-Yox, yoxdu. Demək, belə vardı. Hərəkat aparılırdı. Sumqayıtda, bəzi yerlərdə balaca qruplar
da mövcud idi, onları Dövlət Təhlükəsizliyi Komitəsinə çağırıb danıĢdırır, dilindən kağız
alırdılar ki, gedin, nəzarətdəsiniz. Bu cür söhbətlər gedirdi. Ancaq məsələni sırf elmi əsasda
qoyub elmi istiqamətdə aparmaq yoxdu.
Ona görə də cəhd etdilər ki, məni Mərkəzi Komitənin
təbliğat Ģöbəsinə [müdir] aparsınlar, beləliklə, vəzifə verməklə məni bitərəfləĢdirsinlər. Elə
Heydər Əliyevin hakimiyyəti dövründə yanıma adam göndərdilər. Partkom iki dəfə məndən
xahiĢ etdi, getmədim. Sonradan gördülər ki, daha bitərəfləĢdirmək mümkün deyil, bircə yol
qalır - həbs etmək, götürmək, 1975-inci ildə həbs etdilər.
Bəlkə həbs dövrün haqqında danıĢasan, Bəy? Dövlət Təhlükəsizliyi Komitəsinin zindanında
olmusan iki il…
Yox, mənə cəmi il yarım həbs veriblər. Yarım ilini yatmıĢam Dövlət Təhlükəsizliyi
Komitəsində, bir ilini isə daĢ karxanasında aparıb iĢlədiblər.
Bəlkə elə onlardan danıĢasan?
Dövlət Təhlükəsizliyi Komitəsində də, təbii ki, yaxĢı insanlar vardı. Məni, əlbəttə, müdafiə
etmirdilər, canavar kimi üstümə düĢmüĢdülər, amma öyrənmiĢdim ki, həbs olunmağım
haqqında ayrı-ayrı vaxtlarda bir ay ara verib sonra yenidən səsvermə keçiriblər. Əvvəl həbs
olunmağıma səs verilməyib. Müəyyən qüvvələr tutulmağıma razı olmayıb. Sonradan mən
fəaliyyətimi geniĢləndirdiyimə görə daha müdafiə edə bilməyiblər. Məni iki-üç dəfə çağırıblar
ora. Görüblər ki, daha dayanmıram, məni müdafiə edənlər də aciz qalıb, səs çoxluğu ilə (27
nəfər lehinə, 7 nəfər əleyhinə) tutdular.
Kollegiya olub?
Hə, kollegial səs verilib ki, həbs olunsun. Ondan sonra həbs etdilər. Amma bəzi adamların
rəğbətini hiss edirdim. Görünür, yəqin onlar da mənim dediklərimi oxuyanda fikirləĢirdilər ki,
düz deyirəm. Yəni burada səhv Ģey yoxdur, hamı məsələnin nə Ģəkildə olduğunu görür,
amma hərə bir cür düĢünür ki, hələ dövrü deyil və s.
HəmiĢə qələmlə iĢləyən adamın birdən-birə daĢ daĢıması
yəqin ki, çox çətin oldu?
Dövlət Təhlükəsizliyi Komitəsində pis davrananlar da vardı, tutmağa meyli olanlar da vardı.
Ən pisi bu idi ki, istəyirdilər kollektiv tutsunlar, yəni mənimlə bərabər müəllim
yoldaĢlarımdan, yaxın dostlarımdan, tələbələrimdən də bir neçəsini tutsunlar, bunu
böyütsünlər. Onların bu cür yanaĢmasından duyulurdu ki, təqribən 10-15 nəfər tutulmalıdır.
Mən də çalıĢırdım ki, tək gedim, yəni ətrafımda tələbələrim, müəllim və yoldaĢlarım olmasın.
Mən deyirdim ki, hamısını mən eləmiĢəm, nə varsa öz üstümə götürürdüm. Hətta bunu
dedilər ki, sən hər Ģeyi üstünə götürüb istəyirsən ki, tək gedəsən, yoldaĢlarını xilas edəsən -
bu olmayacaq. Çox bərk giriĢmiĢdilər. Sonra bunun qarĢısı bir az alındı, görünür, buna
«yuxarı»da «böyüklər»in təsiri olub ki, cavanlar tutulmasın, ya nəsə.
