97
induksiya edərək “sitokin kaskadını” işə salırlar. YP zamanı massiv bakterial toksemiyası və
antigen stimulyasiyası (qarın boşluğunda irinli-destruksiya ocağı, peritoneal ekssudat, paralitik
dəyişikliyə uğramış bağırsaq), cərrahi müdaxilə, anestezioloji ləvazimat, güclü antibiotiklər
kombinə olunmuş ikincili immunçatmazlığa səbəb olur və SİRS mexanizmlərini işə salırlar. SİRS
proqressivləşərək sistem və üzvlərin funksiyasını pozur, nəticədə ağır sepsisə və septik şoka gətirib
çıxarır.
Qandakı sitokinlərin hədəfi ilk növbədə endotelial hüceyrələr olduğundan, sitokinlərin
konsentrasiyası fizioloji həddi keçdikdə damar endotelinin sistem zədələnməsi baş verir, ilk
növbədə bu zədələnmə mikrosirkulyator səviyyədə olur və damardaxili sistem iltihabına gətirib
çıxarır. Peritonit zamanı immun sistemin vəziyyəti damardaxili iltihabın bədxassəli forması kimi
xarakterizə oluna bilər: endotelin geniş sahəli zədələnməsi iltihabəleyhinə güclü reaksiyaya səbəb
olur, aktivləşmiş cavan neytrofillərin sayı artır, damar divarının keçiriciliyinin artması hesabına
damar mənfəzindən leykositlərin miqrasiyası artır, leykositlər hüceyrəarası substratları zədələyir və
bütün bunlar poliorqan disfunksiyaya səbəb olur.
SİRS-in açar mediatorları makrofaqlar, neytrofillər və T-hüceyrələrin ekstremal faktorlara,
yaxud hüceyrənin zədələnməsinə cavab olaraq sintez etdikləri iltihablehinə sitokinlərdir. SİRS
zamanı iltihabi reaksiyanın başlanmasında CD14 – proteini önəmli rol oynayır. Bu protein qram-
mənfi və qram-müsbət bakteriyaların endo- və ekzotoksinləri ilə birləşərək iltihablehinə sitokinlərin
sintezini induksiya edirlər. SİRS-in inkişafında TNFα, İL-1, İL-2, İL-6, İL-8, trombaksan A2,
trombositlərin aqresiya faktoru, leykotrienlər önəmli rol oynayır. Bir sıra eksperimental və klinik
tədqiqatlar peritoneal mayedə və qanda İL-6 miqdarının yüksək hədlərdə olmasını göstərmişdir.
Peritonitli xəstələrdə qanla müqayisədə peritoneal ekssudatda TNFα və İL-6 konsentrasiyasının
yüksək olması bir daha təsdiqləyir ki, sitokinlərin plazmadakı səviyyəsi onların yerli statusunu tam
əks etdirmir.
Sitokinlərin qanda səviyyəsinin artması kapillyar yatağın endotelini zədələyərək
trombositlərin aktivasiya faktorunun sintezini artırır. Bu axırıncı isə öz növbəsində trombinin və
oksigenin aktiv formalarını azad edir, oksigenin aktiv formaları isə endotelidən trombositlərin
aktivasiya faktoru sintezini stimulə edir, monositlərin və makrofaqların TNFα və İL-1β
sekresiyasını induksiya edirlər. Beləliklə, zəncirvari reaksiya işə düşür, peritonit zamanı qanda
TNFα və İL-1β miqdarı çox yüksək hədlərə çatır.
Bir çox müəlliflər YP zamanı qanda iltihablehinə (TNFα, İL-1β, İL-2, İL-6) və
iltihabəleyhinə (İL-4, İL-10) olan sitokinlərin eyni zamanda kəskin artmasını göstərirlər.
А.В. Болотников (2008) qarının ağır müştərək travması zamanı baş verən peritonitlərdə
qanda İL-1a, İL-1β, İL-6 və TNFα səviyyəsinin artması fonunda İL-2, İL-4, İL-10 miqdarının
azalmasını göstərir.
Digər müəlliflər YP zamanı sitokin disbalansının iltihablehinə sitokinlərin (TNFα, İL-1β,
İL-1α, İL-6, İL-8, İFNγ, İL-2) artması və əksinə iltihabəleyhinə sitokinlərin (İL-4, İL-10) azalması
hesabına baş verdiyini göstərirlər.
В.П. Гаврилюк с соавт. (2010) YP zamanı xəstələrdə xəstəxanaya daxil olarkən
iltihablehinə sitokinlərin – TNFα, İL-1β, İL-6, İL-8 miqdarının artması ilə yanaşı iltihabəleyhinə
olan sitokinlərin – İL-4 və İL-10 konsentrasiyasının dəyişmədiyini göstərirlər.
SİRS-lə və sepsislə ağırlaşan istər YP, istərsə də digər irinli-septik proseslərdə sitokin profili
göstəricilərinin dəyişilməsi barədə olan məlumatların ziddiyyətli xarakter daşıması sitokin
şəbəkəsinin vəziyyətinin qiymətləndirilməsində çətinliklər yaradır.
Sitokin disbalansı fonunda aparılan cərrahi müdaxilə iltihab mediatorlarının sintezini daha
da artırdığından, onlar təkcə infeksiya törədicilərinə deyil, orqanizmin öz hüceyrələrinə, o cümlədən
immunkompotent hüceyrələrə də zədələyici təsir göstərirlər. Beləliklə, əməliyyatdan sonrakı dövrdə
sitokin disbalansı, immun sistemin zəifləməsi və antioksidant pozğunluqlar hesabına
immundepressiya halı dərinləşir, YP-nin klinik gedişinin ağırlaşmasına və qeyri-qənaətbəxş
nəticələrin alınmasına zəmin yaranır.
