263
Ümumiyyətlə, I Şah Abbas hərbi-köçmə qızılbaş əyanlarının müqavimətini qıraraq daha çox
oturaq və
tacir-sənətkar
təbəqəsinə arxalandı, özünü
qədim İran şahlarına bənzətməyə başladı. Lakin, Şah Abbasın bu tədbirlərindən sonra da qızılbaş
əmirləri Səfəvilər dövlətində əhəmiyyətli mövqeləri əllərində saxlaya bildilər. Azərbaycan yenə də imperiya tərkibində mühüm ölkə
olaraq qaldı. Bunu aşağıdakı faktlar da sübut edir:
•
Azərbaycan vilayətinə Qızılbaşlar hökmdar təyin edilirdi.
•
bütün Səfəvi ordusunun ali baş komandanı vəzifəsini Qızılbaşlar yerinə yetirirdilər.
•
Azərbaycan dili orduda və şah sarayında hakim mövqe tuturdu.
•
Səfəvi şahları və saray xidmətçiləri Azərbaycan dilində danışırdılar.
Şah I Abbasın islahatları
Məqsədi
Səfəvilərin itrilmiş ərazisini geri
qaytarmaq, Səfəvilər dövlətinin sarsılmış qüdrətini
bərpa etmək
Sahələri
Hərbi
və inzibati islahatlar
Əhəmiyyəti
Azərbaycanın bütövlüyünü, qızılbaşların himayəsindəki ərazidə onun vüqarlı adı qorundu, onun
Səfəvilər dövlətinə mənsub olması fikrini sönməyə qoymadı
Nəticəsi
Mərkəzi hakimiyət qüvvətləndi, ölkədə İran etnik ünsürünün rolu artdı, qızılbaş əyanlarının qüdrəti
sarsıldı, siyasi sabitlik bərpa edildi, məhsuldar qüvvələr yenidən canlandı, dövlət hərbi-siyasi
baxımdan möhkəmləndi
və keçmiş qüdrətini bərpa etdi, müstəqillik ənənələr qoruyub saxladı
XVIII əsrin birinci yarısında yeni Səfəvi Osmanlı müharibələri
XVIII əsrin əvvəllərində I Şah Abbasın xarici siyasəti
XVI əsrin sonlarında Səfəvilər dövlətinin xarici siyasətinin qarşısında
üç mühüm vəzifə dururdu:
1.
Şimal-şərqdə Şeybanilər dövlətini məğlub edərək Xorasan vilayətini geri qaytarmaq.
2.
1578-1590-cı illərin müharibəsində Osmanlıların işğal etdiyi Azərbaycan torpaqlarını geri qaytarmaq.
3.
İran körfəzində Portuqaliyanın hegemonluğuna son qoymaq və Hind okeanına çıxış əldə etmək.
I Şah Abbas
1599-cu ildə Şeybaniləri məğlub edərək
Xorasan vilayətini yenidən Səfəvilər dövlətinin tərkibinə qatdı və öz
təsirini
Mavərannəhrə yaydı.
I Şah Abbas Osmanlılar tərəfindən işğal olunmuş torpaqları geri qaytarmaq üçün hərbi-inzibati islahatlar keçirdikdən sonra
Avropa dövlətləri ilə, xüsusilə
İngiltərə, Fransa, İspaniya, Roma papası və
Rusiya ilə əlaqələr yaratmaq üçün danışıqlara başladı
.
1603-cü ildə Almaniya səfiri
Georgi Tektander Təbrizə gəldi. Almaniya səfiri Georgi Tektanderin Təbrizə gəlməkdə məqsədi
Osmanlı imperatorluğuna qarşı əməliyyatlarda Səfəvilərlə hərbi ittifaq bağlamaq idi. İran körfəzinin Portuqaliyalıların əlindən
almaq üçün isə
İspaniya Səfəvilər dövlətinə kömək etməyi vəd edirdi. Osmanlıların Azərbaycandan çıxarılmasında
Rusiya da
maraqlı idi. Çünki
Osmanlıların Azərbaycanın Xəzəryanı bölgələrini əldə saxlaması Volqa-Xəzər yolu ilə ticarətdə müəyyən əngəl
törədirdi.
264
III Səfəvi-Osmanlı müharibəsinin başlaması. I Şah Abbasın “böyük sürgün” siyasəti
1603-cü ildə Səfəvi-Osmanlı müharibəsinin yeni mərhələsi başladı.
1603-cü il sentyabrın 14-də I Şah Abbas Osmanlı
hakimiyyətində olan
Azərbaycan ərazilərini azad etmək məqsədilə 15 minlik qoşunla
Təbrizə tərəf hərəkətə başladı. Səfəvi ordusu
Təbrizə yaxınlaşarkən şəhər əhalisi
Osmanlı hakimiyyətinə qarşı üsyan qaldırdı. Nəticədə,
1603-cü il oktyabrın 21-də üsyançılar
və Səfəvi
ordusunun Təbriz şəhərinə hücumu
nəticəsində:
•
Şah Abbas Osmanlılar üzərində
ilk qələbəsini qazanaraq
Təbrizi ələ keçirdi.
•
Bununla da Azərbaycanın
cənub vilayətlərinin taleyi həll olundu.
