razlaşdırılması; məsaməlik, mineraloji və qranulometrik tərkib; mikro- bioloji
aktivliyin dərəcəsi aiddir.
Miqrasiya prosesinə meşə örtüyü böyük təsir göstərir (şəkil 11.8).
Meşəlik faizi 64% olan sutoplayıcıdan səth axını meşəsiz sahəyə nisbətən 2,7
dəfə, fosforun aparılması isə 10 dəfə az olmuşdur.
Eni 20 m olan meşə zolağında səthi axında nitrat azotun miqdarı meşəsiz
sahəyə nisbətən 15...39%, ammonium azotun miqdarı isə 20.. .25% az
olmuşdur.
Biogen elementlərin miqrasiyasına meşədən başqa digər- sahələr də təsir
göstərir. Məsələn, eni 500 m olan mədəniləşmiş çəmən səth axınında həll
olunan fosforun konsentrasiyasını 28 dəfə azaldır.
Beləliklə, səth axını şumlanmamış sahələrlə nə qədər çox təmasda olarsa,
onunla biogen maddələr su obyektlərinə bir o qədər az aparılır; suqoruyucu
zonanın elmi əsasda formalaşmasında şübhəsiz, bu cəhətə diqqət
yetirilməlidir.
Şəkil 11.8. Sutoplayıcıda meşəlik faizindən asılı olaraq, səth axını (a) və
su obyektinə aparılan forsfor (b) arasında asılılıq (Xrisanov, Osipov, 1993).
Kənd təsərrüfatı sahələrindən biogenlərin aparılmasının hesablanması
aparılan maddələrin miqdarı torpağın xassələri, növləri və kənd təsərrüfatı
bitkilərinin məhsuldarlığı ilə bağlı məlum aqrokimyəvi asılılıq əsasında yerinə
yetirilir.
Torpaqdan aparılan biogenlərin təyini inteqral (kompleks) göstəricilər
kimi bir neçə baza faktorları (torpaq, meteoroloji şərait, vegetasiya dövrünün
uzunluğu, istifadə edilən gübrələrin miqdarı, onların verilmə üsulu və s.)
nəzərə alınmaqla kənd təsərrüfatı bitkilərinin məhsuldarlığına əsaslanaraq
aparılır.
232
11.8.
EROZİYAYA QARŞI MÜHƏNDİS-BİOLOJİ SİSTEMİN
(EMBS) KÖMƏYİ İLƏ BİOGEN YÜKÜN AZALDILMASI
Sutoplayıcı sahələrdə eroziyanın qarşısını almaq, həmçinin biogen axınını
azaltmaq üçün eroziyaya qarşı sistem yaradılır. Bu sistem yamaclarda
eroziyanın qarşısını almaq üçün kompleks mübarizə tədbirlərini (ərazinin
düzgün təsərrüfat təşkili, xüsusi kənd təsərrüfatı bitkilərinin becərilməsi
üsulları və resursqoruyucu texnologiya, aqrotexniki, fı- tomeliorasiya, o
cümlədən meşə meliorasiya və eroziyaya qarşı hidro- texniki tədbirlər)
nəzərdə tutur.
EMBS-in daxili təşkili strukturun mürəkkəblik dərəcəsindən və relyefdə
elementlərin (meşə əkinləri və hidrotexniki qurğular) yerləşdirilməsi
xüsusiyyətindən asılıdır.
Strukturunun mürəkkəbliyinə görə EMBS sadə və mürəkkəb olur. Sadə
sistemə yalnız ayrı-ayrı elementlər (meşə zolaqları, hidrotexniki qurğular,
aqrotexniki üsullar və s.) daxildir. Mürəkkəb EMBS müəyyən sayda
yarımsistemlərə (suayırıcıya yaxın hidroqrafık şəbəkə hissəsində, çayların
suqoruyucu zonasında yerləşən əkin sahələri və s.) bölünür, bu, öz növbəsində
daha aşağı səviyyə yarımsistemlərinə və ya ayrı-ayrı elementlərə bölünə bilər.
Sutoplayıcıda formalaşdırılan EMBS-in tərkibi eroziya qurşağından,
yamacın dikliyindən və cəhətindən, litoloji tərkibdən asılı olaraq dəyişir.
Mənbələrdən (şum və digər kənd təsərrüfatı sahəsi) səth axınının və
biogenlərin udulmasının nizamlanmasında əsas yükü axmtənzimləyici meşə
zolaqları və onun aşağı hissəsində yerin meyilliyini nəzərə alaraq yerləşdirilən
sadə hidrotexniki qurğular daşıyır. Meşə zolaqları sadə hidrotexniki qurğularla
birlikdə səth suları ilə hərəkət edən biogenlərin qarşısını alır, onların meşə çətri
altında akkumulyasiya olunur və mənimsənilir.
