145
uzunluğu hesab olunur. Yəni, ərzaq
təhlükəsizliyi məhz
xoşbəxt həyatın maksimal uzunluğunu təmin etməlidir.
İnsanın, cəmiyyətin, ölkənin və dünyanın ərzaq
təhlükəsizliyinin məqsədi hamı üçün elə ərzaq təchizatının
təmin edilməsi olmalıdır ki, bu təminat müasir şəraitdə
bütün Yer kürəsi əhalisinin mümkün maksimal orta həyat
uzunluğuna nail olunmasına şərait yaratsın. Bütün
bunlardan çıxış edərək, mütəxəssislər əhalinin ərzaq və
sağlamlıqla təminatının səbəb-nəticə əlaqələrinin aşağıdakı
təxmini sxemini təklif edirlər:
Qida ilə bağlı xəstəliklər, vaxtından
qabaq ölüm və əmək qabiliyyətinin itirilməsi
Sağlamlığın
simptomları və
əlamətləri
Ərzaq çatışmazlığı və balanslaşdırıl-
mamış qidalanma rasionu
Bilavasitə səbəbləri
Ərzaq istehsalının azlığı, qidanın
keyfiyyətsizliyi, ərzaq almaq üçün vəsaitin
olmaması
Başlıca səbəbləri
Ərzaq istehsalı üçün resursların
çatışmazlığı (ərzaq
bölgüsünün tələblərinə
uyğun gəlməyən)
Başlıca mühüm
səbəbləri
Qida ilə bağlı xəstəliklər doyunca yeməmək, aclıq,
qeyri-adekvat qidalanma və ya da qida vasitəsilə
yoluxmalarla şərtləndirilir. Qidalanma sahəsindəki rifah isə
insanın tələbatını ödəyən və onun həyatının maksimal
uzunluğunu təmin edən kifayət qədər yüksəkkeyfiyyətli
qidanın olması ilə izah edilir. Əsas məqsədə, yəni maksimal
həyat uzunluğuna nail olmağın şərtləri isə aşağıkılardır:
•
Aclıqdan və doyunca
yeməməkdən azad olmaq;
•
Adekvat qidalanma;
•
Qida vasitəsilə təmin olunan sağlamlığın
təhlükəsizliyi.
Ərzaq təhlükəsizliyinin təmin olunması üçün ərzaq
146
təchizatının adekvatlığına və stabilliyinə zəmanət verən
ərzaq siyasətinin formalaşdırılması, planlaşdırılması və
həyata keçirilməsi olduqca vacibdir.
Ərzaq təchizatının adekvatlığı – təchizatın (daxil olan
ərzağın) ümumi həcmi kəmiyyət (enerji zənginliyi) və key-
fiyyətə (bütün vacib qida maddələrinin ölçülərinə) olan tələ-
batın ümumi həcmini potensial olaraq ödəməlidir. Ərzaq
məhsulları sağlamlıq üçün təhlükəsiz olmalı (toksik
amillərdən və çirklənmələrdən azad), münasib qida
keyfiyyətlərinə (ərzağın dadı, strukturu, təzəliyi) malik
olmalı və maksimal ömür uzunluğuna şərait yaratmalıdır.
Ərzaq təchizatının stabilliyi və ərzaqa çatım isə, a) ətraf
mühitin dayanıqlığından və b) insanların ərzağa çatımını
təmin edən iqtisadi və sosial dayanıqlıqdan ibarətdir. Bu isə
öz növbəsində gəlirlərin ədalətli
bölgüsünü, dövlət və
ictimaiyyət tərəfindən göstərilən dəstəyi və sığorta sistemini
nəzərdə tutur.
Qidaya fiziki çatım hələ qidaya faktiki çatım anlamını
vermir. İnsanın qidalanma hüququ ərzağın alınmasını təmin
edən resurslara olan hüquqla əlaqələndirilməlidir. Bir sıra
xəstəliklər ərzağın qəbulu zamanı tərkibində böyük
miqdarda piy və/və ya şəkər çox olan qida rasionu ilə və ya
da kalori (enerji) mənbəyi yalnız piy və şəkərdən ibarət olan
yoxsulluqla bağlı olur.
Aqrojurnalist bilməlidir:
dünyada ərzaq təhlükəsizliyinin vəziyyəti
Aclıq və doyunca yeməmək iqtisadi tamahkarlıqla
bərabər, dünyada sabitlik və bəşəriyyətin özünün
mövcudluğu üçün başlıca təhlükə hesab edilir.
Dünyada
ərzaq probleminə Yer kürəsinin bütün əhalisinin kalorili
qida ilə təmin olunması kontekstində baxılır, yəni hər bir
insan müəyyən miqdarda kalorili qida ilə təmin olunmalıdır.
