27
ABSTRACT
Shukur Mammadov
OPPOSITIONIST POLITICAL-LEGAL JURISDICTIONS AT THE FINAL STAGE
OF FEUDALISM IN THE SAFAVID EMPIRE
In Safavi empires a number of oppositionist political-legal jurisdictions spread in the XVI-
XVII century. These turned against the official Islamic ideology as heavy feudal abuse. One of
those jurisdictions was the jurisdictions of movement called “Nogtavis”. Nogtavis were selected
their gualities
as free pantheist, free-thinking.
The ruler Shah Abbas I distributed the official Qizilbash ideology knowing danger. The work
of “Tarixi alamaraye Abbas” of Isgandar Munsi, famous Azerbaijanian historian gives necessaru
information about Nogtavi movement.
РЕЗЮМЕ
Шукюр Мамедов
ОППОЗИЦИОННЫЕ ПОЛИТИКО-ПРАВОВЫЕ УЧЕНИЯ В СЕФЕВИДСКОЙ
ИМПЕРИИ НА ПОСЛЕДНОМ ЭТАПЕ ФЕОДАЛИЗМА
В ХВЫ-ХВЫЫ веках в империи Сефевидов распрастранился ряд оппозиционные
политико-правовые учения, котарые были направлены против как тяжелой феодальные
експлуататация, так и официальной исламской идеологии. Одним из учений было так
называемое
двихение
«ноктавия»,
сторонники
которого
отличались
своими
пантеистическими, свободомыслями и решительностью. Правитель Сефевидов Шах Аббас,
оценивая опасность оппозиционные учение «ноктавия» в отношение идеологии
«кызылбашов», тяжело расправился с ними. О движении «ноктавия» содержит ценное
сведение труд известного азербайджанского историка И.Мунши «Тарихи-аламарайи-
Аббаси».
NDU-nun Elmi Şurasının 19 oktyabr 2017-cı il tarixli qərarı
ilə çapa
tövsiyyə olunmuşdur. (protokol № 02).
28
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2017, № 6 (87)
NAKHCHIVAN STATE UNIVERSITY.
SCIENTIFIC WORKS, 2017, № 6 (87)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2017, № 6 (87)
İSMAYIL HACIYEV
AMEA Naxçıvan Bölməsi
ismayil_haciyev@yahoo.com
UOT: 94(479.24)
NAXÇIVAN MƏRKƏZLƏŞDİRİLMİŞ AZƏRBAYCAN
SƏFƏVİ DÖVLƏTİ DÖVRÜNDƏ (1501-1736-Cİ İLLƏR)
Açar sözlər: Azərbaycan, Naxçıvan, Səfəvilər dövləti, kəngərli qəbiləsi, dövlətçilik
Key words:
Azerbaijan, Nakhcivan, Safavids state, kangarli tribes, statehood.
Ключевые слова: Азербайджан, Нахчыван, государство Сефевидов, племя
кенгерлинских, государственность
Səfəvilər dövləti Azərbaycanın dövlətçilik tarixində yeni səhifə açmışdır. Bu hər şeydən
əvvəl Səfəvilər dövləti tərəfindən Azərbaycan torpaqlarının vahid dövlət tərkibində birləşdirilməsi
ilə bağlı olmuşdur [1, s.3]. Azərbaycanın tanınmış səfəvişünas alimi O.Əfəndiyev yazırdı ki,
ölkənin şimal və cənub vilayətlərinin Azərbaycan Səfəvilər dövləti daxilində siyasi baxımdan
birləşməsi feodal Azərbaycanının tarixində yeni mühüm mərhələ hesab edilməlidir. Dövlət,
xüsusilə
də şəxsi feodal torpaq mülkiyyətinin inkişafı, bununla birbaşa əlaqəsi olan mərkəzləşdirilmənin
güclənməsi də yeni cəhətlər idi [6, s.254].
