44
Summativ qiymətləndirmədə iştirak etməyən şagirdlər üçün yeni, lakin sinif
üçün istifadə olunan tapşırıqlarla eyni səviyyəli qiymətləndirmə vasi tə ləri hazırlanır.
Şagird nailiyyətlərinin məktəbdaxili qiymətləndirilməsinə dair vasitə lə rin ha-
zırlanması zamanı aşağıdakı amillərin nəzərə alınması məqsədəuyğun hesab edilir:
– yarımil və ya il ərzində reallaşdırılmış məzmun standartlarında nəzərdə tutul-
muş bütün bacarıqların yoxlanılmasına imkan yaradılması;
– qiymətləndirmə səviyyələrinin nəzərə alınması;
– açıq sualların konkret cavabının olması;
– bir neçə düzgün cavabın seçilməsi tələb olunduğu halda, bu cavabların qrup-
laşdırılması;
– hazırlanmış tapşırıqların nəzərdə tutulan vaxt çərçivəsində icrasının mümkün-
lüyü;
– nəticələrin sxem və şəkillərlə təqdim olunmasına imkan yaradılması;
– tapşırığın
şərtinin dəqiqliyi;
– nəticələrin konkret şəkildə göstərilməsi;
– məlumatların (məsələn, tarix, sinif, şagirdlərin adı və s.) qeyd olun ma sına im-
kan yaradılması və s.
LAYİHƏ
45
QRUP TƏQDİMATININ QİYMƏTLƏNDİRİLMƏSİ
Təqdimatın hər bir növünün öz qayda və ənənələri var. Məsələn, şifahi təqdi-
matın qiymətləndirilməsi zamanı səsin imkanlarından, jestlərdən bacarıqla istifadə
olunması, foto və videomaterialların nümayiş etdirilməsi və s. bu kimi amillər
nəzərə alınır. Təqdimatın qiymətləndirilməsi üçün meyarların hazırlanması zamanı
aşağıdakı göstəricilər nəzərə alınmalıdır:
Biliklər: faktlar, problemlər, anlayışlar,
ideyalar;
Əqli vərdişlər: təhlil, qiymət, göstəricilərin sintezi, yəni məntiqlə düşünmək
qabiliyyəti;
Kommunikativ vərdişlər: informasiyanı aydın şəkildə təqdim etmək bacarığı.
Qrupların təqdimatının dörd səviyyə üzrə qiymətləndirilməsi
Aşağıdakı cədvəldə şifahi təqdimatın qiymətləndirilməsinin dörd səviyyədən
ibarət meyarları təklif olunur. Müəllimin istəyindən asılı olaraq bunlar dəyişdirilə
və ya əlavələr edilə bilər.
Meyarlar
I səviyyə
II səviyyə
III səviyyə
IV səviyyə
Əsas anlayışlar,
problemlər,
mövzular,
ideyalar
Seçilmir,
və ya təsvir
qarışıq verilir.
Seçilir,
tərifi
verilir və təsvir
edilir.
Yaxşı seçilir,
tərifi və təsviri
verilir.
Mükəmməl
surətdə seçilir,
dəqiq
tərifi və
təsviri verilir.
Faktlar,
informasiya
Yoxdur və ya
qeyri-dəqiqdir.
Səhvlər var.
Kiçik
yanlışlıqlar var.
Yanlışlıqlar
yoxdur.
Problemə aid
göstəricilərin
toplanması
Problem üzrə
göstərilən
tapşırıq çox
qarışıqdır.
Problem üzrə az
göstərici tapır.
Məntiqlə seçir
və bir hissəsini
təşkil edir.
Məntiqlə seçir
və
hər şeyi
təşkil edir.
Nəticə çıxarmaq
bacarığı
Nəticələr
yoxdur və ya
dəqiq deyil.
Yarımçıq
nəticələrdir.
Göstəricilərə
əsaslanan
məlumatlı
nəticələrdir.
Göstəricilərə
əsaslanır.
LAYİHƏ
46
MÖVZULARIN GÜNDƏLİK PLANLAŞDIRILMASINA
DAİR TÖVSİYƏ
Gündəlik dərs planını hazırlayarkən ilk olaraq öz işinizi mövzunun, standartın,
məqsədin, iş forması və üsulunun, inteqrasiya imkanlarının, resursların müəyyən-
ləşdirilməsi ilə başlayın. Yuxarıda sadalananların hər birinin düzgün müəyyən edil-
məsində alt standartlar mühüm rol oynayır. Eyni zamanda müasir dərsin hər bir
mərhələsi alt standartın reallaşmasına yönəlməlidir. Standartları reallaşdırarkən tə-
limin diferensiallaşdırılması nəzərə alınmalıdır. Diferensial təlimin alt komponenti
hesab olunan
inklüziv təlimin əsasını hər bir şagirdə fərdi yanaşma ideyası təşkil
edir. Bu yanaşma təlim prosesində şagirdlərin inkişaf səviyyələrinə, ehtiyaclarına,
maraqlarına və s. görə müəyyən edilə bilər.
Tövsiyədə, əsasən, təlim məqsədlərinin və təlim tapşırıqlarının hazırlanması
üzərində dayanmaq istərdik. Məzmun standartlarının düzgün reallaşmasını təmin
etmək üçün birinci şərt təlim məqsədlərinin düzgün formalaşdırılması, müəyyən
edilməsidir. Təlim məqsədlərinin yazılması müəllimdən diqqət və məsuliyyət tələb
edir. Bunun üçün perspektivi görmək olduqca vacibdir. Təlim məqsədlərinin düz-
gün yazmaq üçün aşağıdakıları bilmək vacib hesab olunur:
• Təlim məqsədinin məzmun standartının tələblərinə uyğunluğu;
• Məqsəd çıxararkən məzmun standartlarının qismən və ya bütövlükdə reallaş-
dırılacağının
müəyyən edilməsi;
• Məzmun standartlarında nəzərdə tutulan bilik və bacarıqların mövzu baxımın-
dan xüsusiləşdirilməsi;
• Məzmun standartının bilik hissəsinin biliyin hansı kateqoriyalarını əhatə et-
məsi (deklarativ, prosedural, kontekstual);
• Məzmun standartında bacarığın növünün müəyyən edilməsi (idraki, emosio-
nal, psixomotor);
• Məqsədin ölçüləbilən olması;
• Təlim məqsədlərinə uyğun tapşırıqların, şagird nailiyyətinin qiymətləndiril-
məsinin üsul
və vasitələrinin seçilməsi;
• Təlim məqsədləri yazılarkən mərhələlilik və əlaqəliliyin nəzərə alınması.
Məqsədlər yazılarkən sadədən mürəkkəbə doğru inkişafı özündə əks etdirməli-
dir. Təlim məqsədlərinin bu cür formalaşdırılması təlim prosesini planlaşdırmaq və
əldə olunan bacarıqları ölçmək imkanı verir.
Yuxarıda da qeyd olunduğu kimi, təlim məqsədlərinə uyğun tapşırıqların tərtib
olunması müəllimlər üçün çətinlik yaradan məsələlərdəndir. Tapşırıqlar hazırla-
narkən konkret istiqamətlərə diqqət edilməlidir. Bu istiqamətlərə aşağıdakılar aid
edilə bilər:
• Tapşırığın nəzərdə tutulan fəaliyyəti ölçməsi;
LAYİHƏ