67
Sevinən, məhəbbətlə sevən insanın içindən,
əhvali-ruhiyyəsindən təbiətə, təbiət hadisələrinə
münasibət ifadə olunub şeirdə. Bir yay axşamıdır,
bürkülü bir yay axşamı. Lirik “Mən”in ürəyi çinar
yarpaqları tək titrəyir. Niyə? Çünki onun əhvalı
başqadır. Bu səbəbdən “sərçələr ona ayın işığını
içən kimi görünür”. Doğrudan da, sərçə səsi,
oxusu xəyalda elə işıq, xırdalanmış, çiliklənmiş
işıq təsiri oyadır – yeni assosiasiya duyumu
yaradır. Çinar budaqları, həmin budaqlara topa
qonmuş sərçələrdən sanki çiçəkləyib – sərçələr öz
rəngi, səsi, görümü ilə sanki sıx, xırda gülləri olan
çiçək topasını xatırladır. Ayın işığını içən təkcə
sərçələr deyil, həm də lirik “Mən”in sevgilisidir.
Ay işığını içmiş sevgilisini görən küçələr, yollar
sanki yüyürüb dünyanı qucaqlayır. O yay axşamı
bənövşə qoxuludur. Göylər dibsiz, yerlər sanki
yoxdur – dünya lirik “Mən”in yüksələn xəyalında
belədir. Çinarlar göylərin yeddi qatındadır. Ağ atlı
oğlan ağ yel atındadır. Biz də yüksələn,
qanadlanan
xəyalımızla
üzürük
–
üzürük.
Fikrimizcə, şeir burada qurtarmalıdır. Sonra şeiri
davam etdirməyə lüzum yoxdur. Çünki şairin
sonrakı misraları poetik siqlətcə zəifləyir.
P.Qəlbinur qızılgülü (“Qızılgül”) torpağın
həyası,
isməti,
Leylinin
sağ
əli
kimi
əyaniləşdirməsi də mənalıdır. Sənətkarın “Yuxu”
şeirində isə təsvir və təhkiyə daha moderndir.
Şeirin mövzusu yuxudur, ideya günün, zamanın,
vaxtın əzabıdır. Şair yuxunun qarma-qarışıq,
qeyri-adi, real yox, süliet: kəllə, güllə, torpaq
şəkilli olmasının obrazını yaradır. Oyum-oyum
68
olmuş kəllənin zaman ağlını yellərə verib, yana-
yana qalıb, isti qanla sulanmış güllə köçü məskən
salıb. Şairin narahatlığının səbəbi aşkardır: Köç!
Bəlli həqiqət! Qanı çəkmiş torpaq qaralıb –
zamanın tavasında qovrulub, gicitkən dalamış
qəzəb – tarıma çəkilmiş tonqal – ürəklərin
yandığı, qalandığı od-ocaqdır. Bütün bu təsvir-
obrazlarda qədimlikdən gələn geniş zaman poetik
ifadə olunmuş, təbii və orijinal məcazlar
işlədilmişdir! Bu təsvirlərdə zaman həm uzaqdır,
həm də yaxındır, gərilən və açılandır. Bu zaman
real olan qeyri-adi hissiyyat və dərketmədə,
təhtəlşüurda, şüuraltı qatda yuxu təsiri, assosiyası
doğurub.
Cansız varlıqdan, təbiətdən alınmış obrazın
əyarı bir içim suyun ovucda titrəməsi, balıq olub
çabalamasıdır. Əldən, barmaqlar arasından axan
su əldə sustalan balıqdır. Yenidən dənizə tullanan
bir ovuc su – göz qabağında dirilən balıqdı –
çapaladı.
Təbiətdə, dünyada dəyişmələrin kəmiyyət və
keyfiyyət
şəkillərini,
dünyanın
itməməsi,
hərəkətdə, dəyişmədə olması, əzəlilik-əbədilik,
başlanğıcdan gəlib – başlanğıca qayıdışın orijinal
bənzəyişləri var poetik mətndə. P.Qəlbinur
predmetin poetik əyarını, qiymətini “baha” verir,
yeni
dəyərdə
göstərir,
bənzərsiz.
Təbiət
mövzusunda cansız varlığa can – məna verir.
