Elbəyi CƏLALOĞLU
124
kəs hansı toxumu əkdiyini bildiyindən, nə əldə edəcəyini də
gözəl bilir.
Tanrı insanın sirlərini meydana çıxarır, ona görə də, ma-
dəm ki, bitəcək, pis toxum əkmə! Günəşin istisi və yağış,
sirləri torpağın altından çıxarır. Yarpaqların tökülməsindən
sonra gələn bahar qiyamətin varlığına bir dəlildir. Könlünü
incidən hər qəm içdiyin “şərab”ın təsiriylədir. Fəqət hara-
dan biləcəksən ki, o baş ağrısı hansı şərabdan meydana gəl-
di. Baş ağrısının hansı ağacın meyvəsindən olduğunu iti ağ-
lı, doğru fikiri olan anlayar. Bitki toxumdan əmələ gəlsə də,
ona bənzəməz, insan da belədir. İbadət də əbədi cənnətə
bənzəməz. Kafirlər peyğəmbərlərin kilsələrdə çəkilmiş
rəsmləriylə kifayətlənərlər. Fəqət o ay parçaları bizim üçün
apaydın olduğundan rəsmlərinə heç gözucu da baxmarıq, –
Şəms Təbrizi bu sözləri dedikdən sonra əlini çaya uzatdı.
Bu gün susuzluq onu təngə gətirmişdi, tez-tez ya çay, ya da
su içirdi, o, bilmirdi ki, ondakı bu susuzluq axşam içdiyi nə-
bizin təsiriylədir, yoxsa dünənki hadisəylə bağlı əsəbləşdi-
yindən. Bunlara baxmayaraq, Şəms Təbrizi yarımfikirli hal-
da zalda əyləşənlərə göz gəzdirib, söhbətinə davam elədi:
– Hərkəs hərkəsə bir loğma yemək verə bilər, canlılara
boğaz bağışlamaq isə ancaq Tanrı işidir. Tanrı öz bəndəsinə
boğaz verməkdə xəsislik etməyibsə, imkanlı insanın imkan-
sıza çörəyi belə qıymadığının günahının nə böyüklükdə ol-
duğunu təsəvvür etmək çətin deyil. Tanrının lütfü su içib ot
bitirməsi üçün torpağa, torpaqdan bitən otları yeməsi üçün
isə torpaqdan yaranan məxluqlara boğaz ehsan etmişdir.
Heyvan da otları yeyib sinirdikdən sonra insana qida olur.
Fəqət, öz ruhu ilə görüş vaxtı sona çatıb, ondan ayrılanda,
insanı da torpaq yeyir. Bilin ki, bütün aləm yeyən və yeyi-
ləndən ibarətdir. Allahın yaratdığı bütün məxluqata cani-
könüldən lütf etmək Haqqla olmaq deməkdir. Haqqa bağlı
olanları da Haqqa yönəlmiş və Haqqın məqbulu olmuş bil!
Buna görə də, zərrə qədər gördüyün iş sənin ədəbini və hə-
yanı artırırsa, eləcə də dostundan zərrə qədər daha ədəbli-
sənsə bunun Tanrının lütfü və ehsanı olduğunu bil! O bir
Eşq dənizləri qovuşanda
125
zərrə qədər olan fərq sənin qədrini daha da artırar. Kim qo-
xu almazsa burunsuzdur, qoxu da ancaq din qoxusudur. Bir
qoxu hiss edib onun şükürünü əta etməyən kimsə küfranı
nemət etmiş və öz burnunu məhv etmişdir. Həm şükür et,
həm də şükür edənlərə qul ol! Quranın mənasını ancaq Qu-
randan, yaxud havasını və həvəsini Quran üçün atəşə ver-
miş, ruhu Quran kəsilmiş adamdan soruş! Əgər yağ gülün
tərkibindədirsə, istər onu gül kimi qoxla, istər yağ kimi, fərq
etməz. Zamana bağlı olan kəslər əcələ qədər yaşayır, İlahi
eşqinə bağlı olanlar isə əbədiyyətə dost, əzələ yoldaşdır.
Unutmaq olmaz ki, uca Allah insanın başını həyadan,
burnunu əmhəbin ənbərindən, qulaqlarını ibrətdən, dil və
dodaqlarını zikrdən, ağzını nurdan, boğazını behiştin balın-
dan, qəlbini vəfa və mərhəmətdən, qollarını qüvvətdən, əl-
lərini səxadan, barmaqlarını səbirdən, bədənini cənnətin
müşkündən, sümüklərini behiştin kafurundan – dəfnə ağa-
cından, qalibiyyət çələngindən, qədəmlərini isə ibadətdən
yaratdı. Ona görə də, hər bir yaranmış öz kökünün və mən-
şəyinin aynası olmağı bacarmalıdır.
