425
Nümunə götürülən spirt partiyasında spirtin miqdarı, dal;
Sisternin nömrəsi;
Spirtin keyfiyyəti haqqında sənədin nömrəsi;
Göndərilmə aktının nömrəsi;
Nümunənin götürülmə tarixi;
Nümunə götürən şəxsin soyadı və imzası.
Spirt sınağa göndərildikdə müəyyən olunmuş qaydada
nümunənin götürülməsinə dair akt tərtib olunur.
5964-93 saylı QOST-a uyğun olaraq məhsulun sınağında
aşağıdakı analizlər yerinə yetirilir.
Doldurmanın tamlığı. Butulkaya doldurulan içməli spirt üçün
nəzərdə tutulur (QOST 5363).
Orqanoleptik göstəricilər: rəng və şəffaflıq (təhlil olunan spirt
keçən işıqda gözlə baxılmaqla destillə edilmiş su ilə müqayisə
olunur); dad və iy (orqanoleptik qiymətləndirmə).
Etil spirtinin qatılığı – standarta uyğun (QOST 3639) təyin
edilir.
Spirtin təmizliyi. Metodun əsasında spirtdə olan kənar
qarışıqlarla qatı sulfat turşusunun reaksiyaya girməsi durur.
Furfurolun mövcudluğu. Təyin olunan furfurolun anilinlə
qarşılıqlı təsirindən rəngli məhlun əmələ gəlməsinə əsaslanır.
Oksidləşmə. Metod spirtdəki kənar üzvi qarışıqların, kalium
permanqanatla oksidləşmə reaksiyasına və sonra fotoelektro-
kolorometrdə rəng intensivliyinin müəyyən olunmasına əsaslanır.
Standartda həmçinin etalon məhluldan istifadə edilməklə
digər metod da nəzərdə tutulur ki, bu halda kalium permanqanatla
reaksiyadan sonra alınan məhlulun rəng intensivliyi enalonla
müqayisə edilir.
Aldehidlərin kütlə qatılığı. Təyin olunmanın əsasında
aldehidlərin fuksinsulfid reaktivi ilə reaksiyası durur.
Sivuş yağlarının kütlə qatılığı. Analiz sulfat turşusu iştirakı ilə
ali spirtlərin salisil aldehidi ilə reaksiyasına əsaslanır.
Turşuların kütlə payı. Turşuların titrlənməsinə sərf olunan
natrium hidroksid məhlulunun miqdarı ilə müəyyən olunur.
426
Doymuş efirlərin kütlə payı. Metodun əsasında doymuş
efirlərin natrium hidroksid məhlulu ilə yuyulduqdan sonra
titrometrik metodla təyininə əsaslanır.
Metil spirtinin həcm payı. Tədqiqat etalon məhlulun rəngi ilə
metil-spirtinin kalium permanqanat və sulfat turşusu ilə
oksidləşmə reaksiyasında əmələ gələn tədqiq edilən məhlulla
müqayisəsi yolu ilə yerinə yetirilir.
Etil spirtinin və arağın tərkibində toksiki mikroqarışıqları –
aldehidlər, sivuş yağları mürəkkəb efirlər və metil spirtini təyin
etmək üçün qazxromatoqrafiya analiz metodunun tətbiqinə
əsaslanan 30536-97 saylı QOST-dan istifadə olunur.
Spirtin uçucu qarşıqları arasında 70-dən çox müxtəlif
birləşmələr tapılmışdır. Kimyəvi tərkibinə görə eyniləşdirmədə
onlar ali spirtlər, aldehidlər, efirlər, turşulara bölünür. Son
zamanlar həmçinin spirtin dad və ətrinə əsaslı şəkildə təsir
göstərən azotlu və kükürdlü birləşmələr tapılmışdır. Sivuş yağı
spirtləri qıcqırma prosesinin əlavə məhsulları kimi əmələ gəlir.