YP-nin müalicəsində işlədilən bir çox ənənəvi dərmanlar, sulfanilamidlər, iltihabəleyhinə
olan və antihistamin preparatlar, kortikosteroidlər, antimetabolitlər və sitostatiklər də
98
immunçatmazlığın inkişafında neqativ rol oynayırlar. Nəzərə almaq lazımdır ki, YP-nin
müalicəsində əməliyyatdansonrakı dövrdə orqanizmin həyati vacib üzvlərinin funksiyasının
dəstəklənməsi məqsədi ilə antibiotiklərdən və digər çoxsaylı dərman preparatlarından istifadə edilir
və belə bir şəraitdə əlavə olaraq təyin edilən səmərəliliyi sübut olunmamış hər bir preparat xeyirdən
çox zərər verə bilər.
İmmunterapiyanın məqsədi məqsədyönlü şəkildə orqanizmin rezistentliyi faktorlarına təsir
etməklə immun həlqələrdə baş verən pozğunluqları tənzimləməkdir. Bu məqsədlə əsasən monositar
– makrofaqal sistemə təsir edən mielopiddən, likopiddən və polioksidonidən, T-limfositlərə
məqsədyönlü təsir göstərən T-aktivindən, immunofandan mielopiddən, ozonlaşdırılmış
perftorandan və qlutorsimdən [13,14] istifadə edilir. Təbii farmpreparatlara lizosim, sintetiklərə
dekaris, metilurasil, likopid, qalavit və s., immun sistem mediatorlarına isə timus preparatları,
mielopid, splenin və interferon aiddir.
Hazırda YP-nin kompleks müalicəsində immuntənzimləmə məqsədi ilə timus vəzdən alınan
peptid preparatlar – T-aktivin, timalin, timozin geniş işlədilir. Lakin bu preparatlar peptidlərin
ayrılmamış qarışığı olduğundan onları standartlaşdırmaq qeyri-mümkündür və məhz bu səbəbdən
də sadalanan preparatların geniş tətbiqi məhdudlaşır.
Cərrahların çoxu YP-nin kompleks müalicəsində immun status pozğunluqlarının
tənzimlənməsi məqsədi ilə timus preparatlarından, mielopiddən, immunofandan, likopiddən,
qalavitdən və ribotandan istifadə edirlər.
Son illər tərkibində omeqa 3 yağ turşuları daxil olan “Omeqaven” preparatının tərkibinə
daxil olan omeqa 3 yağ turşuları iltihablehinə və iltihabəleyhinə olan sitokinlərin balansını
tənzimləyərək immunparaliçin qarşısını ala bilir.
Son illər immun sistemin inkişafında və fəaliyyətində sitokinlərin bioloji rolunu nəzərə
alaraq bir çox irinli-septik xəstəliklərin, o cümlədən YP-nin müalicəsində sitokin şəbəkəsinə
məqsədyönlü təsir edən immuntənzimləyici müalicədən – sitokinoterapiyadan istifadə edilir.
İmmuntənzimləyici terapiyanın yeni istiqaməti olan sitokinoterapiyanın əsasında hüceyrələrarası
qarşılıqlı əlaqələrin mediatorları olan sitokinlərin hüceyrə və toxuma səviyyəsində təsir göstərərək
hüceyrəarası kaskad reaksiyaları işə salması, orqanizmin adaptasiya imkanlarını spesifik və təbii
rezistentliyini artıra bilməsi durur. Sitokin preparatlarının prinsipial mühüm və fərqli cəhəti bu
preparatların artan ümumi immundepressiyanın qarşısını alaraq digər pozitiv klinik effektlərə səbəb
olmalarıdır. Sitokinoterapiyanın aparılmasında əsas məqsəd sitokin disbalansını aradan qaldırmaq,
iltihablehinə və iltihabəleyhinə olan sitokinlər arasındakı tarazlığı bərpa etmək və sitokin balansını
idarə etməkdir.
Beləliklə, ədəbiyyat icmalından göründüyü kimi YP-nin patogenezində və müalicəsində bir
çox məsələlər tam həllini tapmamışdır. Peritonitin müalicəsində həllini gözləyən vacib
məsələlərdən biri də qarın boşluğunda toksiki məhsulların mənbələrinə patogenetik təsir
göstərməklə bu metabolitlərin produksiyasını azaltmaq, neytrallaşdırmaq və xaric edilməsini
sürətləndirmək, lokal olaraq iltihabi prosesin davam etməsinin qarşısını almaq və yerli immuniteti
gücləndirməklə sitokin balansını tənzimləmə məqsədilə daha səmərəli vasitələrin axtarışıdır.
ƏDƏBİYYAT
1.
Abdinov E.Ə., Həsənov M.C. Peritonitin etioloji faktorlarından asılı olaraq peritoneal eksudatın
toksikliyinin və lipidperoksidləşməsi məhsullarının miqdarının dəyişməsi // Sağlamlıq, 2006, № 2,
s. 37-41
2.
Abdullayev İ.Ə. yayılmış irinli peritonitlər zamanı poliorqan çatmamazlığının inkişaf
mexanizmi. Azərbaycan Respublikası Təhil Nazirliyi, Naxşıvan Dövlət Universiteti. Elmi əsəsrlər.
Təbiət elmləri və tibb seriyası
3.
Abdullayev İ.Ə. Peritonitlər (etiologiyası, patogenezi, modelləşdirilməsi, klinikası,
diaqnostikası və müalicə taktikası) Bakı 2010, 487s.(Monoqrafiya)
Dostları ilə paylaş: |