147
Yaşamaq və yüngül fiziki əməklə məşğul olmaq üçün
ərzağa olan tələbatın minimal miqdarı sutkada 2200
kkaloriyə
(lat. calor – istilik, hərarət deməkdir - 100 q.
qidanıın insan orqanizmində həzmindən əldə olunan
enerjinin kəmiyyətini ifadə edir) bərabər olmalıdır. Gün
ərzində 1520 kkaloridən az qida qəbul edən insanlar ac
hesab edilirlər. FAO-nun verdiyi məlumata görə, inkişaf
etməkdə olan ölkələrin əhalisinin 60 %-i
minimal həddən
300 kkalori az qida qəbul edir. İnkişaf etmiş ölkələrdə isə
qida qəbulunun orta səviyyəsi müəyyən olunmuş minimal
həddən 600 kkalori yüksəkdir.
Bu təşkilatın “Aclıq və yoxsulluğun 2008-ci il
səviyyəsi” barədə hazırladığı hesabatda dünyada aclıq və
səfalət təhlükəsində yaşayan insanların sayının 850 milyona
bərabər olduğu bildirilir. FAO-nun məlumatına görə, bu
rəqəm 2010-cu ildə 870 milyonu, 2012-ci ildə isə 1 milyardı
keçmişdir.
69
Onların 800 milyonu inkişaf etməkdə olan və
ya inkişafa yenicə başlayan ölkələrin payına düşür və bu
insanların sayı getdikcə artmaqdadır. Maraqlıdır ki, hətta
inkişaf etmiş ölkələrin də əhalisinin müəyyən hissəsi
aclıqdan əziyyət çəkir və bu rəqəm 16 milyona bərabərdir.
FAO-nun Romada keçirilən
sammitində BMT Baş katibi
Bən Ki Mun dünyanın zəngin dövlətlərinə müraciət edərək,
qlobal ərzaq böhranını cilovlamaq üçün sərt və təcili
tədbirlər görməyə səsləmişdir. O, xüsusilə ABŞ və Avropa
ölkələrini ərzaq tariflərini və subsidiyaları azaltmağa
çağıraraq deyib ki, bu, inkişaf etməkdə olan ölkələr üçün
bəla mənbəyidir. Son aylar ərzaq qiymətlərinin artması 40
ölkədə iğtişaşlara gətirib çıxarmışdır. 2009-cu ildə aclıqdan
69
http://www.milli.az/news/politics/140691.html.
148
əziyyət çəkənlərin sayı 2008-ci ilə nisbətən 105
milyon
artıb. Bu, qiymətlərin yüksək olması ilə bağlıdır.Baş katib
həmçinin dünyanın ən çox ehtiyacı olan hissələrindəki
fermerləri toxum, gübrə və avadanlıqlarla təmin etmək üçün
təcili olaraq 1.7 milyard dollar ayırmağa çağırıb.
70
Ümumiyyətlə, dünyada nə qədər insanın aclıq içində
yaşaması barədə suala dəqiq cavab vermək o qədər də asan
deyildir. Birincisi, bəzən məhsul olmayan illər (qıtlıq)
məhsulun bol olduğu illərə çevrilir və bu zaman aclığın
miqyası kəskin şəkildə (lakin, müvəqqəti) azalır. İkincisi,
aclıq çəkənlərin sayı, onu hesablayanlardan asılı olaraq,
müxtəlif olur. Əgər FAO bu rəqəmin 870 mln. olduğunu
bildirirsə, Beynəlxalq Yenidənqurma və İnkişaf Bankı
onların 1 mlrd., Fransa Aclıq Əleyhinə Komitəsi isə 1,2
mlrd. olduğunu göstərir.
Ac qalanlar və doyunca yeməyənlər dünya əhalisinin
müvafiq olaraq 15 %-ni və 12,7%-ni
təşkil edirlər, yəni
dünya əhalisinin 1/3-i aclıqdan və doyunca yeməməkdən
əziyyət çəkir. Bu isə o deməkdir ki, dünyanın ərzaq
təhlükəsizliyi böhran vəziyyətindədir. Dünya əhalisinin
daha 2 milyardı isə kifayət qədər həyati əhəmiyyətli mikro-
element: yod, dəmir, A vitamini və s. qəbul etmədiyinə görə
gizli aclıq formalarından əziyyət çəkir. Mikroelementlərin
uzun zaman qəbul edilməməsi ciddi
xəstəliklər əmələ gətirir
və insanın ömrünü xeyli gödəldir. 3 milyard insan zülal
çatışmazlığından əziyyət çəkir. Zülal azlığı xüsusilə
uşaqlara məhvedici təsir göstərir.
Son 25-30 il ərzində aclığın və doyunca yeməməyin
70
http://www.bbc.co.uk/azeri/news/story/2008/06/printable/080603_bmt.s
html.