71
72
Emosiyanın, psixologizmin qəribə, gözlənilməz
təzahürü, təşbehləri olur. O, Paşanın şeirlərində
həmişə orijinal deyimə, təsvirə ciddi-cəhd edir:
Baxışıma tablamayan qız kimi.
Bilmirəm baxırlar hayana dağlar.
Yayın nəfəsindən al bir üz kimi
Lalədən qızarıb boyana dağlar.
(“Dağlar”)
Çox həssas müşahidə, predmeti yaxından
öyrənib bədii təhlilə cəlb etmə, onu daxili
komponentlərinə ayırıb təqdim etmə P.Qəlbinur
sənətində üslub keyfiyyətidir:
Gəlindir, duvağı başındakı qar,
Yaz gəlib, elə bil toyudur, ağlar
Sellər ruh oynadan bir cəngi çalar,
Qayalar qoşular oyuna, dağlar.
(“Dağlar”)
“Günlərin bir günü” şeirində Paşanın lirik
“Mən”i ürəkdən, içdən dinir, lirik, hissiyyatlı,
emosiyalı danışır, danışanda içindən nazilir,
içindən qırılır. Qışqıranda da içdən qışqırır, tez-tez
yox, təmkini itirəndə, özünü unudanda. Buna görə
də P.Qəlbinurun sənətində psixoloji romantika
çox, patetik romantika yox dərəcəsindədir.
Psixoloji
realizm
Paşa
poeziyasının
üslub
məziyyətidir:
73
Aya bax, döşünü sıxır gecəyə,
Yoxsa mən bu qədər havalanmazdım.
Bu aylı gecədə, – bu möcüzədə,
İtirdim özümü, itirdim, azdım.
Sənin nəğmələrin çılpaq qağayı
Sənin nəğmələrin udubdu ayı –
Dimdiyi işıqlı, bənövşə döşlü
Qağayı, ay qağayı!
P.Qəlbinurun
obrazlı
mənalandırmaları
müqayisədən, paralellərdən doğulur. Bədii mətnin
əvvəlində başladıqlarını sonunda tamamlayıb
mənalandırır: qaya daş, yaddaşdır, itirilmədir.
Mətnin əvvəlində və sonunda lirik “Mən” yollarda
daş olub qalır:
Yaxşı ki, Qobustan qayaları var –
Xalça, üzük ... olsa, aparardılar.
London muzeyində “Şeyx Sənan” kimi
Gözümün odunnan qoparardılar.
Yaxşı ki, Qobustan qayaları var –
Yoxsa torpağıma saxsı basdırıb
Yaşımı geriyə çəkən olardım.
Vallah, bacarmazdım, çocuq qalardım.
Yaxşı ki, sən varsan, Azərbaycanım –
Anam, mehribanım, fəxrim, Turalım...
Ruhum, ana dilim, son həyəcanım...
Sizsiz bu yollarda daş olum, qalım.
(“Qobustan qayaları”)
74
P.Qəlbinur ecazında lövhə də, idilliya
da bir
obyektiv görüntüdür. Epik ornamentlər şair
duyumu, obrazlılığı ilə birləşib nəqli sintaksislə
“hərəkət” məzmunu kəsb edir. Təşbeh – paralellər
əyaniliyi gücləndirir:
Təpələr – qız döşü, düzəngah – sinə,
Cüyürlər bulaqdan əmər dağları,
Dağlara çən düşür, çən düşür yenə –
Sürüşüb üstümə gəlir yaylığı.
Təşbeh gözlənilməzlikləri çoxdur P.Qəlbi-
nurun poeziya ecazında. Poetik yetkinlik də
budur:
Göy beşliyim – göz altında yumruq kimi
göyərir
Yadıma yuxusuz gecələr düşür...
Bir bulud ilişir
üç günlük aya
... Şabaş bir gözəlin əlindən düşür.
P.Qəlbinurun daha çox işlətdiyi obraz işıqdır.
