Şarlaxov,
Konstantin Myakişev, Nikolay Şulqin, Viktor Baykov, Yuzef Çarski, Pyotr Jarikov,
Vladimir Otradinski, E. Tareyeva, Aleksandra Suvirova, Marqarita Annekso, Pyotr Yudin, Kseniya
Babiçeva, Vera Şirye, Raxil Ginzburq, Sergey Yakuşev, Nina Sarnatskaya, Konstantin Adamov,
Dina Tumarkina, Anatoli Falkoviç, Mixail Aduşev kimi şöhrətli aktyorlar işləyiblər.
Məşhur sənətkarlar Fuad Poladov, Lüdmila Duxovnaya, Murad Yegizarov hazırda
kollektivin truppasında çalışırlar.
Teatrın baş rejissoru əvvəllər kollektivin aparıcı aktyorlarından olan, xalq artisti Aleksandr
Şarovskidir.
* * *
Məhərrəm Haşımov
(2.2.1912 - 2.5.19691)
Sənət fəaliyyətində yaradıcılıqla bərabər, inzibati təşkilatçılıq bacarığı da formalaşmışdır. O,
1948-ci ildən 1951-ci ilə qədər Azərbaycan Dövlət Rus Dram Teatrında direktor və quruluşçu
rejissor kimi çalışmışdır. 1956-cı ildə isə qazandığı möhtəşəm sənət nailiyyətlərinə görə yenidən
Rus Dram Teatrına göndərilərək güclü truppaya malik kollektivin baş rejissorluğu ona
tapşırılmışdır. Bu vəzifədə 1960-cı ilə kimi coşğun daxili həvəslə, ciddi yaradıcılıq ehtirası ilə
çalışmışdır.
ADOBT-də (1951-1956) və "Azərbaycanfilm" kinostudiyasında direktor işləmişdir (1960 -
1965). Eyni zamanda Incəsənət İşləri İdarəsinin rəisi olmuşdur.
1966-cı ildə Rus Dram Teatrına qayıdaraq kollektivə yenə baş rejissorluq etmişdir.
Uzun illər Azərbaycan Dövlət Teatr İnstitutunda pedaqoji fəaliyyətlə məşğul olmuş,
tələbələrə rejissor və aktyor sənətinin sirlərini öyrətınişdir.
Məhərrəm Kazım oğlu Haşımovun Azərbaycan Dövlət Rus Dram Teatrında rejissorluq
fəaliyyətinin əsas məğzində müasir fəlsəfi-realist teatr yaratmaq məqsədi dururdu. Əsas işləri
"Döngədə ev" (Tur qardaşları. 1949), "Xəzər üzərində şəfəqlər" (İmran Qasımov. 1950), "Balıqçı
oğlu" (Vilis Latsis. 1953), "Dəniz cəsurları sevir" (İmran Qasımov və Həsən Seyidbəyli. 1954),
"Entoni Qrantın cinayəti" (Cerald Qordonun romanı əsasında. 1956), "Aydın" (Cəfər Cabbarlı.
1957), "Yasəmənlər ÇİÇək açanda" Nmolay Vinnikov. 1957), "Hamam" (Vladimir Mayakovski.
1959), "Maskarad" (Mixail Lermontov. 1959), "İrautsk əhvalatı" (Aleksey Arbuzov. 1960), "Kino
çəkilir..." (Edvard Radzinski. 1966), "Teleqramla hekayət" (V. Osipov. 1966), "Milyonçu qadın"
(Bernard Şou. 1966), "İntervensiya" (Lev Slavin. 1967), "Ənənəvi toplanış" (Viktor Rozov. 1968)
tamaşalarına verdiyi quruluşlardır.
İmran Qasımovun "Xəzər üzərində şəfəqlər" pyesinə Azərbaycan Dövlət Rus Dram
Teatrında verdiyi quruluşa görə Məhərrəm Haşımov və tamaşanın bir qrup yaradıcı heyəti rəssam
Sergey Yefimenko, aktyorlardan Konstantin Myakişev (Hüseynov), Boris Çinkin (Nəcəfov), Viktor
Şarlaxov (Məmmədov), Pyotr Yudin (Poladov) 1951-ci ildə SSRİ Dövlət mükafatına layiq
görülüblər. 1969-cu ildə isə "Demoklisin qılmcı" (Nazim Hikmət), "Maskarad", (Mixail Lermontov)
və "Kino çəkilir..." (Edvard Radzinski) tamaşalarına verdiyi monumental quruluşlara görə rejissor
Mirzə Fətəli Axundzadə adına Respublika mükafatı laureatı adını alıb.
