115
rəqabətin güclənməsi ilə bağlı ziddiyyətlərlə zəngin ümumi
situasiyanı daha da mürəkkəbləşdirir.
Bundan əlavə, bütün
göstərilən tendensiyalar bir-biri ilə qarşılıqlı surətdə sıx
bağlıdırlar və onlar bütövlükdə müasir dövrdə dünya
iqtisadiyyatının olduqca dinamik, mürəkkəb və ziddiyyətli
sisteminin məcmusunu yaradırlar.
Mütəxəssislərin fikrincə, hazırkı dövrdə qlobal
iqtisadi problemlərin KİV-də işıqlandırılmasının və
təhlilinin səviyyəsi o qədər də qənaətbəxş deyil. Bu da
əsassız deyildir. Yaxın xarici ölkələrin jurnalistika
nəzəriyyəçiləri hesab edirlər ki, jurnalistika sosial-iqtisadi
təcrübənin mühüm problemlərinin işıqlandırılmasının
səmərəli metodlarını hələlik tapa bilməmişdir. O, nəinki
ictimaiyyəti bu problemlərin həllinə səfərbər edə bilmişdir,
hətta keçid dövrü iqtisadiyyatının
problemlərini də öncədən
tam görə bilməmişdir.
Bununla əlaqədar biz müstəqillik dövrünün ilk
illərinin
mətbuat materiallarının kontent-analizini
apararaq aşağıdakıları müşahidə edirik:
a) iqtisadi proseslər KİV-də qeyri-peşəkar səviyyədə
işıqlandırılır;
b) inflyasiya qeyri-peşəkar proqnozlaşdırılır : onun
həcmi azaldılır və reallıqlara uyğun gəlmir;
c) KİV istehsalın kəskin şəkildə aşağı düşməsini, pul
ödəmələrindəki böhranları
və iqtisadiyyatın
kriminallaşmasını öncədən görə bilmir;
ç) əksər KİV materiallarında güman edilir ki,
özəlləşdirmə iqtisadiyyatın səmərəliliyinin tez bir zamanda
artmasına gətirib şıxaracaqdır, həqiqətdə isə tamamilə
bunun əksinin şahidi oluruq;
d) KİV-in bazar davranışı və bazar institutlarının
spontan inkişafı haqqında hipotezləri özünü doğrultmur və
s.
116
Biz yuxarıda
deyilənləri nəzərə alsaq,
ən azı
aşağıdakı iki əsas nəticəyə gələ bilərik:
1.
İqtisadi gerçəklik
şoxvariantlıdır və bu
variantların dəyişmə sürəti onların KİV tərəfindən
öyrənilməsi və izah olunması tempini qabaqlayır;
2.
İqtisadi dəyişikliklərin tempi həddən artıq
sürətlidir, iqtisadiyyatın təşkilinin formaları çoxşaxəlidir –
bu təzahürlər isə jurnalistikaya hələlik tam bəlli deyildir və
bu vəziyyət iqtisadi problemlərin mətbuatda adekvat şəkildə
işıqlandırılmasına ciddi təsir göstərir. KİV öz imkanlarından
aşağı səviyyədə çıxış edir.
Belə
bir şəraitdə
qlobal iqtisadi problemlərin həlli
və planetar iqtisadi inteqrasiya sahəsində mətbuatın
qarşısında müəyyən spesifik vəzifələr durur. KİV-in
müasir dövrün qlobal problemlərini peşəkarlıqla
işıqlandırması və öz iştirakı ilə bu problemlərin həm
dünyanın ayrı-ayrı regionlarında, həm də qlobal miqyasda
həllinə, dünyada qeyri-bərabər iqtisadi inkişafın aradan
qaldırılmasına və qlobal
iqtisadi inteqrasiyaya kömək
etməsi üçün o, bu sahədəki tendensiyaları dəqiq izləməli və
bu problemləri doğuran səbəbləri müəyyən etməlidir. KİV
onların həlli yollarını axtarmalı, aradan qaldırılması və
iqtisadi inteqrasiyanın bütün bəşəriyyətə fayda gətirməsi
üçün daha səmərəli vasitələrin tapılmasını təşviq etməlidir.
Bunun üçün jurnalistika öz fəaliyyətində ilk növbədə
qlobal iqtisadi problemlərin həllinin yeni
paradiqmasına
əsaslanmalıdır.
Paradiqma (yunan sözü olub nümunə
mənasını verir) dedikdə, ümumiyyətlə hansısa problemin
qoyuluşu və həlli modeli, ilkin konseptual sxem, müəyyən
tarixi mərhələ zamanı aparılan
elmi tətdiqatda istifadə
edilən başlıca metodlar başa düşülür. Paradiqmanın əsasını
təzahürlərin təbiəti haqqında ümumi fərziyyə və
müşahidələrin qruplaşdırılması yolu ilə onların dərk
edilməsinin mümkün vasitələri təşkil edir. Müasir dövrün
117
qlobal problemləinin, o cümlədən iqtisadi problemlərin
aradan qaldırılmasının, KİV-in bu problemlərin
işıqlandırılması
və
təhlili sahəsində
fəaliyyətinin
paradiqması
sinergetikadır.
