- 167 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2018, № 1 (90)
NAKHCHIVAN STATE UNIVERSITY.
SCIENTIFIC WORKS, 2018, № 1 (90)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2018, № 1 (90)
ZEMFİRA BABAYEVA
Naxçıva Dövlət Universiteti
UOT:785
BƏSTƏKAR ÖMRÜ
Açar sözləri:
bəstəkar, musiqi, yaradıcılıq, pedoqoq, mədəni həyat
Key words:
Composer, music, creativity, teacher, cultural life
Ключевые слова: композитор, музыка, творчества, педагог, культурная жизнь
Əgər, Azərbaycan professional musiqisinin banisi Üzeyir Hacıbəyov, Müslüm
Maqomayev, Asəf Zeynallı olmuşdursa, Azərbaycan musiqisinin sonrakı inkişafına Qara Qarayev,
Fikrət Əmirov, Cövdət Hacıyev, Soltan Hacıbəyov, Niyazi kimi sənətkarlar yeni vüsət vermişlər.
Bu inkişaf ictimai – siyasi həyatın, məişətin, mədəniyyətin yaxın günümüzə kimi gəlib çatmasında
mühüm rol oynamışdır.Beləliklə, onlar öz əsərlərində tarixi hadisələri, qəhrəmanları, onların
göstərdikləri igidlikləri, yasadıqları dövrün gözəl və mənfi xüsusiyyətlərini vəsf etmişlər .Bu gün
onlar musiqi dilini tətqiq etməkdə, müxtəlif dövrlər haqda məlumat almaqda bizə kömək edir.
Onların sayəsində musiqinin gözə görünməyən sehrli qüvvəsi isə hamiya bəllidir.
Azərbaycanın ayrılmaz tərkib hissəsi olan Naxçıvan bəstəkarlıq məktəbi də bu inkişafdan
geri qalmamışdır.
Naxçıvan diyarı musiqi sənətinə Ramiz Mirişli, Nəriman Məmmədov, Məmməd
Məmmədov, Rəsid Məmmədov, Məmməd Ələkbərov, Səidə Məmmədova kimi bəstəkarlar bəxş
etmişdir. Bu mənada Naxçıvan bəstəkarlarının böyük və zəngin təməli vardır.
Sizə söhbət açacağımız - Naxçıvanda yaşayıb yaradan bəstəkarlardan biri də Kamal
Əhmədovdur.
Musiqi təhsilini Naxçıvanın ilk musiqi məktəbi olan 1 saylı musiqi məktəbində alan Kamal
Əhmədovun ilk ixtisas müəllimi, tanınmış bəstəkar Rəşid Məmmədov olmuşdur.Onun dərs aldığı
müəllimlər sırasına nəzər saldıqda görürük ki, onlar dövrünün tanınımış ifaçıları və bəstəkarları
olmuşlar.Muğam dərsini Yusif Əliyev, Vahid Axundov, nəzəriyyə üzrə isə Məmməd Ələkbərovdan
dərs almışdır.
Gözəl musiqi duyumuna malik olan bəstəkar 1967-ci ildə Asəf Zeynallı adına Musiqi
Texnikumunun tar sinfinədaxil olur.Muğamin sirlərini Əhməd Bakıxanovdan alan Kamal
Əhmadovun bəstəkarlıq sənətinə marağı artır. O illərdə fortepiano üçün yazdığı kiçik prelüdlər və
pyeslərlə yaddaşlarda qalmışdır.
Qetd
etmək yerinə düşər ki, K.Əhmədov yaradıcılığında fortepiano
mühüm yerlərdən birini
tutmuşdur.
Təhsil illərində yaradıcılığı səmərəli olmuşdur.Fortepiano üçün ``Prelüdlər``, ``Prelüd və
fuqalar``, ``Mövzu və fuqalar``, ``A capella`` və ``Fuqa`` əsərləri bunun bariz nümunəsidir.
Tar üçün Sonata, truba üçün Mövzu və variasiyalar, simli ansambl üçün üçsəsli Kvartet və
başqa əsərləri onun professional yaradıcılğının ilk dövrünü əhatə edir.