Kənd təsərrüfatı sahələrindən daxil olan dağınıq biogen elementlərin
axınını nizamlamaq məqsədilə EMBS-ə aşağıdakı meşə əkinləri növləri
daxildir: axmtənzimləyici, qobu-yarğan və çayətrafı meşə zolaqları; qobu (dib)
meşə əkini; çaybasarüstü terraslarda meşə əkini; subasarlarda meşə zolaqları;
çaybasarətrafı meşə zolaqları. Lazım gəldikdə, meşə zolaqları sadə
hidrotexniki qurğularla uyğunlaşdırılır (birləşdirilir).
Kənd təsərrüfatı sahələrində çoxillik otların zolaqlarla yerləşdirilməsi,
herik şumu, cərgəaralan becərilən bitkilər və başdan-başa səpin nəzərdə
tutulmalıdır, kənd təsərrüfatı bitkilərinin becərilməsində resursqoruyucu
texnologiya tətbiq edilməlidir.
Suvarılan və qurudulan torpaqlarda magistral kanallar boyu və su
hövzələri ətrafında 30-100 m enində şumlanmamış sahə saxlanılmalıdır
233
və ya orada irriqasiya meşə zolaqları salınmalıdır.
Subasar ərazilərin 50-70%-i, əsasən, biçənək kimi istifadə olunmalıdır.
Şumlanan sahələr subasarm 10-15%-dən çox olmamalıdır. Çayqırağı meşələr
və meşə zolaqları subasarm 20-25%-ni təşkil edərsə, onlar aqroekosistemin
davamlığmı və məhsuldarlığının saxlanmasını təmin edər. Kənd təsərrüfatı
sahələrində mineral və üzvi gübrələrin dozasına, vaxtına və verilmə
texnologiyasına riayət etmək lazımdır.
Suqoruyucu zona hüdudunda aşağıdakılar qadağan olunur:
-
zəhərli kimyəvi maddələrlə tozlandırma və aviasiya vasitəsilə istənilən
gübrələrin verilməsi;
-
heyvandarlıq ferma və komplekslərinin, suvarma sistemlərinin pestisid
və mineral gübrələrin anbarlarının yerləşdirilməsi;
-
yeni müəssisələrin tikilməsi və köhnələrinin genişləndirilməsi;
-
avtonəqliyyat parklarının dayanacağı, yanacaq doldurma məntəqəsi,
yuma yeri, təmir sahəsi.
Yuxarıdakılara əlavə olaraq sahil zolağı hüdudunda torpağın şumlanması,
mal-qara otarılması və otarma düşərgəsi salınması, zəhərləyici maddələrin və
gübrənin verilməsi, istirahət düşərgəsinin tikilməsi və çadır şəhərciyi
salınması qadağan olunmalıdır.
11.9.
AZƏRBAYCANDA EROZİYAYA UĞRAMIŞ
TORPAQLARIN EKOLOJİ PROBLEMLƏRİ
Respublikamızın bütün təbii zonalarında torpaq eroziyasının yayılması və
intensivliyinin öyrənilməsi üzrə geniş tədqiqat işləri K.Ə.Ələkbərov (1961),
X.M.Mustafayev (1975) və bir çox başqaları tərəfindən aparılmışdır.
K.Ə.Ələkbərov torpaq eroziyası üzrə aparılmış tədqiqatların nəticələrini
cəmləşdirərək Azərbaycan Respublikasının torpaq eroziyası xəritəsini tərtib
etmişdir.
Azərbaycanda eroziya prosesinin əmələ gəlməsinə və inkiaşfma
təbii-tarixi amillərdən - relyef, iqlim, ərazinin geoloji-geomorfoloji quruluşu,
torpaqəmələgətirən süxurların kimyəvi tərkibi, torpaq-bitki örtüyü də ciddi
təsir göstərir.
Eroziya prosesinin əmələ gəlməsi yağıntılarla sıx əlaqədardır. Belə ki,
torpağı dağıdıb özü ilə aparan suyun miqdarı düşən yağıntıların miqdarı və
formasından asılıdır. Respublikanın dağlıq hissəsində müşahidə edilən leysan
yağışlarının intensivliyi, ümumiyyətlə, çox (dəqiqədə 10 mm-dən artıq) olur
və bunun da nəticəsində sel hadisələri baş verir. Azərbaycanda şiddətli
leysanlar Lənkəran zonasında və Böyük Qafqazın cənub yamacında müşahidə
edilir. Ə.C.Əyyubovun (1962) məlumatına görə Böyük Qafqazın cənub
yamacında bir gündə 50-60 mm mi
234
Dostları ilə paylaş: |