157
edilməsində, əhalinin gəlirlərinin artırılmasında
və rifah
halının əhəmiyyətli dərəcədə yaxşılaşmasında mühüm rol
oynayan faktorlar kimi çıxış edir. Hazırda özünün sosial-
iqtisadi inkişafında keyfiyyətcə yeni mərhələni yaşamaqda
olan Azərbacan əmək ehtiyatlarından, təbii və iqtisadi
resurslarından səmərəli istifadə etməklə qeyri-neft
sektorunda, o cümlədən emal, xidmət, infrastruktur və digər
belə qəbildən olan sferalarda ciddi uğurlara imza atır.
Burada daha bir
mühüm məqam ondan ibarətdir ki, yaşanan
iqtisadi inkişaf ölkə üzrə proporsional şəkildə müşahidə
olunur, paytaxtdan başlayaraq ən ucqar regionları da əhatə
edir. Digər tərəfdən, son illər ərzində qeydə alınan iqtisadi
artımda dövlətlə yanaşı, özəl sektorun xüsusi çəkisinin də
artan xətt üzrə inkişafı qazanılan ən önəmli nailiyyətlər-
dəndir.
Özəl sektorda qeydə alınan tərəqqinin daha dinamik
xaratker alması məqsədilə ölkəmizdə həyata kecirilən
sosial-iqtisadi siyasətin mühüm
istiqamətlərindən biri də
sahibkarlığın inkişaf etdirilməsidir. Ölkədə sahibkarlığın
inkişafı məqsədilə biznes muhitinin daim yaxşılaşdırılması,
bu sahədə qanunvericilik bazasının təkmilləşdirilməsi,
regionların inkişafı, yerli və xarici investisiyaların, müasir
texnologiyaların, idarəetmə təcrübəsinin cəlb edilməsi və bu
yolla yüksək keyfiyyətli, rəqabət qabiliyyətli məhsulların
istehsal edilməsi iqtisadi inkişaf strategiyasının
prioritetlərindəndir. Sahibkarlıq fəaliyyətinin dövlət
tənzimlənməsinin təkmilləşdirilməsi istiqamətində atılan
əhəmiyyətli addımlar, onların hüquqlarının müdafiəsinin
işlək mexanizmlərinin yaradılması və tətbiqi sahibkarlıq
subyektlərinin fəaliyyət miqyasını xeyli dərəcədə
genişləndirmişdir.
Qeyd edilənlər Azərbaycanda
qeyri-neft sektorunda
ümumi istehsalın həcminin artmasında özünəməxsus vacib
rol oynayan əsas məqamlardandır. Burada mühüm
158
sahələrdən biri isə ərzaq məhsullarını əhatə edir. Bu gün
yerli istehsal hesabına ərzaq məhsullarının artımı hər bir
dövlət üçün xüsusi əhəmiyyətə malikdir. Çünki bu, etibarlı
ərzaq təhlükəsizliyinin təmin edilməsinin ən əsas şərtləri
sırasında yer alır. Dünya üzrə ərzaq istehsalında artım
səviyyəsi azalmaqdadır. Birləşmiş Millətlər Təşkilatının
Ərzaq və Kənd Təsərrüfatı Təşkilatının (FAO) məlumatına
görə, əgər 1950-1985-ci illərdə ərzaq istehsalının illik artımı
30 milyon ton, 1985-1995-ci illərdə 12 milyon ton təşkil
edirdisə, 2030-cu ilədək bu göstərici cəmi 9 milyon ton
səviyyəsində olacaq. Deməli, qarşıdakı illər ərzində
istənilən həcmdə ərzaq məhsullarının idxalı sahəsində ciddi
çətinliklərin yaşanması istisna olunmur.
Lakin, Azərbaycanda görülən
məqsədyönlü tədbirlər
və aparılan siyasət indi əksər ərzaq məhsullarının yerli
istehsal hesabına hazırlanmasına imkan verir. Prezident
İlham Əliyevin xüsusi sərəncamlarla təsdiq etdiyi
“Azərbaycan Respublikası regionlarının sosial-iqtisadi
inkişafı Dövlət Proqramı (2004-2008-ci illər)”, “2008-2015-
ci illərdə Azərbaycan Respublikasında əhalinin ərzaq
məhsulları ilə etibarlı təminatına dair Dövlət Proqramı” və
“Azərbaycan Respublikası regionlarının 2009-2013-cü
illərdə sosial-iqtisadi inkişafı Dövlət Proqramı” bu
istiqamətdə mühüm əhəmiyyətə malikdir.
Göstərilən sənədlərin icrası ilə əlaqədar görülən
tədbirlər ölkədə yoxsulluğun azalmasında mühüm rol
oynamışdır. Ötən dövr ərzində kənd təsərrüfatının ümumi
məhsulu 25 faizdən, əhalinin gəlirləri isə 4 dəfədən çox
artmışdır.
