X V I I
F Ə S İ L
MÜSTƏQİL AZƏRBAYCAN RESPUBLİKASI.
SİYASİ VƏ İQTİSADİ HƏYAT
§ 1. Siyasi böhran. Qarabağda müharibə
Xalqın iradəsi ilə müstəqilliyini elan etmiş Azərbaycan Respublika*
sı çox mürəkkəb bir şəraitdə fəaliyyət göstərməyə başlamışdı.
Azərbaycan Respublikasının müstəqilliyini dünya dövlətləri
tanımışdı. Onu ilk olaraq 1991-ci il noyabnn 9-da Türkiyə Respublikası,
sonra Rumıniya (11 dekabr 1991-ci il), Pakistan (13 dekabr 1991-ci il),
İsveçrə (23 dekabr 1991-ci il), İran (25 dekabr 1991-ci il), ABŞ (23
yanvar 1992-ci il); Rusiya (10 aprel 1992-ci il, 109-cu dövlət olaraq) və
başqa dövlətlər də tanıdı. 1993-cü ilin əvvəllərində Azərbaycanın dövlət
müstəqilliyini artıq 116 dövlət tanımış, 70 xarici dövlət ilə Azərbaycan
arasında diplomatik əlaqələr yaranmışdı. Respublika 14 beynəbcalq
təşkilata üzv qəbul olunmuşdu. O, 1991-ci ilin dekabnnda İslam
Konfransı təşkilatına, 1992-ci ilin fevralında Türkiyə, İran və Pakistan
dövlətlərinin daxil olduğu İqtisadi Əməkdaşlıq Təşkilatına üzv oldu.
Azərbaycan Respublikası Ümumavropa təhlükəsizlik və əməkdaşlıq
prosesini tənzimləyən Helsinki müqaviləsinin yekun aktına, yeni Avropa
üçün Paris xartiyasında irəli sürülən prinsiplərə tərəfdar oldu və Avropa
Təhlükəsizlik və Əməkdaşlıq Müqaviləsinin (ATƏM) tamhüquqlu
üzvləri sırasına qəbul edildi. 1992-ci il martın 2-də Azərbaycan
Respublikası Birləşmiş Millətlər Təşkilatına (BMT-yə) üzv qəbul
olundu, bu təşkilatın qəbul və təsdiq etdiyi bir çox mühüm beynəlxalq
konvensiya və paktlara qoşuldu.
Azərbaycanın Türkiyə, ABŞ, İran, Almaniya, Fransa, Böyük
Britaniya və İrlandiya krallığında və b. ölkələrdə səfirlikləri açıldı.
Azərbaycan Respublikası ilk gündən başqa dövlətlərlə öz
münasibətlərini dövlətlərin suveren bərabərliyi əsasında qurdu, zor
işlətməklə
476
hədələməmək, dövlət sərhədlərinin toxunulmazlığı, mübahisələri dinc
yolla nizama salmaq, başqa dövlətlərin daxili işlərinə qanşmamaq
prinsiplərini əsas götürdü, xalqlann bərabərliyini və onlann öz
müqəddəratını təyin etmək hüququnu tanıdı, beynəbcalq hüquqi
öhdəlikləri yerinə yetirməyə çalışdı. Bununla belə, Dağlıq Qarabağ
probleminin həlli üçün dünya dövlətlərinin təsirli dəstəyini qazanmaq,
müharibəni dayandırmaq mümkün deyildi. İqtidar bu sahədəki
fəaliyyətində problemin elə əvvəldən regionda nüfuz dairələrinin yenidən
bölünməsi ilə bağlı beynəbcalq xarakter daşımasım, onu törədən və idarə
edən xarici qüvvələrin siyasi və iqtisadi maraqlannm Azərbaycan üçün
mümkün qədər zərərsiz təmin olunması vacibliyini lazımınca nəzərə
almırdı.
Əvvəl Sovet, sonralar MDB hərbi qüvvələrinin köməyi ilə ermənilər
Yuxan Qarabağda irimiqyaslı hərbi əməliyyatlar keçirmiş, bir sıra
əlverişli strateji mövqelər tutmuş, azərbaycanlılan buradan qovub
çıxarmağa başlamışdılar. 1991-ci ilin sentyabnnda Yuxan Qarabağda
qeyri-qanuni bir qurum, oyuncaq - «Dağlıq Qarabağ Respublikası»
yaradılmışdı. Hətta referendum keçirilmiş, erməni icması buna tərəfdar
çıxmışdı. Üzdəniraq, oyuncaq «respublikanın» «Ali Sovetinə» seçkilər
keçirilmişdi. Bununla əlaqədar, Azərbaycan Respublikası noyabnn 26-da
DQMV-nin statusunu ləğv etmişdi.
Beynəlxalq ictimaiyyət tərəfindən, demək olar ki. heç bir
müqavimətə rast gəlməyən, Rusiyanın himayəsini açıq-aşkar hiss edən
ermənilər daha da azğınlaşırdılar. 1991-ci ilin axırlarında Rusiya ilə
Ermənistan arasında «Dostluq, əməkdaşlıq və qarşılıqlı təhlükəsizlik
haqqında müqavilə» bağlanmışdı.
