olduğu kimi sanitar zona yaradılması tədbirini təklif edir.
Azərbaycanda olan 56 su anbarından yalnız ikisi (Pirsaat və Ağsu
çayından doldurulan Cavanşir su anbarları) demək olar ki, tam lillənməyə
məruz qalmışdır.
11.7.
BİOGEN YÜKÜN KƏND TƏSƏRRÜFATI MƏNBƏLƏRİ
Bütün su hövzələri, xüsusilə böyük çay hövzələri yüksək antropogen yük
altında olur. Planetimizin 20% quru ərazisində əhalinin 90%-i yaşayır və
təsərrüfat fəaliyyətində sututar hövzələri daha çox inkişaf edir. Kiçik su
obyektlərinin sutoplayıcıları aqrosənaye kompleksinin əsas ərazi bazası hesab
olunur.
Su resurslarına təsir konteksində müasir aqrar sektor yalnız dəmyə və
suvarma əkinçiliyi, qurutma və su meliorasiyası deyil, o həm də bur- daq
(sənaye) və otlaq heyvandarlığı, əkinçiliyin istehsalının texniki və energetik
təminatı sahəsi (sferi), aqromeşəmeliorasiya və s. sahələri əhatə edir.
Tədqiqatçıların bir çoxu intensiv inkişaf etmiş kənd təsərrüfatını biogen
elementlərin ən aktiv daxil olma mənbəyi hesab edir. Su hövzələrinin
evtroflaşması üzrə Beynəlxalq Komissiyanın gəldiyi nəticəyə görə, hissələrə
ayrılmış mənbələr şəhər çirkab sularına nisbətən biogen elementlərlə
çirklənmədə daha mühüm rol oynayır, bunu müxtəlif ölkələrdə əldə olunan
nəticələr təsdiq edir. Belə ki, İsveçrədə azotun 70%-dən çoxu, fosforun isə
50%-i su hövzələrinə kənd təsərrüfatı tarlalarından daxil olur; ABŞ-da azotun
yüksək konsentrasiyası (10 mq/1) aqrar rayonlardan axan çaylarda aşkar
olunmuşdur; Almaniyada azotun 54%-i su hövzələrinə kənd təsərrüfatı
sahələrindən, 24%-i sənaye tullantılarından və yalnız 22%-i təsərrüfat-məişət
axınlarından daxil olur.
Son 20 il ərzində səth suları ilə Volqa və Dnepr su anbarlarına daxil olan
biogen elementlərin miqdarı 2 dəfə artmışdır. Bu zaman daxil olan ümumi
azotun miqdarına görə kənd təsərrüfatının payına 70%, mineral fosforun
payına 36% düşür.
Biogen maddələrin su hövzələrinə daxil olma mənbəyi sayılan kənd
təsərrüfatının təsiri şumlanan ərazilərin sahəsinin artması, iri texnika və
hidromeliorasiya ilə sahələrin transformasiyası, mineral və üzvi gübrələrin
əsasında kimyəvi proseslərin inkişafı daha da artırır. Bu faktorlar biogen
elementlərin aqrolandşaftda miqdarının və istiqamətinin dəyişməsinə səbəb
olur. Aqrar ərazi hüdudunda biogen yükün əsas mənbələrini kənd təsərrüfatı
sahələri (şum, biçənək, otlaq), heyvandarlıq obyektləri (heyvan saxlanan
binalar, durulducu hovuzlar (çənlər), peyin saxlanan yer, peyin şirəsi quyusu),
mineral gübrələr anbarları, kənd yaşayış məntəqələri və yoldaşlıq bağçılıq
təsərrüfatı, həmçinin təbii bitki örtüyü
227
(meşə, çəmən, bataqlıq) və atmosfer yağıntıları (şəkil 11.6) təşkil edir. Bu
mənbələr dağınıq (qarışmış və ya sahələrlə) və nöqtəli (məhdud məkanda
toplanmış) şəkildə yerləşir.
Bitki örtüyündə biogen maddələrin itməsini şərti olaraq təbii və texnoloji
itkiyə bölmək olar. Birinci, əsasən ərazinin şumlanma intensivliyindən,
əkinçilik üsulundan, verilən mineral gübrələrin miqdarından, məhsul
toplandıqdan sonra tarlada (çəməndə) qalan qalıqların miqdarından; ikinci
(texnoloji) - kənd təsərrüfatı sahələrinə gübrələrin daşınması və verilməsi
zamanı müxtəlif pozuntulardan asılıdır.
Şəkil 11.6. Biogen yükü formalaşdıran əsas mənbələr (Xrisanov, Osipov,
1993)
228
Bitkiçilik aqroekosistemin olduqca əhəmiyyətli və mürəkkəb elementi
olub, biogen yükün formalaşmasına adi təsir göstərmir. Ərazinin şumlanması,
su axınının formalaşması şəraitini dəyişərək biogen elementlərin təbii mühitə
və suaxarlara aparılmasını aktivləşdirir. Şumlanmış torpaqlar, onun təbii
analoqlarına nisbətən tamamilə başqa su- fıziki xassələrə malikdir. Onlar üçün
zəif susızdırma qabiliyyəti və xeyli səth axını səciyyəvidir. İntensiv
fiziki-mexaniki aşınma və torpaqəmə- ləgətirən süxurun yuyulması səth
sularının minerallaşmasmm yüksəlməsinə səbəb olur. Bitki örtüyü isə səth
axınının saxlanmasında və biogen- lərin yuyulmasının azalmasında böyük rol
oynayır.
Biogenlərin hərəkətində əlavə hərəkət aqrotexniki üsullardan asılı ola
bilər. Belə ki, yazlıq və cərgə araları becərilən bitkilərin becərilməsi üçün
torpağın payızda hazırlanması yamacda səthi su axınını azaldır və nəticədə
biogen elementlərin aparılmasını azaldır.
Gübrələrin uzun müddət yüksək dozada tətbiq olunması, onların şum
qatında toplanması səth axını ilə biogen maddələrin aparılmasını gücləndirir.
Torpağın eroziyası biogen elementlərin sutoplayıcıdan aparılmasına
təkan verir, suyun çirklənməsinə (xüsusilə fosforla) aktiv təsir göstərir. Şum
sahəsində, xüsusilə dondurma şumunda sülb axını ilə fosforun itirilməsi
üstünlük təşkil edir və ümumi fosfor itkisinin 90%-dən artığını təşkil edir.
Eroziya prosesinin suyun biogen çirklənməsinə təsiri böyükdür. Məsələn,
kənd təsərrüfatı sahəsinin hər hektarından 1 ton sülb axını vasitəsilə 1 kq-a
qədər ümumi fosfor aparılır.
Şəkil 11.7. Meşəli hövzədə hidroloji şəbəkənin sıxlığından asılı olaraq
fosforun orta illik aparılması (Xrisanov, Osipov, 1993).
229