OZAN DÜNYASI № 3(6), 2011
41
HÜSEYN ARĠF
Xalq Ģairi
ġAĠR ÜRƏYĠ
Ata ürəyindən,
ana qəlbindən,
Söhbətlər açmışıq, açacağıq da.
Unudub hər şeyi var səsimlə mən,
Danışmaq istərəm bir ürək haqda.
Nə adi ürəkdi, nə bir parça ət,
Nə gecə tanıyır, nə gündüzü var.
Bir dünya məhəbbət, bir dünya nifrət,
Orda qərinələr tutmuşdur qərar.
Bir böyük tarixdir, bir canlı muzey,
Oxu kitab-kitab, aç varaq-varaq.
Dərinlikdə dəniz,
genişlikdə göy,
Hərarətdə günəş, dözümdə torpaq.
Uca zirvələrin əriyən qarı,
Qayanı oynadıb daşı titrədir.
Sevinc yağışları, qəm buludları,
Şair ürəyindən çağlayıb gedir.
Bir haşiyə çıxım, gəlmişkən yeri,
Dağlara getmişdim, yada nə düşdü.
Bir dağlı qocanın müdrik sözləri,
Şeirimə süzülüb, dilimə düşdü.
Deyirlər, bir maral dağlar aşanda,
Kövrək balasına yaxınlaşanda.
Bir ovçu gülləsi elə bu anda
Dəydi sinəsindən, maral neylədi:
- Bu
dərdi şairə yetirin, - dedi.
Deyirlər, bir pələng ovdan dönəndə,
Çiskin yeriyəndə, dolu dinəndə.
Bir tülkü əliylə düşdü kəməndə,
Baxıb sağa-sola pələng neylədi:
- Bu dərdi şairə yetirin, - dedi.
Deyirlər, ilk bahar ətir yayanda,
Şəfəqdən çiçəklər, otlar doyanda.
Bir öküz meşəni ayaqlayanda
Palıdlar, vələslər, şamlar neylədi:
- Bu dərdi şairə yetirin, - dedi.
Sevincə, kədərə alışmışam mən,
Hayıma çoxları hay verib gedib.
Elə bil hər
ana öz ürəyindən,
Şair ürəyinə pay verib gedib.
TAPILMAZ
Buraxma fürsəti, buraxma əldən,
Göydə qərar tutub, yerdə tapılmaz.
Harayla, harayın qalar içində,
Xeyirdə görünüb, şərdə tapılmaz.
Nə çiçəkdən soruş, nə otdan soruş,
Nə sudan xəbər al, nə oddan soruş.
Nə yardan, yoldaşdan, nə yaddan soruş,
Namərdə səs verib, mərdə tapılmaz.
Ömrün səfərini bitirmə vaxtsız,
Karvanı mənzilə yetirmə vaxtsız.
Hüseyn Arifi itirmə vaxtsız,
O elə şairdi, bir də tapılmaz.
OZAN DÜNYASI № 3(6), 2011
42
YAġAYA BĠLSƏM
Yel döyür, sahilə yan alır qayıq,
Mən də gedəcəyəm, geci-tezi var.
Bizim də qapını açar ayrılıq,
Nə fərqi, harada basdıracaqlar...
Şairi kədərlə yada salmayın,
Namərdəm, bir an da dərdə əyilsəm.
Məni boz torpaqdan xəbər almayın,
Bir insan qəlbində yaşaya bilsəm.
ĠNSAN
Bilir,
sovuşduqca illər, fəsillər,
Bir çıraq başacan işıq salmayıb.
Bilir, yer üzündə bu vaxta qədər,
Heç kəs dünyanı tutub qalmayıb.
Çalışır, düşünür hər gün, hər saat,
İnsanda eşqə bax, təbiətə bax.
İnanır, əbədi deyildir həyat,
İnanmır ölümə, inanmır ancaq.
DANIġ
Ey hərdən
mənimlə üzbəüz olan,
Şəri bir yana qoy, xeyirdən danış.
Dərəyə, təpəyə salma özünü,
Laləli, nərgizli bir yerdən danış.
Öyüb yaxının, söymə yadını,
Sınama hər yerdə qol-qanadını.
İki yüz şairin çəkmə adını,
Bircə ürək açan şeirdən danış.
Hanı sellər kimi coşub çağlayan,
Sözün qüdrətini ellərə yayan?
Hüseyni torpağa,
suya bağlayan,
Arzudan, əməldən, fikirdən danış.
ÖMÜR GEDĠR, YAġAMIRIQ
Nə yaz kimi yazı duyur,
Nə də, qışda qışlamırıq.
Hər şey vaxtında başlanır,
Biz vaxtında başlamırıq.
Vaxtında bir dostu anıb,
Qohum qəlbi oxşamırıq.
Babalardan dəm vururuq,
Babalara oxşamırıq.
O iclasda, bu iclasda
Uyuyuruq, baş qarışıq.
Müxtəsəri, Hüseyn Arif,
Ömür gedir, yaşamırıq.
MƏN QORXARDIM
Mən qorxardım tufandan,
Sinəsi sal qayalı
Sahillər olmasaydı.
Mən qorxardım xəzandan,
Nəfəsi gül
qoxulu
Fəsillər olmasaydı.
Mən qorxardım kədərdən,
Ürəkdən qəh-qəh çəkib,
Gülənlər olmasaydı.
Mən qorxardım ölümdən,
Dünyaya məndən sonra
Gələnlər olmasaydı.