Elbəyi CƏLALOĞLU
130
X V I F Ə S İ L
Getməyin vaxtı
Konyada mütəmadi olaraq mövləvi dərsləri keçirilir, sə-
ma rəqsləri qurulur, günbəgün Mövlananın və Şəms Təbri-
zinin müridlərinin sayı artırdı. Mövləvi olmaq istəyənlər
əsas etibarilə Mövlanaya üz tuturdular. Bu səbəbdən də hər
iki dahinin qayğıları artmışdı, onlar daha gərgin işləyirdilər.
Buna baxmayaraq, Şəms Təbrizinin başına gələn macəralar
bir-birini əvəz edir, bədxahları onu rahat buraxmırdılar.
Onun barəsində gəzən dedi-qodular demək olar ki, səngi-
mirdi. Son vaxtlar ona “bəddualıdır”, “dili qarğışcıldır” de-
yənlər də vardı, lakin əksəriyyət Şəms Təbrizini dövrün öv-
liyası, Xəlilullah – Allahın dostu hesab edib, “Allah onun
dediyini tez eşidir” deyə buna bənzər ifadələrlə özlərini ona
inandırmışdılar. Xoşagəlməz söz-söhbətlərdən Mövlana Cə-
laləddin daha çox ehtiyat edirdi. Çünki o gecə Şəms Təbrizi-
nin getmək istədiyini deməsi Mövlananı narahat edirdi və
bunun gerçəkləşəcəyi onu qorxudurdu. Ona görə də, Möv-
lana Cəlaləddin bir tərəfdən Şəms Təbriziyə təsəlli verir, di-
gər tərəfdən də onun bədxahlarına ismarıc göndərir, müra-
ciətində və söhbətlərində onlara səhv düşüncədə olduqları-
nı anladırdı. Mövlana Cəlaləddinin özü isə Şəms Təbrizi ilə
təklikdə oturmaqdan, onu az qala sonzuzluğa qədər dinlə-
məkdən doymur, təfəkküründən daha çox faydalanmağa
çalışır, eləcə də, bütünlüklə mürşidinə bənzəməyə, onun
kölgəsi olmağa can atır, onun oduyla alışmağa çalışırdı...
Bütün bu hadisələr 1248-ci ilin dekabrına qədər sürdü.
Amma bu zaman Şəms Təbrizini sevməyənlər bir az da fəal-
laşmışdılar. Hətta onlar bir gecə Şəmsin getdiyi yola çəpəki
Eşq dənizləri qovuşanda
131
olaraq kəndir bağlayıb onu yıxmışdılar da. Lakin nədənsə
onlardan heç biri Şəmslə üz-üzə gəlməyə cürət etmirdilər,
bəlkə də onun lənətinə gəlməkdən qorxurdular. Əslində,
Şəms Təbriziyə kin bəsləməyə onun bədxahlarının əlində
heç bir dəlil də yoxuydu. Bu münasibət sadəcə dayazdüşün-
cəlilərin, gerizəkalıların əməlində, dilində və beynində ar-
zuolunmaz bir ənənəyə çevrilmişdi...
Axşam düşmüşdü. Şəms Təbrizi və yaxın dostları bir
qədər əvvəl mədrəsədən gəlib Mövlanagildə toplaşmışdılar.
Şəms Təbrizi həmişəki kimi bu gün də heyranları qarşısında
ağzından dürlər, üzündən nurlar saçmışdı. Onun müridləri
və alimlər artıq ənənə halını almış heyranlıqlarını gizlədə
bilməmişdilər. Səlahəddin Zərkub onun ayaqlarına döşənib
özündən getmişdi. Bu zaman Mövlana Cəlaləddin Rumi də
bir vaxt özünün eyni halı keçirdiyini xatırlamışdı...
Cümə axşamı günü olduğundan onlar Kimya xatunun
ruhuna dualar oxudular, övliyaların, pirlərin, mürşidlərin
adlarını andılar və Allahdan cəmi ölənlərə rəhmət dilədilər.
Axşam namazından sonra söhbətə başladılar.