Qlobal ərzaq probleminin əsas hüdudları
Dünyada ərzaq probleminin əsas təzahürləri arasında:
a) inkişaf etməkdə olan ölkələrdə kənd təsərrüfatı istehsalı
159
sahəsində məhsuldarlığın aşağı olması; b) kəskin surətdə
ərzaq çatışmazlığı; c) doyunca
yeməmək və milyonlarla
insanın ac qalması; ç) qidalanmanın balanslaşdırılmaması
və ç) ərzağın yararsızlığını xüsusilə qeyd etmək olar. Həm
də zəif inkişaf etmiş ölkələrdə ərzaqla təminatın qeyri-
qənaətbəxş olması üzvi surətdə iki başlıca amillə - iqtisadi
geriliklə və “demoqrafik partlayış” nəticəsində əhalinin
sayının kəskin şəkildə artması ilə bağlıdır.
Məsələ burasındadır ki, müasir yüksəksəmərəli dünya
ərzaq sənayesi bütövlükdə Yer kürəsinin bütün əhalisini
yedizdirmək iqtidarındadır. Lakin, bu sənayenin hamısı
inkişaf etmiş ölkələrdə cəmləşmişdir və bu ərazidə əhalinin
sayı stabildir, həm də yavaş artır. İnkişaf etməkdə olan
ölkələrdə isə, yuxarıda qeyd etdiyimiz kimi,
həm istehsal
məhsuldar deyil, həm də əhalinin sayı və sıxlığı həddən
artıq sürətlə artır. Bunun da nəticəsində bəşəriyyətin bir
hissəsi ərzaq məhsullarının çoxluğunun və piylənmənin
qayğısı ilə yaşayır, digər hissəsi isə doyunca yeməməkdən
və aclıqdan əziyyət çəkir.
BMT-nin məlumatlarına əsaslanaraq, ərzaqla təminat
sahəsində disproporsiyanın miqyası barədə belə bir nəticəyə
gəlmək olur ki, əgər planetin 20 faizlik zəngin hissəsi
dünyanın ət və balıq həcminin 45 %-ni istifadə edirsə,
bəşəriyyətin 20 faizlik yoxsul hissəsi cəmi 5 %-dən
yararlanır.
Bununla bərabər, vegetarianların təsdiq etdiklərinə
görə, insanın qidalanmasında “ət aksenti” yalnız insanların
sağlamlığı höqteyi-nəzərindən deyil,
həm də təbii
resursların məsrəf edilməsi prizmasından baxdıqda da
qüsurludur: otlaqların yaradılması məqsədi ilə əsrlər
boyudur ki, meşə sahələri kütləvi surətdə məhv edilir, ət
istehsalı isə böyük həcmdə su tələb edir (1 kq. buğda
becərmək üçün 60 litr suya qarşı 1 kq. ərzaq üçün 3000-dən
6000 litrə qədər su), “ətlik” heyvanların böyük bir hissəsi
160
dənli bitkilərlə bəslənilir (ABŞ-da 0,5 kq. ət almaq üçün 8
kq. dənli bitki sərf olunur). Mütəxəssislərin hesablamalarına
görə, əgər əkilib-becərilmək üçün yararlı hala salınmış
torpaq yalnız bitkiçilik üçün istifadə edilsəydi, 20 milyard
insanı yedizdirmək mümkün olardı. Belə nəticəyə gəlmək
olur ki, aclıq problemi süni bir problemdir və bəşəriyyətin
qeyri-rasional davranışı nəticəsində əmələ gəlmişdir.
Qlobal ərzaq probleminin əsas həlli yollarına
gəlincə
isə, onları aşağıdakı dörd istiqamətdə cəmləşdirmək olar:
zəif inkişaf etmiş ölkələrin özlərində ərzaq
istehsalının inkişaf etdirilməsi və səmərəliliyinin artırılması;
dünya okeanlarında ərzaq məhsullarının hasil
edilməsi və istehsalının genişləndirilməsi;
geridə qalmış ölkələrin istehsal imkanlarına
müvafiq olaraq bu ölkələrdə əhalinin sayının artmasının
məhdudlaşdırılması;
bu məsələlərin həllində dünya ictimaiyyətinin
geridə qalmış ölkələrə yardım göstərməsi.
İri ərzaq dövlətlərinin aqrar nailiyyətlər əldə
etməsinin
əsasını
yaşıl inqilab - kompleks
mexanikləşdirilmə və avtomatlaşdırılma, bitkilərin və
heyvanların qorunması üçün
kimyəvi və digər vasitələrin
geniş
tətbiqi, onların artım stimullaşdırıcılarının,
yüksəkməhsuldarlı növlərin yaradılması, bio- və digər ən
yeni texnologiyaların həyata keçirilməsi yolu ilə kənd
təsərrüfatı istehsalının həcminin artırılması prosesi təşkil
edir.
Bu cür tədbirləri geridə qalmış ölkələr də həyata ke-
çirməlidirlər. Hərçənd, istisna etmək olmaz ki, “yaşıl
inqilab”ın bəzi neqativ tərəfləri də var – kənd təsərrüfatı
məhsullarının və ətraf mühitin kimyəvi, bioloji və s. yolla
çirklənməsi baş verir. Deməli, ekoloji cəhətdən təmiz
olmayan ərzağın insanların sağlamlığına ziyan vurması
ehtimalı artır.