119
Şirkətlərarası əlaqələrin sürətli inkişafı konkret
bir re-
gionda ölkələr arasında əmtəə və məhsulların sərbəst daşın-
masına, xidmətlərin göstərilməsinə, kapital və işçi qüv-
vəsinin hərəkətinin təmin edilməsinə, birgə iqtisadi,
valyuta-maliyyə, elmi-texniki, sosial, xarici və müdafiə
siyasətlərinin hazırlanıb razılaşdırılmasına və həyata
keçirilməsinə yönəldilmiş dövlətlərarası (bəzi hallarda isə
fövqəldövlət) tənzimləməni vacib edir. Nəticə etibarı ilə
vahid
valyutaya, infrastruktura, ümumi iqtisadi vəzifələrə,
maliyyə fondlarına, ümumi fövqəlmilli və dövlətlərarası
təsir orqanlarına malik regional iqtisadi komplekslər
yaranır.
İqtisadi inteqrasiyanın ən sadə forması kimi azad
ticarət zonalarını göstərmək olar. Bu cür zonalarda iştirakçı-
ölkələr arasında ticarət məhdudiyyətləri, hər şeydən əvvəl
isə gömrük rüsumları ləğv edilir.
İqtisadi inteqrasiyanın başqa bir forması gömrük itti-
faqlarıdır. Bu ittifaqlar azad ticarət zonalarının fəaliyyəti ilə
yanaşı, vahid xarici ticarət tariflərinin yaradılmasını və
üçüncü ölkələrə münasibətdə vahid xarici ticarət siyasətinin
həyata keçirilməsini nəzərdə tutur. Hər iki halda
dövlətlərarası münasibətlər yalnız mübadilə sferasına aid
olur ki, bu da iştirakçı-ölkələrə qarşılıqlı ticarətin
inkişaf
etdirilməsi və maliyyə hesablaşmalarının aparılması üçün
eyni imkanları təmin edir.
Gömrük ittifaqı valyutaların qarşılıqlı konversiya edil-
məsini və hamı üçün ümumi hesablaşma vahidinin funksi-
onallığını təmin edən ödəmə ittifaqı ilə tamamlanır. Ümumi
bazar daha mürəkkəb formadır. O, azad qarşılıqlı ticarət və
vahid xarici ticarət tarifi ilə yanaşı, iştirakçılar üçün
qarşılıqlı kapital və işçi qüvvəsinin sərbəst hərəkətini,
həmçinin iqtisadi siyasətin razılaşdırılmasını təmin edir.
Lakin, dövlətlərarası iqtisadi inteqrasiyanın ən yüksək
forması inteqrasiyanın yuxarıda göstərilən formalarını,
120
ümumi iqtisadi və valyuta-maliyyə siyasətinin həyata
keçirilməsini özündə birləşdirən iqtisadi ittifaqlar və valyuta
ittifaqlarıdır.
İqtisadi inteqrasiya qarşılıqlı əlaqədə olan tərəflər
üçün aşağıdakı bir sıra əlverişli şərtləri təmin edir:
Birincisi, inteqrasiya sahəsindəki
əməkdaşlıq
iqtisadiyyatla (təsərrüfatla) məşğul olan subyektlərə
(şirkətlərə) region səviyyəsində müxtəlif
cür resurslara
(maliyyə, material, əmək), yeni texnologiyalara çıxışı təmin
edir, həmçinin bütün inteqrasiya qrupunun tutumlu bazarı
üçün məhsul istehsalına geniş imkanlar açır.
İkincisi, ölkələrin region səviyyəsində iqtisadi
yaxınlaşması iştirakçı-ölkələrin şirkətləri üçün imtiyazlı
şərait yaradır və onları üçüncü ölkələrin rəqabətindən
qoruyur.
Ücüncüsü, qarşılıqlı inteqrasiya təsiri zəif rayonların
inkişaf səviyyələrinin bərabərləşdirilməsi, əmək bazarında
vəziyyətin yumşaldılması, əhalinin aztəminatlı təbəqələrinə
müəyyən sosial təminatların verilməsi, səhiyyə sisteminin
inkişaf etdirilməsi, əməyin mühafizəsi və s. ciddi iqtisadi
problemləri birgə həll etməyə imkan yaradır.
61
Lakin, milli iqtisadiyyatların qarşılıqlı təsiri ayrı-ayrı
regionlarda müxtəlifdərəcəli intensivliklə,
müxtəlif səviy-
yələrdə inkişaf etdiyinə görə jurnalistlər bu prosesi
şərtləndirən obyektiv amilləri nəzərdən keçirməlidirlər. KİV
inteqrasiya prosesini müəyyən edən amillərə də ciddi diqqət
yetirməlidir, çünki iqtisadi inteqrasiyanın əsasını bir sıra
61
Основы экономической теории и практика рыночных реформ /
под ред. М.М.Зарогулько. Москва: Логос, 1997; Шеховцев А.,
Шестакова М., Громов А. Свободные экономические зоны: мировой
опыт и перспективы в России// Вопросы экономики. Москва. 2000. -
№10.
