107
baxılması, silinməsi və s.) haqlı hesab eləmək olar. Lakin,
burada hər şey birmənalı şəkildə problemsiz də deyil.
İnkişaf etmiş ölkələrdən bəziləri (ABŞ,
Böyük Britaniya və
s.) borcların bir hissəsinin silinməsi yolu ilə kasıb ölkələrə
kömək etməyə hazır olduqlarını bildirir, bunun əvəzində isə
həmin məbləğin hərbi və bürokratik məqsədlərə deyil,
sosial-iqtisadi inkişafa xərclənilməsi şərtini qoyurlar.
Analitiklərin fikrincə, bəzi kasıb ölkələr öz borclarını
müstəqil surətdə ödəmək iqtidarında deyillər. Ona görə də
bu ölkələr üzərində BMT çərçivəsində beynəlxalq
qəyyumluğun tətbiq olunması və onlara “inkişaf etmiş
dövlətlər klubu” tərəfindən müasir sosial-iqtisadi inkişaf
səviyyəsinə qalxmaqda köməklik göstərilməsi təklif edilir.
Beləliklə, qlobal sosial-iqtisadi vəziyyətlə bağlı
yuxarıda göstərilən məqamlar müasir
dövrün qlobal iqtisadi
problemlərinin tam mənzərəsini yaratmasa da, onları
doğuran səbəblərin araşdırılması, həlli yollarının müəyyən
edilməsi, dövlətlərin, beynəlxalq təşkilatların, ictimaiyyətin
və ən əsası isə,
kütləvi informasiya vasitələrinin bu
proseslərə cəlb edilməsi və problemlərin həllində iştirakı
məsələlərinin incələnməsi istiqamətində baza materialı kimi
istifadə oluna bilər.
Bunun üçün ilk addım kimi iqtisadi islahatlar
prosesində mətbuatın iştirakının tarixi təcrübəsinə və əldə
olunan nəticələrə müraciət etmək daha məqsədəmüvafiqdir.
Məlum olduğu kimi, jurnalistika insanların
informasi-
yaya olan tələbatının ödənilməsi vasitəsi kimi nəzərdən ke-
çirilir. İnsanlar arasında informasiya mübadiləsinə olan
tələbat hələ lap qədim dövrlərdə yaranmış və insan
şəxsiyyətinin mahiyyəti onun başqaları ilə müxtəlif
üsullarla ünsiyyətdə olan sosial varlıq kimi başa
düşülmüşdür.
İctimai-istehsal münasibətləri möhkəmləndikcə, bu
münasibətlərin hüquqi aktlar və qanunlar şəklində
108
tənzimləyiciləri meydana gəldikcə,
əmtəə-mübadilə
fəaliyyəti haqqında qanunvericiliyə aid informasiyanın
yayılmasına da ciddi ehtiyac yaranır. Bəzi jurnalistika
tədqiqatçıları hesab
edirlər ki, dövlətçiliyin meydana
gəldiyi, vergi, əmtəə, mübadilə və şifahi əməliyyatların
təsbit edildiyi dövrdə ünsiyyətin yeni tipinə - yazıya
müraciət edilmişdir.
56
Bir qrup tədqiqatçılar isə onların bu
fikirlərini inkişaf etdirərək belə qənaətə gəlirlər ki, dövri
mətbu nəşrlərin yaranmasının ilkin səbəblərindən biri məhz
iqtisadi informasiyaya olan tələbatdır. Əvvəllər bu infor-
masiyanın çatdırılması ilə çaparlar məşğul olurdular. Lakin,
onların xidməti çox baha başa gəlir, vacib informasiyanın
operativ və müntəzəm çatdırılması mümkün olmurdu. Ona
görə də bu cür informasiyanın kifayət qədər tez və sistemli
şəkildə alınmasını təmin edən yeni bir vasitə növünə ehtiyac
var idi və beləliklə də yeni
vasitə növü - dövri mətbuat
yaranır.
57
Jurnalistika nəzəriyyəçiləri eyni zamanda,
kommunikasiyanın və informasiya fəaliyyətinin
özünəməxsus forması olan jurnalistikanın yaranmasında və
sonrakı inkişafında iqtisadi amilin misilsiz rol oynadığını
qeyd edirlər. Onlar bunu əmtəə-pul dövriyyəsinin
yaranmasının ilkin dövrlərində natural əmtəə və xidmət
mübadiləsinin tədricən qanunauyğun şəkildə bazardakı
imkanlar, malların qiyməti, həcmi və keyfiyyəti haqqında
informasiya mübadiləsinə çevrilməsi ilə izah edirlər.
58
Tədqiqatçılar kütləvi kommunikasiyanı bu və ya digər
fəaliyyət sahəsində cəmiyyətin üzvləri arasında ünsiyyət və
informasiya mübadiləsi kimi xarakterizə edir və göstərirlər
ki, ünsiyyət və informasiya mübadiləsi mühiti genişlənərək
56
http://www.unesco.kz/massmedia/pages/6_1.htm
57
Гуревич С.М. Газета и рынок: как добиться успеха. – М. 1994;
Экономика средств массовой информации. – М., 1999.
58
Ворошилов В.В. Журналистика. Учебник. – СПб. 2002., с.456-458.
