6
XVII əsrin sonunda Səfəvi hökmdarı
rus çarının Osmanlı imperiyasına qarşı birgə çıxış etmək təklifinə mənfi münasibətini
bildirdi. Bu təklifin qəbul olunmamasına
Səfəvilər dövlətinin hərbi potensialının zəifləməsi ilə izah etmək olar. Bu dövrdə Rusiya
çarları
Xəzər dənizinə Şərq ölkələrinə müdaxilə üçün əsas vasitə kimi baxırdılar.
XVII əsrin ikinci yarısında Azərbaycanda sosial-iqtisadi vəziyyət
Hakim təbəqə - Feodal zümrəsi
XVII əsrin ikinci yarısında Azərbaycanda torpağın sahibi olan hakim təbəqə -
feodal zümrəsi hüquqi
cəhətdən şərti olaraq
üç qrupa bölünürdü:
1.
Hərbi feodal əyanlar.
2.
İri torpaq sahibləri olan ali rühanilər.
3.
Mülki əyanlar.
Feodal zümrəsinin birinci qrupuna daxil olan
Azərbaycanın hərbi-feodal əyanları da öz növbəsində üç təbəqəyə bölünürdü:
1.
Qızılbaş hərbi-feodal əyanları.
2.
Qızılbaş tayfasından olmayan yerli türklərdən ibarət əyanlar.
3.
Şah qulamları içərisindən çıxmış hərbi sərkərdələr.
Feodal zümrəsinin ikinci qrupuna daxil olan
ali ruhani təbəqəsinin nümayəndələrinin mövcudluğu əsasən
vəqf torpaqlarının
idarə edilməsi ilə bağlı idi. Ümumiyyətlə ali ruhani təbəqəsi:
•
Vəqf torpaqlarını idarə edir və mülki hüquqlara malik idilər.
•
Mülki işlərə baxılması tamamilə onların əlində idi.
•
Onlardan şəriət məhkəmələrini
aparan seyxülislam, qazı təyin olunurdu.
•
Şiəliyi yaymaqla ölkədə öz təsirini gücləndirirdilər.
•
Ölkənin ictimai siyasi həyatın inkişafına kömək edirdilər.
•
Rühanilərə
sədr başçılıq edirdi.
Sədr:
Ölkənin baş rühanisi hesab edilirdi
Şahın nəvvabı-müavinə sayılırdı
Feodal zümrəsinin üçüncü qrupuna daxil olan
mülki əyanlar içərisində
yerli türklərin xüsusi rolu var idi. Qızılbaş əyanları
Azərbaycanda yaşamağı və onu idarə etməyi üstün tuturdular. Əyanların mövqeyi daha güclü olan
Qarabağda və
Şirvanda onların
ali nümayəndələri
məlik titulu daşıyırdılar.
XVI əsr – XVII əsrin birinci yarısında Səfəvilər dövlətində
feodal zümrəsi
XVII əsrin ikinci yarısında Səfəvilər dövlətində
feodal zümrəsi
1.
Şah və hakim sülalə üzvləri
2.
Yarımköçmə qızılbaş hərbi əyanları
3.
Ali şiə ruhaniləri
4.
Mülki bürokratiyanın yuxarı təbəqəsi
5.
Qədim oturaq əyanlar
1.
Hərbi feodal əyanlar.
2.
İri torpaq sahibləri olan ali rühanilər.
3.
Mülki əyanlar.
Kəndli qrupları
XVII əsrdə Azərbaycanda cəmiyyətin əsas istehsalçısı və istismar olunan təbəqəsi
kəndlilər idi. Bu dövrdə
vergi verən
kəndlilər (rəiyyət) -
əllərində olan torpağın sahəsindən asılı olaraq aşağıdakı qruplara bölünürdülər:
•
Hampa - İş heyvanı, istehsal alətləri, toxumu olan və feodaldan aldığı torpağı özü becərən kəndlilər idi.
