İSPANİYA
Paytaxtı – Madrid
Rəsmi dövlət dili – ispan dili
Dini – katolisizm
Pul vahidi – avro
Rəsmi adı İspaniya Krallığı olan bu ölkə Avropanın cənub-
qərbində yerləşir. İspaniya Avropanın ən dağlıq ölkəsidir. Be-
ləki, paytaxtı Madrid, Avropanın ən hündür paytaxtı hesab edi-
lir. Avropa Birliyi və NATO-nun üzvüdür.
204
Belə bir fərziyyə mövcuddur ki, İspaniya sözü “dovşanlar
ölkəsi” kimi tərcümə olunur. Pomidor, kartof, avakado, tütün
və kakaonun Avropaya gəlib çıxmasına görə avropalılar məhz
ispanlara təşəkkür etməlidirlər.
İspaniya ərazisi regionlarına görə çox fərqli iqlimə malik-
dir. Məsələn, ölkənin bir tərəfi səhraları xatırladarkən, digər tə-
rəfində mümkündür ki, 20 gün dalbadal yağış yağsın. İspaniya
orada yaşayan quşların növünə görə dünyanın birinci ölkəsi sa-
yıla bilər. Odur ki, bülbüllərin oxuması onlar üçün adi bir hal-
dır. Dünyanın ən qədim restoranı İspaniyadadır. Belə ki, bu
restoran 1725-ci ildə fəaliyyətə başlayıb. İspaniyada müxtəlif
qeyri-adi muzeylər fəaliyyət göstərir. Məsələn, romantika və ya
ət muzeyi. İspaniyada mövsümün yalnız altı ayını işləyən res-
toran mövcuddur. Belə ki, bu restoranda qeyri-adi dadla müxtə-
lif qidalar insanlara təqdim olunur. Məsələn, torpaq və ya qar
dadı verən şokalad, balıq dadlı dondurma və s. Dünyada isteh-
sal olunan zeytun yağının 45%-i İspaniyada istehsal edilir.
İspan xalqının qidalanma mədəniyyəti yüz illər ərzində də-
yişikliklərə məruz qalıb. Valehedici İspan mətbəxinə Finikiya-
lılar, Romalılar, Karfagenlilər və ərəblər böyük təsir göstərib.
İspaniyanın regional müxtəlifliyi onun mətbəxində öz əksini ta-
pıb. Ən məşhur mətbəxlərin arasında Bask, Qalisiya, Katoloni-
ya, Valensiya, Estremadura və hər iki Kastilyanın mətbəxləri-
dir. Korida və Flamenco, günəşli və qumlu çimərliklərdə, həm-
çinin zeytun və çaxır ölkəsində 17 millət yaşayır. Turistlər İs-
paniyanın regionları arasında olan dil, mədəniyyət, rəssamlıq
ənənələri, mənzərələr və siyasi fərqinə çox təəcüblənir.
İspan mətbəxi ölkənin müxtəlif regionlarının töhfəsi olaraq
ispan mətbəxini zənginləşdirən müxtəlif yeməklərin hazırlanması
formasıdır. Bu mətbəx kənd yerləri və sahilyanı ərazilərdən tut-
muş bir çox ərazilərin və iqlimlərin mədəniyyətini təmsil edir.
İspan mətbəxi paellya (düyüdən hazırlanmış xüsusi ye-
mək), qaspaço (süfrəyə soyuq halda verilən ədviyyatlı tərəvəz
şorbası), tortillya (omlet) və yaxud tapas (qəlyanaltı) kimi xö-
rəkləri ilə məşhurdur.
205
İspanlar öz vaxtlarının əhəmiyyətli hissəsini çöldə keçirir-
lər. Bu səbəbdən onlar, həmçinin restoran və ya kafeterilərdə
çox yeyirlər. İspanlar üçün barda nahar etmək adi bir şeydir.
Belə bir bar, kafe, pab və restoran rolunu oynayır və günün
vaxtından asılı olaraq, müvafiq yeməkləri təklif edir. Saat on
ikiyə kimi adətən şirniyyatlardan ibarət olan səhər yeməyi
verilir, lakin ofisiantdan xahiş edə bilərsiniz ki, o sizə pendir və
ya vetçina buterbrodu gətirsin. Günortadan saat dördə kimi
mətbəxdə isti yeməklər hazırlanır. Saat dörddən sonra mətbəx
axşama kimi bağlanır. Axşam vaxtı şam yeməyi süfrəyə verilir.
Maraqlısı odur ki, ispanlar qəhvəni də desert kimi qəbul edir-
lər. Burada hazırlanan qəhvənin dadı həqiqətən gözəldir.
İspan mətbəxində şorba və salatlara əlavə olunan zeytun
yağından geniş istifadə olunur. İspanlar mətbəxdə balıq, dəniz
məhsulları, paxlalar və düyüdən də çox istifadə edirlər. Xörək-
lərin dadını zənginləşdirmək üçün onlara pomidor, bibər, yu-
murta, sarımsaq, badam və çaxır əlavə edirlər.
İspan xörəkləri sadədir, lakin zəfəran başda olmaqla ətirli
ədviyyatların geniş istifadəsinə görə o, çox zəngin və incə tama
malikdir.