1973-cü ildə Asəf Zeynallı adına Musiqi Texnikumunu başa vuran bəstəkar ilk pedoqoji
fəaliyyətinə Ordubad şəhər Uşaq Musiqi məktəbində başlayır .Yüksək yaradıcılıq xüsusiyyətinə
malik olan Kamal müəllim, məktəbdə uşaqlardan ibarət Xalq çalğı alətləri orkestri təşkil edir.Eyni
zamanda bəstəkarlıq fəaliyyətini davam etdirərək xalq mahnı və rəqslərinin orkestr işləmələrini
ərsəyə gətirir. Pedoqoji fəalijjətini həm Ordubad, həm də Naxçıvan musiqi məktəblərində davam
etdirdikdən sonra 1976- cı ildə Ü.Hacıbəyov adına Azərbaycan Dövlət Konservatoriyasının Xalq
Çalğı Alətləri şöbəsinə daxil olur.Həm ifaçılıq, həm də yaradıcılıq xüsusiyyətinə malik olan
bəstəkar fakultetiv olaraq, professor Afaq Cəfərovadan dərs almağa başlayır. Konservatoriyada
təhsil illəri onun yaradıcılığına müsbət təsir göstərir. Bu illərdə fortepiano üçün “Prelüdlər”,
- 168 -
”Sonata ” yazır.Bəstəkar yaradıcılığına olan həvəs və istedad onu 1979-cu ildə fərq imtahanı
verərək Bəstəkarlıq fakültəsinə gətirib çıxarır. Xoşbəxtlikdən Xəyyam Mirzəzadənin sinfinə
düşməsi K.Əhmədov həm həyatında, həm də yaradıcılğında böyük dönüş yaradır.X.Mirzəzadə həm
klassiklərin, həm Azərbaycan bəstəkarlarının, həm də fərdi üslubunu yaratmaqla ona kömək edir.
Konservatoriya təhsil illəri onun yaradıcılığını hərtərfli inkişafına təsir göstərir. Vaxtaşırı
keçirilən konsertlərdə, bəstəkar əsərlərindən ibarət proqramlarda onun da əsərlərinin ifası bəstəkara
müəllim və tələbələrin rəğbətini qazandırmışdır. Bu illəri onun yaradıcılığının zirvəsi hesab etmək
olar. Diplom işi olaraq simfonik orkestr üçün yazdığl “Cavid” simfonik poeması ona böyük uğur
gətirir. Bu nailiyyət ona ikiqat uğur, ikiqat müvəffəqiyyət gətirir. 1988-ci ilin oktyabr ayında Krım
vilayətinin Soçi şəhərində “Cavid ” simfonik poemasının premyerası olur.Əsər Ukrayna SSRİ- nin
xalq artisti AQ.F. Qulyanskinin idarəsi ilə Krım Dövlət Orkestrinin ifasında səslənmişdir. Əsərin
premyerası üçün müəllif Yalta şəhərinə dəvət olunmuşdur.( C.Vəzirov.J .Əliyeva.``Sözlü nəğməli
Naxçıvan`` səh.132)
“Sovetski Krım” qəzetinin 4 oktyabr l988 – ci ildəki nömrəsində Krım Dövlət
Filarmoniyasının musiqi redaktoru “Cavid ” simfonik poemasının uğurlu ifasından bəhs edərək,
K.Əhmədovun yaradıcılığını qısaca təhlil etmişdir. Həmyerlimizin bu nailiyyəti bizə qürur hissi
yaşadır.
1985-ci ildə Azərbaycan Konservatoriyasının bəstəkarlıq fakültəsini bitİrən Kamal
Əhmədov Naxçlvana gələrək, burada yeni yaranmış Dövlət Filarmoniyasının Xalq Çalğı Alətləri
Orkestrinin bədii rəhbəri və baş dirijoru vəzifəsində çalışır.Beləliklə bəstəka yaradıcılığının əsas
hissəsini Xalq Çalğı Alətlərin Orkestri ilə bağlamış, orkestr üçün müxtəlif səpgili əsərlər yazmış,
transkripsiyalar və işləmələr etmişdir.
