Eşq dənizləri qovuşanda
121
X V F Ə S İ L
Sahibsiz suç
Qışın orta ayı idi. Qara qış öz gücünü təbiətə göstərmək-
də olsa da, günbəgün gecə qısalmaqda, gündüz uzanmaqda
davam edirdi. Konyalılar isə qışın şıltaqlığını bir atalar sö-
zünə söykənərək belə qiymətləndirirdilər, – qarışqanın ölü-
mü yaxınlaşanda qanad çıxardar. Çünki təbiət həmişəki sal-
qarla bahara doğru irəliləyirdi.
Həmin vaxt Kimya xatunun qırxı da, əlliikisi də çıxmış-
dı. Torpağın üzüsoyuqluğu həyatda mərhumənin yaxınla-
rında özünü büruzə verməkdə idi. Təbii ki, həyat davam et-
məkdə, hər kəs öz işində-gücündə, sənətkarlar da sənət
fəaliyyətində idi. Lakin baş verən bu cür hadisələr bəzən ki-
minsə qəlbində uzunmüddətli, sarsıdıcı iz də aça bilir. Kim-
yanın vaxtsız ölümü də Əlaəddin Çələbiyə elə bu şəkildə tə-
sir etmişdi. O, Kimyanın Şəms Təbrizinin qəzəbinə tuş gəl-
diyini atasından eşitmişdi. Elə buna görə də, Əlaəddinin
qəlbində Şəms Təbriziyə qarşı kəskin nifrət baş qaldırmışdı.
O, son zamanlar bu hisslərini dostlarına da danışmışdı. Əl-
bəttə ki, Şəms Təbrizinin bədxahları qismində bulunanlar
ələkçinin qıl verəni kimi Əlaəddini daha da qalayır, bir baş-
qaları isə ona bu fikirdən yayınmağını tövsiyə edirdilər.
Əlaəddinin Şəms Təbriziyə kəskin nifrət bəsləməsini onun
qardaşı Bahaəddin Vələd də duymuşdu. Bahaəddin Vələd
qardaşını danlamaqla kifayətlənməyib, atasını da bundan
xəbərdar etmişdi. Mövlana Cəlaləddin Şəms Təbrizinin kim
olduğunu, onun ictimaiyyət üçün nə qədər yararlılığını
Əlaəddinə anlatmağa çalışırdı və Kimya xatunun ölümünü
də qəza və qədərlə bağlayırdı. Lakin Əlaəddin Çələbi atası-
Elbəyi CƏLALOĞLU
122
nı susmağı ilə müşaiyət etsə də, nifrətini qəlbindən heç cürə
çıxara bilmirdi...
Bir gün Şəms Təbrizi Mövlana ilə mükalimələrini bitir-
dikdən sonra evə qayıdırdı. Hava artıq qaranlıqlaşmışdı. O,
xeyli getmişdi ki, bir küçədə dayanmış qaraltını aralıdan
gördü və onu bir qədər seyr etdi. Qaraltı onun yaxınlaşdığı-
nı görüb dərhal tində gözdən itdi. Nədənsə bu qaraltı onu
şübhələndirmişdi. Şəms Təbrizi həmin yerdən keçəndə heç
kimi görmədi, lakin bir az uzaqlaşdıqdan sonra arxadan
onu daşa tutdular. O, bunun Əlaəddinin işi olduğunu dü-
şündü və addımlarını yeyinlədərək özünü evə çatdırdı.