Cənnət Səlimova
(20 yanvar 1940)
Bakıda doğulub. 1962-ci ildə Azərbaycan Dövlət Universitetinin filologiya fakültəsini
bitirib. Elə həmin il Leninqrad Teatr Sənəti İnstitutunun rejissorluq fakültəsinə daxil olub və
görkəmli sənətkar Georgi Tovstonoqovdan beş il dərs alıb. Diplom tamaşası 1967-ci ildə RDT-də
hazırladığı "Nağıl möcüzəsi" (Karney Çukovski) səhnə əsəri olub. Müxtəlif illərdə Sumqayıt Dövlət
Dram Teatrında, Akademik Milli Dram Teatrında, Musiqili Komediya Teatrında, Gənc Tamaşaçılar
Teatrında tamaşalar hazırlayıb. Opera və Balet Teatrında bəstəkar Əfrasiyab Bədəlbəylinin
"Söyüdlər ağlamaz", Fikrət Əmirovun "Sevil", Cüzeppe Verdinin "Traviata", Rucero
Leonkovallonun "Məzhəkəçilər", Cakomo Puççininin "Bohema" operalarına quruluş verib. 1990-cı
ildən özünün yaratdığı Bakı kamera Teatrının bədii rəhbəridir.
Cənnət Əlibəy qızı Səlimova 1968 - 1990-cı illərdə RDT-də quruluşçu rejissor və baş rejissor
işləyib. Bu teatrda daha uğurlu quruluşları Anton Çexovun "Vanya dayı" (1968) və "İvanov" (1980),
Fyodor Dostoyevskinin "Cinayət və cəza" (1971), "İdiot" (1973), Karlo Haldoninin "Mehmanxana
sahibəsi" (1972), Bertolt Brextin "Kuraj ana" (1974), Hüseyn Cavidin "Şeyx Sənan" (1983), Cəfər
Cabbarlının "Aydın" (1985), Marqaret Dyüranın "Tamaşaçıların baxması qadağandır" (1990)
tamaşaları sayılır.
Sənətdə qazandığı nailiyyətlərə görə Cənnət Səlimova Azərbaycan Respublikasının əməkdar
incəsənət xadimi (1976) və xalq artisti (24 may 1998) fəxri adlarına layiq görülüb.
BAKI TÜRK İŞÇİ TEATRI
Bu teatrın adı özünün on iki illik yaradıcılıq dövründə üç dəfə dəyişib. Teatr ayrı-ayrı illərdə
aşağıdakı müxtəlif adlarla fəaliyyət göstərib:
Bakı Azad Türk Tənqid və Təbliğ Teatrı (1921 - 1925, may);
Bakıı Türk İşçi və Kəndli Teatrı (1925 - 1927, aprel);
Bakı Türk İşçi Teatrı (1927 - 1932, 28 dekabr).
Teatr Azərbaycanda sovet quruluşunun siyasi və ictimai-sosial ideyalarını təbliğ etmək
məqsədilə Xalq komissarları Şurasının qərarı ilə yaradılıb. Əvvəlcə 16 nəfərdən ibarət komissiya
müəyyən edilib. Münsiflər heyəti Akademik Milli Dram Teatrının aktyor truppasının
sənətkarlarından Mirzağa Əliyevi, Hacıağa Abbasovu, Əhməd Qəmərlini, Mirmahmud
Kazımovskini, Rüstəm Kazımovu, Sidqi Ruhullanı (rejissor kimi) və bu kimi şöhrətli aktyorları təzə
kollektivə dəvət edib.
Teatr açılış üçün birpərdəli "Çərxi fələk" (Süleyman Sani Axundov), "Sabotajçılar"
(Məmməd Səid Ordubadi), "Yazıya pozu yoxdur" (Abdulla Şaiq) pyeslərini tamaşaya hazırlayıb. İlk
tamaşa 1921-ci il noyabr ayının 13-də, indiki Azərbaycan Dövlət Kukla Teatrının binasında
göstərilib. Tamaşaların arasında konfransye funksiyasını icra edən Mirzağa Əliyev və Hacıağa
Abbasov satirik kupletlər və ictimai-sosial mahiyyətli, məişət mövzulu meyxanalar söyləyiblər.
Üç il teatr həmin prinsiplə tamaşalar göstərib. Bu məqsədlə teatr Əliağa Vahid, Məmməd
Səid Ordubadi, Cəfər Cabbarlı ilə və satirik şeirlər yazan digər müəlliflərlə sıx yaradıcılıq əlaqəsi
yaradıb.
Teatr ictimaiyyəti arasında, ayrı-ayrı mətbuat səhifələrində yeni kollektivin adı "Hökumət
Türk Tənqid və Təbliğ Teatrosu", "Tənqid və Təbliğ Teatrı", "Satiragit" kimi də deyilib. Hətta
aparıcı aktyorlar Mirzağa və Hacıağanın şərəfinə "Hacımirzə" teatrı da adlanıb.
Tənqid və Təbliğ Teatrının çağırış mahnısı olub. Hər gün pərdə "Satiragit ayinədir açmağa
xalqın gözünü, görəcəkdir baxsa bu ayinədə hər kəs özünü" misraları ilə başlayan mahnının
təranələri altında açılıb. Həmin çağırış-leytınotivin sözlərini Əliağa Vahid yazıb.
Öz tamaşaçılarının əsasən teatra təzə ayaq açan fəhlə və kəndlilərdən (Bakının kəndlərindən
teatra böyük axın vardı) ibarət olduğunu nəzərə alan kollektiv ifadə vasitələrində sadəliyə,
salondakılarla qarşılıqlı dialoqa can atırdı.