1985-ci ildən 1997-ci ilədək Naxçıvan Dövlət Filarmoniyasının Xalq Calğı Orkestrinin
yaranmasında və formalaşmasında böyük əməyi olan Kamal Əhmədovun idarəsilə bu orkestr Bakı
və Sumqayıt şəhələrində dəfələrlə müvəffəqiyyətli konsertlər vermişdir. Xalq Çalğı Alətləri
Orkestrinə dərindən bələd olan Kamal Əhmədov bir sıra orkestr əsərlərı yazmışdır . Bu baximdan
``Cəngi``, ``Süita``, ``Naxçıvan eskizləri``, ``Rekviyem`` kimi əsərləri özünəməxsusluğu ilə
fərqlənir.
Xalqimizin 20 yanvar müsibəti- Azərbaycanın azadlığı uğrunda həlak olmuş vətən
övladlarının xatirəsinə həsr olmuş ``Rekviyem `` Xalq Çalğı Alətlərinin janr xüsusiyyətini aşaraq
simfonikliyi ilə diqqəti cəlb edir. Qeyd edək ki, bu əsər ``Şəhidlər `` simfoniyası adı ilə televiziya
və radio dalğalarında səslənmişdir.
Bəstəkarın yaradıcılığı orkestr üçün yazdığı əsərlərlə məhdudlaşmır.O, eyni zamanda
vokal, instumental və simfonik əsərlərin də müəllifidir.Müxtəlif səpgili pyeslər, priüdlər,
variasiyalar, sonatalar və başqa əsərlərin müəllifidir. Bu mənada fortepiano üçün ``Prelüdl``,
``Fuqalar``, ``Variasiya``, tar üçün ``Sonata``, simli alətlər üçün ``Kvartet`` və başqa əsərləri təsirli
və orijinaldır. Kamal Əhmədovun vokal musiqisinə müraciəti, gözəl nəğmələrin və xor əsərlərinin
yaranmasına bir vəsilə olmuşdur.Belə ki, onun qarışıq xor üçün yazdığı ``Fuqa``və bir birini təkrar
etməyən dəyərli melodiyaya malik olan mahnilarında doğma vətən, onun füsunkar təbiəti, xalqin
mənəviyyatı və duyğuları tərənnüm olunur. Bir şeyi
qeyd etmək yerinə düşər ki, K.Əhmədovun
mahnı yaradıcılığı demək olar ki, Naxçıvanlı şairlərin şeirlərinə yazılmışdır.M.Nəsirlinin sözlərinə
``Qoşa çinar``, Y.Şirinoğlunun sözlərinə ``Saçlarıma qar da yağdı``, ``Gözlərinə baxan zaman``,
Q.Maqsudovun sözlərinə ``Zəfər mahnısı``, ``Anacan``, Rövşən Əhmədin sözlərinə ``Milli
ordumuz``, Tərifə Şükür qızının sözlərinə ``Bənövşə`` digər şairlərin sözlərinə ``Unutdun məni``,
``Kaman səsi``, ``Bu yolu seçdim``, ``Keşmə`` və başqa mahnılar bəstələmişdir. ``Azadlıq
türküsü``, ``Sevdam``, mahnılarının sözləri isə bəstəkarın özünə məxsusdur.
Kamal Əhmədovun simfonik janrda yazılmış maraqlı əsərlərindən olan ``Simfoniya ``
musiqisevərlər tərəfindən çox böyük maraqlq qarşılanmışdır.
Keçmiş
SSRİ
Bəstəkarlar
İttifaqının üzvü olan Kamal Əhmədov uzun illər Azərbaycan bəstəkarlar İttifaqı, Naxçıvan
Bəstəkarlar Təşkilatının məsul katibi olmaqla yanaşı, Naxçıvan Dövlət Universitetində pedoqoji
fəaliyyətini də davam etdirir. Kamal Əhmədovun musiqi irsi geniş və çoxşaxəlidir. Özünəməxsus
yaradıcılıq üslubu olan bəstəkar, müxtəlif yaradıcılıq mərhələlərindən keçərək, daha da inkişaf