29
sadələşdirilmiş qaydası
Azərbaycan
gömrük sərhədindən keçirilən malların ayrı-ayrı kateqoriyalarının gömrük rəsmiləşdirilməsi sadələşdirilmiş
formada və prioritet qaydada aparıla bilər. Belə mal kateqoriyalarına təbii fəlakətlərin, qəzaların, bədbəxt
hadisələrin nəticələrinin ləğv edilməsi üçün tələb olunan mallar, canlı heyvanlar, tez xarab olan mallar,
radioaktiv maddələr, kütləvi informasiya məqsədləri üçün məlumatlar, Azərbaycan Respublikasının ali
qanunvericilik, icra və məhkəmə hakimiyyəti orqanlarının ünvanlarına göndərilən və digər bu qəbildən olan
mallar aid edilir.
Sadələşdirilmiş gömrük rəsmiləşdirilməsi qaydalarının tətbiqinin hal və şərtlərini Dövlət Gömrük
Komitəsi müəyyən edir.
Bu cür gömrük rəsmiləşdirilməsinin xüsusiyyətlərini açıqlamağa çalışaq.
Belə malların rəsmiləşdirilməsinin prioritetliyi - gömrük orqanlarına təqdim edildikdən sonra həmin
malların birinci növbədə rəsmiləşdirilməsi deməkdir.
Sadələşdirilmiş qayda mal müşayiət, nəqliyyat və digər sənədlərin - (əgər bu sənədlərdə daşıyıcının, mal
göndərən və alan şəxslərin barəsində və həmçinin malların özünün adı, mənşəyi, miqdarı və dəyəri barədə
məlumatlar varsa), gömrük orqanlarına təqdim edilməsi ilə malların bəyan edilməsinə yol verir.
Əgər gömrük orqanlarında malların başqa adla, saxta sənədlərlə keçirilməsini, təqdim edilən sənədlərin
lazım olan məlumatları əks etdirmədiyini güman etməyə kifayət qədər əsas varsa, onlar deklarantdan çatışmayan
məlumatları əks etdirən əlavə sənədlər tələb edə bilərlər (Bəzi hallarda qoyulan tələbləri özündə əks etdirən
sərbəst formada yazılmış ərizə də kifayət edə bilər).
Sadələşdirilmiş qayda deklaranta xeyli vaxta qənaət etməyə imkan verir.
Mallar və nəqliyyat vasitələri ilə gömrük rəsmiləşdirilməsi üçün zəruri olan yük əməliyyatları və başqa
əməliyyatlar dedikdə, malların daşınması, çəkilməsi və ya miqdarının digər üsulla təyini, malların yüklənməsi,
boşaldılması, başqa nəqliyyat vahidinə keçirilməsi, zədələnmiş qablamaların düzəldilməsi, taranın açılması,
qablaşdırılması, gömrük rəsmiləşdirilməsi tələb olunan mal və nəqliyyat vasitələrinin yenidən qablaşdırılması,
mal və nəqliyyat vasitələrinin ola biləcəyi bina, iri həcmli qab və digər yerlərin açılması və s. nəzərdə tutulur.
Gömrük rəsmiləşdirilməsi üçün yük və digər əməliyyatların aparılması, yalnız gömrük orqanının
müvafiq tələbi olduqda məcburi hesab edilir.
Əgər bu mal və nəqliyyat vasitələri barəsində gömrük rəsmiləşdirilməsi tamamlanmamışsa, yük və digər
əməliyyatlar, yalnız gömrük orqanının icazəsi ilə aparıla bilər.
Belə əməliyyatlar gömrük orqanları üçün heç bir əlavə xərcə səbəb olmamalıdır.
6.3. Gömrük
nəzarəti məqsədləri üçün
mallardan prob və nümunələrin
götürülməsi
Prob və nümunələr onların tədqiqatı (ekspertizası) üçün götürülür. Prob və nümunələrin götürülməsi -
gömrük orqanları tərəfindən, yaxud onların icazəsi ilə mallara münasibətdə səlahiyyətə malik şəxslər, bu
şəxslərin nümayəndələri və digər dövlət orqanları (məsələn, ekoloji, baytarlıq nəzarəti orqanları) tərəfindən
nəzarətin həyata keçirilməsi məqsədilə - tətbiq edilir. (Əlavə 1,2).