Sinergetika
dünyanın müasir elmi mənzərəsini təşkil
edən fundamental konsepsiyalardan biridir. Əgər qısaca
tərif versək, sinergetika müxtəlif təbiətlər sisteminin
özünütəşkili nəzəriyyəsidir.
Sinargetika tədqiqat işlərində müstəqil istiqamət kimi
1969-cu ildə yaranmışdır.
Həmin il alman fiziki German
Haken «sinergetika
» terminini Ştutqart Universitetində lazer
şüalanması
nəzəriyyəsi kursları üzrə oxuduğu
mühazirələrdə istifadə etmişdir.
Sunergiya yunan sözü olub
əməkdaşlıq, fəaliyyətin razılaşdırılması, qarşılıqlı iştiak
deməkdir.
Sinergetik metodlar iqtisadi təhlillərdə, o cümlədən,
iqtisadi problemlərin mətbuatda işıqlandırılmasında sosial
elmin və fəaliyyətin digər sahələrinə nisbətən bir qədər
əvvəl istifadə olunmağa başlanılmışdır. İlk vaxtlar
iqtisadiyyatın tarixi və keçmiş dövrün iqtisadi strukturları
ilə maraqlanan mütəxəssis və jurnalistlər bu metodlara
müraciət
etmişlər. Beləliklə, qiymətli kağızlar bazarının,
fəhlə bazarı dinamikasının təhlilinə həsr olunmuş tədqiqat
işləri və mətbuat yazıları meydana gəlir.
Ümumiyyətlə, sinergetika ideyalarının sosial sahəyə
gətirilməsi V.Vaydlixin adı ilə bağlıdır. O, German Hakenin
sinergetik yanaşma metodunu (qayda-qanun parametrlərini
müəyyən etməklə və tabeçilik prinsipindən istifadə etməklə)
tətbiq edərək, uzun illər ərzində (sinergetikanın
başlanğıcındın) cəmiyyətdə baş verən kollektiv proseslərin
kəmiyyət təsvirini verə bilən modellər işləyib hazırlamışdır.
Bunun sayəsində bir tərəfdən, cəmiyyətdə makrofenomen-
lərin inteqrativ dinamikası, digər tərəfdən isə mikrososial
səviyyədə ayrı-ayrı fərdi elementlərin davranışının tənzim-
118
lənməsinə və həllinə nail olmaq mümkündür.
Bir sözlə,
sinergetika cəmiyyətdə fərdi qərarların mikrosəviyyəsi ilə
dinamik kollektiv proseslərin makrosəviyyəsi arasında əlaqə
yaradır.
Qlobal iqtisadi problemlərin həlli üçün təklif olunan
formalardan biri və demək olar ki, birincisi,
beynəlxalq
iqtisadi inteqrasiya formasıdır. Bu sahədə KİV-in
iştirakının səmərəliliyini artırmaq məqsədi ilə ilk növbədə
jurnalistlər özləri bu formanın məğzini dərk etməlidirlər.
Nədir beynəlxalq iqtisadi inteqrasiya?
Müasir dövrdə dünya iqtisadiyyatında iki tendensiya
mövcuddur. Bir tərəfdən, ölkələr arasında iqtisadi əlaqələrin
inkişafı, ticarətin liberallaşması,
müasir kommunikasiya və
informasiya sistemlərinin, ümumdünya texniki standart və
normalarının yaranması ilə bağlı olaraq dünya
iqtisadiyyatının bütövlüyü və qloballaşması getdikcə artır.
Bu proses transnasional korporasiyaların fəaliyyəti vasitəsi
ilə özünü daha qabarıq şəkildə büruzə verir. Digər tərəfdən
isə regional səviyyədə ölkələr arasında iqtisadi yaxınlaşma
və qarşılıqlı təsir prosesi güclənir, müstəqil dünya iqtisadi
mərkəzlərinin yaradılması istiqamətində inkişaf edən iri
regional inteqrasiya strukturları formalaşır.
Beynəlxalq iqtisadi inteqrasiya dünya
ölkələrinin
dərin və davamlı qarşılıqlı əlaqələrinin daha da inkişaf
etdirilməsinə, milli iqtisadiyyatlar arasında əmək
bölgüsünə
əsaslanan iqtisadi və siyasi birləşməsi, müxtəlif səviyyə və
formalarda onların iqtisadiyyatlarının bir-birinə qarşılıqlı
təsiri prosesidir. Bu proses mikrosəviyyədə bir-birinə yaxın
ərazilərdə yerləşən ölkələrin ayrı-ayrı şirkətlərinin birgə
fəaliyyətləri vasitəsi ilə onlar arasında müxtəlif iqtisadi
münasibətlərin formalaşması, o cümlədən xaricdə filialların
yaradılması
əsasında həyata keçirilir. İnteqrasiya
dövlətlərarası səviyyədə iqtisadi birliklərin formalaşması və
milli siyasətçilərin razılığı ilə baş verir.