121
obyektiv amillər (iqtisadi həyatın qloballaşması, beynəlxalq
əmək bölgüsü, elmi-texniki inqilab, milli iqtisadiyyatların
şəffaflığının artması) təşkil edir.
KİV, eyni zamanda ölkənin xarici iqtisadi inteqrasiya
strategiyasının işlənib hazırlanmasında da yaxından iştirak
etməli, onu: a) ölkənin ixrac potensialının inkişafına, ixrac
strukturunun və idxalın təkmilləşdirilməsinə; b) milli məh-
sulların dünya bazarında rəqabətə davamlılığının artırılma-
sına; c) ölkənin ödəmə qabiliyyətinin
yüksəldilməsinə; ç)
beynəlxalq əmək bölgüsündə ölkənin vəziyyətinin
yaxşılaşdırılmasına; d) milli məhsulların satış bazarının
genişləndirilməinə və e) davamlı iqtisadi inkişafa, əhalinin
rifah halının yaxşılaşdırılmasına yönəltməyə xidmət
etməlidir.
Son illərdə iqtisadi problemlərə həsr olunmuş tədqiqat
işlərində və KİV materiallarında yuxarıda haqqında danışdı-
ğımız sinergetika paradiqmasından istifadə hallarının təşviqi
ilə bağlı çağırışların həcmi xüsusilə artmışdır. Belə nəticəyə
gəlmək olur ki, həm iqtisadiyyat elmi, həm də jurnalistika
yeni qnoseoloji yanaşma metodunu reallığa
uyğun olaraq
getdikcə daha sürətlə mənimsəməyə cəhdlər göstərir. Bu,
özünü dünyada baş vermiş axırıncı qlobal iqtisadi və
maliyyə böhranı zamanı (2008-ci il) daha qabarıq şəkildə
büruzə vermişdir.
Azərbaycanda da iqtisadi problemlərin həlli yollarının
axtarılması istiqamətində müəyyən addımlar atılır. Bəzi
siyasətçilər, politoloqlar, iqtisadçılar və jurnalistlər
Azərbaycanda mexaniki olaraq Argentina, Türkiyə, Çin və
s. ölkələrin praktikalarının tətbiqinə, bəziləri Beynəlxalq
Valyuta Fondu, Dünya Bankı və s. iri maliyyə qurumlarının
tövsiyələrinə əməl etməyə, başqaları isə ölkədə baş verən
prosesləri təhlil edərək, problemi
iqtisadi şərait və milli
mentalitetin xüsusiyyətləri nəzərə alınmaqla həll etməyə
çağırırlar. Göründüyü kimi, bu sahədə müxtəlif istiqamətlər
122
mövcuddur. Ona görə də, zənnimizcə, mətbuatın əsas
vəzifəsi indiki şəraitdə yerli spesifika və dünya
tendensiyaları nəzərə alınmaqla, qarışıq iqtisadiyyatın
yaradılması məqsədi ilə Azərbaycan iqtisadiyyatının
evolyusion modernləşməsini təşviq etməkdən ibarət
olmalıdır.
İstənilən milli iqtisadiyyat geniş təkrar istehsal tələb
edir. Bu, ilk növbədə ölkə vətəndaşlarının
həyati
tələblərinin artması ilə izah olunur, çünki həyat səviyyəsinin
artması sivilizasiyanın vacib atributlarındandir. Deməli,
milli iqtisadiyyatda geniş təkrar istehsal sivilizasiyanın
səviyyəsinin ən vacib təzahürlərindən biridir.
Bu cür
şəraitdə iqtisadi jurnalistika belə bir vacib məsələyə -
milli iqtisadiyyatın geniş təkrar istehsalının müstəsna
qaydada xarici kreditlərdən asılı olmamasına diqqət
yetirməlidir. Əlbəttə, bu prosesdə xarici kapitalın
müəyyən payı ola bilər, lakin o, daxili mənbələrə əlavə
rolunu oynamalıdır. Çünki, iqtisadi inkişaf üçün daxili
potensialı olmayan hər hansı bir sistem heç vaxt milli
iqtisadiyyat tituluna malik ola bilməz.
«Sinergetik» düşüncəyə malik olmayan siyasətçi, iqti-
sadçı və yaxud jurnalist yalnız əvvəlki və sonrakı vəziyyətin
müqayisəsi vasitəsi ilə bu və ya digər qərarı qiymətləndirə
bilməz: jurnalist mütləq sonrakı hadisələrin real gedişini al-
ternativ qərarların mümkün icrasının
gedişi ilə müqayisə
etməyi bacarmalıdır.
Azərbaycan mətbuatının bizə məlum olan müasir
mənzərəsi belə bir nəticəyə gəlməyə əsas verir ki,
sinergetika bizim mətbuatda iqtisadi materiyaya hələ kifayət
səviyyədə nail ola bilməmişdir. İqtisadi jurnalistika yalnız
sinergetik paradiqmaya nail olmaqla cəmiyyətdə baş verən
qlobal iqtisadi dəyişikliklərin tədqiqi, təhlili və
işıqlandırılması sahəsində qarşıda duran vəzifələri yerinə
yetirə bilər.