- 29 -
ƏFQANISTAN: SOVET IŞĞALINDAN AMERIKA MÜDAXILƏSINƏ | MƏSIAĞA MƏHƏMMƏDI
ABŞ-ın həmin dövrdə Əfqanıstandakı proseslərə siyasi yanaş-
masının başlıca cəhətləri dövlət katibi Sayrus Vensin sözlərin-
də daha aydın ifadə olunurdu: «Tarixi baxımdan ABŞ-ın orada
(Əfqanıstanda – M.M.) əhəmiyyətli maraqları yox idi… Biz və
regiondakı tərəfdaşlarımız Kabul rejiminin müxaliflərinə və an-
timarksist qruplara kömək göstərməklə, bölgədəki sabitsizliyi
artırmaq istəmirdik. Mənim tövsiyəm belə idi ki, bu macəraya
qarışmamaq lazımdır» [115, 199].
Məhz bu mövqeyin nəticəsi olaraq, bir müddət sonra ABŞ və
onun regiondakı tərəfdaşlarından olan Pakistan Əminin yaxın
münasibətlər qurmaq istəyinə soyuq yanaşmışdılar. Başqa sözlə,
amerikalılar hələ 1950-ci illərdə Əfqanıstan hökumətinə yardım
etməməklə, onun SSRİ-dən asılılığına zəmin yaratmaq xəttini
tutmuşdular.
Həmin asılılıq SSRİ-nin «iştahasını artırır», bir çox digər
kasıb ölkələrdə olduğu kimi, Əfqanıstanda da «sosialist inkişaf
yolunu seçmiş» ələbaxan rejim formalaşdırmaq istəyini güclən-
dirirdi. Bu isə SSRİ-nin iqtisadi məsrəflərinin artmasına, son nə-
ticədə içəridən çökərək, tarixi rəqabətdə ABŞ-a uduzmasına yol
açırdı. Təsadüfi deyil ki, sonrakı mərhələdə Əfqanıstana böyük
qoşun kontingentinin yeridilməsi və təqribən on il ərzində bu
ölkənin SSRİ büdcəsindən ağlasığmaz vəsaitləri «udması» So-
vetlərin süqutunu sürətləndirən ciddi amillərdən biri kimi qiy-
mətləndirilir.
Lakin hələlik buna bir neçə il qalmışdı, odur ki, iki yüz illik
Böyük oyunda qələbəyə yaxın olduğunu düşünən və bu üzdən si-
yasi ehtirasları coşan sovet rəhbərləri səxavətlə gənc demokratik
dövlətin «islahatlarını» dəstəkləyir, bu yolda heç nəyi, hətta öz
vətəndaşlarının həyatını belə əsirgəmirdilər. Həmin «islahatlar»
isə nə əfqan cəmiyyətinin inkişaf səviyyəsinə, nə də əfqan xalqı-
nın minillik ənənələrinə uyğun idi.
Tərəki hökuməti sosialist ölkələrinin təcrübəsindən çıxış
- 30 -
ƏFQANISTAN: SOVET IŞĞALINDAN AMERIKA MÜDAXILƏSINƏ | MƏSIAĞA MƏHƏMMƏDI
edərək, Əfqanıstanın siyasi sistemini, sosial-mədəni və iqtisa-
di strukturunu dəyişdirmək üçün öz islahatlar proqramını 8 ay
ərzində verdiyi 8 fərman (dekret) vasitəsilə irəli sürdü. Bunlar-
dan yuxarıda xatırlanan ilk ikisi ölkənin yeni siyasi quruluşunu,
o cümlədən, təkpartiyalı sistemi ümumi şəkildə müəyyənləşdir-
mişdi. 3-cü fərman köhnə Konstitusiyanın ləğvinə, Ali məhkəmə
şurası və hərbi tribunalın yaradılmasına aid idi. 4-cü fərmanla
Əfqanıstanın dövlət gerbi və bayrağı dəyişdirilmişdi. Onunla eyni
vaxtda verilmiş 5-ci fərmanla Nadir xan nəslindən olan 23 nəfər,
o cümlədən, Zahir şah «milli xainlər» elan olunmuş və Əfqanıs-
tan vətəndaşlığından məhrum edilmişdi. 6-cı fərman torpağın
icarəyə verilməsi, mülkədarların gəliri, onun miqdarının azaldıl-
ması, müəyyən hallarda isə ləğvi kimi məsələlərə həsr olunmuş-
du. Bu fərman kəndlilərin 75 %-ni əhatə edirdi; hökumət eks-
pertlərinin hesablamalarına görə, 11 milyon kəndli iri mülkədar-
lara və icarədarlara olan borcdan azad edilmişdi. 1978-ci ilin okt-
yabrında verilmiş 7 nömrəli fərmanla qadınlar və kişilərin hüquq
bərabərliyi elan edilir, iri məbləğdə başlıq ödənilməsi, məcburi
və erkən nikahlar ləğv olunurdu. Hökumətin xüsusi önəm verdiyi
8 saylı fərman isə torpaq islahatına həsr olunmuşdu və kənddə
«feodal münasibətlərinin ləğvinə» yönəlmişdi. Fərmana əsasən,
mülkədar torpaqlarının 6 hektardan artıq olan hissəsi əllərindən
alınıb pulsuz olaraq kəndlilərə paylanırdı. İslahatın həyata keçiril-
məsini birinci mərhələsində (1979-cu ilin yanvar-iyul aylarında)
rəsmi məlumata əsasən, 296 min ailə torpaqla təmin edilmişdi.