Azərbaycan Respublikasının Ali Soveti 1991-ci il oktyabnn 9-da
«Azərbaycan Respublikası Silahlı Qüwələri haqqında» qanun qəbul
etmişdi. Onun ilk hissələri dekabnn 8-də cəbhəyə yola salınmışdı. İlk
vaxtlar könüllülük əsasında qurulmuş, təcrübəli hərbçiləri az olan orduda
ciddi nizam-intizam yaratmaq mümkün deyildi. Hərbi hissələrə müxtəlif
siyasi qüvvələrin təsiri böyük idi. Bəzi ictimai təşkilatların, məsələn,
AXC-nin, hətta ayn-ayn şəxslərin hərbi dəstələri vardı. Hərb sənətini
mükəmməl bilən sərkərdələr çatışmırdı. Baş qərargahın işi pis
qurulmuşdu. Hərbi hissələrə pozuculuqla məşğul olan satqınlar soxula
bilmişdi. Güclü informasiya axınına yol verilirdi.
Orduda korrupsiya baş alıb gedirdi. Hərbi hissələrdən silah, sursat,
yanacaq oğurlanır, hətta düşmənə satılırdı. Fərariliyə qarşı ciddi
mübarizə apanimırdı.
477
Noyabnn 19-da 22 rayon və şəhər özünümüdafiə batalyonu
yaradılması haqqında əmr verildi. Əslində bu işə oktyabr ayından
başlanmışdı. Qazax, Ağstafa, Ağdam, Kəlbəcər, Laçın, Şuşa, Qubadlı,
Zəngilan, Cəbrayıl, Tovuz, Füzuli, Goranboy, Xanlar, Yevlax, Bərdə,
Tərtər, Ucar, Gədəbəy, Şəmkir rayonlarında, Gəncə və Xocalı
şəhərlərində ərazi özünümüdafiə qüvvələri yaradıldı. Bu batalyonlann
tərkibi yerli əhalidən formalaşırdı. Bu qüvvələr müvəqqəti hesab
olunurdu və sonradan ordu hissələri çağınşçılar hesabına
komplektləşdiriləndə könüllülər, tədricən ehtiyata buraxılacaqdı,
özünümüdafiə batalyonlarının komandirləri, onlann müavinləri
rayonların hərbi komissarları tərəfindən seçilir, icra hakimiyyəti
başçılannın razılığı ilə təyin edilir və Müdafiə Nazirliyinə təqdim
olunurdular. Bu batalyonlann komandirləri Müdafiə Nazirliyinin
səlahiyyətli nümayəndələri olmaqla bərabər, həm də rayon icra
hakimiyyəti başçılannın müdafiə məsələləri üzrə müavinləri idilər,
özünümüdafiə batalyonlarına rəhbərlikdə ikili tabeçilik kimi yolverilməz
bir vəziyyət yaranmışdı. Respublika prezidenti icra hakimləri vasitəsilə
ordunu öz əlində saxlamaq istəyirdi.
Yuxan Qarabağın Azərbaycan kəndlərinin çoxunda əsasən 1992-ci
ilin fevralında yerli əhalidən ibarət özünümüdafiə bölmələri təşkil
olunmuşdu. Muğanlı, Əmirallar, Manikli, Günəşli, Orta Güneypəyə, Baş
Güneypəyə, Malıbəyli, Gülablı, Çərəkdar, Xatmbəyli, Tuğ, Aşağı
Əskipara, Xeyrimli, Baqanıs-Aynm kəndlərində müstəqil hərbi bölmələr
yaradılmışdı.
Tərtər rayonunda «Qurtuluş», «Çəpərxana», «Qaçaq Nəbi» adına
dəstələr fəaliyyət göstərirdi. Sərhəd rayonlarında müdafiə istehkamları,
kəşfiyyat və rabitə şəbəkələri qurulması işi də özünümüdafiə batal-
yonlanna tapşınimışdı. Hərbi vəziyyətin kəskinləşməsi ilə əlaqədar
sonralar 1992-ci ilin fevralında Ağcabədi və Beyləqanda da
özünümüdafiə batalyonlan yaradılmışdı. Lakin təchizatda, səfərbərlikdə
ciddi qüsurlara yol verilirdi. Yerli imkanlar hesabına saxlanan
batalyonlann silahlanması, hərbi işə yaxşı bələd olan zabitlərlə təchizi pis
vəziyyətdə idi. İkili tabeçilik də onlann fəaliyyətinə mənfi təsir göstərirdi.
Lazımi döyüş qabiliyyəti, təchizatı olmayan və müdafiə taktikası
götürməyə məcbur olan bu yerli özünümüdafiə qüvvələri, xeyli yaxşı
silahlanmış və təlim görmüş düşmənə qarşı, təbii ki, döyüşə bilmir,
tez-tez məğlubiyyətə uğrayırdı.
Formal şəkildə ordu bölmələri təşkil olunsa da, onun nə lazımınca
silahı və sursatı, nə də geyimi vardı. Təlim keçirilmirdi, könüllülük
478
Dostları ilə paylaş: |