MÜASİR İNFORMASİYA SİSTEMLƏRİNİN İDARƏ OLUNMASI
___________________________ 43 ____________________________
vasitəsilə xarici mənbələrdən alır. Gördüyü işin nisbətən
sadəliyinə baxmayaraq, rəhbərliyi dəstəkləyən sistemlərin
olub-olmaması korporativ informasiya sistemlərinin uğurlu
inkişafına ciddi təsir göstərir. Kompüterləşdirilmiş informasiya
sistemlərinin faydasını şirkət rəhbəri ilk növbədə rəhbərliyi
dəstəkləyən sistemlərin nümunəsində hiss edir.
Aparıcı informasiya sistemlərinin
ERP-sistem üzərində
quraşdırılmış
Accenture, Navision kimi öz kokpit-sistemləri
vardır.
İkincisi, rəhbərliyi dəstəkləyən sistemlər
xüsusən strateji
qərarların hazırlanması üçün istifadə edilir. Bu, şirkətin
perspektiv fəaliyyətini: istehsalda istifadə edilən materiallar,
texnoloji proseslər, idarəetmə prosesləri, strukturları və
metodları, müəssisələrin kreditləşməsinin maliyyə sxemləri və
öz vəsaitlərinə investisiya qoyuluşları, ixtisaslı mütəxəssislərin
cəlb edilməsi, hazırlanması və yenidən hazırlanması, rəqiblərin
fəaliyyəti və s. baxımından qiymətləndirmək üçün lazımdır.
Xarici mənələrdən alınması mümkün olan bütün
informasiya toplanır. Mütəxəssislər strateji inkişaf ssenariləri
hazırlayır. Bu məqsəd üçün bəzi hallarda külli miqdarda vəsait
sərfi ilə bağlı güclü hesablayıcı sistemlərə sahib olmaq lazım
gəlir.
Rəhbərliyi dəstəkləyən sistemlər
çox hallarda “əgər...,
onda nə olar?” suallara cavab verən sistem kimi fəaliyyət
göstərir.
Strateji
informasiya
sistemləri
şirkətin
rəqabət
qabiliyyətini azalmağa qoymayan məhsul, xidmət, proses
axtarışı ilə məşğul olur. Bu məsələlər adətən, strukturlaşdırıl-
mamış olur. Bəzi iri şirkətlərdə xüsusi situasiya otaqları
fəaliyyət göstərir ki, bunlar da müxtəlif strateji ssenarilərin
virtual gerçəkləşdirilməsi və qiymətləndirilməsi ilə məşğul
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 44 ____________________________
olurlar. Strateji məsələlər daim korrektə edilməyə ehtiyac
duyur. Yəni hər cür dəyişikliklər nəzərə alınmaqla yeni
variantlar yoxlanılır. Bu məsələləri həll edən
SAP AG şirkətinin
təklif etdiyi
SAP SEM (Strategic Enterprise Management)
sistemi: strateji planlaşdırmanın modelləşdirmə, operativ
planlaşdırma və büdcələşdirmə ilə əlaqələndirilməsi, əsas açar
göstəricilər
əsasında
şirkətin
strateji
səmərəliliyinin
monitorinqi, xarici və daxili qüvvələrin birləşdirilməsi, qərar
qəbulu üçün lazım olan daxili və xarici informasiyanın
avtomatik yığılması kimi komponentlərə malikdir.
İNFORMASİYA SİSTEMLƏRİ – BİZNES-ƏLAVƏ KİMİ
ERP-sistemlərin, artıq kifayət qədər ətraflı bəhs edilən,
üzvi tərkib hissəsi olan funksional altsistemlərlə yanaşı,
ERP-
sistemlərin imkanlarını genişləndirən və onu gücləndirən
müxtəlif tətbiqi sistemlər də mövcuddur. Mahiyyətcə,
ERP özü
də tətbiqi sistemdir. Şirkətin əsas və köməkçi biznes
fəaliyyətini dəstəkləyən tətbiqi sistemlər
biznes-əlavələr
adlanır.
İri
şirkətlərdəki
müasir
biznes-əlavələrin
əsas
komponentləri aşağıdakılardır:
•
ERP-təməl (The ERP Backbone). Bu, zəruri funksional
altsistemlər məcmusudur;
•
Qərar qəbulunu dəstəkləyən sistemlər (QQDS-DSS).
Bunlar intellektual proqram əlavəsinə (
Business
Intelligence Solutions - BIS) malik sistemlərdir;
•
Malgöndərmə zəncirini idarə edən sistemlər (Supply
Chain Management - SCM);
•
Müştərilərlə münasibətlərin idarə edilməsi sistemləri
(Customer Relationship Management – CRM).
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 45 ____________________________
Sadalanan bu tətbiqi sistemlər içərisində bizim üçün ən
çox maraq kəsb edənlər “qərar qəbulunu dəstəkləyən” (
DSS )
və “müştərilərlə münasibətləri idarə edən” (
CRM )
sistemlərdir.
QƏRAR QƏBULUNU DƏSTƏKLƏYƏN SİSTEMLƏR
(QQDS-DSS)
Qərar qəbulunu dəstəkləyən sistemlər ilə iqtisadi-riyazi
metodlar arasında sıx əlaqə vardır. Lakin qərar qəbulunu
dəstəkləyən sistemlərin fəaliyyət sferası başqadır.
Qərar qəbulunu dəstəkləyən sistemləri şərti olaraq,
sənədlərə, modellərə, verilənlərə, biliklərə və telekommuni-
kasiyalara əsaslanan altsistemlərə bölmək olar. Qərar
qəbulunu dəstəkləyən sistemlərin modellərə və verilənlərə
əsaslanan altsistemləri məzmunca iqtisadi-riyazi metodlara
daha yaxındır.
SƏNƏDLƏRƏ ƏSASLANAN QƏRAR QƏBULUNU
DƏSTƏKLƏYƏN SİSTEMLƏRİN ALTSİSTEMİ
Qərar qəbulu praktiki olaraq həmişə sənədlərlə müşayiət
olunur. Lazımi sənədin axtarılması və istinad edilməsi xeyli
zəhmət tələb edir. Odur ki, sənədlərə əsaslanan qərar
qəbulunu dəstəkləyən sistemlərin altsistemi daxili sənəd
dövrüyyəsini və xaricdən daxil olan sənədlərin qoyulmuş
reqlamentlərə uyğun təqdim edilməsini avtomatlaşdırır. Daxili
sənəd dövrüyyəsini avtomatlaşdıran sistemlərə nümunə olaraq
IBM Lotus Notes, “AyTi” şirkətinin Boss-Referent və
Documentum sistemlərini göstərmək olar. Xarici sənədlərə
müraciət etmək üçün çoxsaylı axtarış sistemləri mövcuddur.
Dostları ilə paylaş: |