Daşların heç biri ona toxunmamışdı. Ertəsi gün Şəms Təbri-
zi bu hadisəni Mövlana Cəlaləddinə nağıl etdi və onun kiçik
oğlundan şübhələndiyini dedi. Mövlana Cəlaləddin bunu
oğlundan soruşsa da, oğlu hadisədən xəbəri olmadığını bil-
dirdi. Mövlana oğlunun dediklərinə tərəddüd etdi və onun
cavabını birmənalı qarşılamadı. Buna görə də, o, Kərra xa-
tundan oğlu Əlaəddini gözdən qoymamasını xahiş etdi və –
heç bir kərə də görmədim ki, Əlaəddin yararlı barmağı işə
yaratsın, – deyə gileyləndi. Bundan sonra hər iki dahi məd-
rəsəyə yollandılar. Mövlana Cəlaləddin Rumi Mürşidi-ka-
mili dinləmək məqsədilə öz dərsini günün ikinci yarısına
salmışdı. İndi onun da iştirak etdiyi dinləmədə Şəms Təbri-
zi dünən baş verənləri unutmağa çalışaraq təsəvvüf söhbət-
ləri etməyə başladı:
– Dünya axirət ərlərinə, axirət də dünya ərlərinə haram-
dır. Dünya ərləri üçün yaxşılıq sayılan əməllər Tanrıya ya-
xın adamlar üçün günah sayılar. Tanrı qədəhindən şərab
içib sərxoş olan kəs heç ədalət və doğruluqdan başqa bir şey
edərmi?! Bir ulu adamın süfrəsi başında pis zənnə düşmək
və hərislik etmək küfrdür. İnsanın beyni qonaq evinə, çeşid-
li düşüncələri isə qonaqlara bənzəyir, sən onların arasından
ən yaxşısını, ən sədaqətlisini seçməkdə pərgar olmalısan.
Bədən qursağı insanı samanlığa, könül qursağı reyhanlığa
çəkər. Ot və arpa yeyən qurban, Tanrı nuru ilə qidalanan isə
Quran olar!
Eşq dənizləri qovuşanda
123
Könlü yaralı bir ana, yeni ölmüş övladının məzarına
ürəyini açar, sirrini söylər, cansız torpaq ona diri kimi görü-
nər. Ana oğlunun məzarının torpağına üzünü-gözünü sür-
tər, gözyaşlarını tökər, lakin o, diriykən oğluna bu qədər
can yanğısı ilə üz-gözünü sürtməmişdir. Fəqət bu bədbəxt
hadisədən bir neçə gün keçəndən sonra ananın can yanğısı
sönür, çünki ölüyə qarşı eşq əbədi olmaz! Sən cana canlar
qatan dirini sev! Acı keçəndən sonra məzarın qarşısında
durmaq yorğunluq və yuxu gətirər. Cansız bir şeydən an-
caq cansız bir şey doğar. Atəş sönsə, yerində kül qalar, –
Mürşidi-kamil bunları dedikdən sonra qısaca fasilə verərək
çatılmış qaşlarının altından ətrafa nəzər saldı. Lakin o, bu
hikmətli ifadələri nəyə görə bir qədər hiddətlə və
övkələnmiş işlətdiyini heç özü də bilmədi, onda bir küskün-
lüyün baş verdiyi isə Mövlana Cəlaləddinin gözündən ya-
yınmırdı. Şəms Təbrizi sözünə davam etdi:
– Nuru olmayan könül yox kimidir, ruhu olmayan bə-
dən torpaqdır. Çalış, çabala nurdan sərxoş ol ki, sözündən
Tanrı nuru axsın. Bəhməz içində qaynadılan bir şey bəhməz
ləzzətini verər. Bilgilərin nura qarışarsa inadcıl və pis adam-
lar bilgindən nur alar və onun inadı sınar. Pir saqqalı ağ
olan deyil, yüz minlərlə ümidsizin əlindən tutandır, borclu-
nun borcunu ödəyəndir. Zəkat verilməyincə yağış buludu
gəlməz, zinadan dolayı da ətrafa vəba yayılar. İnsan həqiqi
sevgisinə qovuşanda təsəvvür belə edilməyən, təsvirə gəl-
məyən həqiqət meydana çıxar. Ağlın və ağıllının da, sərxo-
şun da əslinin əsli Allahdır. Aşiqlərin şərabı könül qanıdır.
Ayrılıq aləmində – maddi dünyada eşqin surətlərə düzdü-
yü gözəllik Allahın əksidir. İnanmış adam ona deyərlər ki,
hər xüsusda kafir belə onun imanına həsəd aparsın. Zahid
işin sonunu düşünür, sorğu-hesab günü halı necə olacaq de-
yə qəm çəkir. Ariflər isə başlanğıcdan, öndən xəbərdardır,
sonu düşünməkdən isə qurtulmuşdur. Ariflərdə arif olun-
caya qədər qorxu da vardı, yalvarış da, lakin Tanrı təqdirni
bildiyindən, işin önündən xəbərdar olduğundan bu bilgi
onlarda hər iki əlaməti aradan qaldırmışdır. Yəni arif olan
Dostları ilə paylaş: |