Ülviyyə SƏLİMBƏYOVA
400
Lakin bu zahidlik tərkidünyalıq deyildi. İslam tərkidünyalığı qəbul etmir,
sadəcə olaraq dünyaya aludəliyi pisləyir.
Tədricən zahidlər, xüsusilə Həsən Bəsri, Rabiə el-Ədəviyyə, Darani kimi
Bəsrə zahid və abidləri arasında Allaha təmənnasız məhəbbət, yaxınlıq
həsrəti motivləri intişar tapır və bu keyfiyyətlər sufi ideologiyasının əsasını
təşkil edir. "Təsəvvüfə dair traktat" (Risalə fi-t-təsəvvüf) əsərinin müəllifi
Qüşeyri (vəfatı-1072) göstərir ki, bu səviyyədə sufulik yalnız hicrətin II
əsrindən sonra eydana çıxmışdır.
“Təsəvvüf” və “irfan” kəlmələri fərqli cür səslənsə də, eyni bir mənanın ça-
larlarını ifadə edir. Həqiqət bundan ibarətdir ki, irfansız təsəvvüf, təsəvvüfsüz
irfan yoxdur. İrfan – “Haqqa doğru yönələn yol” - barəsində nəzəri bilikləri
əhatə etdiyi halda, təsəvvüf - bu yolun təcrübi olaraq keçilməsidir. Əsl irfan elə
İslam dininin batinindədir. Qəhhar Allahın /c.c./ sözü olan möcüzəli Qurani-
Kərimin mütəşabih ayələrinə nəzər salsaq, bu fikrin nə dərəcədə doğru olduğu
göz önündə canlanar. Belə ki, Qurani-Kərimdə rast gəlinən “liqaullah” (Allahın
görünüşü), “rizvanullah” (Allahın razılığı), “vəchullah” (Allahın siması),
“əsmaullah” (Allahın adları) kimi ifadələr, vəhy, merac, Adəmin yaradılışı,
məad və ruh kimi mövzular əslində sırf irfan və təsəvvüf məsələləridir. Təsadüfi
deyildir ki, bir çox sufilər məhz bu mövqedən çıxış edərək kəlam və kitablarında
Quran ayələrinə sıx-sıx istinad etmişlər.
Sufi mütəfəkkirləri Quran ayələrinin təvilini - rəmzi alleqorik mənalan-
dırılmasını mühüm hesab edirlər. Bəzi sufi mütəfəkkirləri göstərirlər ki,
Allaha /c.c./ doğru aparan yolun son məntəqəsi təkcə Allahı /c.c./ müşahidə
etmək deyil, həm də Allahda /c.c./ fənaya uğramaq (fəna), Allahda /c.c./
əbədilik qalmaqdır (bəqa). Allaha /c.c./ qovuşmaq, O-nda əriyib yox olmaq
(hülul) ideyası da sufilikdə geniş yayılmışdır.
Təsəvvüfün tarixi boyunca yaşayıb-yaratmış görkəmli şəxsiyyətlərin
yaradıcılığı onların Qurani-Kərimə nə qədər böyük əhəmiyyət verdiklərini
göstərir. Təsəvvüf şeyxləri sayılan və irfanda rəy sahibi olan şəxsiyyətlər öz
əsərlərini Quran-Kərimin ayələri ilə başlamağı, öz fikirlərini Quranla
əsaslandırmağı özlərinə fəxr bilmişlər. Hətta məşhur ariflərin bəziləri
müqəddəs kitaba təfsir yazmışlar: (məsələn, Mühyiddin ibn Ərəbi, Sədrəddin
Konyəvi, Xacə Abdullah Ənsari, Molla Sədra, Feyz Kaşani və b.).
“Sufi” sözü hicri II əsrin sonlarından (miladi VIII əsrin sonu) etibarən
tarix səhnəsində göründüyü halda, bu sözə paralel mənaları ifadə edən
Təsəvvüfün təkamül yolu və bədii ədəbiyyatda işlənmə tarixi
401
“irfan”, “mərifət” və “arif” anlayışları bundan çox-çox əvvəllər
məsumlarımız tərəfindən incələnmişdir.
Təsəvvüf elmi digər islami elmlər kimi günümüzə qədər müxtəlif mərhə-
lələr keçərək gəlib çatmışdır.
Sufilik yarandığı zamandan bəri onun mahiyyətini açmaq, mənasını
sözlə ifadə etmək və söz qəlibində ona tərif vermək cəhdləri olmuşdur.
Sufilik, bəlkə də barəsində ən çox danışılan və mahiyyətinə ən çox tərif
verilən məfhumlardan biri sayıla bilər.
İstər sufilərin özləri, istərsə də sufiliyin tədqiqatçıları sufiliyə minlərlə tə-
rif verməyə çalışmışlar. Deyilənlərə görə, hicri V əsrdə yaşamış Əbu Mənsur
Əbdülqadir Bağdadi sufiliyin 1000-dən artıq tərifini toplayıb, əlifba sırası ilə
sıralamışdır. Sührəvərdi isə “Əvarifül-məarif” kitabında bir neçə nəzəriyyəni
qeyd etdikdən sonra yazır: “Təsəvvüfün mahiyyəti barəsində şeyxlərin
sözlərinin sayı 1000-dən artıqdır. Amma bunlar söz baxımından fərqli, məna
baxımından oxşardırlar”. Əlbəttə, əslində sufiliyə verilmiş təriflərin sayı
bundan qat-qat çoxdur. Elə təkcə Əbu Nəim İsfahaninin “Hilyətül-Övliya”
əsərində sufiliyin izahı baxımından 1000-dən artıq nəzəriyyəyə rast gəlmək
mümkündür.