Cənub regionunda dəniz məhsulları mətbəxin əsasını təşkil
edərkən, ölkənin mərkəzi hissəsində əsasən, tərəvəzlər və müx-
təlif ət növlərindən istifadə olunur. Dağlıq regionlarda isə quzu
əti və paxlalılardan daha çox istifadə olunur. Dağlıq Kastili-
yanın vizit kartı qızardılmış dana, quzu əti, quru vetçinalar və
həmçinin isti çorizo donuz sosisləridir. Kataloniyada müxtəlif
üsullarla hazırlanmış (təzə, bişirilmiş və ya marinada qoyul-
muş) balıq və tərəvəzlər, Qalisiyada zarzuela de maricos – əd-
viyyatlı tomat, soğan, sarımsaq, zeytun yağı və çaxır sousunda
pörtlənmiş, yağda qızardılmış balıq çox məşhurdur. Valensiya
isə paelya ölkəsidir. Paelya böyük dəmir tavada tərəvəz, toyuq
əti və ya dəniz məhsulları ilə pörtlənmiş düyüdən hazırlanan
çox məşhur və olduqca ləzzətli İspan yeməyidir. İspaniyada
başlanğıcını Roma vaxtlarından götürən və süfrəyə soyuq veri-
206
lən tərəvəz şorbaları ajo blanco (ağ növü) və qaspaçço (qırmızı
növü) indiyədək öz məşhurluğunu qoruyub saxlayır. O vaxtlar
bu şorbalar indiki Andaluziyanın ərazisində yerləşən hər bir
Romalı legionerin gündəlik yemək rasionuna daxil idi. İspaniya
üçün başqa səciyyəvi şorbalar siyahısında mal əti və vetçina,
sosiska, klyotek, cəfəri və sarımsaqdan ibarət olan puchero şor-
bası və əsas inqrediyentləri qoyun əti, dana budu, mal əti, vet-
çina, hisə verilmiş sosiska, noxud və tərəvəzlərdən ibarət olan
qatı olla podrida şorbasıdır. Ət bişəndən sonra o, balaca tikə-
lərə bölünərək içərisinə sarımsaq və ətirli göyərti əlavə olunan
şorbada süfrəyə verilir. Dəniz məhsulları və balıq yeməkləri sa-
hilboyu regionda mətbəxin əsasını təşkil edir. Hər hansı dəniz
sahilində yerləşən şəhərdə nəhəng balıq bazarları turistləri daim
cəlb edir. Orada təzə skumbriya, tuna, krevetlər, səkkizayaqlı ilbiz
və omarları əldə etmək mümkündür.
Məşhur qəlyanaltılardan biri tapasdır. Canya adlandırılan
pivəni sifariş edərkən tapas pulsuz pivə ilə verilir. Başqa qəlya-
naltı xüsusilə San Sebastyan regionunda məşhur olan pintxos
adlanır. Rasiones tapasdan böyükdür. Lakin onların ikisidə bir
məhsul və ya xörəkdən hazırlanır. Məsələn, qrildə hazırlanmış
donuz qulağı, romasayağı Kalmar və ya çaxırda bişirilən sosis-
kadan. Platos combinados isə bir neçə məhsuldan ibarətdir (tə-
zə tərəvəz salatı, bir tərəfdən qızardılmış qayğanaq, dana əti).
İspan ənənəsinə uyğun olaraq, yeməkdən əvvəl süfrəyə qızar-
dılmış badam, yaşıl çiy zeytun, çörək və həmçinin tomat və
sarımsaq sousu verilir.
İspaniyanın Əndəlüs hissəsi uzun illər Ərəb işğalları altın-
da qaldığı üçün Əndəlüs mətbəxinin özünəməxsus xüsusiyyətləri
vardır. Afrika mətbəxinin təsiri böyük olduğu bu mətbəxdə dəniz
sahilində yerləşdiyinə görə dəniz məhsulları özünəməxsus yer tu-
tur. Bundan başqa karbohidratlarla zəngin buğda, zeytun və üzüm
xüsusilə geniş yayılıb. Zeytun yağında qızardılmış qızartmalar sa-
yəsində mətbəx “La cocina de los fritos” (qızartmalar mətbəxi)
adını almışdır. Əndəlüs mətbəxində yumurta, pomidor, soğan,
bibər, zeytun, sarımsaq xüsusi önəm daşıyır.
207
İspaniyada südü, qara kofeni, südlə kofeni, eyni zamanda
quru və həcmcə böyük olmayan süddən hazırlanan şokoladı
çox içirlər. Ən məşhur içki orşad adlanır ki, onu badam sü-
dündən hazırlayırlar. İspaniya bir ölkə kimi turizm ölkəsi hesab
olunur. Bu ölkənin gözəl iqlimi, gəzməli yerləri hər zaman
turistləri özünə cəlb edir. Bura gələn turistlər təkcə dincəlməyə
deyil, eyni zamanda ispan yeməkləri ilə tanış olmaq və onun
dadından ləzzət almaq üçün gəlirlər.
Dostları ilə paylaş: |