Son zamanlar baş verənlərlə bağlı Şəms Təbrizidə ya-
ranmış ruh düşkünlüyü hamını narahat edirdi. Ona qarşı
edilmiş ağlasığmazlıqları isə nə qədər çalışsalar da, nə məd-
rəsədə, nə də ətrafda yaşayanlardan heç kəs boynuna alma-
mışdı. Müzakirələrin arasında Şəms Təbrizi boğazını arıtla-
yıb, qəmgin halda dilləndi:
– Mən buradan birdəfəlik yoxa çıxacağam, məni heç
yerdə tapmayacaqsınız. Sizə nə vermişəmsə halal haqqınız-
dır, – onun bu sözünə Mövlana dözə bilmədi və sarsılmış
halda dilləndi:
– Mənim sizə məsləhət verməyim çox ayıbdır, lakin de-
məliyəm ki, dənizin üstündə çör-çöp də gəzər, bundan ona
xələl gəlməz. Mən özümü sənsiz təsəvvür etmirəm, sən get-
sən mənim halım necə olar, mən səni harada axtaracam?
– Bu dəfə çöx uzaqlara getməliyəm, amma sizə hamıdan
yaxın mən olacam. Məni axtarmağa lüzum yoxdur. Bizlərin
heç qəbri də olmaz, yerimiz aşiqlərin, qəbrimiz ariflərin
Elbəyi CƏLALOĞLU
132
könlündədir. Məni görmək istəsəniz öz sözlərinizdə, dü-
şüncənizdə, əməlinizdə axtarın, onda görəcəksiniz. Allahla
vəhdətə nail olsanız hər an yanınızda olacam. Cəlaləddin
mənim bütün dediklərimi özünə əxz edib, mən istəyimə
nail olmuşam. Ona görə də, burada olub-olmamağımın o
qədər də fərqi yoxdur, çünki mən elə ondayam. Mən bütün
vəlilikləri babam Məlikdaddan və şeyxim Əbu Bəkr Səlləbaf
Təbrizidən aldım, lakin məndə şeyximin və heç kimsənin
görmədiyi bir şey vardı. Onu yalnız xudavəndigarım Möv-
lana Cəlaləddin gördü. Mən yaşca bir igidin ömrü qədər
Cəlaləddindən böyük olsam da, biz qəlbən həmyaşıq, o,
mənim təfəkkür, əqidə, bilik, ruh və mərifət qardaşımdır, –
bu sözləri Şəms Təbrizi dedi. Hamının bir üzündə heyrət,
bir üzündə narazılıq ifadə olunurdu. Əyləşənlərin heç biri
onun getməsini arzulamırdı, onlar çox doğmalaşmışdılar.
Şəms Təbrizinin yoxluğunu Mövlana özü üçün hesabagəl-
məz bir fəlakət sayırdı.
Söhbətlər vaxtı əjdaha kimi udurdu, gecədən xeyli keç-
mişdi. Birdən bayırdan gözlənilməz bir səs eşidildi. Hamı
bu qəribə səsin Şəms Təbrizini çağırdığını güman etdi. La-
kin əgər beləydisə, bu kim ola bilərdi? Əyləşənlər sual dolu
baxışlarını bir-birinə zillədilər. Sultan Vələd yerindən durub
çıxmaq istədi, lakin Mürşidi-kamil onu saxladı və dedi:
– Oğlum, məni çağırdılar, getmək vaxtımdır, – o bunu
deyib üzünü Mövlanaya çevirərək gülümsünmüş sözünə
davam etdi:
– Məni öldürməyə çağırırlar, vaxtdır, – o, sözünü bitirən
kimi, Mövlana da eyni təbəssümlə Qurandan sitat gətirdi:
– Qalx və əmr onundur! – Mövlana nədən belə dediyini
heç özü də kəsdirmədi, sonra isə, – Allah bilən məsləhətdir,
– deyərək azca gülümsündü. Lakin məsələnin bu qədər cid-
di olacağı heç kəsin ağlına gəlməmişdi.
Şəms Təbrizi durub otaqdan çıxdı. Əyləşənlər onun az
sonra qayıdacağını gözlədilər. Lakin çox keçməmiş onlar
fəryada bənzər səs eşitdilər. Hamı ani vaxtda durub bayıra
çıxdı. Həyətdə Əlaəddin və onun bir neçə dostlarından baş-
Dostları ilə paylaş: |