Məşhur şərqşünas Nikolson isə “İslam sufiləri” kitabında hicri V əsrə
kimi yazılmış mənbələrdəki təriflərdən səksən yeddisini qeyd edərək yazır:
“Ərəb və fars mənbələrində sufiliyə çoxlu təriflər verilmişdir. Amma
bunların hamısını araşdırdıqdan sonra deməliyik ki, sufiliyə dəqiq tərif
vermək mümkün deyildir”.
Təsəvvüfün şərhində fikir ayrılıqları olsa da, düşünürük ki, Cüneyd
Bağdadi tərəfindən təsəvvüfə verilən tərif daha qənaətbəxş hesab
olunmalıdır. Belə ki, onun (Cüneyd Bağdadi) haqlı qənaəti olaraq:
“Təsəvvüf əvvəldə zikr, sonra vəcddir. Daha sonra isə nə ondan, nə də
bundandır”. “Təsəvvüf o kəsin yoludur ki, sağ əlində Allahın kitabını
(Qurani-Kərimi), sol əlində Müstəfa sünnəsini tutmuş olsun və bu iki şamın
işığında yol getsin ki, nə şübhə girdabına, nə də bidət zülmətinə düşməsin”.
Zün-nun Misridən sufilərin kim olduğunu soruşanda cavab verdi: “Onlar
Allahı hər şeydən üstün bilərlər, Allah da onları hamıdan üstün bilər”.
X əsrdən etibarən bütün Yaxın Şərq ədəbiyyatında olduğu kimi, Azər-
baycan ədədbiyyatında da vəhdəti-vücud fəlsəfi düşüncəsi bir sıra
şairlərimizin poeziyasında ideya-mövzu qaynağı oldu.
Ülviyyə SƏLİMBƏYOVA
402
Azərbaycan ədəbiyyatında Babakuhi Şirvani, Nizami Gəncəvi, Mahmud
Şəbüstəri, İmadəddin Nəsimi, Dədə Ömər Rövşəni, İbrahim Gülşəni, Şah
İsmayıl Xətai, Məhəmməd Füzuli, Əbulqasim Nəbati, Həmzə Nigari kimi
sufi şairlər ölməz əsərlər yaratmışlar. Azərbaycan sufiləri arasında ilk dəfə
divan yazan sufi Babakuhi Bakuvi olmuşdur. Azərbaycan dilində yazan
İzzəddin Həsənoğlu da tanınmış sufi şeyxlərindəndir.
XII-XVI əsrlərdə ilk növbədə islam dininin hegemonluğu ilə müəyyənlə-
şir. Bütün müsəlman Şərqində olduğu kimi, Azərbaycanda da zülmə,
istibdada qarşı mübarizə din pərdəsi altında gedirdi. Orta əsrlər Şərqində
əzilən kütlələrin ruhuna yaxın olan məzhəb və təriqətlər içərisində xüsusilə
şiəlik və sufizmin, eləcə də sufizm əsasında yaranmış hürufiliyin
Azərbaycanda güclü olduğunu görürük.
Həmin dövrdə Şərq dünyasını lərzəyə salan böyük xalq hərəkatlarının
ideoloji əsasında şiə ideyalarının və təsəvvüfün dayandığı müşahidə edilir.
Bu dövr sufizmində bəzən hürufiliyə aparıb çıxaran vəhdəti-vücud fəlsəfi
nəzəriyyəsinin üstünlüyünü xüsusi qeyd etmək lazımdır. Bu nəzəriyyənin
banisi olan İbn Ərəbiyə görə, bütün kainat, mahiyyət (zat) etibarilə
dərkedilməz (transstendent) olan Mütləq Varlığın ad və atributlarının
təcəllisindən ibarətdir. Maddi aləmi Mütləq Varlığın ayrı-ayrılıqda heç bir
dəyəri və varlığı olmayan solğun bir əksi, kölgəsi (əş-şəbəh) adlandıran İbn
Ərəbi öz-özlüyündə kiçik dünya (əl-aləm əs-sağır) və kainatın yığcam
forması (əl-muxtasar) olan insanın İlahi ad və atributların daha adekvat əksi,
yaradılışın və Mütləq Varlığın öz-özlüyündə dərk edilməsinin son məqsədi
olduğunu göstərirdi. [1, 12].
Burada bir qədər haşiyəyə çıxaraq, vəhdəti-vücud fəlsəfi nəzəriyyəsinin
banisi İbn Ərəbi haqqında məlumatlarla tanış olmaq yerinə düşərdi.
Mühiyə əd-din Əbu Əbdallah Məhəmməd ibn Əli əl-Hatimi əd-Tai-İbn
Ərəbi (1165-1240) Pireney yarımadasında o dövrün sivilizasiyalarının
kəsişdiyi, fəlsəfə və mədəniyyət mərkəzi olan Əndəlisin Mursiya şəhərində
anadan olmuşdur. Erkən yaşlarından müsəlman dindarlığı ilə əhatə olunmuş,
ənənəvi təhsil almış, artıq 19 yaşında ikən sufi olmuşdur. Əsərlərində başına
gəlmiş nurlanmalar, bəzən isə keçmiş dövrlərin sufiləri və peyğəmbərləri ilə
görüşləri barədə çoxsaylı məlumatlar var.
Tədqiqatçılar onun yaradıcılığında Əl-Qəzali ideyaları ilə əlaqələri və
polemikanı üzə çıxarmış, 14 yaşında ikən onun Kordovada İbn Rüştlə ilk
Dostları ilə paylaş: |