•
Əkər (rəncbər) - Təsərrüfatsız və yardımçı kənd təsərrüfatı işlərində çalışanlar (gözətçi, çoban, bağban və s.) və
məşğuliyyəti olmayan yoxsul kəndlilər idi.
•
Elat - yaylaq və qışlaq maldarlığı ilə məşğul olan və yarımköçəri həyat sürən əhali idi.
Azərbaycan kəndliləri içərisində elatların xüsusi çəkisi var idi.
Elatlara aiddir:
•
Köçəri həyat sürür və orduda qulluq etməli idilər.
•
Elat başçıları
“elxan” titulu daşıyırdı.
•
Hərbi yürüş elan edilən vaxt hər elat-tayfa süvari qoşun verməli idi.
•
Hər bir elatın mövqeyi
onun verdiyi döyüşçülərin sayına görə müəyyən edilirdi.
•
Elatlar oturaq təsərrüfatlara nisbətən az miqdarda vergi verir və mükəlləfiyyətlər icra edirdilər.
7
XVII əsrdə elat təsərrüfatlarının hələdə davam etməsinin və onların oturaq həyata keçməsini ləngidən bir çox səbəblər var
idi. Həmin səbəblər aşağıdakılar idi:
a)
Elatlar içərisində patriarxal qalıqların hələ də güclü olması .
b)
Suvarma şəbəkəsinin bərbad vəziyyətdə olmaslı.
c)
İrriqasiya tikililərinin çatışmazlığı.
d)
Suvarılan torpaqların məhdudluğu və.s.
Kənd təsərrüfatı
XVII əsrin ikinci yarısında da Azərbaycanın iqtisadiyyatında
kənd təsərrüfatı əsas yer tuturdu. Bu dövrdə təsərrüfatın
əsasını
əkinçilik və
maldarlıq təşkil edirdi. Cəmiyyətin başlıca vergi verən təbəqəsi isə
kəndlilər idi. Onlar
feodallara və
dövlətə
mənsub torpaqlarda əkinçiliklə məşğul olurdular. Azərbaycanda su ehtiyatları və süni suvarma şəbəkəsi də
feodalların və
dövlətin
mülkiyyətində idi.
Azərbaycanda demək olar ki, bütün kənd təsərrüfatı bitkiləri yetişdirilirdi. Bu dövrdə Azərbaycanda olmuş türk səyyahı
Övliya Çələbi - Təbriz ətrafında
buğdanın 7 növü və arpa becərildiyini xüsusilə qeyd etmişdi.
Arazın cənub sahilləri, xüsusilə
Ərdəbil vilayəti buğda əkini sahələrinin məhsuldarlığı ilə seçilirdi.
Azərbaycanda
çəltik və
paxla əkininə böyük əhəmiyyət verilirdi. Çəltik
və paxla
Gəncə, Şamaxı, Təbriz, Ərdəbil, Marağa
və
Naxçıvanda yetişdirilirdi.
Əylisli Zəkəriyyə yazırdı:
“Marağada Hindistan çəltiyindən də keyfiyyətli çəltik yetişdirildi”.
Azərbaycanın kənd təsərrüfatında
pambıqçılıq mühüm yer tuturdu. Övliya Çələbi yazırdı ki,
Şirvan, Xoy, Gəncə və
N
axçıvanda pambığın 7 növü yetişdirilir.
Bağçılıq əhalinin ən böyük gəlir mənbəyi idi.
Xəzəryanı vilayətlərdə sitrus bitkiləri, zeytun yetişdirilirdi. Ölkədə müxtəlif
üzüm növləri var idi. Fransız səyyahı
Şardenin məlumatlarına görə,
yalnız Təbrizdə üzüm növlərinin sayı 60-a çatırdı. Övliya
Çələbinin yazdığına görə,
Şəmaxıda üzümün 7 növü yetişdirilirdi.
Azərbaycanda
tərəvəzçilik və
bostançılıq da
geniş yayılmışdır.
