kərimin xüsusiyyətləri
Zeyd bir il müddətinə Quranı cəm etmə işini bitirdi. An-
caq cəm olunan bu nüsxə bu şəkildə qala bilməzdi. Çünki Quran
mətni hələ də müxtəlif yazı ləvazimatlarının üstündə idi. Buna
görə də ondan istifadə etmək mümkün deyildi. Quranı həm bu
dağınıq görünüşündən qurtarmaq, həm də müsəlmanların ondan
istifadəsini asanlaşdırmaq üçün Zeyd həmin Quran mətnlərini
dəri üzərinə yazdıraraq yeni bir nüsxə meydana gətirdi. Bu yeni
nüsxənin xüsusiyyətlərini aşağıdakı kimi sadalaya bilərik:
a. Cəm işi elmi metodlarla həyata keçirilmişdir.
b. Tilavəti mənsux olan ayələr yazılmamışdır.
c. Bu nüsxədə yazılan ayələrin hamısının təvatür yolu ilə bizə
nəql olunduğuna dair ümmətin icması vardır.
d. Bu müshəf yeddi hərfi əhatə edirdi.
e. Zeyd tərəfindən kitab şəklinə salınan bu Qurana Abdullah
İbn Məsudun təklifi ilə “ müshəf” adı verilmişdir.
Bu müshəf Hz. Əbu Bəkir və Hz. Ömərin xəlifəlikləri zamanın-
da onların himayəsi altında qorunmuş, Hz. Ömərin vəfatından son-
ra isə onun qızı Həfsəyə verilmişdir. Ancaq bu nüsxənin Həfsəyə
verilməsi heç də bəzi müstəşriqlərin iddia etdikləri kimi onun
xüsusi mülkünə çevrilməsi demək deyildi. Əksinə bunun səbəbi
nüsxənin veriləcəyi xəlifənin hələ seçilməməsi idi. Bilindiyi kimi
müshəf Quranın təksir ediləcəyi günə qədər Həfsənin yanında
qalmış, Hz. Osmanın xəlifəliyi dövründə Quran istinsax edilərkən
(çoxaldılarkən) ondan alınmış və dahas onra yenidən ona geri qa-
yıtarılmışdır. Mənbələrin bildirdiyinə görə Həfsə vəfat etdikdən
QURANIN KİTAB ŞƏKLİNƏ SALINMASI
65
sonra Mədinə valisi Mərvan ibn Hakəm bu Müshəfi Abdullah ibn
Ömərdən götürmüş və bu nüsxə ilə Hz. Osmanın istinsax etdirdiyi
müshəflər arasındakı fərqlər səbəiylə ixtilaf çıxmasından qorxaraq
onu yandırtmışdır.
D. Quranın Hz. Osman zamanında çoxaldılması
Hz. Ömər və Hz. Osmanın dövründə fəthlər nəticəsində İslam
coğrafiyası xeyli genişləndi. Əərb əsilli olmayan müsəlmanlar öz
bölgələrində yaşayan məşhur səhabələrin müshəf və qiraətlərinə
görə Quranı öyrənir və həmin müshəflərdən istifadə edərək özləri
üçün xüsusi nüsxələr hazırlayırdılar. Çox keçmədi ki, Mədinə
dövründə verilən Quranı fərqli ləhcələrə görə oxuma izni və ərəb
yazısından qaynaqlanan bəzi oxuyuş fərqlilikləri nəticəsində Qu-
ranın oxunuşundə bəzi qarışıqlıqlar meydana çıxdı. Oxuyuşda-
kı fərqliliklər fikir ayrılığına gətirib çıxardı və bu mövzuda ciddi
mübahisələrə səbəb oldu.