İmanın varkən ümidsizliyə qapılmazsan. Qəm dolu dü-
şüncələr, kədər dolu fikirlərin sənin nəşə yolunu kəsdiyini
düşünmə! Üzləşdiyin ifrat çətinliklər həqiqətdə sənə yeni
nəşələr hazırlamaqdadır. O, yeni bir sevincin, yeni bir nəşə-
nin gəlməsi üçün sənin qəlb evini möhkəmcə süpürür, sa-
ralmış yarpaqları yığıb atır ki, onların yerində yaşıl yarpaq-
lar bitsin. Tanrının möcüzələri hesaba gəlməzdir. Məsələn,
torpağı başa vursan baş yarılmaz, su da elə, lakin suyu tor-
pağa qatıb kəsək düzəltsən, o, başı yarar. Bundan daha sirli
birləşmələr var ki, onu nə qulaq duyar, nə göz görər, – Şəms
Təbrizi bir anlıq yenə dayandı, bir qurtum çay aldı və bu
sözlərlə söhbətinə ayaq verdi:
– Deyilən hər söz, atılan hər addım düşünülmüş, ölçülü-
biçili olmalıdır, məntiqsiz və boş-boş deyilən sözlər, əsassız
fikirlər, yararsız əməllər imansızlıqdan doğar. Ona görə də,
ya doğru ol, doğruluğunu göstər, ya da sus və mərhəmətə
yetiş!..
Elbəyi CƏLALOĞLU
126
Mədrəsədən çıxarkən dostları Şəms Təbrizini dövrəyə
almışdılar, hər kəs dünən baş verənlərə münasibət bildir-
məyə can atırdı, lakin Şəms Təbrizinin eyni açılmırdı. Təbii
ki, çox sevdiyi, hələ o qədər də dadını-duzunu ala bilmədiyi
arvadını itirmişdi, bir tərəfdən də Əlaəddinin ağılasığmaz-
lıqları, üstünə də gəl dünənki hadisə onun qanını qaraltmış-
dı. Bunların hamısı Şəms Təbrizinin beynində ona hücuma
keçən arı kütləsinə bənzəyirdi. Mövlana Cəlaləddin çox tə-
kid etsə də, Şəms Təbrizi onların evinə getmək istəmədi və
öz evinə tərəf üz tutdu. Bu zaman Hüsaməddin, Bahaəddin,
Səlahəddin ona qoşuldular və Şəkərfuruşan məhəlləsinə
doğru irəlilədilər. Lakin onlar dünənkindən də betər bir ha-
disəylə üzləşdilər...
Onlar evin tininə yaxınlaşanda cingiltili səslər eşitdilər.
Bu səs ancaq itin boğazına bağlanmış zəncirdən gələ bilərdi.
Doğrudan da onlar evə çatanda qapının qıfılına zəncirlə
bağlanmış səfil bir it gördülər. Bu hadisə hamını çaşdırdı.
Şəms Təbrizi fikrə getdi, səbir nümayiş etdirdi və birdən o,
– deyəsən mənim Konya yolçuluğum sona çatdı, mən get-
məliyəm, – dedi. Heç kəsdən səs çıxmadı. Qonşulardan biri
bunu bir neçə naməlum gəncin etdiyini söylədi. Sultan Və-
ləd iti açıb buraxdı. Bundan sonra onlar qüssəli halda evə
daxil oldular...
Hamı xalçanın üstündə bardaş qurub oturmuşdu. Bir
qədər sükutdan sonra qızgın müzakirələr, söhbətlər başlan-
dı. Əvvəlcə Səlahəddin Zərkubun səsi eşidildi:
– Maraqlıdır, bu yaramazlıqların başında kim durur,
doğrudanmı bu işdə Əlaəddinin suçu var? – bu sözdən son-
ra hamı bir-birini nəzərdən keçirdi, Şəms Təbrizi isə sol əli
qoynunda, sağ əlini də üzünə dayayıb düşüncələrə qərq ol-
muşdu. Bu zaman Hüsaməddin Çələbi söhbətə qarışdı:
– İnana bilmirəm ki, Əlaəddin belə bir ağılasığmaz hərə-
kətə yol versin, – bu sözdən sonra Sultan Vələd yerində
qurcalanaraq:
– Amma Əlaəddin Kimyanın ölümünə səbəbkar olaraq
birbaşa Mürşidi-kamili təqsirləndirir. Atam ona hər şeyi an-
Dostları ilə paylaş: |