- 105 -
Şəkil 8. İran. Kargird mədrəsəsi (1444-cü il). Bəzək fraqmenti
5.
Məscid pəncərəsində həndəsi ornamentin qrafiki analizi.
Göstərdik ki, məscidin planda ölçüləri bir-birindən azacıq fərqli olan rəngli şəbəkələrlə
örtülmüş dörd ədəd pəncərəsi var (şəkil 7). Şəbəkələrin qoyulma tarixi məscidin özünün inşa
tarixindən nisbətən sonrakı dövrlərə aid olsa da məscid şəbəkəsinin həndəsi ornamentin qrafiki
analizini bu memarlıq formasının quruluşunun tarixinin daha qədim olmasından xəbər verir.
Həndəsi ornamentin qrafiki analizi göstərir ki, bu ornamentin qurulması kvadrat və bu mənbədən
yaranan mütənasiblik sisteminə əsaslanır. Həndəsi ornamentin quruluşu inşa tarixi XV əsrin
ortalarına aid olan (1144-cü il), indi İran ərazisində olan Kargird mədrəsəsinin həndəsi quruluşu ilə
eynidir [4. S.32 və S. 36] (şəkil 9).
Şəkil 9. Ordubad rayonu, Köhnə Kotam kəndi və İrandakı Kargird mədrəsəsi.
Həndəsi ornamentin qrafiki analizi
- 106 -
Köhnə Kotam kəndinin xarabalıq halında olan tikinti qalıqlarının tədqiqi köstərir ki, burada
Orta əsrlərə aid olan inşaat materialların demək olar ki, hamısından istifadə olunmuşdur. Belə ki,
inşaat marerialları, daş, çiy kərpic və möhrə hörgülərindən ibarətdir. İranda Kargird mədrəsəsinin
həndəsi bəzək forması ilə eyni olan Köhnə Kotam yaşayış məskənində olan məscid pəncərələrində
şəbəkələrin həndəsi ornamentinin quruluşu kvadrat və bu mənbədən yaranan mütənasiblik sisteminə
əsaslanır.
ƏDƏBİYYAT
1.
Məmmədzadə K. M. Azərbaycanda inşaat sənəti. Bakı, 1978. 208 s.
2.
Naxçıvan abidələrinin ensiklipediyası. Naxçıvan, 2008, 519 s.
3.
Бакланов Н. Б. Изучение строительной техники каки один из способов датировки
памятников, ГАИМК №7-8, М., 1932
4.
El-Said, Ayşe Parmn. Qeometrik konsepts in İslamik Art. London, 1976. 153 s.
ABSTRACT
Gadir Aliyev
RESEARCH ON ARCHITECTURAL PATTERNS OF KOHNA
KOTAM VILLAGE OF ORDUBAD DISTRICT
The architectural patterns of Kohna Kotam village is examined in this article which belongs
to medieval ages and located in Ordubad district. Relics of architectural patterns are researched
separately which
consist of bricks, mohrah, natural stone and etc materials.
Meantime, architectural structure of the mosque is examined which is an only building
remained undamaged till the contemporary era. The graphical analyze of the geometrical patterns
from the windows of the mosque are explained. It is clarified that geometrical proportion of this
ornament belongs to square and proportion system which is emerged from this source. Its
geometrical form is similar to Kirgard madrasah which is located in Iran.
РЕЗЮМЕ
Кадир Алиев
ИССЛЕДОВАНИЕ АРХИТЕКТУРНЫМ ОБРАЗЦАМ КОХНА (СТАРЫЙ)
КОТАМ ОРДУБАДСКОГО РАЙОНА
В этой статье рассматриваются архитектурные образцы деревни Кохна (старый)
Котам, которые относятся к средневековым эпохам и расположены в Ордубадском
районе. Изучаются реликвии архитектурных узоров, которые состоят из кирпича, глины
стены грязи, природного камня и др. материалов.
Между тем, рассматривается архитектурная структура мечети, которая является
единственным зданием, которое осталось неповрежденным до современной эпо-
хи. Объясняется графический анализ геометрических узоров из окон мечети. Проясняется,
что геометрическая пропорция этого орнамента принадлежит к квадратной и
пропорциональной системе, которая возникает из этого источника. Его геометрическая
форма похожа на медресе Киргард, которое расположено в Иране.
NDU-nun Elmi Şurasının 27 fevral 2018-ci il tarixli qərarı ilə çapa tövsiyyə
olunmuşdur. (protokol № 06).
- 107 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2018, № 1 (90)
NAKHCHIVAN STATE UNIVERSITY.
SCIENTIFIC WORKS, 2018, № 1 (90)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2018, № 1 (90)
MƏMMƏD ƏLİYEV
Naxçıvan Dövlət Universiteti
mamed@mail.ru
NAZƏNDƏ MƏCİDLİ
Bəhruz Kəngərli Muzeyi
UOT:069
BƏHRUZ KƏNGƏRLİNİN BƏDİİ İRSİ XALQIMIZIN MİLLİ SƏRVƏTİDİR
Açar sözlər: Muzey, fond, ekspozisiya, eksponat, kolleksiya, sərvət
Key words: Museum, Fund, Exposition, Exhibits, Collection, Wealth
Ключевые слова: Музеум, фонды, зкспозиции, зкспанаты, каллекции, богатства
Zəngin tarixi ənənələrə malik olan klassik Azərbaycan təsviri sənətinin ən görkəmli
nümayəndələrindən biri də Bəhruz Kəngərlidir. XX yüzillikdə milli peşəkar rəngkarlıq sənətinin ilk
addımları Bəhruz Kəngərlinin adı ilə bağlıdır.