Onlara etil spirtinə nisbətən daha çox sayda karbon atomuna malik
biratomlu spirtlər aiddir. Burada həm normal quruluşlu n – propil,
n – butil, n – amil və s. olmaqla nonanola qədər, həm də zəncirvari
quruluşlu – izopropil, ikili propil, izobutil, izoamil və b.
tapılmışdır. Spirt istehsalatında ikidən çox karbon atomuna malik
spirtləri adətən ali spirtlər adlandırırlar ki, bu da sırf kimya
nöqteyi-nəzərindən tam dəqiq sayıla bilməz.
Sivuş yağlarında miqdarı üstünlüyə optik fəal və qeyri-fəal
izoamil spirtləri; nisbətən az n - amil spirti olur. Az miqdarda isə
butil, propil və digər spirtlər olur.
Aldehid və ketonlar qıcqırmada əmələ gəlsə də, onların
miqdarı braqorektifikasiya prosesində spirtlərin oksidləşməsi
hesabına arta bilir. İsti işlənmədə dən və kartofda furfurol yaxud
oksimetilfurfurol əmələ gələ bilir.
Əgər qüsurlu xammalda (texnologiya buna yol verir) istifadə
olunursa, o zaman əsas sirkə aldehidindən başqa formaldehid, yağ,
propion, izovalerian, diasetil və b. toplanır. Braqa kənar
427
mikroorqanizmlərlə yoluxduqda, həmçinin melassadan alınan
spirtdə aldehidlərin nisbi miqdarı yüksəlir.
Mürəkkəb efirlər qıcqıran şirədəki spirtlər və turşuların qarşı-
lıqlı kimyəvi çevrilmələrinin məhsuludur. Onların toplanması
həmçinin braqorektifikasiya mərhələsində də mümkündür. Daha
çox miqdarda sirkə etil efiri, az miqdarda propion, qarışqa, yağ və
digər turşuların efirləri tapılır.
Uçucu turşular mayaların və braqanı yoluxduran kənar
mikroorqanizmlərin həyat fəaliyyəti məhsuludur. Daha çox sirkə
turşusu rast gəlsə də, az miqdarda olsa da propion, yağ, izovalerian
turşuları (xüsusilə də melassadan alınan spirtdə) təsadüf edilir.
Azotlu maddələrdən daha çox səciyyəvi olanları ammonyak
və aminlərdir. Onlar melassadan alınan spirtdə daha çox miqdarda
tapılır. Kükürdlü birləşmələr (kükürd di oksid, hidrogen sulfid,
merkaptan) əsasən melassadan alınan spirtdə əmələ gəlirlər.
Melassadan alınan spirti polad rezervuarlarda uzun müddət
saxladıqda onda sulfoturşular və sulfat turşusu tapılır. Sonuncu iki
qrup birləşmə spirtin analizində normalaşdırılmır və yalnız
orqanoleptik göstəricilərə təsir göstərir.
Bir sıra qarışıqlar müəyyən növ xammaldan alınan spirt üçün
səciyyəvidir. Məsələn, terpenlər yalnız dənlilər və kartof
xammalından alınan spirtdə tapılır. Bu spirtlərdə həm də çoxlu
metil spirti toplanır. Melassadan alınan spirt üçün ammonyak,
sulfitli birləşmələr, dietil efiri səciyyəvidir.
Spirtin hətta az qatılıqda qarışığı belə bu və ya digər dərəcədə
spirtin və ondan alınan arağın orqanoleptik göstəricilərinə təsir
etməyə kifayət edir.
Metil və propil spirtləri az miqdarda dadda hiss olunmasa da,
onlar etil spirtindən xeyli zəhərli olub, insan orqanizmində
toplanaraq ciddi zəhərlənmələr törədə bilir.
Furfurol çovdar çörəyinin xoşagələn iyinə malik olsa da, o da
həmçinin toksiki və kansorogendir. Digər aldehidlər kəskin tam və
yandırıcılıq verir. Xüsusilə xoşagəlməyən iyi və yandırıcı dadı
akrolein və kroton aldehidi verir.
Dostları ilə paylaş: |