Bu qələbədən sonra Səfəvi qoşunu Azərbaycanın
şimalına irəlilədi. Osmanlı işğalı ərzində dağıdılmış
Ordubad əhalisi şah
qoşununun gəlişini gözləmədən
osmanlılara qarşı üsyan qaldırdı.
Hacı Qəssab şəhəri zəbt etmək haqqında şahdan xüsusi göstəriş
aldı. Beləliklə, əhalinin köməyi ilə Ordubad geri alındı. Ordubad əhalisinin
Osmanlı hakimiyyət orqanlarına qarşı üsyan qaldırdığı
üçün Şah Abbas
baş vəziri Hatəm bəy Ordubadinin xahişi ilə
ordubadlılar bütün dövlət vergilərindən azad edildilər.
1603-cü ilin payızında I Şah Abbas
Culfanı və
Naxçıvanı tutduqdan sonra İrəvan qalasını ələ keçirməyi qərara aldı. İrəvan
qalası
1603-cü il noyabrında mühasirəyə alınsa da,
1604-cü ilin avqustunda tutuldu . Çuxursəd (İrəvan) vilayətinin hakimi
vəzifəsinə
Əmirgünə xan Qacar təyin edildi.
Maqsud Sultan Kəngərli isə Naxçıvan hakimi təyin olundu. Bu zaman, Şah Abbas
Ciqaloğlu Sinan paşanın komandanlığı altında Osmanlı ordusunun Azərbaycana yürüş (1604) xəbərini alaraq Təbriz istiqamətində
geri çəkildi və Osmanlılara qarşı Səfəvilərin ənənəvi
"yandırılmış torpaq" taktikasını tətbiq etdi. Bu məqsədlə I Şah Abbas
"Arazın sol sahilini dağıtmaq və əhalisizləşdirmək; bütün azərbaycanlıları köçürmək, ərzaq və ələf nə varsa götürmək, qalanını
isə məhv edib yandırmaq" haqqında fərman verdi (1604). Bununla da Cənubi Qafqazda yaşayan azərbaycanlıların və başqa
xalqların zorla köçürülməsinə başlandı. Şah fərmanına uyğun olaraq
Naxçıvan, İrəvan, Culfa və.b bölgələr yandırılaraq onların
əhalisi zor gücünə
İsfahana, Mazandarana və
İranın digər vilayətlərinə köçürüldü. Bu zorakı köçürmə tədbiri tarixşünaslıqda
“böyük sürgün” siyasəti adlanır.
Azərbaycanlıları öz doğma yerlərindən köçürməsinin
hərbi-strateji məqsəddən başqa, köçürmənin digər səbəbi
Culfadan
Avropaya gedən karvan yolu (tranzit ticarəti) Osmanlı imperatorluğu ərazisindən keçdiyindən I Şah Abbas Avropa-Asiya ticarət
yolunu Səfəvi dövlətinin cənubuna, İran körfəzi limanlarına köçürmək və qızılbaş ipəyini Afrika ətrafından dənizlə Avropaya
daşımaq istəyi idi.
I Şah Abbas məhz bu məqsədlə,
İran-ingilis ticarətinin mənafeyi üçün Culfa əhalisini
İsfahana, Naxçıvan
əhalisini isə
Dizağa (Qarabağa) köçürdü.
Bu zaman Ciqaloğlu Sinan paşanın komandanlığı altında Osmanlı ordusu İrəvana və Naxçıvana kimi irəliləsə də,
qızılbaşlar
tərəfındən ərzaq ehtiyyatının məhv edilməsi onların vəziyyətini ağırlaşdırdı və onlar Vana qayıtmağa məcbur oldu.
1605-1607-ci illərin hərbi əməliyyatları. Müharibənin yekunları
Şah Abbas Vanda olan Sinan paşanın qüvvələrini dəf etmək üçün
Təbrizdə yeni qala tikdirdi və
Allahverdi xanın başçılığı
altında Vana - Ciqaloğlu Sinan paşa üzərinə 30 minlik qoşun göndərdi. Bu qüvvələr Osmanlı qoşununu darmadağın etdi.
1605-ci ilin mayında Ciqaloğlu Sinan paşa 100 minlik qoşunla Azərbaycana
ikinci dəfə yürüşə başladı. Osmanlı qoşununun
Azərbaycana gələcəyindən xəbər tutan şah onların yolları üzərində olan bütün ərazinin əhalisini yenə köçürdü və ərzaq ehtiyatını
məhv etdi. Osmanlı qoşunu Urmiya gölünün şimalında Təbrizin 6 fərsəxliyində yerləşən ərazidə qızılbaş ordusu ilə qarşılaşdı.
1605-
ci ilin noyabrında Ciqaloğlu ilə Səfəvilər arasında baş vermiş həlledici döyüş nəticəsində
Osmanlılar sayca üstün olsalar da,
Səfəvi qoşunu qələbə çaldı.. Ciqaloğlu Sinan paşa Diyarbəkirə qaçdı və tezliklə orada vəfat etdi.
I Şah Abbas Sinan paşa üzərindəki qələbədən sonra, qışın sərt keçməsinə baxmayaraq,
Qarabağa daxil olub,
Gəncəni
mühasirəyə aldı. Gəncədəki Osmanlı qarnizonu şəhərin təslim edilməsi təklifini qəbul etmədi. Ona görə də qalanın müdafiəsi dörd
ay çəkdi,
1606-cı ilin iyununda Gəncə azad edildi.