Onun zərif lirikasında işıq halının min bir rəngini
duyuruq. Paşa işıq motivi ilə bağlı nə varsa şeirə
gətirir, – o həmişə mənzum formanı əsas götürür,
istisna hallarda nasiranə bir təhkiyə də verir:
Bir dünya işığına möhtac adam danışırdı ki,
tanış olmayan şəhər küçələrində tinə çatanda, ən
durğun havada belə, əsən xəfif (həzin) mehdən
bilirəm ki, keçiddi...
75
İşıq-rəng
dili,
əyar
və
eyhamlarla,
mənalandırma və dəyərləndirmə ilə poetik mətn –
forma
qurmaq
P.Qəlbinurda
poetik
müəyyənlikdir. Onun poeziyasında “standartlar”
yoxdur – ənənə onun şeir mətnində bir yolluq
“əriyir”, alt qata keçir.
“Bu gecə qanımda işıq sayrışır” şeirində işıq
(obraz) şair nəzərində həm şairin qanında, həm də
kainatın dibsiz dərinliyindədir. Şair hər hansı bir
bəyaz nöqtəsidir bu kainatın, ulduzlu, işıqlı
qalaktikanın. Bu işıq sürətli qalaktikada yer, insan
bir nöqtədir, işıq sürətində görünən bir nöqtə. Bəs
sönən ulduzlar nədir? Şair nəzərində sönən
ulduzlar “hər axan ulduz” ölən dilidir. O, ruha
düşəndə, işıq olanda təzədən alovlanacaq. Şair
metafora,
metonimiyalarla,
təkrir
və
bənzətmələrlə əyaniliyi, panoramı gücləndirir. O,
folklor
gələnəkləri
əsasında
orijinal
bənzətmələrdən forma biçir, Xətai ruhuna düşən
ulduzdan danışır. Xətai qılıncı ulduz dilimidir şair
nəzərində. Lirik qəhrəman o qədər işıqlanır ki,
“ürəyi içində qızıl balıq olur, arzuları nağıl
danışır, şair adiliyi aşır, qeyri-adi şərtiliklər
əsasında emosiyasını canlandırır, bu qızıl balığın
– ürəyin gözündən düşən yaş “cüt çaxmaq
daşıdır”, babaların oyanan – daş ruhudur.
P.Qəlbinur ənənəvi yolla gedib bunları ifadə
etməyib,
tamamilə
yeni
yolla
–
orijinal
bənzətmələr yolu ilə gedib – təzə olub. Şair dəfə
bir mənalandırma, fəlsəfə – mühakimə, anlayış
doğurur. Reallıqla ehtizaz vəhdətləşib şairi
özündən edir, onu işıq aləminə bürüyür və Allah
76
nuruna, göylərə qovuşdurur. Şair, onun lirik
“Mən”i poetik bir gecəni belə yaşayır, ruh arzu ilə
olanda yanqu başlayır, daşlar çaxılanda arzular
yanır, onda şair qələmi yaza da bilir işıq dilində,
kəsə də bilir zülmət gecəni. Ulduzlu göylər onun
and-aman yeri, ulduzlar, göylər köməyi olur:
Bu gecə canımda işıq sayrışır
Bu gecə qanımda ulduz qaynaşır.
Özüm,özüm boyda işıldaquşam
Ürəyim içimdə qızıl balıqdı
Mənə arzuları nağıl danışır...
Gözündən cüt damla yaş bağışlayır,
Yaş deyil, cüt çaxmaq daş bağışlayır.
Ürəkdən gələn göz yaşı əslində şairin özü,
ruhudur
–
onu
mürəkkəb
təşbehlərlə,
metaforalarla başqa varlıqlara ötürür.
P.Qəlbinur şeirlərin adları ilə də oxucunu
düşündürür: “Ürəyə dünyanın işığı sığar”...
Şair şeir boyu analitik, mühakiməli bədii
təhlillər aparır, mövzuya, predmetə aid olanın
keyfiyyət hissələrini göstərir. Qəlbində doğan
suala kifayət qədər yaxından cavab vermək
istəyir, lakin adekvat cavabı verməkdə aciz bilir
özünü; biz tama olsa-olsa hissələrlə, qismən
yaxınlaşırıq. İşıq sualının cavabı şair nəzərində
nədir? Şair bu suala metaforalarla, təşbehlərlə
yaxınlaşmaq istəyir:
Nədir işıq?!
Mən