DaĢ daĢımağa gəldikdə isə, maddə vardı, özümə oxudular ki, siyasi iĢlər üzrə tutulan adamlar
islah-əmək düĢərgələrində ən ağır iĢdə iĢlədilməlidir.
Mən elə bilirdim ki, siyasi dustaqları fiziki iĢlərdə iĢlətmirlər.
Mən də əvvəl elə bilirdim. Yox, yox, əksinə; guya onlar ən ağır iĢdə iĢlədilməklə islah
olunacaqlar.
Məni əvvəl apardılar daĢ kəsilən yerə - daĢ karxanasına…
Respublikada?
Respublikada, Qaradağda.
Orada həbsxana var, indi, deyəsən, dağıdıb ləğv ediblər. Ora yaĢadığımız yerdən təxminən 1-
2 kilometr aralı idi. Gündə düzürdülər itləri qabağa, əsgərlər ətrafımızda, itləri üstümüzə
quĢqurdurdular. Yoldan çıxmaq olmaz. Bir balaca etiraz edən kimi baĢımızın üstündən güllə
atırlar: «yatın yerə!», nə bilim nə…
Çox əzab-əziyyət, vəhĢilik içərisində idik. Bir-iki dəfə tüfəngi mənim üstümə dirəyiblər, çünki
iti quĢqurdublar dustaqların üstünə, mən cumub itə təpiyimlə vurmuĢam, vuranda tüfəng
çəkiblər üstümə. Sonra uĢaqlar məni müdafiə ediblər. Orada belə Ģeylər olurdu. Deyirdilər ki,
gündə 900-950 daĢ yükləməlisiniz maĢına, o yekə daĢlardan. Bir-iki gün elə iĢlətdilər.
Sonradan uĢaqlar baĢladılar kömək etməyə. Çox vaxt yükləməyi özləri
edirdilər; görürdülər ki,
mənim gücüm çatan Ģey deyil. Məhbusların köməyi olmasaydı orada mənim vəziyyətim yəqin
ki, çox ağır olardı.
Siyasi məhbuslar da var idimi?
Yox, bir nəfər də siyasi məhbus yox idi. Tutulanların böyük bir hissəsi sürücülərdi - yol
qəzalarında özünün qohum-qardaĢı yanında ölüb, tutub salıblar bura. Torpaq üstündə
tutulanlar vardı, oğrular vardı,
adam öldürənlər var, ev talayanlar vardı…
Çox maraqlıdır, Bəy, onlar baĢa düĢürdülərmi səni - Bəy nə istəyir? Gülmürdülər ki?
Yox. Onlar xüsusən bir Ģeyə görə mənə hörmət edirdilər - Dövlət Təhlükəsizliyi Komitəsində
yatmağıma. Həbsxanada yatanların bir qanunu var - dostunu, yoldaĢını satmamaq. Heç kimi
satmamısan, tək özün girmisənsə hörmət edirdilər. Mən ora girməmiĢdən bilirdilər,
gələn kimi
dedilər ki, istəyiblər
çox adam tutsunlar, heç kəsi satmamısan, ona görə sənə hörmətimiz var.
«Vurub-tutan», oğru ideyasını aparan uĢaqlar ki deyirlər, onlar yığılıb müzakirə eləyib belə
qərara gəlirlər ki, bu adam toxunulmaz adamdır; ona hörmət edilməlidir; bu da imperiyaya
qarĢı mübarizə aparır, biz də (onlar da özlərini imperiya ilə vuruĢan sayırlar, onların öz ideyası
var).
Orada cavanları, elə baĢqalarını da çox suallar maraqlandırırdı: siyasi suallar, həyat sualları,
SSRĠ-yə dair suallar, dini suallar… Çox vaxt deyirdilər ki, sən o cür bizə onları izah elə, iĢini
biz görərik. Gedib tez maĢını yükləyib gəlirdilər. Mən onlarla söhbət aparırdım. Ona görə
mənim hörmətimi saxlayırdılar.