Gömrük Məcəlləsində probların götürülməsi prinsipi müəyyən edilir. Onlar tədqiqata imkan verən
minimal miqdarlarda götürülür. Prob (nümunə) - bütün malın (partiyanın) təcəssümü hesab edilir, buna görə də
laboratoriya təcrübəsi üçün onun elə minimal hissəsi götürülməlidir ki, malın gömrük sərhədini keçdiyi halında
bütün keyfiyyət xarakteristikasını müəyyən etmək mümkün olsun. Təhlil nəticəsində nümunə götürüldüyü malın
tərkibi və xassələri barədə laboratoriya tədqiqatlarının dəqiqliyi hüdudlarında fikir söyləmək mümkündür.
Problar - birdəfəlik, birləşdirilmiş və yoxlama kimi üç qrupla təsnifatlandırılır:
a) birdəfəlik (nöqtəvi) prob dedikdə bir qəbul (analiz) üçün götürülən prob nəzərdə tutulur. Bu cür
problar malıe bir bağlısında, rezervuarın, yaxud nəqliyyat vasitəsinin verilmiş səviyyəsində malın keyfiyyətini
xarakterizə edir.
b) birləşdirilmiş (orta) prob bir neçə nöqtəvi probun səylə qarışdırılması nəticəsində tərtib edilir.
Nöqtəvi problar uyğun qaydada və uyğun mütənasibliklə seçilməlidir.
c) yoxlama (arbitraj) probu birləşdirilmiş probun analiz üçün istifadə olunan hissəsidir və arbitraj
sınaqları tələb olunduqda istifadə etmək üçün qorunub saxlanılır.
Probların götürülməsi üç mərhələdə aparılır:
1) mal partiyasına ümumi baxış;
2) nöqtəvi probların və ya nümunə götürüləcək hissələrin seçilməsi;
3) orta probun tərtib edilməsi.
30
Əgər prob və nümunələr gömrük orqanları tərəfindən götürülürsə, mal barəsində səlahiyyətli şəxslər və
onların nümayəndələrinin bu əməliyyatlarda iştirak etmək hüququ var. Sonuncular
problar götürülərkən gömrük
orqanlarına kömək etməlidirlər (məsələn, yük əməliyyatlarını öz hesablarına aparmalıdırlar).
Əgər prob və nümunələrin götürülməsinə mal barəsində səlahiyyətləri olan şəxslər və onların
nümayəndələri təşəbbüs göstərirsə, bu zaman gömrük orqanlarının səlahiyyətli şəxsləri iştirak etməlidirlər.
Gömrük əməkdaşları - həmçinin digər dövlət nəzarət orqanlarının səlahiyyətli şəxsləri tərəfindən prob və
nümunələrin götürülməsi prosesində iştirak etməlidirlər. Bu halda aparılmış tədqiqatların nəticələri barədə
gömrük orqanlarına məlumat verilməlidir.
Aşağıdakı hallarda mallar barədə səlahiyyətli şəxslərin və onların nümayəndələrinin iştirakı olmadan
gömrük orqanları tərəfindən prob və nümunələrin götürülməsinə yol verilir:
1) mallar gömrük orqaqlarına təqdim olunduqdan sonra 10 gün müddətində bu şəxslər gəlib
çıxmadıqda;
2) təxirə salınması mümkün olmayan hallarda.
Belə hallarda probların götürülməsi zamanı tədqiqatın nəticələrində maraqlı olmayan şəxslər iştirak
etməlidirlər.
Mallar barədə səlahiyyəti olan şəxslər və onların nümayəndələrinin onların malından götürülmüş prob
və nümunələrin tədqiqatının nəticələri ilə tanış olmaq hüququ var.
Götürülmüş prob və nümunələr gömrük ekspertizasına daxil olur. Bu əməliyyat altında - xüsusi
biliklərdən istifadə edilməsi ilə gömrük nəzarətinin, gömrük rəsmiləşdirilməsinin icraatı zamanı meydana çıxan
məsələlərin həll edilmə prosedurası başa düşülür.
Gömrük ekspertizası ilkin qərar qəbul edilmə prosesində və digər gömrük məqsədləri ilə aparıla bilər.
Bu zaman bütün hallar üçün müəyyən olunan prob və nümunə götürmə proseduralarından istifadə olunur.
