OZAN DÜNYASI № 3(6), 2011
43
DÜNYA FĠKĠR
DÜNYASIDIR
Heç bilmirəm başımdakı
Hansı eşqin xülyasıdır.
Əhvalımı kim soruşub,
Halımı kim duyasıdır?!
Yarı yolda gəmim durur,
Qəm əridir, möhnət yorur.
Ləpə döyür, dalğa vurur,
Dərya hicran dəryasıdır.
Gəl qınama Hüseyni sən,
Başım bulud, ayağım çən.
Mənə fikir çəkmə deyən,
Dünya fikir dünyasıdır.
ĠNSAN
Qalxanda fərəhindən,
Toy-bayram edir insan.
Enəndə qəm sazını,
Çalıb inlədir insan.
Gah açıb gülə dönür,
Gah yanıb külə dönür.
Gah sakit gölə dönür,
Bilmirsən nədir insan.
Dincəlməyir bir an da,
Yay dağda, qış aranda.
Həyatı anlayanda,
Həyatdan gedir insan.
ZƏLĠMXAN YAQUBA
Mənə inam kimi bax,
Sinə gərim çətinə.
Zəlimxan Yaqub
Mən sənə inamla baxdım, a dostum,
İnam olan yerdə çətin də asan.
Bu sirli-sehrli həyatda, dostum,
İnamla boy atıb, böyüyür insan.
İnamla baxmışam, inamla ancaq,
Yazdığın əsərlər göz qabağında.
Mümkünmü inamsız zirvələr aşmaq,
Sənət dünyasında, söz ocağında.
Çoxuna tanışsan, çoxuna əziz,
Xəyalım həmişə varaq-varaqdır.
Ana Borçalıdan açılan ilk iz,
Uzaq ölkələrə uzanacaqdır.
Torpaq nə sevimli, torpaq nə dadlı,
Nə şimşək gurlasın, nə külək əssin.
Bir kitab da bağla Borçalı adlı,
Əllərdə dolaşsın, dillərdə gəzsin.
Bir elə nərə çək, hər yana yetsin,
“Koroğlu” kökündə telləri dindir.
Yaxın xəbər tutsun, uzaq eşitsin,
O yuva kimindir, o yurd kimindir?!
Babalar qoruyub çətin ayaqda,
Bu geniş Vətəni, ulu məskəni.
O şanlı, şərəfli kişilər haqda
Bir dastan gözləyir, bir dastan səni.
Bir oğul meydanda batmasın yasa,
Hünərlə, qeyrətlə o yaşa dolsun.
Əslinə, nəslinə oxşamayırsa,
Ona ana südü qoy haram olsun.
OZAN DÜNYASI № 3(6), 2011
44
Məramı, məqsədi başqadır ömrün,
Çalış axşam-sabah gurlasın səsin.
Bizim tarix dolu o dünənki gün,
Dünənlə köhnəlib, dünənləşmə sən.
Ara tarixləri, ara dərindən,
Bir əlində çıraq, bir əlində şam.
Şairəm, arabir yanılsam da mən,
Mən bu inamımda yanılmamışam.
Basılmaz, alınmaz bir qala kimi,
Yaşa tufanlara sinə gərərək.
Sənə inanmışam bir bala kimi,
Mən ata Vurğuna inandığım tək.
İnamın şöhrəti ellərə düşdü,
İnam işdə hünər, döyüşdə zəfər.
İnamla dillərdən dillərə düşdü,
İyid Koroğlular, cəsur Nəbilər.
İnam Babəklərin bükülməz dizi,
Xəyalən nələrin seyrinə vardım.
İnamsız ömr edən min qeyrətsizi
Zibil qutusuna töküb atardım.
Əbəs yayılmayıb bu səs, bu soraq,
Ey Odlar yurdunun od-alov oğlu.
Haqqa inanmaqdır sənə inanmaq,
Haqqa inanmamaq, rəzalətdi bu.
Çatmaz uzaqlara hər atılan ox,
Hər naşı özünü mahir sanmasın.
Xəsislər də çoxdur, dargözlər də çox,
Bir də inanmayan qoy inanmasın.
Söz yox ilhamına, şair qəlbinə
Sıxanda əlini inamla sıxdım.
Şair vicdanına, şair qəlbinə
İnamla vuruldum, inamla baxdım.
OZAN DÜNYASI № 3(6), 2011
45
Rafiq YUSĠFOĞLU
professor,
Sumqayıt Dövlət Universiteti
AġIQ ƏLƏSGƏR POEZĠYASINDA
PEYZAJ VƏ PORTRET SƏNƏTKARLIĞI
Aşıq Ələsgər yaradıcılığı təkcə məzmun və mündəricə baxımından
deyil, həm də bədii sənətkarlıq keyfiyyəti ilə diqqəti cəlb edir. Onun bir-
birindən cazibədar qoşmaları, gəraylıları özünəməxsus kompozisiyası,
bədii quruluşu və rəngarəng sənətkarlıq komponentləri ilə diqqəti cəlb
edir. Məsələn, üç bəndlik “Düşdü” qoşmasında süjetin beş ünsüründən də
ardıcıllıqla istifadə çox maraqlı ədəbi faktlar sırasındadır.
Aşıq Ələsgər ən çox qoşma və gəraylıdan istifadə etmiş, heç bir
şeirində bu janrların ölçülərindən, normativlərindən kənara çıxmamış,
ancaq orijinal bədii sənətkarlıq komponentlərindən məharətlə istifadə
etməklə ənənəvi formaya daxili bir gözəllik, dinamizm, yenilik gətirməyə
nail olmuşdur.
Gözəlliklər diyarı Göyçədə yaşayıb-yaradan Aşıq Ələsgər təbiətin
əsrarəngiz lövhələrinə biganə qala bilməzdi. Onun dağlara, yaylaqlara
həsr olunan qoşma və gəraylıları aşıq yaradıcılığındakı peyzaj lirikasının
gözəl nümunələri hesab oluna bilər. Aşıq Ələsgər “yayda yaylağı, qışda
oylağı, yazda seyrangahı” olan dağları məhəbbətlə, heyranlıqla tərənnüm
edir.
Kəkotu, qırxbuğum, qaymaqçiçəyi,
Bənövşə, qantəpər, qızlar örpəyi.
Qoyun mələşməsi, çoban tütəyi,
Çəkir uzaqlara xəyalı, yaylaq.
Nümunədən göründüyü kimi, Aşıq Ələsgərin təbiət mövzulu
şeirlərində peyzajı canlandıran, ona təravət verən insan nəfəsidir. “Qoyun
mələşməsi, çoban tütəyi” ifadələri peyzaja yeni can, yeni nəfəs verir,
bədii təsvirin hərarətini daha da artırır.
Qüdrətli sənətkarın bu mövzulu şeirlərində sadə insanların təbiət
gözəlliklərinə münasibəti öz dolğun bədii əksini tapmışdır. Bu şeirlərin
müəllifi “süsənli-sünbüllü, lalalı”, “yoxsulu, ərbabı, şahı, gədanı” bir-
Dostları ilə paylaş: |