Şəhərlərin ətrafında bostan bitkiləri yetişdirilən sahələr
olurdu. Əldə olunan məhsul
yalnız daxili tələbatı ödəyirdi və satışa verilmirdi.
Tut, çəkil ağaclarının becərilməsi ilə əlaqədar
ipəkçilik Şəkidə, Şirvanda və
Qarabağda əhalinin qədim və ənənəvi
məşğuliyyət sahələrindən biri idi.
Azərbaycanda hələ qədimdən toxuculuqda işlənən və öz keyfiyyəti ilə fərqlənən
boyaqotu (qızılboya) becərilirdi.
Əsasən
Şirvanda geniş yayılmış boyaqotu xarici ölkələrə də ixrac edilirdi.
Abşeron ərazisində
zəfəran becərilirdi. Zəfəran da qiymətli ixrac məhsullarından biri idi.
XVII əsrin ikinci yarısında Azərbaycanın kənd təsərrüfatında yeni bitki növü olan
tütün yetişdirilirdi. Bu dövrdə tütün
Azərbaycanın əsasən
cənub və
cənub-qərb torpaqlarında, xüsusilə
Marağada becərilirdi. Tütün bitkisini
portuqaliyalılar XVII
əsrin sonlarında Amerika qitəsindən öz ölkələrinə və oradan da Azərbaycana gətirmişdilər.
Əkin üçün yararlı geniş torpaq sahələrinin mövcudluğu şəraitində suyun azlığı keçmiş vaxtlarda olduğu kimi,
XVII əsrin
ikinci yarısında da Azərbaycanda əkinçiliyin səciyyəvi cəhəti idi. Buna görə də əkinçilikdə
süni suvarma mühüm rol oynayırdı.
Əkin sahələrinin məhsuldarlığı suvarma vasitələrindən asılı idi. Süni suvarmada
çay, bulaq və
kəhriz sularından istifadə edilirdi.
XVII əsrin ikinci yarısında maldarlıq da inkişaf etməkdə idi. Bu daxili bazarın təlabatını ödəməklə yanaşı xaricə məhsul
göndərməyə imkan verirdi. Əhalinin xeyli hissəsi
köçmə maldarlıqla məşğul olurdu. Səfəvi şahlarının
Qarabağ, Mərənd və
Marağada xüsusi
at ilxıları var idi.
İstanbul-Təbriz-Hindistan ticarət əlaqələrində
at və
qatır əsas nəqliyyat vasitəsi idi. Səfəvi
imperiyasının mövcud olduğu bütün dövrdə
dəvədən əsasən yük daçınmasında istifadə edilmişdir.
Azərbaycanda
arıçılıq da inkişaf etdirilirdi. Arıçılığın ən çox inkişaf etdiyi bölgələr
Gəncə və
Ərdəbil idi.
Torpaq mülkiyyəti formaları
XVII əsrin ikinci yarısında Azərbaycanda mövcud olan torpaq mülkiyyəti formaları əvvəlki dövrlərdə olduğundan az
fərqlənirdi. Bu dövrdə Azərbaycanda aşağıdakı torpaq mülkiyyəti formaları mövcud idi:
1.
Dövlət torpaqları (divan).
2.
Şah və onun ailəsinə məxsus olan torpaqlar (xalisə).
3.
Hərbi və mülki xidmət müqabilində verilən torpaqlar (tiyul və soyurqal).
4.
Məscidlərə və ruhanilərə məxsus torpaqlar (vəqf).
5.
Xüsusi mülkiyyətdə olan torpaqlar (mülk).
6.
İcma torpaqları (camaat).
XVII əsrin ikinci yarısında Azərbaycanda
aparıcı mülkiyyət formaları -
divan və
xalisə idi.
Divan torpaqlarından əldə
edilmiş bütün gəlirlər
dövlət xərclərinin ödənilməsinə sərf edilirdi.
Xalisə torpaqlarından əldə olunmuş gəlirlər isə şaha mənsub