Əbu Qilabə rəvayət edir ki, Hz. Osmanın xilafəti əsnasında
Quran müəllimləri müxtəlif səhabilərin qiraətini öyrədirdi. Bu
da tələbələr arasında fikir ayrılığı yaradırı. Onlar bu məsələni
müəllimlərinə söylədilər. Hətta tələbələrdən biri digərinin qiraətini
inkar edirdi. Hz. Osman bu məsələdən xəbərdar olan kimi minbərə
çıxaraq belə bir xütbə oxudu: “Ey müsəlmanlar! Siz mənim yanım-
da (Mədinədə) fikir ayrılığına düşürsünüz. Uzaq bölgələrdə ya-
şayan müsəlmanlar da əlbəttə ki, daha çox ixtilafa düşəcəklər. Ey
Mühəmmədin əshabı! Toplanıb insanlar üçün bir imam Müshəfi
yazın”.
84
Hz. Osmanın dövründə Quran nüsxələrinin çoxaldılmasını zə-
ru riləşdirən əsas hadisə isə Buxarinin “əs-Sahihində” bu şəkildə
84 Əbu Davud, əl-Məsahif, s. 21
TƏFSİR ÜSULU VƏ TARİXİ
66
rə vayət olunur: “Azərbaycan və Ermənistan səfərində iştirak edən
iraqlı və suriyalı əsgərlər arasında qiraət fərqlilikləri ortaya çıxır.
Hüzeyfe ibn Yaman Hz.Osmanın yanına gələrək bu hadisənin təh-
lükəli olduğunu bildirərək belə deyir: “Ey möminlərin əmiri! Bu
ümmət Quran haqqında yəhudilərin və xristianların düşdüyü ixti-
lafa düşmədən onun imdadına çat”. Başqa şikayət və ixtilafları da
nəzərə alan Hz. Osman Həfsəyə xəbər göndərərək belə deyir: “Qu-
ran səhifələrini bizə göndər. Onları çoxaltdıqdan sonra təkrar sənə
geri verəcəyik”. Hz. Həfsə səhifələri göndərir. Hz. Osman Zeyd ibn
Sabit, Abdullah ibn Zübeyir, Said ibn As və Əbdürrəhman ibn Haris
ibn Hişamdan ibarət komissiya qurur və onlara bu səhifələri çoxalt-
mağı əmr edir. Hz. Osman onlara bu vəzifəni verərkən Qüreyş
qəbiləsindən olan üç nəfərə belə əmr edir: “Əgər Quranın hər hansı
bir yerində Zeyd İbn Sabitlə ixtilafa düşsəniz onu Qüreyş ləhcəsi
ilə yazın. Çünki Quran onların dili ilə nazil olmuşdur”. Heyət əmri
yerinə yetirərək Quranı istinsax etdi. Hz. Osman əsl nüsxəni Hz.
Həfsəyə göndərdi və çoxaldılan müshəflərin hər birini bir bölgəyə
göndərərək bunların xaricindəki müshəflərin yandırılmasını əmr
etdi.”
85
Bu rəvayətdən də görürük ki, İslam dövləti fəthlər sayəsində
çox genişlənmiş, müxtəlif millətlər İslam dinini qəbul etmişlər. Qu-
ranın yazısı hərəkəsiz və nöqtəsiz olduğu üçün yeni müsəlmanlar
Quranı oxumaqda çətinlik çəkmişlər. Yuxarıda qeyd etdiyimiz
ixtilafların səbəblərini bir az da açıqlasaq bunu deyə bilərik ki,
əvvəllər Quranın yeddi hərf üzrə oxunmasına icazə verilmişdi və
Hz. Əbu Bıkrin cəm etdirdiyi Quran da məhz yeddi hərə görə idi.
Bundan başqa bəzi səhabələr xüsusi müshəflərinə ayələrin təfsiri
ilə əlaqədar bəzi kəlmələr əlavə etmişdilər. Yeddi hərfdən qaynaq-
lanan ixtilaflar əsasən mənaca eyni olan kəlmələrin fərqli sözlərlə
85 Buxari, Fədailul Quran, 3.
Dostları ilə paylaş: |