Bənövşənin obrazı – yarpağına dirsəklənib
düşünməsini şair onun gözündəki qaradan –
xəyaldan oxuyur – ayaq üstə qalıb düşündüyünü
görür.
69
“Üç yarpaq” şeirində sükutlu və parıltılı olan
üç yarpağın obrazı ağcaqayının günəşə tuşlanmış
barmağında
üç
yaşıl
sədəfdir,
yam-yaşıl
zümrüddür,
qız
gözüdür.
Yarpağın
gözü
ağcaqanadın,
şairin
gözü
isə
ailə
üstündədir...Sənətkar duyumu, duyum gözəlliyi,
gözəlliyin cazibəsi hər dəfə sözə çevriləndə –
şeiriyyətin ülviyyəti ifadə olunanda, “transferans”
ediləndə şeir hər dəfə itirir.
“Borc” şeirində “dan” obrazının çox qatda
təsviri tamlaşma yaradıb. Zaman şiş qayaları, dik
burunları ovandır, şəlalə kimi lirik “Mən”in
üstünə tökülür – çiliklənir, çiliklənib qaralır. Lirik
“Mən”in yaddaşı oyanır. Bu oyanma sanki yanağı
qaraxallı bir insafsızın gülüşüdür (qaraxal –
gülüş). Xatirə dağlarını qar alır, başı üstündə
xəyal – bulud qaralır. Qara ilə gümüşünün
doğurduğu
obraz-assosiasiya,
təzad
dəyərləndirilir. Lirik “Mən”in məhəbbəti dağlara
– damlaların daş bağrını oyduğu dağlara qısılıb
için-için ağlayır – şair kədərinə qahmar durur.
Lirik “Mən” bunu borc bilir – çünki qalan
məhəbbət əmanəti, dağlar haqqı lirik “Mən”də
saxlanılır – şairin bu haqqı qaytaracaq inamı,
ümidi var.
P.Qəlbinur rəngin təbii alımını sözün vasitəsilə
mümkün edir, təbiət halını həssaslıqla duya bilib,
onun poetik şəklini qavrayış və təsəvvürlə verir.
Reallıqla təsəvvür arasında insanın mücərrəd
kədər obrazı predmetləşdirilir.
“Sarı gül” şeirində bala sərçə obrazı sarı gülə
müncər olunur – Necə? Bala sərçənin sinəsində
70
döyünən ürək yox, yumurta sarısıdır. Ana sərçə
isə görünmür... Gözləmə sarı ətcə bala sərçəni sarı
gülə döndərir, – həsrət bir az da saralır.
P.Qəlbinur daha çox hissi-psixoloji olaraq
obrazlaşdırma aparır. Şair duyğu və düşüncələrini
adi, ənənəvi olanlardan, öz poetik predmetindən,
mövzu yeniliyindən keçirir və müvəffəq olur –
modernlik budur!
Qu obrazı yayın ortasında bir topa qardır,
gölün aynasında üzən “sual”dır. Həsrəti sulara
səpən qəriblikdir, – bənzətmə həm predmetli, həm
də mücərrəddir.
Qu – ağ gül şaqqanaq çəkib gülən göylərin
dodağından gölə düşən varlıq – gölün gözünün
ağıdır. (qarası qara qu).
Göl danışır – qırıq-qırıq sözləri ləpələrin sulu
dodaqlarında
pıçıltıyla
titrəyir,
ördəklərdən
düymələnən yaxası açılan göl – ay məməli suya
pıçıltıyla şeir deyir, “kəlmələri” çörək kimi ağ
quya, qara quya ovxalayır.
“Gecələr işığa sürtər üzünü” şeirində obraz
qərib balıqdır. Onun doğurduğu assosiasiya,
paralellər – balığın müncəri olan qəriblikdir,
anaların müncəri daşlar, göz yaşları, gecənin
müncəri isə ulduzlardır. Gecə işıqsızlıq, gündüz
işığın rəmzi kimi obrazlıdır. Mücərrəd olana isə
predmet,
məfhum
keyfiyyəti
vermək
isə
P.Qəlbinur şeirində poetik yetkinlikdir:
Gecə ulduzlara sürtəm üzümü
Gündüzlər işığa.