109
və müəyyən keyfiyyət səciyyələri əldə edərək əmək
bölgüsü
prosesi ilə birlikdə strukturlaşır. Onlar təsdiq edirlər ki,
sosial mühitdə cəmləşmiş böyük qrupların özlərinin
daxilində və ya bu qruplar arasında, həmçinin bütövlükdə
bu qruplarla cəmiyyət arasında olan qarşılıqlı informasiya
təsiri KİV-in struktur dəyişikliklərinin əsasını təşkil edir.
59
Keçən əsrin iyirminci illərində biznesin formalaşması
prosesində kommunikasiyanı təmin edən işgüzar jurnalisti-
kanın sürətlə inkişaf etməsini buna nümunə göstərmək olar.
Maliyyə kapitalının, maliyyə münasibətlərində yeni
əlaqələrin inkişafı
KİV-in müvafiq strukturlarını
formalaşdırır və onları yeniləşdirir. İqtisadi publisistikanın
yaranması və inkişafı cəmiyyətin iqtisadi əsasını təşkil edən
sosial-istehsal münasibətlərinin müəyyən təbəqəsinin
sərbəst struktura çevrilməsi prosesi ilə birbaşa bağlıdır. Bu
proseslər bir-birinə bağlılıqla yanaşı, həm də qarşılıqlı təsir
imkanlarına malikdir.
Jurnalistikanın cəmiyyətin iqtisadi həyatına, onun
xarakterinə, inkişaf səviyyəsinə və istiqamətlərinə təsiri isə
mətbuatın iqtisadi informasiya mənbəyi və kanalı olması ilə
müəyyən edilir.
60
Müasir iqtisadiyyatı bu cür informasiyasız
təsəvvür etmək mümkün deyildir. Digər mənbələrlə yanaşı
mətbuat və digər dövri nəşrlər iqtisadiyyatın bütün
sahələrinin normal fəaliyyət göstərməsi və inkişafı üçün
vacib olan informasiya və məlumatları iqtisadi strukturlara
çatdırırlar. Bu xüsusiyyət həm kütləvi ictimai-siyasi qəzet
və jurnallara, həm də sənaye
və ticarət müəssisələrinin,
şirkət və firmaların rəhbərləri, birja və bank işçiləri üçün
buraxılan işgüzar mətbuata aiddir. Lakin, ictimai-siyasi
nəşrlərdən fərqli olaraq (yer çatışmazlığı və redaksiyalarda
59
http://www.unesco.kz/massmedia/pages/6_1.htm
60
Ворошилов В.В. Журналистика. Учебник. – СПб. 2002., с.456-458.
110
müvafiq mütəxəssislərin olmaması səbəbindən) işgüzar
qəzet və jurnallar öz oxucularına daha təfərrüatlı
məlumatlar çatdıra bilirlər.
İnformasiyanın iqtisadi səmərəliliyinin artırılmasında
qəzet müstəsna rol oynaya bilir. Çünki, qəzet geniş təhlillər
aparmaq imkanına malikdir. Qəzeti geniş oxucu auditoriyası
ilə informasiyaya münasibətdə könüllülük, vaxt baxımından
isə tam sərbəstlik kimi səciyyəvi cizgilər bağlayır. Oxucu
informasiya ilə tanış olmaq
və yaxud da ona diqqət
yetirməmək barədə özü sərbəst şəkildə qərar qəbul edir.
Ona görə də iqtisadi mövzuda olan bütün publikasiyalar,
xüsusilə də iqtisadi nəşrlər konkret və geniş oxucu ünvanına
malikdir. Məhz bu xüsusiyyət iqtisadi publikasiyaların
müvəffəqiyyət qazanmalarının əsas rəhni hesab edilir.
KİV-in iqtisadiyyata təsir istiqamətlərindən biri də
tənqidi publikasiya və proqramların hazırlanması, iqtisadi
strukturların müsbət təcrübələrinin, beynəlxalq təcrübənin
təbliğ edilməsidir. Belə materiallar nəinki iqtisadiyyatın bu
və ya digər sahəsində yaranmış böhranlı vəziyyət haqqında
operativ məlumat verir, eyni zamanda yol verilmiş səhv və
uğursuzluqların səbəblərini araşdırmağa da şərait yaradır.
Müasir
dövrün mürəkkəb, bəzənsə ziddiyyətli proses-
lərinin, həmçinin yeni istehsal münasibətlərinə malik
cəmiyyətin əsaslarının qurulması və iqtisadi islahatların
həyata keçirilməsi sahəsində əldə olunan nailiyyətlərin
KİV-də işıqlandırılmasında getdikcə demokratiyanın
mühüm institutuna çevrilən iqtisadi publisistika (işgüzar
jurnalistika) böyük rol oynayır. İşgüzar jurnalistika
insanlarda yeni iqtisadi təfəkkürün formalaşmasında fəal
iştirak edir və cəmiyyətdə aparılan radikal islahatların
tərəfdarlarının sayını durmadan artırır. Postsovet məkanında
iqtisadiyyatın inzibati-amirlik sistemi ilə idarə olunduğu
dövrdə iqtisadi mövzuda yazılan publikasiyaların sadəcə say
etibarı ilə artımı müasir dövrdə keyfiyyətcə yeni bir