Səfəvilər dövləti quruluşuna, inzibati-ərazi bölgüsünə, idarə sisteminə görə dövrünün ən
güclü imperiyalarından biri olmuşdur. Dövrün tədqiqatçısının yazdığı kimi, “XV yüzilliyin sonu,
XVI yüzilliyin əvvəllərində Səfəvi dövləti Azərbaycan cəmiyyətinin mükəmməl bir siyasi təşkilatı
kimi meydana çıxmış, mərkəzi hakimiyyət orqanları təşkil edilmiş və onların arasında səlahiyyət
bölgüsü həyata keçirilmişdir. İnzibati-ərazi bölgüsü prinsipləri əsasında yerli idarə orqanları
yaradılmış və nəticədə ali hakimiyyətin bütün ölkə ərazisində həyata keçirilməsi təmin olunmuşdur”
[3, s.3]. Dövləti mövcud olduğu dövr ərzində onun banisi olan Şah I İsmayıl (1501-1524) və onun
varisləri I Təhmasib (1524-1576), II İsmayıl (1576-1577), Məhəmməd Xudabəndə (1577-1587), I
Abbas (1587-1629), I Səfi (1629-1642), II Abbas (1642-1666), Süleyman (1666-1694), Sultan
Hüseyn (1694-1722), II Təhmasib (1722-1732) və III Abbas (1732-1736) idarə etmişdilər.
Naxçıvan Səfəvilər dövlətinin qurulmasında və onun sonrakı tarixində mühüm rol
oynayaraq, Azərbaycan dövlətçiliyinin varisliyinə vacib töhfə vermişdir. Əvvəlcə Qaraqoyunlu,
sonra Ağqoyunlu dövlətlərinin tərkibində olan Naxçıvan Səfəvilər dövlətinin yaradılmasına
köməklik göstərmişdir. Naxçıvanın əhəmiyyətini bilən Ağqoyunlu Əlvənd Mirzə də qüvvələrini ora
yönəltmişdi. Əsas hadisələr isə Naxçıvanın şimal-qərbində, Şərurda cərəyan etmişdi. İsmayıl ilə
Əlvənd Mirzə arasında həlledici döyüş burada 1501-ci ilin ortalarında baş vermişdi. Əlvəndin 30
minlik ordusuna qarşı İsmayılın 7 min nəfərlik qoşunu dayanmışdı. Ona görə də döyüşün taleyi
üçün sərkərdələrin hərbi bacarığı və yerli əhalinin tərəflərə münasibəti vacib rola malik idi. Hər iki
üstünlük İsmayıl tərəfində olduğundan o, qələbə qazanmağa nail oldu. “Əlvənd döyüş meydanından
Ərzincana qaçmaqla güclə canını qurtardı. Qızılbaşlar zəngin qənimətlər (atlar, dəvələr, qatırlar,
qiymətli mallar, qızıl və gümüş ləvazimat və s.) ələ keçirdilər. Elə həmin-1501-ci ilin payızında,
Şərur qələbəsindən dərhal sonra İsmayıl təntənə ilə Təbrizə daxil oldu və şahlıq taxt-tacına
yiyələndi” [3, s.44-45]. Naxçıvanın şah İsmayılın tərəfində olması Murad Mirzə üzərində 1503-cü
ildə qələbə əldə edilməsinə də təsir etdi.
Naxçıvan XVI əsrdən etibarən ustaclu qızılbaş qəbilələrinin bir qolu olan kəngərli
qəbiləsinin irsi ölkəsi hesab olunurdu. Bu Naxçıvanın həm Səfəvi, həm xanlıq, həm də Rusiya
imperiyası dövrünün ilk mərhələsində dərin izlər buraxmışdı. Kəngərlilərin bir hissəsi Şah İsmayılın
vaxtında diyarı türkmənlərin hücumundan qorumaq üçün Xorasanın Nisa dairəsinə köçürülmüşdü.
Şah Abbasın dövründə qəbilənin başçısı və Naxçıvan hakimi Maqsud Sultan Kəngərli-Ustaclı idi.