Gömrük Məcəlləsinin 8-ci maddəsinə əsasən gömrük məqsədləri ilə ekspertiza və tədqiqatların
aparılması gömrük laboratoriyalarına həvalə olunur. Beləliklə, gömrük ekspertizası - gömrük orqanının
səlahiyyətli vəzifəli şəxsi tərəfindən gömrük laboratoriyasına tapşırılmış prosessual hərəkətlərdir.
Ekspertiza təyin edilməsinin, ekspertlərin iştirakının, prob və nümunələr götürülməsinin, təqdim edilən
məlumatın dəqiqliyinə məsuliyyət və digər məsələlərin hüququ əsası Gömrük Məcəlləsi ilə müəyyən edilmişdir.
Gömrük laboratoriyalarında ekspertizalar gömrük və digər hüquq mühafizə orqanlarının - həm gömrük
rəsmiləşdirilməsi və gömrük nəzarətinin həyata keçirilməsi ilə bağlı olaraq, həm də gömrük qaydalarının
pozulması üzrə işlərin icraatı və dinlənilməsi ilə bağlı olaraq (bəzi hallarda gömrük ekspertizası cinayət və
mülki işlərin məhkəmə araşdırılması ilə bağlı olaraq təyin edilə bilər) aparılır. Gömrük laboratoriyalarında,
həmçinin, digər dövlət orqanlarının, müəssisələrin, vətəndaşların müraciəti əsasında, əgər onlar cinayət və mülki
işlərin icraatı ilə, iqtisad məhkəmələrində mübahisələrin həll edilməsi və gömrük qaydalarının pozulması işləri
ilə bağlı deyilsə, aparıla bilər.
Lazım gəldikdə təkrar ekspertizalar aparıla bilər. Gömrük rəsmiləşdirilməsi mərhələsində ekspertizanın
əsas vəzifəsi - gömrük bəyannaməsində göstərilən məlumatların malların real xassə və xarakteristikalarına
uyğun gəlib-gəlmədiyini araşdırmaqdan ibarətdir. Bu iş müxtəlif məqsədlər üçün nəzərdə tutulur: gömrük
ödənişlərinin əsaslandırılmış və dəqiq müəyyən edilməsi üçün; gömrük sərhədindən keçirilən mallara iqtisadi
siyasət tədbirlərinin tətbiq edilib-edilməyəcəyini müəyyən etmək üçün və i.a.
Gömrük ekspertizası - malların kimyəvi, fiziki analizlərindən, texniki, əmtəəşünaslıq ekspertizalarından
ibarət olur.
Gömrük laboratoriyalarında aşağıdaklar müəyyən edilir:
- malın XİFMN-da nəzərdə tutulmuş kodu;
- malın fiziki və kimyəvi strukturu, həmçinin, markası, növü və keyfiyyəti;
- malın mənşə ölkəsi və gömrük dəyəri;
- malın istismar və ekoloji təhlükəsizliyi;
- malın bədii, tarixi və arxeoloji dəyərlərə aidiyyatı.
Gömrük rəsmiləşdirilməsi mərhələsində ekspertizanın aşağıdakı növləri mühüm əhəmiyyət kəsb edir:
a) malların mənşə ölkəsinin təyin edilməsi üzrə ekspertizalar. Belə ekspertizanın nəticələrindən gömrük
rəsmiləşdirilməsi və gömrük nəzarəti rejimi, həmçinin gömrük rüsumlarının miqdarı bilavasitə asılı olur;
b) tarif təsnifatında malların yerinin təyin edilməsi məqsədilə aparılan ekspertizalar.
Bunun üçün fiziki və kimyəvi tədqiqatlardan istifadə edilir, gömrük nəzarəti rejimi, həmçinin gömrük
tarifi stavkaları bu tədqiqatların nəticələrindən asılı olur.
c) mal və xidmətlərin sertifikatlaşdırılması ilə bağlı olan ekspertizalar.
Gömrük ekspertizaları, həmçinin, malların ayrı-ayrı gömrük rejimləri altında yerləşdirilməsi ilə bağlı
olaraq aparılır (məsələn, emal rejimlərində). Bu hallarda gömrük laboratoriyalarında malların eyniləşdirilməsi
(identifikasiyası), o cümlədən xammalın emal əməliyyatlarından sonra identifikasiyası aparılır, xammalın
emalında məhsulun çıxım normaları müəyyən edilir.