Bəhruz (Şamil) Şirəlibəy oğlu Kəngərli 1892-ci ildə Naxçıvanda anadan olmuşdur. Atası
Şirəlibəy gimnaziyada təhsil almış, fars və rus dillərini mükəmməl bilmiş, Şərq və Avropa
ədəbiyyatı ilə tanış olmuş açıq fikirli ziyalı idi. Bəhruz kiçik olarkən anası Əziz xanım dünyasını
dəyişir, atası Sirin xanımla ailə həyatı qurur. Şirəlibəy oğlunu rus-tatar məktəbinə qoysa da eşitmə
qabiliyyətini itirən Bəhruz təhsilini yarımçıq qoymalı olur və o öz səssiz dünyasına qapılaraq
şəkillər çəkməyə başlayır. Atasının abunəçisi olduğu “Molla Nəsrəddin” jurnalında dərc olunan
karikaturalarla tanış olur, şəkillərin üzünü çıxararaq rəsm sənətinin sirlərini öyrənərdi. Gənc
Bəhruzun bu istedadını görən ailənin yaxın dostları Şirəlibəyə məsləhət görürlər ki, oğlunu Tiflis-
dəki rəssamlıq məktəbinə göndərsin. Beləliklə, Tiflisə gələn Bəhruz 1910-cu ildə o vaxtlar “Qafqaz
Zərif Sənətləri Təşfiq Cəmiyyəti” nəzdində fəaliyyət göstərən rəngkarlıq və heykəltaraşlıq
məktəbinə müvəfəqiyyətlə imtahan verib həmin məktəbin tələbəsi olur. Onun qəbul olduğu məktəb
o zaman bütün Zaqafqaziyada yeganə rəssamlıq məktəbi idi. Bəhruz “ İncəsənəti təşfiq cəmiyyəti”
nəzdindəki məktəbdə oxuyan ilk azərbaycanlı tələbə idi. Əgər Bəhruz bəyin tələbəlik dövrü işlərini
dəyərləndirməli olsaq onda ilk növbədə onun ruhunda gəzdirdiyi yaratmaq istedadını müəllimləri-
nin faydalı göstərişləri ilə özünəməxsus gerçəkçi-realist görüntülərə çevrildiyini, yaddaqalan bədii
tutum aldığını söyləməliyik.
Gənc rəssamın tələbəlik illərində Gürcüstanın mənzərəli guşələrində, Qara dəniz sahillərində
eləcə də yay tətili zamanı doğma yurdun gözoxşayan guşələrində olması, onun təbiətlə təmasının
onu gözəl mənzərə ustası kimi yetişməsinə təkan verdi desək yanılmarıq[¹].
Təhsill illəri Bəhruz Kəngərlinin yaradıcılığına böyük təsir edir. Bəhruz məhz təhsil
zamanı peşəkar rəssamlıq təcrübəsi qazanır. Məhşur rus rəssamları Petrov, Makovski, Polenovun
və O.Şmerlinqin yaradıcılıq ənənələrindən faydalanan Kəngərli təhsil illərində rəssamlıq sənətini
dərindən öyrənir. Tiflis illərində rəssam sənətin sirlərinə tam yiyələnmək məqsədi ilə böyük səy
göstərir. Onun məşhur Yunan və Roma mövzusunda çəkdiyi işlər, akademik rəsmlər rəssamın
sərbəst rəsm vərdişlərinə tam yiyələndiyinə örnəkdir. Bəhruz Kəngərlinin çəkdiyi bir sıra rəsmlər
“Apollonun başı”, “Laakon”, “Antik fiqur”, “Baş əzələləri” kimi rəsmləri buna misal ola bilər.
Bəhruz Kəngərli çox qısa ömrünün Tiflis mərhələsini uğurla başa vuraraq doğma Naxçıvana
qayıdır. Təbii ki, ilk növbədə özünü yaradıcı bir rəssam kimi təsdiqləmək, sonralar ölçüyəgəlməz
hesab olunacaq vətənpərvərliyini sərgiləmək üçün...Gənc rəssam hələ tələbə ikən Naxçıvanda öz
əsərlərindən ibarət sərgi təşkil etmişdi. Sərgilərində o həm xalqı çəkdiyi rəsm əsərləri ilə tanış edir,
onların mövzusu haqqında izahlar verir, həm də insanlar arasında incəsənətlə bağlı söhbətlər aparır,
yerlilərinin bu yöndə maariflənməsi üçün xüsusi səylər göstərirdi. Akademik M.C.Cəfərovun
xatirəsində Bəhruz Kəngərlinin 1919-cu ildə balaca bir otaqda nümayiş etdirdiyi sərgisi haqqında