Lakin ƏXDP rəhbərliyi islahatların həyata keçirilməsində
hədsiz radikallığa, tələskənliyə və volyuntarizmə yol verir, sovet
sistemini eynən təkrarlamağa çalışır, ölkədəki ictimai münasibət-
lərin xarakteri və mahiyyətini nəzərə almadan, yaxud anlamadan
sinfi mübarizədən, istismarçı sinfin ləğvindən dəm vururdu. Eyni
zamanda, islamın və ruhanilərin ictimai həyatda rolu, əhali ara-
sında nüfuz və təsiri gözdən qaçırılırdı. Bir tərəfdən marksist-ate-
- 31 -
ƏFQANISTAN: SOVET IŞĞALINDAN AMERIKA MÜDAXILƏSINƏ | MƏSIAĞA MƏHƏMMƏDI
ist düşüncə tədris və təbliğ olunur, digər tərəfdən də ƏXDP rəh-
bərləri, xüsusən ilk dönəmdə, xalqa müraciətlərini «Bismillah»-
la başlayır, dini bayramlarda ümumi namaz qılınmasında iştirak
edirdilər. Xalqın inancının bu şəkildə “nəzərə alınması” isə əks
effekt verir, nümayişkaranə riyakarlıq mömin insanların dini hiss-
lərinə toxunur, onları qıcıqlandırırdı. Bu da öz növbəsində ruha-
nilərin hökumət əleyhinə təbliğatına əlverişli şərait yaradırdı.
Milli özünəməxsusluğun və tarixi ənənələrin nəzərə alınmaması
daxili siyasətdə ƏXDP rəhbərliyinin buraxdığı ən böyük səhv idi.
Bu işdə sayı durmadan artan, getdikcə bütün partiya və dövlət
strukturlarını, hətta yerli hakimiyyət orqanlarını əhatə edən sovet
müşavirlərinin payı az deyildi. Heç bir xüsusi hazırlıq keçmədən
və yerli şəraiti bilmədən Əfqanıstana ezam olunan bu müşavirlər
ölkədə sovet idarəçilik modelinin tətbiqinə çalışır, bütün naqis-
likləri ilə birgə sovet təcrübəsini «əfqan yoldaşlara» ötürür, bir
çox hallarda isə onların funksiyalarını mənimsəyirdilər. Bunun-
la əlaqədar əfqan tədqiqatçısı Məhəmməd İkram Əndişməndin
yazdıqları maraq doğurur:
«Əslində Xalq Demokratik Partiyasının hökuməti, hətta
SSRİ-nin Əfqanıstana hərbi təcavüzündən öncə, «müşavirlər
hökuməti» idi. 1979-cu ilin iyun ayında mən Kabul universiteti
rektorunun imzası ilə əkinçilik və torpaq islahatı nazirliyinə bir
məktub apardım ki, öz monoqrafiyamda istifadə etmək üçün
Bəğlan vilayətində suvarma və dəmyə əkinçiliyinə yararlı tor-
paqların sahəsi barədə məlumat əldə edim. Bu işlə məşğul olan
məmur məktubu məndən alıb sovet müşavirinin yanına getdi
və məsələni tərcüməçi vasitəsilə ona anladıb icazə istədi. Müşa-
vir ona icazə verdi, sonra o, otağına qayıdıb məktubun üstündə
müvafiq şöbəyə yazdı ki, Bəğlanın əkin sahələri barədə mənə
məlumat verilsin» [127, 75-76].
Müşavirlərə bu cür münasibət və itaət heç də əsassız deyildi.
Belə ki, yerli məmurların (eləcə də hərbçilərin və partiya funk-
Dostları ilə paylaş: |